鴻淘士多‧羅太豆花

Open Now

Now Closed

難得放假，同老公試下條元朗上水單車徑，老公仲專程帶我嚟呢間豆品廠食豆腐花放題。嚟到，冇咗放題，不過唔緊要啦，做運動就係為咗食多啲嘢嘛🤣豆腐花$10大大碗，隔離仲放埋黃糖同薑糖水任你加。豆腐花豆味香濃，雖然未至於好滑，但$10大大碗我絕對收貨。其實呢度仲有好多嘢食，燒賣、炸豆卜、齋燒鵝、公仔麵⋯要乜有乜。真係單車友補給嘅好地方😊

聽同事介紹，週末專登安排屋企人上水單車遊，去羅太食放題豆腐花，滿懷希望，去到原來已經無咗豆腐花放題，伙記話無咗半年啦，唔知係咪因為疫情多咗人去，所以而家唔憂做，變咗每碗十元，豆漿也是十元一支，好多人都唔知，仲以為放題，豆腐花ok既，同其他店豆腐花無乜分別，無乜特別，如果沒有放題，未必值得專登入去。其實講真，俾你任食最多都係食到兩碗啫，而家無咗放題，我會照單車遊，但不會專登去嗰度囉。可能好多人唔知無咗放題，所以好多人，多到唔夠枱同櫈，好多人要企住食，地方是有點污糟，糖係自己加，疫症期間其實不是太好。也食了豆卜，夠脆，十粒左右三十元，平日少食，唔知其他地方是否差不多價。

熾天使燒烤外賣速遞！芝士牛油焗金菇、紅車打芝士焗鮮草菇冬菇秀珍菇、焗花蛤皇、焗赤米蝦、鹽焗烏頭、薑蔥焗大眼雞、牛油焗粟米、燴紫心蕃薯、燴橙心蕃薯、燒大蜆、燒游水花竹蝦、燒原條茄子！紫蘇葉蒸大閘蟹乸，剛發現原來紫蘇葉係掉係水蒸，不是墊係蟹底蒸，錯足幾十年。大閘蟹乸，橙紅色的硬膏，越趙越濃越甘香。大閘蟹公，綿綿淺黃色濕潤蟹膏滿到爆瀉！甘鮮甜黏著您的嘴，在舌尖齒縫間不斷徘徊，美味絕頂！公也好、乸也好，蟹肉同樣鮮甜肥美。燒大蜆，活活生猛開口即食！燙著嘴享用，脹卜卜肥嘟嘟，蜆汁澎湃，肉質超嫩彈！ 焗花蛤皇，蜆甜味馳名中外，純天然無添加不需任何加工，海水咸鮮撞海產獨特鮮甜，天堂的味道。紅車打芝士焗鮮草菇冬菇秀珍菇，罐頭草菇跟鮮草菇完全無得比！鮮菇味強烈，菇汁甜美非凡，還有咸香芝士錦上添花！芝士牛油焗金菇，芝士牛油都要較多，要完全包住金菇濕濕入口，爽脆香甜！焗赤米蝦，名不虛傳最甜最彈最鮮的蝦種！鹽焗烏頭，平平無奇的平價魚經過鹽晶及爐火洗禮後，變得完全不一樣！堅緻結實的魚肉，濃縮的魚汁魚味，魚肚膠黏滑滑，意想不到的美味！薑蔥焗大眼雞，最緊要搶食魚眼，激讚嫩滑啫喱狀。吸收薑蔥汁的魚肉實在鮮味十足，彈彈兼

呢日朋友們話要帶我去任食豆腐花，成日聽佢哋講話好味又抵食，終於有機會帶埋我去啦。地點位置都幾偏僻，我見好多單車友踩住單車咁入去順便食。大熱天時，徒步行入去，真係行到身水身汗。豆腐花同豆漿都係一個價錢就任食任飲。豆腐花好滑，豆漿唔會太甜，兩樣食物都好有豆味。不過我覺得最驚喜，反而係另一樣小食。我哋人多，所以仲叫咗煎豆腐同埋煎素鵝。因為佢係即煎嘅，所以要啲時間，我哋一入去坐低就即刻叫，等咗大概10分鐘左右就有啦。煎豆腐就冇乜特別，都唔錯嘅。但係個煎素鵝就真係好驚喜，超好食，煎到脆脆地，豆味好濃郁，再配埋個類似酸梅汁嘅醬，真係好食到停唔到口。佢只係$30一份，但係都幾大份，可以比兩至三個人share做小食。呢度嘅煎素鵝，暫時喺我食過最抵又好食㗎。

唉，由大埔揸咗三個幾鐘單車過嚟呢度，又唔容易搵，點知發現佢冇咗任食豆腐花，變咗$10一碗，仲要係熱嘅！唔值得特登嚟！姐姐話要八個人一枱先可以任食，熱情下點樣可以八人一台啊另外呢度仲有$10一支凍豆漿賣，同埋$9一個茶果有咸有甜。真係唔會再黎！鹹嘅茶果係眉豆味，嗰陣味有啲似糭，甜嘅係紅豆，不過略嫌佢就一啲都唔甜，另外呢度仲有啲魚蛋燒賣嘅小賣部俾你買，各位踩單車人士可以考慮吓疫情後等佢有返任食豆腐花先再嚟，今日天氣真係好熱呀，好想有任食豆腐花同豆漿飲。

死佬中有啲單車熱血狂熱份子，天氣有幾熱都照出車，小弟今日掹車邊跟埋佢哋踩單車，路線由大埔、太和、粉嶺、上水，一直踩到去羅湖，真喺隔條河就上到深圳，仲晌埋大水管度打卡。唔好以為好遠，原來個半鐘左右就搞掂。回程時，老友話點都要到「鴻淘豆品廠」打一打躉，參觀豆品廠？原來，佢哋另設零售，一個價任飲豆漿，任食豆腐花，兼可以抖抖回吓氣。查實位置真喺幾偏僻，若非友人嚟過不下數十次，小弟真喺唔知有呢家隱世「豆花店」。雖然大熱天時，但坐落都唔會大汗疊細汗，皆因地方大，空間寬敞。標題都講咗「豆花放題」，俾低$14，會由店員裝碗豆腐花俾你，之後，再食豆花，定斟豆漿飲，就用番呢隻碗。一旁已備有薑汁糖水及黃糖，而冰涼豆漿亦放晌度任斟。我哋踩單車過嚟，當然有啲熱，友人就推介豆花溝豆漿，因為啲豆花都幾熱，而豆漿又幾凍，一下子貫啲凍豆漿落肚，心怕對腸胃唔喺幾好，兩溝再加啲糖水就啱啱好。豆腐花唔好諗住14蚊任食就俾啲次貨你，人哋做得批發，當然打算長做長有，所思，豆腐花嘅質素一啲都無欺場。既有豆香，又滑溜，糖水加咗薑煮，薑味十足卻唔嗆喉。豆漿喺時間補充番水份及糖份，飲碗冰凍嘅豆漿就一流喇，啲豆漿應該喺無糖，所以，一定要落

呢日小弟因為屋企人介紹而發現到上水有檔隱世豆腐花原本豆腐花係任食既，但因為肺炎關係所以依家暫停任食，要逐碗買。雖然地方真是好隱蔽，但都好多人黎食，有唔少係踩單車過黎食。豆腐花好滑，大大碗！可惜佢只有熱豆腐花 (唔知夏天係咪)，夏天黎食相信會更加熱除左豆腐花，呢度都有公仔麵、燒賣等既小食。呢個燒賣都唔錯，唔會好粉

今日同朋友去上水踏單車，聽講附近有間好好食好抵食既豆腐花鋪，今日終於黎到呢到，原來係叫「羅太豆花」，今日終於比我搵到，好興奮！呢到食豆腐花，比10幾蚊可以無限任食，做完運動可以無限食豆花飲豆漿真係好正！呢到既豆腐花好滑，好有豆香，同出面食個Ｄ好唔同。10幾蚊仲要咁抵食好食，都唔知第2度邊到搵到！大家一定要黎試下！推薦！！！

今日去踩單車由大學去到上水，用咗兩三個鐘頭黎到羅太豆腐花，諗住任食一定唔好食點知勁滑雖然冇乜豆味！熱辣辣仲有凍豆漿飲！除咗豆腐花仲有魚蛋、燒賣、餐蛋麵、豆腐，人頭湧湧超級多人！抵達羅太豆腐花，$14任飲任食，仲有其他小食可以order !.食完豆腐花，🥛踩過河對岸，中途會經過人氣景點 -上水大水管。呢度係攝影發燒友至愛，幫朋友影左一攝pw相片！加埋日落，真係好靚喔！🌅不過要留意個環境好惡劣有啲污糟同埋勁多烏蠅！

新手拎咗車牌，想練下車，今日放假就去鄉郊地方練下啦，貪條路冇乜車呀嘛跟住Google Map行一啲都唔難搵，成個環境都算大，門口有幾個車位泊，估唔到放假都好多人踩單車入嚟食。$13 一碗豆腐花，可以任添，豆漿都任添，豆腐花好滑，豆漿落咗少少糖，唔會好甜，味道啱啱好。佢都有一個位係有熱食賣，見到有煎蛋、煎豆腐、公仔麵等等，不過今次我都係主要食豆腐花飲豆漿，下次再試佢啲熱食。見到佢有賣一啲豆製品，媽咪有興趣試下腐乳，原本以為係佢地自己整，一問之下店家都好老實講:香港仲邊有人整㗎，都係大陸來貨。唔知除左豆腐之外仲有冇其他嘢係佢哋出品呢睇睇下先發現仲有茶果賣，不過今次食豆腐花太飽，下次再試

第一次係星期日黎極度墟冚，好多人好熱鬧！見好多人都推住㗎單車過嚟，踩完單車就嚟食碗豆腐花都幾爽。平日黎過，少人好多。天氣涼涼地，食碗暖粒粒嘅豆腐花，好舒服。豆腐花如常地滑，豆味香濃。唔加糖更家食到佢個黃豆香味。啲豆腐花片得好厚，我都係中意薄片多啲。不過各人有各人口味。$13食到又香又滑又新鮮嘅豆腐花，同有凍豆漿可以飲，冇得頂㗎啦😄 食完先再去添，咁就減少浪費食物！我地次次都淨係食到兩碗豆腐花同飲到一碗豆漿就捧住個肚出返去市區。

週末上網搵下踩單車好去處，見好多地方都有介紹上水—大水管呢條路線舒服好踩之餘仲會路經呢一處羅太豆花——$13任食豆腐花﹑任飲豆漿！租完單車沿住雙魚河一路踩，慢慢踩嘆下悠閒風景，大約一個鐘車程就到羅太豆花嚟到呢度嘅大多數都係單車友們休息嘅中轉站地方雖簡單但都空間好大，有地方俾我地泊單車淨係食過少少早餐嘅我地，決定大食特食🤣佢嘅豆花係熱，不過呢個天時開始涼涼地所以都OK有自助落黃糖 / 薑汁豆花好滑好香，豆味夠濃，佢個薑汁已經溝好咗，好柔和，帶點甜我不停咁問佢添咗4碗，哈哈鍾意凍嘅可以自助落凍豆漿一齊食（其實一d都唔會怪wo仲幾夾XD）豆漿就本身偏淡唔甜，夠健康，喪食喪飲都冇罪惡感（一陣仲要踩返出去架嘛～）最後飲到飽一飽先再回程，繼續享受呢程輕鬆寫意嘅假期～佢地自己本身有廠，有興趣嘅可以另下幫襯買下佢地自家嘅梅菜，同埋腐乳、豆瓣醬、豆卜、腐竹等豆類製品鴻淘士多‧羅太豆花整體評分★★★★★地理環境★★★★服務★★★★★食物★★★★★價格＄

今次週未郊遊。去了上水睇大水管，即係平時返大陸睇到由大陸運水來的大水管。企係大水管，可以和火車合影。跟位去左羅太豆花食豆腐花放題。即係俾一個價錢，All "To Fu Fa" You Can Eat. 豆腐花，超級滑。糖水有薑味，加上黃糖，又甜又爽。食完可以任添食。又可以添飲豆浆。豆腐煎得好香，外皮酥脆內裏滑嫩。可惜冇鹽落，没有吊起豆腐的原味。只能加豉油，略遜一籌。齋鴨，即係腐皮包豆腐，然後炸。比煎豆腐更香口，配合甜酸醬，好好味，比煎豆腐好食。推介。特別一提，羅太有自家醬料賣。

星期六放假休息梗係去戶外啦，今日嚟到上水行山野餐，周圍睇下附近有咩食。朋友推介上水有一間豆花豆漿任食放題，我地就入去啦。位於接近羅湖邊境位置，有幾個私家車位同大量單車位。在場都有好多跑步/單車人士都停低食碗豆花先走，似乎這裡是中途補結站。程序係先俾$13買個碗，可以叫佢幫你‘不’落碗，自己再添豆漿或者再加豆花。講返野食，豆花香滑完整，黃糖同薑糖汁都係自己任加的，個人喜好：半碗熱豆花溝半碗凍豆漿，又熱又凍，好正。

趁著這個長週末，小假期，和男友自駕游到羅湖口岸區。輕輕地遊覽完坪洋壁畫村，再開車來到遠近馳名的羅太豆花。自助形式，交$13之後就會俾個碗你，任添唔嬲。遠近馳名，除了因為這是坊間鮮有的豆花豆漿放題，只需要每人$13就可以任食豆花任飲豆漿啦！坊間邊有lee嗰offer～ 仲有因為任食之餘，品質都有保證！熱辣辣嘅豆花，豆味濃郁，滑溜無比。不過，豆花只有熱的，豆漿只有凍嘅供應。無糖黃豆漿，可自行添加黃糖調味。除咗豆花豆漿放題，羅太豆花仲會提供自家出品嘅豆卜、豆瓣醬、腐乳。自己食飽飽，我當然要買返兩樽做手信俾媽媽煮餸用啦！有分size，價錢相宜。值得入手一試。