魚蛋佬

Open Now

Now Closed

落機通常係下午六點左右，返到西灣河就會經過太安樓，如果見到一條排隊嘅人龍，就知道魚蛋佬今日有開門，Yeah! 😍如果見唔到條人龍，就即係你唔好彩，佢冇開門 😩我好好彩唔使排好耐就有得食。當我食物到手之後，條隊又有十個八個啦。真好彩，唔使哂太多時間排隊。魚蛋 $7 有5粒，軟硬適中，唔係超彈牙嗰種魚蛋。牛丸 $11 有3大粒，鍾意食晏啲質地嘅呢個就啱晒。齋 $7 一串加埋啲沙嗲汁，超好味。最低消費少過 $10，就可以品嚐嘅 平價美食。

有野做嚟開太安樓附近 見多人排隊就諗住試一試…..結果好後悔…浪費左錢事少….浪費食野quota 事大！魚蛋好普通 可能唔係我最愛食嘅陳皮魚蛋但都唔緊要 普通嘅都ok 個汁可以搭救….但個汁又唔辣 又唔香 又唔野味 食完果口果陣口乾嘅味精感飲左半枝水加一枝茶 都未散另外 女伙記/老闆娘 任人打尖….完全唔知排隊嚟做咩 唔好話唔好食 好食都可以就咁衝埋去叫 真係一次就夠…..專程諗住嚟太安樓食好野就可以直接skip 呢間 隔離大把野揀 除非你夠惡 /識得老婆唔使排隊 唔係真係唔好浪費時間同quota!

【西灣河太安樓美食—魚蛋佬🔥】💫上個月經常會去太安樓附近 但係好神奇地每一次去都冇開😂聽友人講呢間老細開鋪頭好睇心情 唔知真定假🫡摸左好多次門釘之後 終於俾我食到！由細細個已經聽過魚蛋佬既大名🙈但係從來都冇食過👀因為每次經過都係大排長龍…雖然依家都係咁 但係今次終於肯的起心肝！👅排隊人龍keep住好多人！因為每個人買既時候都要等老細製作 所以略嫌條隊去得唔夠快 最後等左大概半個鐘頭先成功買到✅💫呢間鋪頭賣魚蛋、齋、牛柏葉、腸仔、牛丸墨丸！我就揀左兩串最出名既試！【魚蛋】$7魚蛋都算彈牙 但比較普通 聽講質素唔係咁穩定 有時會食到腍啲既 所以可能睇運氣啦👀不過其實呢間最大既招牌係醬汁！🥜沙爹汁！！！好濃郁！又唔會死鹹！【齋】$7齋既口感有啲似厚版豆皮 索曬醬汁都好難唔好味既😝個汁有少少辣的 所以唔食得辣既朋友可能要留意下啦ʕ •ᴥ•ʔ💫值得一讚既係支籤好細心咁調轉左黎插👍🏻避免左大家食既時候俾竹籤既尖尖整親個嘴 細節位加分💯味道方面中規中矩 但秘製醬汁真係非常濃郁 吸收曬日月精華 總括黎講經過可以一試 但係就唔洗特登黎食(●°u°●)​ 😋：7.5/10性價比：9/10回頭指數：7.5/

魚蛋佬在太安樓甚有名氣, 上回來的時候, 剛巧遇上其休息, 無綠一試, 是次終於嚐到太安樓人氣店之一的魚蛋佬。17:35 來到魚蛋佬, 可能天雨關係及時間尚早, 人龍未成。看了看餐牌, 由於款式不多, 故每款點了一份。幸好來得早, 買完後人龍開始出現, 感覺幸運。等待期間, 見靚女熟練地把食材多番沾上醬汁, 拆竹籤及裝盒, 交來時更提醒小心燙手, 十分細心和窩心。1) 牛柏葉 $122) 墨魚丸 $113) 牛丸 $114) 齋 $75) 魚蛋 $76) 芝士腸 $67) 腸仔 $4食材是正常貨色, 牛柏葉乾淨爽口, 是眾多最能掛汁的食材, 亦是我的推介。墨魚丸和牛丸大大粒算彈牙, 齋是麵筋不是酸齋, 魚蛋是細細粒不會發大的那種, 芝士腸脆皮, 腸仔就是普通的腸仔, 無甚特別。不過何解正常的貨色也有這麼多人推介? 想必就是為了那個醬汁! 沙嗲醬汁味道濃郁, 香辣惹味, 當中帶點微甜, 食到最後還忍不住喝了一口, 回味無窮。

大家好！我係好鍾意去旅行既艾文！今次黎到太安樓，我地分別去左魚旦佬、太安樓牛雜、八一蛋包の料理、小老板 。宜加下晝5點幾，魚旦佬已經有成20人排隊，排隊時仲不停有人喺後面跟隊，4~50人真係閒閒地。排左15分鐘左右就到艾文和旅伴，我地揀左魚旦(HK$7)、齋(HK$7)、牛丸(HK$11)。佢既秘製沙嗲汁真係超惹味！魚旦彈牙，沙嗲汁好味！齋就入面仲有好多水，唔係好吸到汁。牛丸彈牙而且牛味十足，唔係平價丸，而且解凍得好，冇雪味，好味！總括黎講，好味，價錢亦算實惠，個汁直情想撈啖麵食埋佢。不過就略嫌要排隊等太耐，如果可以幸運地喺未係咁多人時幫襯就最好啦！

好耐無嚟太安樓，所以今晚專登返嚟食宵夜，一來就搵返魚蛋佬。今次買咗兩串魚蛋，一串墨丸，一串牛丸。先講主要的咖哩汁，味道較淡，沒有以前的濃香味亦沒有了以前酸酸甜甜的特別味道，味道同以前相差甚遠，大失水準，而家變得同一般街邊的完全無分別。至於魚蛋，整粒都好硬，無彈牙的口感。牛丸尚算可以，不過都偏硬，反而墨丸咬落去有蒜香味，比較突出。整體嚟講大不如前，跟以前的味道相差甚遠，把排隊的時間花去買其他嘢食更值得。

呢間太安樓食店聽就聽得多，但係一直都未試過。原因係上一次去太安樓嘅時候係下午，呢間舖頭未開門。今次星期六夜晚大約8:00去到已經見到一大條長龍，諗住都係吉下魚蛋應該好快就照排啦。點知都排咗成差唔多30分鐘先買到，老實講咁嘅天氣要排30分鐘一定要好好食先對得住自己。。。我哋買咗芝士腸魚蛋墨魚丸牛柏葉各一串。魚蛋我覺得係好食嘅，墨魚丸都唔錯，芝士腸就普通啦。佢個沙嗲汁係好經典嘅沙嗲汁，老實講係好味嘅，但係又唔係話驚艷或者有啲咩咁特別價錢嚟講佢係平嘅，但係要排30分鐘我就覺得可能會有其他選擇。咁當然今次我哋唔趕時間，亦都唔肚餓，咁30分鐘傾吓偈都OK嘅

#太安樓 😍.🍢 #魚蛋佬 $37 食左4樣 - 魚旦 墨魚丸 牛柏葉 齋魚蛋佬係我心心念住太安樓的店 但又好難先食到 試過幾次一係太早一係咁岩唔開🥺 因為佢好似係晏開舖 所以基本上要晚上先食到佢嘅位置係其中一邊入口位第一間 所以去到遠遠已經見到人龍排緊隊 .大概等了15分鐘到我 今次自己帶了盒去買 醬的味道仍然好味 辣辣地 而且比得大方 可惜今日唔夠熱 所以食落差少少咁 最中意係齋.#太安樓美食之旅 #太安樓美食遊 #太安樓美食系列 #筲箕灣美食 #香港小食系列 #香港小食店

成日睇好多人介紹係太安樓名物，已經收藏左好耐 。平日6點去，咁岩見到唔多人就排隊一試。試左牛柏葉同魚蛋，覺得名過其實。最主要係店員會比好多汁，個汁偏甜，偏杰身，唔辣。但魚蛋冇特別好食，唔彈牙都唔係好索汁，只係做到掛汁。當日排隊，條隊唔長，前面只有4,5個客人。但店員一到傾偈一到慢慢做，最後都排左20分鐘，加上舖頭個馬路邊同舖頭既熱氣，都排到流晒汗。總括係天氣熱真係建議大家唔好專登排隊試，如果冇人排隊可以一試。

呢間野係西灣河簡直應該係無人唔識，任何時間只要佢有開根本都係有人龍，好多野都係買返黎咁我諗都無乜得評價，呢間野既靈魂就梗係個汁啦，佢個汁我覺得好食既位係，唔係死咸果啲野，你係食到個香味，同埋我覺得佢個汁撈烏冬應該都一絕，下次應該要試下先。通常叫得呢間野一定要叫2個最吸汁既野食，齋同牛栢葉，配個汁簡直係完美，如果佢賣埋米線果啲應該都會好好生意，不過無既如果賣埋我諗條龍應該更加長，到時我更加唔駛食到呢間野😂

太安樓的美食，就好像是港島區東區居民的夜市，選擇很多，但但這店絕對是長期人龍店，無論何時來到，都大排長龍。平時見到人龍就會走，但朋友在西灣河區長大，叫我一定要試。小店負責人密密手，行動迅速，人龍也移動得快，排了一陣就到我們了！雖然店名是魚蛋佬，我們沒有叫魚蛋，因為友推介一定要食齋（$7一串）。沙嗲汁其實是靈魂：少少甜、微辣的沙嗲汁，果然是重點，齋件索滿了汁！超惹味！另外我們點了只賣$4的腸仔，是廚師腸！$4一人條，絕對便宜！

山長水遠嚟食，離遠已經見到好長龍，但諗住幾粒魚蛋應該好快掛，行過去望見到老闆手腳勁慢，但見到咁多人排諗住一定好好食啦，啲人仲話連咖喱汁都要飲埋……結果，排咗半個鐘有多，排到我腰酸骨痛，腳都痛埋，終於到我哋買，嗌咗一串魚蛋同埋一串牛丸，滿懷期待咁樣擺落口🥹點知，真係呆咗，兩樣嘢都唔好食，個咖喱汁無味嘅，總之就係難食🥹點解咁難食都咁多人排😭😭😭真係好唔開心😫呢間嘢就算免費我都唔會再擺入口🥺

排咗半個鐘有多，以為人龍等於質素保證，點知一擺落口就發現中晒伏。叫得做魚蛋佬，串魚蛋一啲特別嘅地方都冇，又淋又冇魚味。反而牛丸質地正常，不如改名做牛丸佬。⭐️重點係，個個吹到曉飛嘅沙嗲/咖哩汁（我食完都唔知佢咩嚟）係超級難食，一陣死鹹，只會令人食到好口乾。而且最基本，魚蛋汁有分辣唔辣是常識吧，佢夠膽死得一個汁，冇得揀辣度，成件事非常求其。真心奉勸大家，唔好浪費時間排呢間嚴重過譽嘅舖頭。太安樓大把好嘢食，完全理解唔到點解呢間魚蛋佬會係排最長龍嘅一間舖。

今日過海去做d野，順便去參觀一下太安樓，無理由咁出名，作為一個香港人咁耐都唔去試下。原本想幾間小食店寫埋同一篇，但只能逐間店寫叫左三款小食，牛柏葉、魚蛋同牛丸。魚蛋同之後再食另一間一樣味可能係同一來貨源？佢既咖哩汁係偏甜口味、微微辣，有少少沙嗲味…？我個四歲仔都食到，幾彈牙，都有魚味，算幾掛汁。牛柏葉無乜底味又不太入味，但爽口搭夠。牛丸彈牙有肉汁，幾有牛肉味。間舖長期都有人龍，因為店主要收每個order先即淥所以都等幾耐下。

一行到西灣河太安樓，我就忍唔住湧去試個傳聞中嘅咖哩魚蛋攤🍢！插秧排隊嘅人真係不絕於耳，但見到咁多心水嘅選擇，真係止唔住口水喇！今次試咗兩樣嘢，一串魚蛋同腸仔，話晒咁多年都幾收晏😋。魚蛋好彈齒，每一啖都咬得到新鮮嘅魚肉嘅味道，而家食到$6咁多粒，真係好抵食！咖哩醬汁濃郁得嚟又唔會太過，帶啲微辣，食落真係過癮😌👌。腸仔同芝士腸就更加讚，芝士腸外層有啲脆，入面嘅芝士又夠綿，啖啖都係濃厚芝士香😍。而咖哩麵筋就有份水磨功夫，啖啖都吸滿咗咖哩汁，一咬落去，咖哩香便喺口腔四溢，夠勁食！成間攤位樸素唔花巧，但食物真心實意，加上嗰份人情味，下次行過西灣河真係要再過黎！哩度嘅魚蛋攤位，多年來嘅口碑唔係浪得虛名！👍🎉