魚屋

Open Now

Now Closed

中午時份無帶飯 又叫同事帶我食好野唔係佢地 我真係唔知魚屋係咁正😍有個型仔壽司師父即場整$98海鮮丼連麵鼓湯 完全質素勝於價錢！大大隻蝦刺身同海膽 入口鮮甜無比象拔蚌爽甜 墨魚更加係全部之最 勁有咬口👍🏼呢碗平民化海膽丼 絕對比得上其他日式餐廳值得推介再推介👍🏼👍🏼👍🏼

呢間系一田超市內的“魚屋”，幫襯的客人多，但bar枱座位卻少試左佢地燒魚定食，佢地每日有幾款魚揀，一般我會食貴d的花魚($78)定食或平d的西京燒比目魚($48)定食，貪呢兩種魚比較少骨，魚當然唔系即燒，而系點菜後會用焗爐翻熱奉上，入味但又唔會太乾身，味道卻相當唔錯!定食配漬物，白飯，同大碗味噌湯，好足料的:有三文魚骨，昆布，羅白，味道幾濃，水準頗佳，而且份量亦夠，男士都食得飽足！！

放工突然想食日本野,走到荃灣廣場諗起一田呢間魚屋呢間其實唔知可唔可以稱得上叫餐廳, 因為佢係開放式自助既, 有小小似Food court.但係係坐bar枱, 可以望住佢地整你個餐!次次經過都好多人,有d難搵位。注意:冇人mark位架, 所以你只可以企起食緊既人側邊,俾d『壓力』佢!今次都好多人,所以住開左第二邊:由於坐開左, 所以叫完野食佢俾左呢個我地:今次叫左海鮮丼同花魚set!每個set都有個湯跟, 而且好足料(有三文魚架)個花魚燒得好好味,佢跟個好似kimchi既配菜都好正!海鮮丼都好豐富, 咩都有d(但可能係因為晚上食, 今次覺得唔太新鮮)Overall:冇加一,又平!又大件! 性價比高!會再食!

早上11點幾經過荃灣一田，呢間餐廳岩岩開門，平時見佢勁多人插針都插唔入，而家岩岩開門得幾個客人，幾大都衝去食！好多即日師傅推介叫左個海鮮丼，等左15分鐘終於到 個湯送既，好大碗，同碗飯一樣大！足料，有好多魚肉三文魚肥厚，海膽甜唔腥，蝦大隻彈牙，美中不足係個豉油wasabi!!!竟然係包裝，如果係新鮮非包裝既就very good啦！好多人叫燒物，又唔貴，下次試下先！

路過一田，原來有幾間食肆，行過呢間魚屋，有餐叫，亦有飯盒買見到呢盒三文魚，包裝精緻，整成朵花咁，忍不住食，未到食飯時間，就當下午茶三文魚油脂和魚肉均衡，厚切食落好有口感，異常甘香，魚油係口內令三文魚更鮮嫩滑溜，囗留餘香，共有六片三文魚刺身，又大塊又厚肉，$38我覺得好抵！

平日食飯時間好多人叫左比目魚餐，最平先來個面士魚湯，大大碗，好多煮淋的紅蘿蔔及昆布，好新鮮，魚肉冇骨，不過只有少少魚肉，味精不多 之後來比目魚同飯比目魚焗的，一來有點涷，叫廚師再焗熱 比目魚肉有點硬，可能焗耐了，比目魚皮好香脆彈牙，新鮮魚肉鮮甜，魚骨也充滿魚油香，加檸檬突出魚鮮香，總括不錯

有時假日都想簡單的吃個午餐，我會選擇去呢間位於一田既魚屋。此餐廳的食材真的很新鮮，而且好味道，通常都坐滿位的。海鮮丼，主角當然是三文魚+蝦刺身。呢度的三文魚夠新鮮，而且非常肥美厚肉，食入口非常有口感，三文魚是由師傅定時製作，所以確保非常新鮮，夠香而且又甜，再加上此餐廳用的米是從日本訂過來的，非常大粒而且好有口感，香濃的飯味+新鮮三文魚，絕對不是一般的便當，是高水準之作品。

荃灣一田百貨內的漁屋由於位置不多，經常大爆滿。難得一次我一條友，見到空位即坐。我點左個四式丼，有海膽、牡丹蝦、帶子同三文魚，仲附送大大大碗的三文魚味噌湯，都係$138。牡丹蝦勁大隻而且鮮甜爽口，海膽有四塊，而鮮甜唔會有腥味，而且保持到外型完整，唔會溶到一pat pat，證明好新鮮。三文魚同帶子質素都唔錯，整個海鮮丼性價比極高。除左一路食一路有人係你身後面等位、勁大壓迫感同坐高椅子唔係坐得咁舒服外，其實為左個海鮮丼都值得再三到訪。

但一個人食個快lunch, 就算幾咁食家，都好似難逃連鎖快餐茶記之命運。突然想食魚生飯，一般港式日本餐廳都六十尾再加一。 成日夜晚路過都見坐無虛席，就想試試。喺一田內bar枱設計，窄窄嘅位，好適合一眾孤獨美食家。一個人嘅話要先去收銀位俾錢再入座會先上味噌湯，係成碗拉麵碗咁大，內有大量紅白蘿白，好飽肚比預期中賣相更吸引，蝦同海膽勁足料，反而成本較低嘅帶子得兩少片。最突出係食蝦，淨蝦肉都虎口伸直咁大隻，非常新鮮，蝦頭超多蝦羔，大滿足。海膽雖不及北海道海膽，但咁嘅價錢咁嘅分量，性價比算高。三文魚肉質都好新鮮。帶子就失色咗少少。但整體嚟講好抵食。

I was shopping around at Yata Tsuen Wan and noticed this small Japanese restaurant... It was jam packed. And we saw people line up to buy take-out. We waited for almost 10 minutes before we got ourselves two seats. Without a doubt, we both ordered the fatty salmon don and the grilled halibut. The fatty salmon don was definitely beyond our expectations. It was perfectly seared and was also topped with cheese. The combo also came with soup which was great. Will definitely visit again to try other

荃灣返工⋯成日都去荃灣廣場既一田超市既魚屋成日都滿客今日男人要求去試下都要等一陣位，不過大家都係食完就走好快就有位啦我點左鯖魚套餐好juicy既魚飯夠熱個湯有三文魚同蘿蔔片好足料不過吳係好熱⋯好快就凍啦男人嘅四色丼佢表示好滿意海膽好新鮮⋯無臭味三文魚好肥味蝦好似好新鮮⋯勁多膏男朋友食得好開心可以再來啊⋯呢個質素都價錢合理

很喜歡吃鯖魚呢。在這店吃過數次了，每一次都覺得好滿足。一份鯖魚比手掌還要大塊，魚肉很嫩很滑，外皮被焗熱而脆卜卜，配上碟上附送的醬菜，很讚。湯是三文魚面鼓湯，不咸不淡，喝一口沒有突出的三文魚鮮味。但是湯的料很多，有大量洋蔥，數塊三文魚還有雞肉呢。而炸紫薯餅，吃下口是滿滿的紫薯餡加夾雜了栗子碎，好好吃。唯一不滿的是客員不會主動加熱紫薯餅，所以在送上後如不熱，可要求店員加熱。

今日黎到荃灣廣場行街街，跟住行行下就見到呢間位於超市入邊嘅日式料理舖頭，正當我係度睇緊有咩好食嘅時候就發現左呢個小食，經店員介紹原來呢個係吞拿魚嘴。自問真係第一次見咁樣嘅吞拿魚嘴，雖然間野賣98蚊一塊，我都即刻買左黎試下，經過左15分鐘嘅等待，吞拿魚嘴原來食得喇，肉質雖然唔係好嫩滑，但係我覺得份量絕對非常足，最岩同朋友一邊食一邊傾下偈，打發時間咁。

又過了忙碌的一星期, 今天全日上班後, 牛先生來接我, 本來想去看中醫, 但他問著問著朋友, 朋友沒有回覆, 想著去荃灣廣場邊吃邊等, 結果吃完了也沒覆。荃灣廣場我想到了吃一田內的一家日本料理, 有時我會一個人來這裡買東西, 曾想吃這間, 但因一個人不好意思, 又不知怎樣ORDER, 所以就沒試過。在初期這間是沒什麼人的, 我甚至可以在一田買生蠔, 在這間的座位吃, 現在就不行了, 不但坐滿滿, 也有不少人等位呢。我們要先找位, 有位才能ORDER, 否則食物出了沒有位不知怎算, 所以一人來的就比較不便。點了餐後就等叫號碼, 如果坐比較遠的位置, 店員會給一個儀器, 號數到了就會震動來提示顧客回來取餐。我們就選了收銀機前的兩個位等, 見到有四味丼A餐B餐, 似乎很吸引呢。A餐$138 有三文魚、赤蝦、帶子、海膽+湯+飯B餐$158有三文魚、赤蝦、長腳蟹、海膽+海+飯有段小插曲, 我們見到旁邊三人家庭只有兩個位, 但站著的那個人站在另一邊的, 沒有在等我們這邊的意思, 不知怎的, 我們等的人吃完要走時, 忽然有個女的來想搶位, 不知哪裡來的, 我立即說這位是我們正等緊的, 結果原來那女的

為何星期一總是那麼忙碌？！下午三點，連一口水都未喝過，不停在處理事務。必須要吃一頓豐富的早午餐減減壓。每次經過魚屋都是撐著大肚腩，想吃也沒有多餘空間。今天終於難得空著肚，可以一試。有個小黑板，寫着數款如鯛魚的特選魚類，一問之下，原來只用來烤，不做刺身。既想食刺身，又想試試他們的烤物，最後點了一個海膽刺身飯餐及一隻鹽燒赤蝦。套餐附送一個靚湯，配料十足，味噌適中，不會過鹹，另有魚蓉的鮮味，吃時要小心，不能急，否則容易吞下魚骨。紅白兩種蘿蔔都很甜，以日式湯來說，絕對高質有誠意。刺身飯材料多，但不是樣樣好。三文魚、飛魚籽、白象拔只屬普通，海膽表面有水份，不夠新鮮，甜味有但不夠濃，當中比較好的有赤蝦、帶子、魚籽漬及魷魚。相信碗內所有食材都是隔夜貨，因為當時店員剛剛簽收了幾箱鮮貨。至於飯粒，軟硬濕度適中，沒有醋酸味，份量亦足夠。招牌燒物……燒赤蝦，可能受商場限制，師父用風櫃將食物烤熟，好處當然是方便。其實市面很多燒臘店已改用風櫃燒乳豬，可能已不知不覺品嚐過這種處理方法的風味。燒蝦上枱時，一陣鹹香撲鼻，這陣香氣已令我急不及待要把刺身飯擱在一邊，蝦殼給撒上一把鹽，燒得乾脆微焦，風櫃做出來的另一好處是，