鶴亀 (Closed)

行過見到黃店就支持下拉麵軟硬適中，湯底香濃，豚肉好入味，雞肉有黑椒味都幾好味，總之就好食啦無加一，重減10%添，因為星期一至五有折扣！老婆漏低電話，啱啱走出門口，個店員走出來還返畀我地，多謝佢啊

終於有機會食到呢間拉麵店不過佢做到11月16日就結業大家想食就要把握機會喇特濃豚骨沾麵($90)必須要讚個叉燒！肥瘦極分明，平衡得極好完美展現到係一層瘦一層肥，而且好多塊好嫩沾麵湯豚骨味濃，唔係死鹹，鹹中帶鮮甜，麵沾完之後亦唔會淡而無味有層邪惡豬油浮面，但唔厚，唔會太油膩，超正沾麵既麵比拉麵粗，口感正，可以掛多啲汁櫻花蝦拉麵($93)櫻花蝦多到超誇張，令到上麵既時候濃烈到有陣魚糧既味有啲奇怪，但食落味道絕對ok，令湯底更甜。整體口感係啖啖麵都有蝦乾，一粒粒櫻花蝦少少脆，口感過癮，但試一次都夠，都係沾麵正啲！

一日一黃店-尖沙咀良心日式拉麵 好多朋友仔叫我去試試 呢間良心拉麵 聽聞11月16日結業 即刻沖左去試試 去到見到真係好多人 真係人氣爆燈 大概排咗半個鐘終於入到去.入座坐bar位 可以望住師傅煮拉麵👍🏻店內衛生做得唔錯 探熱 透明膠間隔 👍🏻每個位都有酒精搓手液 落單係take紙可以自己選擇麵質軟硬 走蔥等等 加分.⭐️特濃豚骨沾麵$90 堂食有9折埋單$81😍麵質軟硬合我心意 粗身嘅面底好有咬口表面有糖心蛋 蔥花 筍👌🏻叉燒有3大塊 半肥瘦 燒得幾香 🤔但偏薄🤔麵唔算太沾掛到汁 😋但湯底夠濃 所以同樣夠味.整體係一間好食嘅沾麵 有優惠加分係黃店 仲要聽到做唔住要結業點都要支持下但排隊時間要半個鐘 大打折扣.‼️係打緊文嘅期間 望望佢地fb 佢哋業主好似肯減租‼️我一去完 睇來可以繼續做落去🤦🏻‍♀️變咗半隻招財貓‼️lucky 都算係一大喜訊 加油.#鶴亀 (尖沙咀)地址：尖沙咀漢口道19-21號漢宜大廈地下L號舖.⭐️評分：味道：4/5 環境：4/5 衛生做得好服務：4/5 即使忙 但店員反應都好快抵食：4/5 正常價錢 沾麵 有優惠加分

黑松露慢煮安格斯牛沾麵 $198以往我覺得最好食既沾麵係富士山55，或者係元祖沾麵既極上芝士海膽沾麵（呢間其他麵都係麻麻），但鶴亀既安格斯牛沾麵真係刷新左我既第一位。今次照舊簡左硬麵，麵質都唔錯，非常彈牙，而且份量都幾多，唔洗加麵都得。湯底真係世界級，離遠聞已經聞到好濃既黑松露味， 應該係豚骨湯底加左黑松露香料（唔知係咪戴番頭盔先），每一次放啲麵或者肉落去都唔會搶左個味呢樣野先勁！安格斯牛呢個主角當然都係好出色喇，首先有五塊已經係贏曬，仲要每塊牛既牛味都好出，脂肪比例完美！仲有就係呢個沾麵係限量供應架，想食記住早啲去排隊喇！

當日我都試咗特濃豚骨沾麵咁首先講佢嘅麵質佢比我之前食過嘅拉麵都粗同彈叉燒方便係薄切叉燒咁佢個叉燒都有燒過但係佢就係有浸中式燒肉未唔係煙熏味😂😂同埋佢嘅油脂都好多咁蛋方面嘅話就不過不失咁到佢嘅沾麵講我有少少失望因為佢啲湯係掛唔到上啲麵到但佢個味係重味但就比較稀整體來講我覺得都係不過不失咁我係強烈建議大家加$35餐有餃子/章魚小丸子同罐裝汽水咁佢嘅餃子煎得好趣但係入邊係勁多汁唔會好乾章魚小丸子就足料但粉都少厚咁如果大家係去嘅話就建議試吓佢嘅湯拉麵特濃豚骨沾麵+蛋+餐：$90+$12+$35

😌終於麵試左尖沙咀《鶴龜》啦，佢地嘅特濃豚骨沾麵🍜超級好食，佢個湯好味得黎真係無味精架，食完之後一D都唔口渴，就正如佢地麵上面幅話咁寫住’’No MSG’’👍🏻🥘之前試過三X製麵同麵XX平安，鶴龜嘅沾麵真係最好食😋，可惜因為加租，佢地11月中就結業啦😣想食就要快啦！#幫襯黃店系列

出尖沙咀做Gym，食返啲野先做運動。之前一直都想試呢間拉麵店，但一直未有機會。唔知係咪有promotion, 點餐有餃子送🥟，煎香熱辣辣，雖然免費但都好食😋麵質可揀軟硬度，可加減配料，例如走荀走蔥、加肉/溏心蛋。我就揀左適中麵質，而本身有溏心蛋就無另外加到。揀左蝦帆立貝沾麵，個麵加左黑椒好香，仲有少少柚子香。個沾麵湯開頭以為會好稀，啲麵會掛唔到湯汁，但發現佢係掛得上而份量是剛剛好，不會因太黏而過咸，亦不會太稀而太淡味。蝦、帆立貝好味😋 份量剛好，下次會試埋湯拉麵！

難以置信要結業嘅消息😭希望老闆休息夠可以考慮下搬舖再開！好多人等緊嚟食架😭 之前一直想試呢間拉麵，專登行過嚟但成日撞正休息。食過第一次，我同朋友即刻認定呢間係值得encore嘅餐廳！之後一直向唔同朋友推介呢間餐廳每次等位大概15-20分鐘左右，店面唔大但店員好有禮貌亦細心(主動俾多個籃客人放袋)。 定價適中，湯底濃而不膩、麵湯溫度夠熱而不燙嘴(沾麵麵湯溫度會稍低但同樣好味)、叉燒唔韌又唔過肥，係一間值得排長龍嘅拉麵店。係日本食過唔少拉麵，個人認為呢間拉麵更合口味，不偏鹹麵質偏幼櫻花蝦拉麵同豚骨沾麵櫻花蝦味濃又唔會過鹹溏心蛋依舊係精髓 即使晚市時間滿座店員依然好有禮貌，服務態度好好。基本上每星期會食一次拉麵，而呢間拉麵係我至愛之一結業前一定會再嚟

鹽味雞湯拉麵🍜麵度可以揀軟硬 雞湯清清地唔會好咸 食完都唔怕水腫呀😆個黑椒叉燒好好味 辛辣豚骨拉麵🍜辣度可以自選 小辣我咁怕辣都一樣食到而且麵質比雞湯拉麵個粗但一樣都好味 鰻魚都好出色 醬汁濃度正!

—辛辣豚骨沾麵（$93）叫左小辣😎但係小編覺得其實都幾辣🙆🏻‍♀️個湯幾惹味🥰但係可以濃少少🤫因為唔夠濃d湯好難沾上d麵到🥺個麵質唔錯幾有咬口🤫個叉燒幾香😆每塊都燒過🥰值得一試嘅‼️午市去食仲有9折添🤩CP值高😜—特濃豚骨沾麵（$93）個特濃湯底又唔覺得佢好濃☹️有少少失望🥺但係食得出個湯係用咗好多時間煲geh🤪冇落味精👍🏻飲完都唔會覺得頸渴😎個蛋值的推介🤫好溏心好入味🤭良心小店來講值得支持下💛💛—日式煎餃子（$32）原來午市每台送5隻餃子🥟我地唔知所以最後食咗10隻😂 不過係幾好食嘅🤣佢用光波爐整🤭健康得來又好香口🤫入面d餡亦都好Juicy好入味😆—價錢： 💋💋💋💋💋味道：💋💋💋💋抵食：💋💋💋💋環境：💋💋💋💋. ——地點：鶴亀 (尖沙咀)地址：尖沙咀漢口道19-21號漢宜大廈地下L號舖營業時間：11:00-22:00

Follow @pigfoodiexhk for more food!🐷💛#pigfoodiexhk_黃店#pigfoodiexhk_日本菜========================📍不過不失嘅拉麵店 -- 鶴亀🍜💛之前見過唔少人推介呢間拉麵黃店，前排去開尖沙咀就同男朋友試下～不過可能因為小編唔係order呢到出名啲嘅沾麵，所以食完就覺得唔算好特別🙈------------------------------⭐️櫻花蝦拉麵($93)面頭舖滿咗櫻花蝦，聞落味道頗香～可惜湯底飲落就無乜蝦香，但湯底係幾濃厚嘅🙈拉麵係偏幼身嗰隻，唔係好掛湯🤭叉燒有三大薄片，肥瘦適中，頗有油脂香同食得出火炙味👍整體嚟講不過不失，唔係好特別，試過一次就好了～------------------------------賣相：6.8/10味道：5.8/10性價比：6/10回頭率：5/10------------------------------店舖資料名稱：鶴亀地址：尖沙咀漢口道19-21號漢宜大廈地下L號舖前往方法：尖東站L5出口

🥢尖沙咀速食良心美味辛辣豚骨沾麵#叉燒軟腍好食#食好西尖沙咀美食 #食好西良心推介 🥢平時唔知大家會唔會，突然間好想某一樣野，就會即係走去試，今日突然間好想食沾麵，即刻seach 下附近有咩沾麵可以食就搵到來呢間拉麵店🥢這間拉麵之前經過門口有少少人等位，雖然係人氣店，但都好快可以入座坐，呢到係用畫紙仔型式，可以選麵的軟硬度夠貼心，落完單幾分鐘就好快上檯🥢辛辣豚肉沾麵$93 (中辛）唔知點解有折，折後$84沾麵汁入面有配料椰菜同魚介，中辛味道不強勁所以食得辣的人直接可以跳激辛，麵條用上粗麵很掛湯，而且麵質幾有彈性同蛋香，拉麵蛋略略過熟感覺不太流心但都好食，最正係三片薄切叉燒，叉燒經過微灼多了些香氣，而且非常軟滑，點湯汁一起食更美味，麵量女仔食剛剛好，如果唔夠食可以追加小食跟飲品都係$35幾抵🥢豚骨拉麵 $85店員擺底左我面前，習慣左相機食先，但明明叫是沾麵，仲諗緊係咪自己寫錯左，最終店員發覺係放錯左落來，（好在影緊相仲未除口罩，所以未導致浪費）🥢一間可推薦的良心拉麵雖然要等位，但相信等侯時間很快因為上菜快而好快食完，而且價錢相當抵食，另外見到旁邊檯食緊

又係難得出城嘅日子，今日去尖沙咀整指甲，即刻搵吓邊度有沾麵食先🤤份量比較少（暴龍係大食🦖）湯底唔夠熱，不過比其他沾麵店嘅湯底無咁gel口，唔會越食越漏；湯底味道還好，食完唔會口渴。麵質有啲硬，暴龍鍾意食爽面都覺得可以煮淋少少。叉燒好明顯係用火槍燒過，三片太薄了。味付蛋睇相都知失敗之作，好彩冇加錢要多隻。葱唔係雪到乾爭爭，抵讚！整體唔係太差，不過可以再做好啲！

今日特登過嚟尖沙咀支持黃店拉麵😇呢間佢每2個人都有透明廉😂 衛生設備讚👍🏻去到都幾多人食要排隊 大概2到3個字到就入到去 我地兩個人都叫左特濃豚骨沾面$90大概5分鐘都就上 面既份量唔算多 以女仔黎講會夠 面硬 🤭正 我鐘意 不過就唔夠彈沾面汁多 可惜面沾既時候唔太掛到汁 湯底濃郁 幾好飲☺️叉燒都好食 😋 另外加左芝士年糕$32有三塊 比較有驚喜 因為系用焗😂外脆內軟 好好食🥰 總共食左$212 有9折 折完$191以日本拉麵黎講正常價錢 可以一試😉

💛-超推薦依間拉麵店每位食過嘅朋友都對依間讚不絕口🥰-#辛辣豚骨拉麵 $93小編驚會辣所以揀咗小辛但點知都唔辣🤪叉燒肥瘦適中 而且有燒過 啲油脂出哂嚟🤤糖心蛋係必食！如果鍾意食糖心蛋嘅更加要追加🤩另外加多$35就有日式煎餃子或者章魚小丸子同埋汽水兩種小食都熱辣辣鍾意食小食嘅都可以一試評分：9/10-鶴亀 尖沙咀漢口道19-21號漢宜大廈地下L號舖