鶴亀 (Closed)

一個寒涼既下午, 諗住食一碗熱辣辣拉麵暖下胃經過漢口道見到一條人龍, 諗住一定無伏等左15分鐘入鋪, 坐位有足夠空間地面乾淨有拉麵店必備凍水(讚)我兩個人 點左兩碗沾麵特濃豬骨湯沾麵(冷麵,硬度適中)櫻花蝦湯沾麵(熱麵,硬度適中)由於我地坐吧台, 我可以睇到兩位師父煮面同整差燒負責煮麵果位師父令我大開眼界, 清潔完碗既水係踎低張個碗貼近地下倒水, 咁唔會有水反彈返去碗咩?5分鐘左右兩碗沾麵上枱, 我果碗係特濃豬骨湯沾麵.食拉麵, 我習慣先飲一啖湯底第一啖湯我竟然可以直接入口, 證明一樣野 (唔夠熱)而且我明明要特濃, 我飲唔出果碗豬骨湯濃左係邊度之後我食一啖薄過紙既差燒, 用火槍燒過的確好野味, 味道都可以, 但由於太薄油脂比例太高, 成口油到面底, 我可以講食咁耐香港日式拉面, 面底佢真係數一數二差我好似食緊車仔麵油麵, 無蛋香, 無麵味, 沾麵要掛湯佢完全做唔到到糖心蛋, 蛋顏色偏黃 (正常拉麵店糖心蛋偏橙), 所以賣相一般, 食落無糖心蛋應有既醬油味講埋碗櫻花蝦湯, 佢只將特濃豬骨湯加大量櫻花蝦係面 (完)90蚊左右一碗沾麵, 係香港正常價錢, 但咁既質素我應該唔會再有下一次

💛鶴亀💛日式拉麵既食店，成間舖都好日本，去唔到日本，嚟呢度感受下、食下拉麵頂一頂先啦😝得我同個女去搵食，又係試唔到好多，每人叫咗碗拉麵咁大把😅查實我想試埋佢哋啲小食🍜🍜🍜🍜大小姐叫咗碗豚骨拉麵，湯夠濃郁，麵又好味😋我就好喜歡食辣，但又食唔到好辣果隻，超麻煩友😂😅見佢地有得選擇辣既程度，所以就選咗個🍜辛辣豚骨沾麵，少辣，啱哂我😂佢地有得選擇麵既硬度，要唔要蔥同竹筍，對於有要求又揀飲擇食既人嚟講，真係唔錯😂好似阿女咁，佢平時係唔食竹筍，次次食拉麵都會剩返竹筍，今次佢好快手Take咗唔要竹筍😆不過阿女今次抽起唔知邊條筋，夾咗我碗入面既竹筍試，一試就不得了，佢竟然食哂😳睇嚟鶴亀既竹筍都相當好味😂😂😂好味💛唔貴💛值得再支持

難得呢間小店成功續租，當然要黎支持下，星期五既晚上比較多人，大概等左四十分鐘左右，亦因為疫情關係，用餐時間都係大概四十分鐘，都合理呀！呢度沾麵比較出名，但今日比較想食拉麵，所以最後都係揀左豚骨拉麵同埋鹽味雞湯拉麵，加左一個套餐，要左章魚小丸子同汽水～豚骨拉麵湯底濃度適中，唔會太油太鹹，麵既粗幼度都岩岩好，豚肉微微燒過好香口，仲半隻蛋添。鹽味雞拉麵就比較淡身，鹹鹹地，個雞肉叉燒唔錯，想食清啲既可以試下。章魚小丸子有四粒，外脆內軟，即叫即整，熱辣辣，必食！

尖沙咀一向都有好多拉麵店聚集，係尖沙咀亦都食過唔少拉麵，不過最近先發現呢間拉麵存在。的確，位置不算顯眼，係isquare附近，一條橫街入面。門口掛住兩個燈籠寫住拉麵。店內環境唔算大，坐到20人左右。當日12點去到，店內已有兩三枱客。店內冷氣非常強勁，食拉麵岩晒尤其是食辣拉麵的人。從黑板上看到，餐廳標榜自己是沒有味精，令人有點期待佢的湯底味道。試下拉麵首先係鹽味雞湯拉麵湯底睇落幾清，拉麵配有溏心蛋、筍另有三片雞肉湯底味道不錯，有淡淡的鹽味，雞味比較濃不過可惜在只有雞肉沒有叉燒，而雞肉味道不算特別出色，可接受海老帆立貝拉麵個人覺得呢個就好食過上面由於本身好怕拉麵湯底好濃會好滯又好heavy所以就叫左呢個海老帆立貝，因為睇到食評大家話呢個係比較蝦味的湯底拉麵有1隻蝦、2粒帆立貝、1隻溏心蛋、3塊叉燒份量算多帆立貝好食，唔算細粒，好厚肉，食落仲食到帆立貝既鮮味，口感肉質好味蝦就一般，唔算特別彈牙/有蝦味，但都可接受叉燒都唔錯，雖然望落比較肥，但食落還可以，未至於肥到食唔到，叉燒唔算鞋，夠淋拉麵口感都唔錯，屬於中等，不硬不軟湯底方面這個湯底非常濃郁但不heavy，成碗飲晒都冇問題，湯底有好香的蝦

相信疫情期間大家都好想去旅行，冇得去旅行唯有食下日本嘢當自己去咗日本～今次就搵咗呢間日本餐廳試下佢哋嘅沾麵！天氣熱熱地當然想食返啲開胃嘅野！作為柚子迷，見到呢款沾麵就毫不猶豫咁點左！柚子炙燒三文魚沾麵 $138湯嘅柚子味唔算好重，湯對我來講有少少失望，偏淡口同稀，麵都唔太掛汁。但件三文魚就令我好驚喜！三文魚煎得好脆好香，唧埋檸檬汁上去，十分開胃！呢份沾麵份量好多，睇相可能睇唔出塊三文魚有幾大，但一個女仔真係食一半就飽，不過我個人來講就唔會再叫～有興趣嘅朋友可以試吓

由於受不了Sogo大減價，小妹早前不顧一切衝到了尖沙咀shopping。瘋狂購物後便與好友尋找美味的小店，發現很多人推薦鶴亀，所以小妹也特意前來朝聖，整體輪侯時間不會很久。因為限聚令的原因，餐廳用膳時間會縮短，希望大家可以互相體諒。 餐廳環境潔淨，設有消毒搓手液，方便大家消毒雙手。小店主打沾麵，用上大量豬骨煮成湯底，絕對不添加味精。小妹偏愛重口味，點了一份特濃豚骨沾麵，不用等太多就送餐。沾麵份量足夠女生食用，如果食量較大的男生建議可以加配拉麵。大家可以根本自己喜好來選擇麵條的硬度，感覺十分貼心。 特濃豚骨沾麵賣相十分吸引，流心蛋味道很好，香濃蛋黃慢慢在口中溶化。豚骨湯底十分出色，味道香甜不會過鹹，令人忍不住喝了一口又一口。拉麵彈牙滑溜，而且十分「掛湯」，每一條都沾上香醇的湯底。最驚喜是叉燒，微微的焦香，肥瘦比例剛剛好，每一口都滲出油香，肉質同樣新鮮，食完會有一種幸福的感覺。小妹最後都一整碗湯都喝掉，驚喜是沒有任何口渴，足以證明湯底真材實料，沒有使用味精，可以再次Encore！ 

每次嚟到都係食‘豚骨拉麵’，唔使唸咁多，揀最基本而又好好味。🍜先嚟飲啖湯，唔咸唔會成口味精，食食下又飲一啖......唔錯。佢嘅叉燒係臨上枱嘅時候，再用火槍燒下，更加惹味。軟硬肥瘦適中，真係好怕啲有一半都係肥肉嘅。成碗麵嘅份量都唔細㗎。🍤吉列芝士蝦球好熱呀，即叫即炸！香濃芝士味夾著小小蝦味，唔錯嘅一口一件。

🇭🇰💛鶴亀成日經過都見到排哂隊所以冇試🤣終於有日見到少人啲就排下隊啦麵既硬度同配料都有得揀 當然有得追加啦食物唔錯 拉麵做得出色👍🏻🍜豚骨拉面（💰$85)入邊有溏心蛋🥚 3片叉燒🥓較薄 但特色係有燒過唔係出邊厚切既 竹筍係林林的 不是爽口家姐👩🏻反而喜歡吃林身的 🍜湯唔算好濃 反而覺得冇落味精🍜麵相對而言比較幼身 冇出邊咁掛湯但整體上都比起大多數拉麵店做得好☺️⁣-🍜特濃豚骨沾麵（💰$90)同拉麵既唔同係食法同湯底雖然話特濃 但好欣賞佢唔咸👏🏻出邊食過幾次沾麵都過咸 佢湯底唔算杰身咁樣反而更出色 食得出重鏗魚味🐟但係如果追求好濃既沾麵湯底就唔太岩你係家姐👩🏻唯一一次叫沾麵但冇後悔 岩哂怕咸既朋友仔👏🏻👏🏻-🦑章魚小子(💰+$35 & 汽水🥤）整體不過不失 沒有大驚喜但可以接受 始終不是主菜-🥟日式煎餃子(💰+$35 & 汽水🥤）有少少煎得耐左既感覺 餃子皮既角有點硬 不過不失

黃色的店舖當然要支持亦好彩有支持黃店吾一定quality爭DD既叫我辛辣湯唔算好辣建議食得辣嘅人一嚟可以食極辛沾麵既湯鹹係正常我簡左暖既麵吾好以為得好少麵，食落好飽粗既麵沾上熱湯，不得了叉燒超唸又入味又大塊仲要+35$ 有cola 同小食叫左小丸子同餃子餃子好出色，juicy 之餘，個餃子底好香脆小丸子細細粒，但入面有清楚食到有章魚!!好滿足既一餐分量都吾算少，女仔吾洗加小食都夠曬飽當日仲有8折...真係太好

Call齊人馬食拉麵🍜！黃店最後3日☎️💛—————————————————————召喚懲罰師！！！
又一間黃店同大家講再見 剩返最後幾日🥺💛
大家路過尖沙咀不妨比啲最後支持佢地啦💪🏻
覺得佢地好有心！有提供素食拉麵比大家選擇～～
行過路過！唔好諗！即刻入去啦～
.
🍜素食醬油麵（$53)
我地揀左普通麵質～唔太硬唔太軟（🙂廢話）
佢地上面有啲芽菜、椰菜同埋竹荀～啲荀有啲難咬🙊
醬油湯我就覺得偏淡 所以加左啲七味粉吊下味😆
哩個價錢嚟講我覺得抵食又大碗
.
🧀芝士年糕（$32)
有三舊～上面有啲燒汁同紫菜
應該係煎/氣炸 因為唔會太油～
都幾煙煙unun😽💛
.
希望大家哩幾日去完話我地知啦
有鼓勵到大家去支持我地都會好開心豬架😽🙏🏻
#challenge
.💰Total: $148味: 7/10飽: 8.5/10抵: 9/10
.📍鶴亀尖沙咀漢口道19-21號漢宜大廈地下L號舖Shop L, G/F, Hanyee Building, 19-21 Hankow Road, Tsim Sha Tsui.我開心仔將會繼續同大家跑素 搵盡全港甚至世界各地既美味素比大家.

今日去咗尖沙咀行街，行到大約8點隻腳已經Feel 到有啲攰，肚又有啲餓。Search 下附近有咩高質嘢，眼見間間都要排餐飽，所以決定行一行，搏一搏，去遠少少嘅漢口道，試試一間都幾高分嘅沾麵店。果然皇天不負有心人，兩個饑寒交逼嘅小朋友千身萬苦行到去店舖門口。慶幸好快可以入去食，只係等咗大約10分鐘，而我哋入去之後就開始出現長龍！【辛辣豚骨沾麵】沾麵有冷/暖供選擇，我就叫暖麵，辛辣豚骨沾麵，講真辣就唔係好辣，麻油味幾出，但有啲遮咗豚骨湯嘅味道，不過豚骨湯夠濃，可以掛湯，而且值得一提嘅係就係鶴龜嘅麵質十分口感煙韌彈牙！【煎餃子】煎餃子雖然睇好似好硬，但食落外脆內juicy。賣單有折，折完好似每人大約＄100。總結，呢個價，呢個質素，絕對可以翻食，下次試拉麵！

因為就黎結業，所以專登過黎支持。臨近結業，平時應該會排曬長龍，但店入面座位吾算話多，所以建議大家食完就吾好坐太耐，讓個位比下一家入黎食。佢地個麵食會有9折。留意番只係「麵食」先有9折優惠。同埋每個人會有兩隻餃子送。我就叫左個小辛（即係小辣）既辛辣豚骨拉麵，個湯飲落吾算話飲到好重個豚骨湯味，反而會比個辣味搶左風頭。辣度似食緊譚仔五小辣咁。個叉燒係普通日式叉燒，但偏薄左少少。個流心蛋反而最正！真點流心得黎，係絕對似日本拉麵店食到既流心蛋咁。叫左多蔥又真係幾多蔥。麵條煙韌彈牙而且爽口，食完絕對會飽肚。加$35會有4粒章魚小丸子同包埋一杯罐裝汽水。（留意番呢個係「吾」會有9折優惠既!）真係好有驚喜，個章魚小丸子食落口外脆內軟，十足十日本小店即叫即整果種。但呢間個章魚小丸子size偏細左少少，連帶入面嚿章魚都偏細。但連埋個海苔、章魚燒醬同埋沙律醬，完完全全食到日本風味。建議一上左枱，就要即刻食，因為放左一陣個外皮會無咁脆。一開始店員漏左比汽水，提一提之後就即時比左我地。而每人送2隻既餃子，食落都感受到店家一D都吾馬虎。餃子頂端煎到非常脆卜卜，食落食到個豬肉餡既香，係幾好食嫁。總共食左$119，有

小編最喜愛既食物之一，其中一樣一定係拉麵🍜。而拉麵店開得最多既地方應該係尖沙咀喇👀，因為小編好多時候見到隔幾條街就已經見到一間拉麵店，有啲裝修好華麗，有啲店面好大間又多人排隊👯‍♂️。今次小編去既呢間雖然裝修並唔算出眾，而且小店細細間，但亦都有啲人氣排隊，呢間餐廳叫「鶴亀」⛩。✦✦✦✦✦✦✦✦✦✦✦✦✦✦🎈特濃豚骨沾麵 $81小編認為拉麵店既沾麵湯底太稀，完全唔覺有好濃郁感覺😲，令到小編叫既冷麵唔係太掛到麵，感覺好似只食到拉麵原有味道🍜。小編試過就咁飲沾麵湯底，唔太結身亦不太濃，就咁飲係完全無問題👄，似係普通湯底一樣。另外，賣相都唔係太吸引到小編注目。唯一覺得唔錯就係拉麵店既火炙豬肉，燒出嚟都有燒焦肉既香味，亦不太乾，可以接受👌。✦✦✦✦✦✦✦✦✦✦✦✦✦✦🎈黑椒醬油雞翼 $26 呢款雞翼要趁熱食會比較好，主要原因係炸雞皮涼咗之後無咁脆口同味道變得咸🤯，如果趁熱食嘅話都仲可以感受到雞肉同雞皮經調味之間味道與質感🍗。而且雞翼有大量黑胡椒同鹽，較為普通。✦✦✦✦✦✦✦✦✦✦✦✦✦✦因為小編主要食拉麵比較多，所以對拉麵既要求亦都隨之而提升⬆。毫無疑問係尖沙咀咁多拉麵店林立既地方，餐廳既質素好容

繼續尖沙咀嘅覓食遊記😋除咗尖沙咀嘅商場大廈，著名嘅厚福街等等，係另外一邊嘅漢口道，都有好多形形色色嘅小店，今次就嚟到淨係睇門口都好有日本風味嘅鶴亀😋食物方面主要有沾麵同拉麵，而家午市做緊堂食九折優惠🤩，仲每人送兩粒煎餃子🥟👍🏻🤗《辛辣豚骨沾麵》 $93 3.5/5辣度、麵嘅軟硬度都有得自己配搭，今次叫嘅係小辛，見醬汁唔紅就知道冇咩辣勁，喜歡辣嘅朋友建議由中辛開始💁🏻‍♀️辛辣有啲似五味粉嘅辣，唔夠過癮😩要讚一下湯底係好濃郁嘅豬骨香，輕輕沾一下都成功掛汁👍🏻敗筆在麵身偏幼，口感差左啲🤨自家製嘅日式叉燒亦有點薄，搞到好似無咩餸咁🙈《日式煎餃子🥟》 2粒/人 🄵🅁🄴🄴 4/5套餐送嘅煎餃子一啲都唔馬虎😎煎餃子最鍾意食佢嘅脆邊，呢度煎得好金黃，加上餃子皮夠薄，咬落都好juicy😋整體味道不過不失，但豚骨沾麵欠缺特色，如果唔做優惠價錢就會偏貴，所以都係把握佢有折扣先黎食啦🙈

#肥doi遊觀塘.聽講呢間黃圈既沾麵店11月16日就會結業，所以即刻去試試佢同埋支持下佢地。我地當日5點幾就去到食，雖然鋪內都幾多人，但我地都唔洗等位即刻入到去！-《辛辣豚骨沾麵》麵質比較幼同埋唔夠彈牙，落單時有得選擇軟硬度，我地選擇左硬，所以口感都唔算係太差，麵質粗返啲會更好。叉燒係成碗麵最值得推介既位，每碗麵有三塊薄薄既叉燒，份量雖少，但每塊肉既肥瘦適中，食到啲油脂香味同埋火灸既味道。辛辣豚骨汁既味道偏淡，雖然汁係比坊間既沾麵店多，但都比其他店稀，啲麵放入去唔係幾掛到汁，佢話哂麵係辛辣，所以都食到辣味既，但就食唔出個汁既豚骨味。.《櫻花蝦沾麵》櫻花蝦味既沾麵汁，面頭鋪滿左櫻花蝦，聞落都好香蝦味，不過食落飲落就無乜蝦味，同豚骨汁一樣，汁既份量多但稀，麵掛唔到啲汁，好似分開左做兩樣野咁。.《日式煎餃子》餃子係有小小失望，味道普通，係平時超市既日式餃子。-👅味道：6.5/10🍱賣相：8/10 🏠環境：8/10⭐總評分：7/10