鴻淘士多‧羅太豆花

Open Now

Now Closed

咁岩屋企人前排放假得閒，就駕車帶我地去上水個邊行下，順便食左一間好隱世既豆腐花店。呢個位置講真都幾偏僻，多數係踩單車同電單車既朋友入去食，如果搭車都要行一段比較長既路。因為呢間士多本身就係一間豆品廠，所以有好多新鮮既豆製品。我地幾個叫左招牌豆花同煎豆卜。豆花同豆漿係比錢任食，因為天氣開始熱，所以我地都開始叫左凍豆花，食落好香豆味。新鮮出爐既熱豆花好值得推薦，但豆卜就麻麻地啦，我地試左幾舊就唔想食。如果去開個邊郊遊同可以順便去埋呢間食個豆腐花消暑。

對於由細食到大既小編 這裡任飲任食的放題😌已經不是奇聞只想介紹給大家 好好支持本土碩果僅存的家庭式作業小工廠🏭唔好以為平野無好野 呢到就真正平靚正😍🏆 .豆腐花堅滑lurlur 咻一聲入口任加自家煲的薑糖水 仲有黃糖食到咁上下 可以飲埋豆漿 都係任飲咖（頑皮的我們還將豆漿加落豆腐花度食😂）果然係豆製工場 豆腐花🥣同豆漿🥛都充滿豆香如果你呢個long weekend / Easter holiday 未諗到帶你另一半去邊玩 誠意推薦你踩下單車🚲去食豆腐花放題!!!之後去埋大水管影相打卡📷 夠哂 gimmick 又岩哂budget🤗————————————————————————————#sheungshui #上水 #新界 #香港美食 #食左先講 #foodiehk #hkfoodie #foodiesofinstagram #相機食先 #豆腐 #tofu #豆腐料理 #豆腐花 #豆腐花放題 #豆漿 #soy #soyummy

辛苦跑來，至在食！幸好是楂車來^_^ 羅太豆花 沿河上鄉路，經過羅湖懲教所吸引之處 在於任食豆漿、任吃豆腐花先試試豆花，加少量黃糖, 「熱辣辣」可以吧，個人覺得，不夠滑來碗豆漿，好似冇咩豆味嘅！豆花熱、豆漿凍，兩溝剛剛好，不加糖，就是不習慣，味道有點淡除了任飲任食，這裡還有其它付費 吃 及小攤檔，賣 腐乳、腐竹、醬料、梅菜 等等未來過的人，不妨試試，我食 2 碗，已經飽飽漲漲了見到單車友及行山友都來吃吃、順便稍作休息

之前喺監獄做完義工，都會嚟呢度品嚐任食豆腐花，想當年係$10任食，而家已經加到$13任食豆腐花兼任飲豆漿。呢度嘅豆腐花，比起附近豆美味嘅豆腐花為結實一啲，但不失幼滑度，口感非常好。除豆腐花豆漿外，還有熱食供應：分別有餐蛋麵$27、牛腩飯、豬手飯、煎豆腐供應，另有汽水飲品可供購買。由於係豆品廠，仲有腐乳、醬料、豆卜、腐竹等購買，可作手信之用。呢度車位唔多，只有12個左右，單車好似已經唔比泊入嚟，所以要嚟呢度，都要諗諗車程。不過係值得嚟嘅！

每次在河上鄉附近行山郊遊影蝴蝶，都一定會去羅太處任食任飲豆腐花豆漿，而今次是第一次在此吃午餐。原來也有多款麵食及小食選擇，有餐蛋麵，豬扒麵，牛腩麵，還有一款忘記是什麼，小食方面有煎豆腐，煎腐皮卷，燒賣等。如果指定要某牌子公仔麵要另外加錢。我點了餐蛋麵，朋友點了豬扒麵和牛腩麵，味道都不錯，再加了一個煎腐皮卷，份量頗大，排列整齊，賣相也頗講究，加了些甜酸醬，味道不錯。豆漿和豆腐花都是熱辣辣，在這寒冷天氣下吃實在太好了。

每次踩單車入上水都必去羅太幫襯食, 去到有七至八都係單車友。任食的豆腐花不但好滑, 最正係除左加糖漿糖粉外, 仲有可以加豆漿一齊食!因為係豆腐廠, 所以有好多關於豆品的產品都有賣, 如腐乳, 都係去到必買的"手信"。

After long journey of hiking, i finally really this place. This is a very famous place for tofu flower. The tofu flower is very smooth. With the sugar, the taste is really good. This is especially suitable to family and friend. I live this place!!

上水隱世豆花雖然係有啲遠 係上水都幾入下 但係13蚊 任食豆腐花同豆漿 🥛豆腐花又滑又有豆味 👍🏻豆漿就無咩味 可能因為我無咩點落糖我建議大家可以將個豆漿倒入去個豆腐花到一齊食整體黎講 好值得去試下

打風前一日，趁著好天和朋友們由大圍踩單車入上水。天氣悶熱又曬，好彩一早預左到上水食羅太豆腐花。$13換來一個碗仔，伙計很細心問想食熱既豆腐花先定飲凍既豆漿先。成個下午無食野，當然戚刻黎碗豆腐花先。筆者一向不嗜甜，所以食親豆腐花都唔會落黃糖。平時乜都唔落就咁食，不過今日見到有支黃黃地似係薑水就落左。係有少少薑味，不過如果再辛辣D就更好了，其實係糖水所以偏甜。食完豆花飲豆漿，同豆花一樣豆味濃郁。有人提議豆花太熱可以加凍豆漿一次過歎，不過兩樣豆類既野唔太match，單調得黎又好飽，都係建議分開食。諗住都係水呀豆腐呀應該唔會好飽可以喪食，點知筆者最後也只吃得下2.5碗豆腐花+3碗豆漿......之但係價錢只係$13，所以都值回票價！行山/踩單車難得中途有得歎山水豆品，真係會令個次旅程更加深刻難忘，留下美好回憶

琴日見咁好天就去左踩單車啦，由大埔踩左去上水。慢慢踩欣賞沿途風景，踩下踩下踩左成三個幾鐘。踩得咁辛苦，梗係要食番多啲野補數啦！-於是我地去左河上鄉羅太豆花，黎個$13豆花豆漿放題！$13黎講就真係好抵啦，食番一碗豆花同飲番一碗豆漿都已經圍番本啦！由於太努力踩單車關係，🍘👦🏻Almond同🍘👧🏾Jam總共食左3碗豆花，同埋飲左5碗豆漿，都唔係太過份姐😅。-要留意番啦，由上水火車站去豆品廠都唔容易，要做少少功課。另外畀左錢之後，姐姐就會畀碗豆花你。豆花就只有熱，可另外加糖水同黃糖。根住點食都係用番一開始個碗仔，仲可以自己自由斟凍嘅無糖豆漿添。如果想有少少甜味，可以加豆花糖水，咁就唔會咁寡啦。

聽過住北區嘅同事同黎過食豆腐花嘅朋友，講到放下$13豆腐花豆漿任飲任食，當然要入黎試下啦今次嘅藉口就係同幾個朋友專登去上水行山，順便幫襯下睇下乜家伙其實行到附近已經有指示，係間士多來的，除左豆制品仲可以食到炒麵、餐蛋麵、魚蛋同燒賣等等。我地無食其他，只吃了豆腐花豆腐花都有兩種食法㗎喎，有傳統加黃糖同薑味糖水。見到已經流曬口水，食落當然十分滑溜，不過如果豆味再重D就仲正如果唔想食咁甜嘅朋友，可以加豆漿食，豆漿應該是無糖或低糖的因為太好味嘅關係，我一口氣吃了三碗，超開心超滿足總結: 欣賞佢八角形的碗，好懷舊發現呢度係好多行山友同單車友的歇腳點，相信亦係吃豆腐花豆漿全港最抵的地方放假要多D入黎搵羅太

難得放假特登踩共享單車，入去上水食傳說中食豆腐花放題。朝頭早出發，玩Ofo坐一個幾鐘頭單車入去，一邊欣賞沿途風景，一邊又做下運動keep fit。終於踩到個嚟，wah! 人山人海。我發覺豆腐花已經冇以前咁平，放題而家已經加價到$13🧐。計埋踩單車入嚟啊來回價錢（$15），計埋睇風景，依然算好抵。不過如果當係一次郊遊嘅旅程，都唔算錯✌🏻

我諗呢間都算係我係香港境內食到最遠的豆花 -- 鴻淘士多‧羅太豆花 。星期六與朋友踏著去單車古洞到做考察報告, 食豆花是我們其中一個考察項目之一。鴻淘士多‧羅太豆花 唔算難搵, 過左羅湖懲教所、聽到D 狗吠聲就知差不多到了,門口有8隻大字寫住鴻淘士多‧羅太豆花 , 入到去地方寬敞, 地方任坐。唯一要彈的是我唔習慣數十把吊線轉轉轉+白色燈管 的效果, 向上望容易讓人眼花撩亂。說回正題, 羅太的豆花「片」得厚薄適中, 大小也拿挰得很好, 不會太「碎濕濕」, 豆花也挺滑的。然後又吃了第二碗, 這次吃無糖的。如果要彈的話, 就是豆味再濃一些會更好味, 但其實已經很不錯了。羅太賣13蚊豆花豆漿放題, 以普通街市賣7、8蚊一碗豆花, 食夠 2碗已經夠回本了, 何況這裡是「羅湖」。

某天平日放假無野做, 決定健康些去踏單車~想少D人去上水踏~ 最近多了好多gobee bike & ofo....不過我懶得研究, 都係去搵間單車鋪租一日單車不過坐耐少少真係會PAT PAT痛所以我通常會去食埋豆腐花羅太豆花其實很容易找到, 上google map都有去到跟指示就搵到~以為平日下午去都分分鐘唔開, 好在有開鋪~12蚊/人任食豆花, 以我平時見荃灣那兩間鬥價底的豆腐花店5,6蚊一碗, 即係我食到2碗就"回本"豆腐花可以加糖水(入面有薑汁味). 又可以加豆漿, 豆味再濃D坐了一陣...竟然開始多人, 有2X人, 平日都咁多人來食?我見有人唔食豆花食餐蛋麵, 不過無留意幾錢12蚊食幾碗豆花, 又借埋人地個廁所用, PAT PAT又休息下, 食多D豆類又健康D~食完踏多幾踏先減返~

放假冇野做，天氣又咁好，最啱就係踩下車。一來平時食咗咁多可以當減下，二來單車徑沿途風景優美，重點係臨近糧尾冇乜貨剩，當然要慳啲洗啦⋯⋯ 踩單車呢個節目就啱晒啦，入兩支水帶去免費的，沿途風光免費的，踩到去羅太嗰度可以用＄12任食豆腐花豆漿放題食到你飽為止 ！ 羅太豆腐花，對好多單車友來講都唔會陌生的打卡熱點。位於上水上鄉，沿着雙魚河一直踩到望到羅湖，再跟住D路牌指示就搵到架啦！入面地方很大，有10幾張枱任坐。首先搵阿叔俾低$12，佢就會比一隻八角碗仔你。攞住隻碗仔，你就可以橫行無阻去自斟自飲豆漿，或者任食豆腐花，自己添加黃糖同埋糖水，豆花mix 豆漿都得。豆漿凍冰冰同埋都有豆味係正嘅，但係豆腐花呢就略嫌唔夠滑。但係咁嘅價錢，點講都係平靚正囉！如果覺得齋食豆花同豆漿太 dry, 可以考慮＄25食一碗邪惡的餐蛋麵。將踩左幾個鐘頭燃燒左嘅卡路里一下子補返曬，呵呵！如果唔想踩幾個鐘頭單車亦都可以考慮喺上水火車站出閘，租架共享單車或者行去都得，都係10 幾20分鐘咋。果到任坐冇限時，眼見好多人都添飲添食，仲有兩隻貓陪你玩。飲飽食醉回程了，再欣賞埋佢既日落美景，簡直 good la!