鳩砌 (Closed)

自從石門工業區開始變成工商區之後，舊式的工廠飯堂就漸漸的轉營了。再者，因為疫情的原因，有好多都選擇結業，騰出舖位，給一些更有心的食肆去經營。就有去年年尾，原本是茶餐廳的舖位大裝修，裝修後就變成了三間合租，但獨立經營的外賣店。而其中的一間是賣漢堡的，名字很有霸氣，講到明這兒的漢堡包是《X砌》的。這日，一於試下。可以說是任配搭的漢堡，同店名這兩個字好貼切。買了一個漢堡後，我就興高采烈地拿回公司的座位享用了。漢堡由包到肉，都是熱辣的，未正式吃入口已經令我份外的高興。我點的是煙肉芝士豬肉漢堡，加炒雞髀菇配泰式辣醬及著條。即叫即製，熱辣辣地包起給客人拿走，確實會令客人感覺份外的開心。曾經領教過某日式漢堡包店，包子是凍的，半點也吃得不開心。也試過一些許多醬料的，多到漏晒，搞到成個包，成手都係醬，也是不開心的。而我拿著的漢堡，熱辣辣的，而且醬汁，餡料份量都是恰到好處，一打開，就是開心。這兒用的漢堡肉是豬肉，香味絕對不比牛肉漢堡扒差。而且，這是手打的豬肉漢堡，肉味肉汁同樣是非常鮮甜。配上了美式的脆煙肉同醬炒的雞髀菇，味道更是香口。我加了泰式辣醬，既甜又辣的味道，令整個漢堡包變得更惹味。薯條也是令人滿意

🍴煙肉芝士漢堡+紫洋蔥+蛋 $62我最喜愛黃店之一🫶🏻burger 真係無得輸！佢係先揀漢堡，再自己加配料同醬嘅，今次呢個就加咗黃芥末醬同bbq 醬，兩隻味好夾( ´▽｀)講翻個包先，包皮係烘咗先，就算外賣拎到翻嚟都仲脆脆地～煙肉勁厚，仲要有幾塊！而且隻蛋仲係流心，再加埋紫洋蔥同菜唔會太膩，不過要分幾啖咬先咬得到lols

之前寫過泰亞萊，都提過呢度同九砌漢堡、茶星人，三間外賣店share同一個舖面，仲互相支持，用其中一張單買第二間可減三蚊，一次過食三間嘢好興奮🥰漢煲首先要揀個base，再揀加唔加配料，最後㨂埋醬汁，搞掂！呢度係豬肉漢堡，啱曬戒牛一族，包亦可換生菜包專益生餇飲食人士呀！帶漏咗個盒，不過同佢講走膠袋，佢就幫我用一個紙盤裝曬👍🏻漢堡全部即叫即製一律要等二十分鐘，唔想等可以手機落單先！開餐喇！一開仲係熱到落唔到手，食住另加嘅薯條先😆😆薯條好味好脆唔多講喇等咗陣冇咁熱就拎起漢堡食，都好貼心全部漢堡用錫紙包一半，比你拎住食時啲醬呀料呀唔會跌走。今日揀了芝士漢堡底加荷包蛋用沙律醬。包煎到脆邊超有牛油香😍😍豬肉漢堡扒係homemade texture唔會壓碎每啖都仲有咬到肉，煎得香又保留到肉汁！加埋芝士同荷包蛋真係冇得頂，冇叫少醬但又唔會好膩，份量都配得好仔細絕對唔係九砌出嚟！平民價位但超高質，又夠邪惡，今日真係回味無窮一定會翻焯😍😍

上次試左呢間💛良心漢堡店的生酮漢堡之後，一直念念不忘。佢嘅好玩之處真係好似佢個店名咁樣，你想食乜嘢就砌乜嘢落去，加錢咋嘛🤣🤣.加上同事極力推介佢個包面好好味，所以今日我就點左一個招牌芝士豬肉漢堡，加蛋，加焦糖洋蔥，加BBQ醬😜.lunch熱辣辣食，真係不得了，佢個包唔似一般入貨嗰啲包，非常之鬆軟煙靭，唔會係空氣但係亦都唔會好紮實，同埋烘得啱啱好，總之一啖咬落去你會覺得有種幸福感唔知點解🥹🥹🥹🥹.當然佢個包好食應記一功，但係佢啲料都好正㗎，上次講過佢嘅漢堡扒係豬肉整嘅冇牛肉，我覺得豬肉漢堡可以整到咁嫩同咁香口好犀利，佢調味都做得唔錯，黑椒味都幾重，好Juice唔似食一般豬肉或肉餅有時有種豬蘇味😋.另外好多人話必點嘅係佢嘅焦糖洋蔥🧅我就算要加$12 我都要一試究竟！佢用焦糖煮溶咗啲洋蔥，入口好香甜都幾特別㗎，不過我略嫌啲洋蔥少咗啲，如果多啲應該仲正😋.另外加蛋都係一個唔會後悔嘅選擇，可能我鍾意食蛋嘅關係，加煎蛋簡直係令成個漢堡再升級😋加埋BBQ醬成個漢堡味道好Rich ，佢嘅材料咁樣砌得來又好有層次，食嘅時候仲好溫暖所以真係好好食啊啊啊啊！！😍我真係要食神嗰陣時嘅家燕姐上身！😍😍. 太好食

本身睇完馬加貓介紹，一直都想試吓呢一間漢堡，發現咗佢裏面原來有生酮選擇，雖然第一次食應該要揀啲正常啲嘅，但係原來呢個生菜漢堡都幾正，Fresh得來又有啲肉可以食下，啱晒一眾行緊生酮飲食嘅健身仔女，下次要增肌就可以食返正常包。

之前夜晚喺石門行，黎遠已經見到有一間螢光牌喺度發光😦個名仲要係叫9砌咁串？所以試下🤣9砌主打就係豬肉漢堡～而且佢都有好多個選擇，適合啲平時食慣牛Burger，想轉下口味嘅人😂所以佢得煙肉、芝士菇類嗰啲揀。同埋都有一個Keto包，係完全得肉同菜😌～～～～～～～～～～～～～～～～～～～～💕 芝士豬肉漢堡套餐 配 黃芥辣醬、燒烤醬 $61 (9/10)雖然佢叫9砌但又真係唔係9砌個喎！佢同平時我食到嘅豬肉漢堡有啲唔同，佢啲豬肉係非常之嫩，口感唔算話好有豬肉嘅味道但好好味！而且佢呢個包都唔細㗎～一個人食完全係足夠嘅💛芝士味十足，薯條都係炸得非常之香，個人認為非常之抵食呀👅 🧇9仔包 +$18 (8.5/10)呢個包比佢形容係話有愛喺入邊㗎🤣💕味道就有啲似格仔餅嘅，（因為材料都差唔多），但係我覺得比格仔餅好食嘅，因為佢個面冇咁軟，即係唔係麵包底咁🤫如果跟餐咁樣價錢就比較抵，但買就唔算非常之吸引！總結就係，喺石門來講都算係幾難得嘅Burger！而且佢同隔離舖頭一齊買，仲會有優惠～不過留意就係佢淨係做外賣。

行過見到新開嘅小店，外賣咗一個芝士漢堡，加焦糖洋蔥，黃芥辣，同一份薯條新鮮即製，攞緊返屋企嗰陣已經聞到好香 打開個包比我想像中大，個包本身好鬆軟，加上烘咗，burger好juicy一啲都唔乾，焦糖洋蔥好味，同生菜成個包都好夾雖然我攞到返屋企已經凍咗少少，又畀我壓扁左d，但都好正係貴過麥記，但絕對有驚喜， 誠意味道值回票價，會再幫襯，下次想試下加雞髀菇 薯條正常發揮，不過不失分量都幾大，包加薯條女仔可能食唔曬

食過2 次，小店有誠意。對於唔牛既人，豬堡真係一個好好嘅選擇。亦都好大膽～，唔牛既人真係要支持多D。用料好有心機，見到D生菜🥬咁新鮮就知道幾有機心～個bun 亦都好，好過連鎖店個D 包好多不過有2 樣野想提一提：1. 唔知係咪個扒爐set温太高，兩次個包都好燶。我哋重要鬥長命，要健康啲^_^ 如果可以夠熱又唔太燶就perfect 池～2. 漢堡扒調味鹹咗少少🤏，可能怕豬D 味唔及牛。唔使怕，食得豬嘅人，應該唔會搵牛嚟比較，要對自己出品有信心。唔洗勁落鹽同黑椒。又或者多口先前問吓啲客重口多定少👍🏻總之，健康就會行得更遠。希望越做越好👍🏻

晚巿無得堂食，見到呢間新野好多人排隊就買返屋企試試～可能因為新開，餐牌只有豬肉漢堡呢個選擇，但可以加既配料就非常多👍叫左煙肉芝士豬肉漢堡配黃芥末醬，想食少少蔬菜就加左洋蔥同蕃茄。由於係外賣，個包有少少壓扁左，所以影出黎無咁靚，但個包一打開已經香噴噴😌~平時食親漢堡包都會叫牛肉漢堡既我，本身有少少擔心豬肉漢堡會好乾好嚡，但呢個包一咬落去完全無呢個感覺，豬肉漢堡好JUICE，煙肉亦都好香，包既質地係微微煙韌，唔係普通軟身既漢堡包面，而且貼住配料既包面係烘脆左令個包大大加分💕成個包好夾好好味😋