鴻淘士多‧羅太豆花

Open Now

Now Closed

👫去完上水大水管影相，沿路行返去見到塊招牌寫住鴻淘士多·羅太豆花，就快餓暈嘅👱🏽‍♂️👱🏻‍♀️諗都唔諗即刻去左食👅 📢 想知邊到有更多好西食？✨ 吃貨情侶帶你食勻全世界🌏 每日不定時更新喔⭐️一一一一一一一一一一一一一一#薑汁豆腐花 <$12>係咁凍冰冰嘅季節食熱辣辣嘅豆腐花真係好感動😭 食第一啖就食到好滑嘅質感，好重豆味💜 係傳統豆腐花嘅味道呀！薑汁糖水好重薑味，加埋黃糖超級夾！Btw食完走左先知係任食，食完唔夠喉係可以再添㗎！性價比高，下次嚟要試埋個豆漿😆一一一一一一一一一一一一一一👾驚喜指數：❗️❗️❗️（5個❗️最高）一一一一一一一一一一一一一一💑提提你：▪️薑汁同黃糖要自己落▪️豆漿同豆腐花係任食㗎😍

隱世鐵皮屋豆腐花豆漿放題11月秋高氣爽, 最適合郊遊!由上水港鐵站出發向北走, 沿住雙魚河, 接梧桐河, 慢慢下影下相, 欣賞下沿途風光,行大約40分鐘, 見到第一個招牌!行入呢條快景路, 沿牌走.就到啦.如果踏單車, 15分鐘就可以由火車直到單車友補給打卡熱點!!果然是傳統豆品廠的山水豆腐花, 清甜香滑.有豆味, 又健康!!以自助形式加糖水/黃糖, 加幾多你話事! 隨咗豆腐花, 仲可以勁飲凍豆漿!行得熱, 口喝, 或者坐低休息一流!!!無限添飲!!! 隨咗豆腐花, 仲有行山人士至愛的餐蛋麵, 牛腩飯等同其他熟食, 經濟飽肚!! 我今次就試多個<<腐皮卷>>

同朋友由上水踩單車去上水大水管 聽聞附近可以好平任食豆花 就決定去呢度做補給站 休息下先沿路上都有好多指示牌 跟住指示好容易就去到豆花鋪啦間鋪環境好闊落 出面有好多空間 可以停單車再入去食 而鋪頭都有好多位 就算好多人一齊踩單車入黎都冇問題入去$12買個碗先 之後就係「一碗走天下」任食熱豆花 任飲凍豆漿隨意咁去姨姨到裝豆花又得 自己去枱面裝豆漿又得雖然好平 但豆花豆漿質素都唔差 豆花好滑 加上薑汁糖漿同黃糖 唔單止賣相一流 仲更加好味添而豆漿都好飲 但略嫌豆味唔夠但整體而言 12蚊任食豆花真係平靚正

花先生突然話好想食豆腐花，就立即起行！嘩⋯⋯我究竟去左邊？羅湖懲教所？！到喇！到喇！山又長水又遠既城方，以為會無乜人，點知都多人，多車，不論私家車定單車⋯$12一碗，比完錢後就比個碗你去姨姨度裝豆腐花，好香豆味，又夠滑，加埋薑汁糖水同黃糖，好美味啊食食下發現原來可以添加架，只要拎個碗出去就會加豆腐花比你！後來仲發現有兩壺豆漿任斟！因為我地食左豆腐花先飲豆漿，令到豆漿味較淡。依個地方好可愛呀！推介比行山友，車友，單車友黎搵下羅太！我見其他食評話會加豆漿，唔加糖水落豆花度，下次要試下依個食法！

同一大班朋友由上水踩單車🚲到上水大水管附近😆一路都有指示推介羅太豆腐花～同行朋友建議去食超抵嘅豆腐花放題😋 任食熱豆腐花同埋凍豆漿 簡直係踩單車人嘅恩物😍爽 係任食嘅情況下 我雖然食左lunch 但係都食左三碗豆腐花 一碗豆漿😋 身為一個女仔算大食😂 但又估唔到咁抵食嘅豆腐花又幾滑wo 加埋黃糖薑水 正呀！ 不過咁對豆漿有d稀 味唔夠濃 & 甜（不過我食偏甜 可能覺得唔夠豆漿味）不過整體黎講 抵食指數爆燈！

郊遊完最後一個景點黎呢度嘆豆花同豆漿. 其實附近有兩間. 不過睇食評話呢間好d. 所以就黎呢間.$12任食豆花豆漿, 黎到唔係只叫一碗呱. 自己入到去先搵個位, 然後就出去姐姐度比錢, 比完錢佢就會比個碗你. 跟住你拎住個碗就可以自己去斟豆漿或者直接交個碗比姐姐, 佢會幫你裝豆花.行到身水身汗, 拎完個碗正想比姐姐幫手裝豆花, 佢就話要唔要先飲豆漿先呢?eee 又係喎, 咁熱, 飲野先都好喎. 出面有兩壺. 唔駛驚會無貨, 因為見到員工不斷會refill.重點係凍豆漿呀... 爽.... 而且平得黎人家真係有豆味. 絕不馬虎.飲完就出去拎豆花啦. 人家的豆花係配黃糖同埋薑水(?) 但身邊的朋友話溝豆漿同黃糖啦. 我都係第一次咁食. 豆花是熱辣辣的, 豆漿係凍的, 溝埋食果然不錯. 再加埋黃糖. 原來咁先係絕配..呢度的豆花重要超滑. 點可能只食一碗就停手...如是者食完再食多碗豆花, 再飲多碗豆漿先走... 真係超抵同抵賺.朋友食得更多... 再加埋呢度的姐姐都好好人... 有機會要再黎過.

$12任食豆腐花及豆漿，以我的狀況，我可以食到兩碗豆腐花及半碗豆漿，已經夠晒皮。經驗分享吓，我今次先食豆腐花，之後才飲豆漿，但發現後飲豆漿是錯的，應該先飲咗豆漿，之後才食豆腐花。因後飲豆漿會比豆腐花的甜味覆蓋晒的豆味的，所以下次要識飲識食啦

男朋友係單車友，今日一行三人去左踩單車，起點係大圍，目的地就係羅湖！對於女小編黎講，真係覺得自己好熱血😈今日目標之一就係食羅太豆花，之前聽仔仔講過有豆花豆漿放題，我都已經覺得好神奇，$12一個價錢，仼你食，仼你坐，好抵呢🤣一去到，嘩，好多人！全部都係踩單車入黎的！呢度係先付款，之後姐組就會比個碗你，就可開始荳品放題。我地梗係飲左碗凍豆漿先！未算太濃味，但幾滑！ 至於豆花，小編食左3碗，豆有豆味，幾滑架！推介係豆漿加豆花，可以落小D黃糖粉，又可以重D豆漿味，更重要係滑上加滑😍感謝有一個地方比單車友休息下 補下氣！👍🏻

不嬲都話上水有任食豆腐花同豆漿..今日行完山專登過黎試下..$12就可以任食..你買左一碗之後...就可以用同一個碗不停refill...如果鐘意食豆腐花就可以食個夠...👍🏽我一開始飲左一碗豆漿..但我略嫌唔夠豆味..有d普通..豆腐花就係比碗佢裝..再自己加黃糖同薑水..豆腐花都幾滑..雖然得熱食..但又未至於好熱..所以都ok😆最後我都係飲左一碗豆漿..食左兩碗豆腐花...都夠晒😂😂

黎得呢度既有幾類人, 有大部份係專登踏單車入黎既人,因為附近風景靚,另一類人就係專登渣架車老遠入黎食既,因為呢度可以泊到車..最後一類.係最黑人憎既,就係旅行團帶入黎既,因為呢一類人一黎就幾架旅遊巴,佢地會令到O個度完全無晒位!!!!講返呢度,12蚊比左錢後,佢會比個碗你.你可以任食豆腐花加豆漿記住係食完自己再出去用返同一個石碗拎!! 我推介豆腐花加豆漿 MAX... 感覺唔錯呢度豆腐花又滑又香..值得黎既!!!!!!!!!!!!!!!!!!!!!!!!!!!!!記住係唔可以打包.O係度食幾多就幾多.!

新春單車遊，大埔踩到上水， 踩到腳攰， 朋友話帶我去食好野，這可以任食豆腐花，任飲豆漿， 還可以泊單車， 他帶了我去食鴻淘豆品廠，還挑機說：“睇您食得幾多，鬥食得多啦！”懷舊家庭式的經營、門面， 入到去好像返左家咁，舊式的木櫃 ，哈哈！裝有家具用品，舊式直立風扇朋友原來係熟客， 話咁易已經裝左碗豆腐花加黃糖， 我當然跟著做啦！不久， 佢已經KO左一碗， 跟住佢已經斟左一大杯豆漿， 嘩！好快手！當然唔會輸啦！這裡真的任食，我最後宣佈投降， 佢真的好勁😅佢話食咁多，因為要補充體力，咁先可以有力踩返去大埔😄😄

韓式放題日式放題就食得多啦,豆腐花放題就未食過,喺上水食完個午餐就同男友去食豆腐花放題,首先我哋由上水火車站慢慢向着羅湖懲教所嘅方向,大概30分鐘左右就到羅太豆腐花.(30分鐘嘅步行時間沿途有好靚嘅景色) 豆花放題$12 碗,任食豆腐花同豆漿, 豆花好滑👍🏻👍🏻見其他人將豆漿加入豆花食,好似幾得意咁但係又好好味👍🏻👍🏻

$12任食，都幾開心。早餐都無食就駕車去到這個隱世豆園。噢，原來它本身是個豆品廠，做埋堂食，都幾棧鬼！豆腐花好滑，真係超滑。絕對喺市面食唔到！我就食左4碗，仲要係暖暖的。勁正！付款購買一碗後，再拿碗出去就可不斷refill凍豆漿又可以無限添飲。不過略嫌超微糖，如唔怕攪肚，可自行加糖水地點確實超級偏遠，除駕車，亦有大量騎單車人士用餐。那裡還有小吃，餐蛋丁，煎豆腐，這些都是不錯小休吃食選擇。

12/13蚊任食豆腐花+ 豆漿, 又真係幾抵GE, 前提係, 要食得落, 我呢D 咁細食, TURN OUT只食了一碗去到諗住食黑豆豆腐花, 點知佢地話無.... 食評明明話有的....ANYWAY....豆腐花係熱的! 估佢唔到, 果日都幾熱... 所以越食越熱, 果度仲要無冷氣... STAFF 叫我地溝凍豆漿一齊食, 的確無咁熱GE...係幾滑GE, 但真是無咩特別, 豆味都有GE.... 我中意溝薑糖水, 溝完有淡淡的薑味, 佢地GE 薑糖水唔太甜, 想甜要溝多DD。另可溝普通黃糖。

聽朋友介紹，來大埔踩單車，一定要來食羅太豆腐花。剛好來到附近，便來試試。一般人也有食過日式放題和甜品自助餐等，誰不知道這裡居然有 豆腐花自助餐 。每位$12，又嫩又滑的豆腐花和香濃清甜的豆漿，任食任飲。非常推介