鵝大哥鵝煲專家 (Closed)

鷄煲食過好幾次，今次初嚐鵝煲專家的鵞大哥，經同事介紹下，即興訂位啦！周末晚上17:30開始營業，我們六點到，人唔算多，坐得好舒服，環境衛生好滿意，服務員又好有禮貌，不過呢喥無茶水供應，如果要飲茶就要$18一壺。三人行，第一時間點一份鵝煲，鵝腸一份，但係無諗到已預先放入煲內，其實煲鵝熟哂，鵝腸一次過就俾佢放哂煲內，完全睇唔到有幾多份量，但價錢收$72，我們三人每人食到兩條大細不一，好似被騙了。成十蚊一條鵝腸，雖然爽口，但價錢不值。除了對這個不滿，其他食物尚可滿意，好似脆鯇骨腩，爽脆但欠了點鮮魚味。牛三寶有黑牛柏葉、牛白肉、牛心頂，好爽口，不過食唔到咩味。服務員推介蟶子，$35隻，好新鮮好大隻，好入味（炆鵝汁）。綜合上述，鵝煲鵝肉少，見到有半邊鵝頭，有鵝肉食幾件，肥膏又多，鵝頸，份量少過酒樓的例牌鵝，收$148覺得貴咗啲囉。下次會試其他煲火鍋。

今日同朋友去食鵝煲雞煲食得多，鵝煲真係第一次我必須講：好好味好嫩竹蔗茅根係一渣渣上，佢好大好粗一根…竹蔗（好評）好仲意魚腐，好淋好入味包心芝士丸D芝士真係可以拉好長鵝腸好爽口佢既魚皮超大件，怪唔得係招牌我要特別讚一下個侍應亞叔，真係好好招呼我唔係話高級酒店既禮貌招呼，而係好親切丶話說我5點半黎⋯得2枱客人，如果唔想等大家可以早D到（鵝煲比外面的某一些雞煲仲平丶但更好味）下次我會再同朋友黎，以後又多一個好去處

鵝大哥主打的鵝邊爐係超級好味，短短一兩個月內我已經嚟咗三次。 約班老朋友見面，熱愛打邊爐的我一早訂好枱同朋友聚一聚！先嚟個乾鍋鵝煲加鵝腸，本身唔食鵝腸的我都不停食，鵝腸好爽脆彈牙，加啲汁煮鵝腸超惹味，重要食完唔會口渴，(我相信應該係無添加味精，呢樣野好重要！) 記得未加湯之前要放竹笙、響鈴索吓汁，正到爆呀！食到咁上下，就一定要試鵝肝，放入鍋滾一分鐘就食得。 佢的鵝肝塊塊份量不少，超重油香，軟滑，無腥味，唔膩，無筋！朋友勁鍾意食！另外炸魚皮都係必食！大大片依然好薄、脆、香、即炸，唔放湯送啤酒食都好好食。 老細好nice，員工的招呼都好好，有時會送一兩枝啤酒同客人吹吹水打成一片*用OR 訂位有discount 添

好少可會食鵝煲... 多數咪都係雞煲... 婆仔對雞煲真係一般... 朋友超級推介呢個鵝煲仲要馬上訂位... 仲要係旺角真係好方便~鵝煲好味又夠入味夠淋... 四個人食份量岩岩好~輙豉油皇鵝腸好靚好吸引呀... 唔會 un~炸魚皮呢度自家炸魚皮... 食個陣仲係熱架喎... 又唔會好油... 仲好大塊... 好脆好食~炸魚片頭婆仔好愛食魚片頭不過真係唔係度度都好食... 呢個仲有跟個汁一齊上... 就咁齋食唔點汁都好味~百花釀油條一上台完全係諗唔到睇唔出係油炸鬼... 諗左陣有叫過咩... 朋友見婆仔咁迷就話呢碟係百花釀油條... XD 睇真 d 係喎... 食落唔油既油炸鬼~順德撈魚皮一見到牆貼左呢款小食... 好掛住葵芳個間喎... 係呢度試下先... 魚皮都好食... 個辣椒豉油就差少少...A5 和牛放落去滾三秒就食得啦~ 頂級本地手切牛肉正... 又係係咁易滾幾秒就食得~原隻大蝦水餃皇食到咁上下又可以差少少咁... 以為個餃咪得一隻大蝦... 點知係成隻餃都係大蝦... 食一粒都飽曬... 最般又點可以唔食菜呢係咪~

早前見到有人喺網上介紹呢間火鍋，覺得幾吸引，週五晚相約朋友一齊再黎食，唔知道人流多唔多，所以一早預左位置。餐廳位置唔多，但都幾闊落，唔知係咪因為上左樓，客人就唔多，有少少可惜，因為呢間野質素唔錯，價錢又唔貴，同朋友一致認為好食換轉佢鋪位如果喺大排檔或者地鋪，相信生意會好好多！一行六人，因為想親密啲，唔想開兩個爐，所以店員幫我地開左個電磁爐放中間，好細心。因為有朋友遲黎，所以我地叫左幾款小食，食住先。佢地有好多小炒可以揀，我幾欣賞，打邊爐又得，炒兩個餸食下都得。椒鹽魷魚鬚 $48炸得香口，又夠脆，魷魚都煙煙韌韌，送啤酒一流！避風塘小炒皇 $88小炒皇係招牌之一，炒得幾好食，魚乾幾大條，唔會太鹹太油膩，但份量唔多。炸魚皮 $48炸魚皮有四塊，比平時火鍋店食到嘅大塊，薄身得黎勁脆，而且加左少少調味，唔會好鹹，可以即食，唔需要怕太硬要淥幾秒先食得果種脆炸魚片頭 $40新鮮做起，皮脆脆地，片頭都幾彈牙，即食仲正！初時都驚鵝大哥淨係得鵝煲食，因為有朋友唔鐘意食鵝，所以睇清楚食評先黎，知道佢地有其他鍋底都放心。除左鵝煲、雞煲($148/$188)，仲有螺頭鍋、醉雞鍋、沙嗲鍋、胡椒豬肚鍋等，定價$68

呢間鵝大哥係朋友幫襯過幾次，覺得唔錯， 推介我地去試嘅！鵝大哥主打鵝煲，加上新鮮配料，定價合理，不過位於樓上鋪，客人都以熟客為主，我地喺樓上樓下食過野，都冇為意有間火鍋店。唔喜歡食鵝嘅人，都唔洗擔心，因為鵝大哥都有一般火鍋湯底，例如花膠龍躉湯底、雞煲、胡椒豬肚雞窩等十幾款，定價$68-$118。仲有小炒、小唔想食火鍋仲可以選擇點菜食飯，都幾多選擇。咁我一場黎到 ，當然係食招牌鵝煲~鵝大哥面積唔算好大，裝潢比較簡單，一般火鍋店格局，但座位間唔會好逼狹。當然好似我地穩陣啲，就預約左先啦。醬料每位收$10，但免加一。秘製肥鵝煲 $148/份首先將鵝斬件，加上鵝大哥自製醬汁炆過，一上枱已經聞到好惹味同食雞煲一樣，都係先食鵝，再加水繼續火鍋。因為我地人少，點左一份，鵝肉份量就唔係好多。秘製醬汁鹹淡適中，食落冇坊間嘅雞煲咁重口味，唔會太辣或者太鹹，至於鵝肉炆得相當入味，雖然稱唔上嫩滑，但唔會好韌或者乾柴鮮鵝腸 $68好多時喺其他火鍋店食鵝腸，遇著唔係太新鮮嘅話，一係就一陣味，一係就唔夠爽唔夠肥。鵝大哥嘅鵝腸完全冇以上問題，基本上好新鮮，帶少少肥脂，食落爽口微脆，配合鵝煲嘅醬汁，好食！果然係招牌鎮店

平時雞煲 食得多 都想轉下口味 是日跟朋友 飯 局 今次就黎個鵝煲吧 其實鵝煲食法已經出現左好一段時間 。終於可以一試食法:先食鵝 然後加湯 打邊爐 香噴噴鵝本身肥美 肉質炆得夠冧 味道亦濃 份量比夠小 建議全隻 更滿足 另外 加配鵝腸 放進煲裡 與鵝煲一齊食 好味 適合重口味的你我其他 火鍋食物 :手切牛 亦出色 炸墨魚腐皮卷 記住

話說我地十幾個好耐無見～ 難得千媽生日就借住生日名義見個面，食好野～ 有人提議食鵝煲～ 見未食過～ 大家都話試下新野人未到齊，先黎個豉油王鵝腸～ 好肥美，而且好滑，爽甜易咬！我地前後叫左兩碟即炸魚皮！我地都叫左兩碟～ 勁大塊！上台勁脆仲熱辣辣架～我地叫左一個大鵝煲一個大雞煲～ 個人覺得雞煲周圍都有得食～ 鵝煲第一次食，感覺好食過雞煲夠惹味～ 我只係食左一舊就比佢地狂風掃落葉咁清曬，想食多舊都無～羊肉我個人覺得羊味少左D ～ 但比任食好好多～ 呢個都叫有羊肉味～呢個黑豚肉太肥啦～ 成台幾乎無人食～ 到最後我就幫手狂淥～ 夾曬比班男仔食～ 成班食肉獸～ 三幾下就消滅左d 牛啦！其實我地一行14人， 叫左好多野食架，又有冰陣咕魯肉，又有牛肉粒，又有北韓蚌，又有流心蝦丸，又有wasabi丸等等等等～ 但因為我未拎機影相，已經比人清曬～ 所以好多都無影到，有機會再詳細介紹啦！埋單三千幾蚊～

五人，叫了大鵝煲，每人約三件，大都是骨頭，出面的酒樓400元一隻燒鵝，這裡收198都冇半隻，簡直過份。值得一讚是魚皮和響鈴真的是即炸都好味。糯米飯是生炒的，但加了蛋花炒，有些少似楊州炒飯的味道，好彩用的是瘦臘腸，碟飯有些少油油哋。試過不會再試

11月11日約了三位好朋友，到旺角第一次品嘗鹅煲，我們点了招牌鵝煲(大)一份，《薑，翼和脚太多》，本地手切牛肉、爽滑鵝腸、手打蝦及墨魚丸雙拼，牛柏葉｛鮮及好味｝和菇菜藍一份，還有飲品洛神花和羅漢果茶，大家一边食一边談很開心，服務員招待週到

以為食鵝肉好硬，誰知鵝煲鵝肉嫰滑，鵝腸爽脆，水餃好正，新鮮北寄貝超甜，蟶子、蠔同帶子都係靚貨,炸魚皮夠薄脆同熱辣辣，下次要試吓辣椒炒蟹，兩舊幾一隻游水的👍👍

鵝煲相當惹味，其他食材都相當新鮮，平時食黎食去都雞煲，今次試過鵝煲加火鍋簡直一流！價錢方面合理，主要係因為佢嘅食物有誠意，今次一班朋友去食大家都話好食絕對會返轉頭

這店鋪是新開的，平時食開雞煲，但鵝煲就第一次試，都真的不錯，食完重可以打邊爐，食品款式都多，除左打邊爐重有小炒皇，刺身，等等。三文魚非常甜，小炒皇非常好食，如果飲酒既人絕對可以叫黎食，炸魚皮絕對要試，雖然要等，但非常值得等，因為真係同出面一啲都唔同，值得試試。

講飲講食既我無意中網扣優惠coupon ~鵝大哥鵝煲！雞煲食得多鵝煲未試過~今晚一於帶埋家人去試下!當然要食招牌鵝煲~好夠味~鵝肉軟硬炆得恰到好處~最有驚喜係豉油皇鵝腸~必食!新鮮鵝腸~好好味現在很多食店都無得食!即炸響鈴好趣口~特長炸魚皮我問老闆係咩魚做他說係門鱔仲有避風塘辣蟹我爸爸至like 仲叫左安格斯牛~花甲~菜~飲品等~4人是晚消費共一千價錢合理~我會再去呀!

朋友生日一行十多人去呢間開張沒多久的新店，因為樓下尚未有水牌指示，當晚大約七點半到，店子不大估計坐滿大約可容納六十至七十人，可能係星期五小週未當晚爆埸，所以見議大家先訂位比較保險一些