鹵家

Open Now

Now Closed

【鹵家】是元朗一家隱藏版的五星級美味小店，雖然店面不大，以高品質的料理吸引了無數街坊熟客😍推介招牌菜「金牌燒鵝皇」絕對是必試之選，外皮酥脆，肉質鮮嫩多汁，每一口都充滿濃郁的鵝香🤩蒜汁豬頸肉同樣出色，豬頸肉彈牙爽口，搭配蒜汁的香氣，味道層次豐富，讓人停不下筷子🤤涼菜方面，話梅涼瓜片清爽開胃，涼瓜的微苦與話梅的酸甜完美平衡，開胃清爽😋酒仙醉雞卷則是一道充滿驚喜的料理，雞肉嫩滑，酒香濃郁，口感細膩😜住家老火湯每日新鮮熬製，南瓜蟲草花紅蘿蔔湯清甜滋潤，喝得出家的溫暖與用心!!

[✨元朗鹵家·CP值滿分風味小店🍚]#鹵家 #元朗 ✨二人套餐 $216🔸蜜汁叉燒皇半肥瘦叉燒，油膩感唔重，微微濃邊燒得很好，肉質亦好爽腍，唔錯🤤🔸頭抽豉油雞雞肉嫩滑啖啖肉，好入味，食完都唔會有咩肥膩感。🔸京蔥金錢肚金錢肚爽口入味，配搭青瓜絲，令口感有唔同嘅層次🤩🔸跟餐 米線及飯米線大碗爽滑，唔錯🔸住家老火湯 +$8材料豐富，煲得入味，岩晒我哋啲少湯水嘅家庭😬🔸凍檸茶 +$3大杯，正常發揮————————♡♡♡♡♡♡————————✨總結餐廳主打由前五星級酒店老師傳主理，價錢合理份量多，味道亦都唔錯，鍾意食燒味嘅朋友，呢度係一個幾好嘅選擇🥳📍鹵家 (元朗)🏠元朗教育路68號兆豐樓地下10及14號舖#jmhkfoodie #hkfoodie #hkeat #hkeats #hkfood #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #元朗 #元朗美食 #元朗好去處 #元朗食好西 #元朗餐廳 #鹵家 #thelufamily20

又嚟到之前推薦過的其中一間飯堂鹵家食燒味 食咗咁多次今晚豐富啲試吓2人套餐😆二人套餐 $216包括了2個自選小菜 1個自選小食 菜 2個飯和熱飲今晚點了蜜汁叉燒王、秘汁鹵家鴨和鹵水豆腐 飲老火湯要加$8 但私心必點老火湯 主打住家沒有味精👍🏻叉燒水準一如既往的好 燒得剛好帶點濃邊 肉質爽腍但唔肥 調味很好帶點蜜糖甜味 好送飯滷水鴨有驚喜 份量很多 面頭鋪滿了鴨肉片 啖啖肉滷水味又香 下面有鴨件 配合哂中意食肉或噒骨的朋友幾個餸同小食底部都有大豆芽 吸收埋豉油汁一齊食幾好味 而且可以中和食肉的油膩感晚市亦有1人餐或者加餸斬料都有 環境明亮整潔 地點係教育路中段都好方便

一個係食神叉燒飯，餐廳將呢個飯邊度有改名做食神叉燒，啲叉燒完全係碎件上 完全係與圖文不符，而且件數得好少另一個係鹽雞飯，雞有骨就一定㗎啦，但完全冇諗過成碟都係雞骨，然後就問職員 佢話會搭咗啲頭頭尾尾 背，頸之類，我心諗你仲意思講出嚟俾人聽，睇怕佢都系想啲客食薑蓉撈飯 而唔係佢嘅鹽雞。。。總括以上 只係覺得係出面食燒味飯 雙餸飯 都好食過佢，分分鐘質素仲好過佢添，仲要每樣都$60-$70，所以一啲都唔值呢個價錢。

💕情人節簡簡單單 諗住食中式 叫餸食飯 唔洗同人逼 估唔到 都好多人食 等咗15分鐘 叫咗個二人餐 好豐富 好味又抵食👍🏻💁🏻‍♀️頭抽豉油雞雞位置唔會側重一樣😍 有胸有髀 雞唔會太肥 肉質嫩滑🤤 味道剛好 又唔會太咸太濃 好味👍🏻💁🏻‍♀️金牌燒鵝皇(+$15)果然係金牌🎖️ 鵝皮微微脆口 好有驚喜🤩 肉質一啲都唔鞋 呢個絕對係全晚MVP🫰🏻下次必定encore😛💁🏻‍♀️鹵麻豬耳麻味有層次 又惹味😋 豬耳口感柔軟又有彈性👍🏻 小食同樣高質👏🏻💁🏻‍♀️時菜一碟時菜擺盤都唔會令人失望 鮮甜無渣👍🏻💁🏻‍♀️老火湯 南瓜蟲草花紅蘿蔔湯(+$8)用料十足 味道濃郁 絕無味精 真材實料👍🏻💁🏻‍♀️凍檸茶(+$3)有茶味 但又唔會有苦澀味 又夠甜 很好👏🏻💛擺盤一啲都唔馬虎 食物真材實料 味道非常唔錯 令人食得開心又滿足 而且服務態度親切有禮 多人食係有原因🤭👏🏻

今日嚟試號稱全元朗最好食燒味鹵家，住元朗的朋友亦不時推薦，家庭式經營，大廚退休前曾任職星級酒店，樓面由太太主理，親力親為。菜式每日新鮮製作，鹵味、燒味頗受歡迎，而且價格相宜，值得一試。呢家全元朗最好食嘅燒味鹵家，真係唔可以錯過！佢哋係家庭式經營，大廚之前喺星級酒店做過，真係有實力。樓面由太太主理，親力親為，做出嚟嘅菜式每日新鮮，鹵味同燒味都好受歡迎，價錢亦相宜，值得一試。蜜汁叉燒米線嚟到呢度，必試自家製叉燒，配米粉，午市套餐仲有老火湯。叉燒切得厚厚一片，外面微微焦香，口感柔軟唔乾，蜜汁入味，調味唔會過甜，真係好正！頭抽豉油雞米粉呢道菜用新鮮雞脾，搭配米粉，香味十足，雞肉鮮嫩，滷水汁香味多層次京燒金錢肚呢個金錢肚用咗好多京蔥一齊炒有少少麻辣住家老火湯每日新鮮熬製，今日係合掌瓜煲栗子，暖身又滋補，湯汁清甜，材料豐富，飲完真係舒服

平時鍾意午餐或者晚餐去鹵家，今日選擇下午茶嚟，叫咗鹽香雞米線，手帕青瓜。 手帕青瓜係其中一個我最鍾意叫嘅小食，唔會太辣，而且青瓜好入味🥰 佢嘅燻蹄亦都係我經常叫嘅燒味之一。鹵家服務員亦都好有禮貌，係值得支持嘅小店。

黎到教育路見到呢間小店「鹵家」都幾多食客喎！餓餓地食個叉燒，鹵鴨，再加個醉雞送飯先叉燒有驚喜喎，初初睇圖以為會好瘦，實際係肥瘦適中，又林又入味，邊位仲有小小焦香味，配熱飯真係一流。連下面墊碟嘅青瓜絲都好好味。滷水鴨都好出色，咸到剛好，肉質唔嚡，鍾意佢切到厚度啱啱好。就先醉雞卷，真係同圖一樣擺盤都好靚，夠晒入味，呢個夏天食一定贏。仲有老火湯都係驚喜，真係好足料。小店勁有誠意，如果食飯時間嚟真係隨時要等位

元朗食開滷水，點會唔記得📍鹵家🫶🏻尼家去開，好有人情味。食物好有住家feel🏡得閒經開，都可以試吓💪🏻

鹵家一直係我同老婆嘅心水小店，今次裝修完再嚟，環境更加舒適，食物水準依然無得彈，堅係五星級酒店師傅嘅實力！食品部分食神叉燒飯($62)：叉燒質素真係出神入化！外層燒得油亮焦香，內裏保持多汁，肥瘦分佈完美，每啖都係極致享受，完全可以媲美米芝蓮餐廳嘅質素！叉燒汁鹹甜適中，滲入飯粒，每啖都係滿滿幸福感，呢個真係非試不可！湯(隨餐送)：每日例湯係鹵家嘅招牌之一，今日飲嘅係清補涼湯，味道鮮甜，材料豐富，飲落完全感受到誠意。最正係每日款式唔同，帶來無限期待，絕對係餐飲體驗嘅加分位！姜汁松花蛋($18)：平時唔係咁鍾意食皮蛋，但鹵家嘅姜汁松花蛋改變咗我！皮蛋口感滑嫩，冇一啲腥味，姜汁香味突出但唔會嗆，整體味道平衡又清新，作為前菜或者小食都非常完美！⭐食品評分：5/5環境與服務裝修之後嘅鹵家更加靚，座位設計闊落，感覺舒服咗好多，適合慢慢坐低享受餐飲時光。服務一如既往有水準，侍應禮貌熱情，出餐速度亦快，完全係五星體驗。⭐服務評分：5/5總體感受鹵家無論係食物質素、環境、服務都保持極高水準，值得推薦俾鍾意高質鹵水嘅朋友！$62嘅食神叉燒飯價錢合理，湯同配菜仲咁有誠意，真係物超所值。無論係第一次嚟定回頭再食

滷水鵝真是無可挑剔，鵝肉鮮嫩多汁，滷汁滲透每一絲肉質，味道濃郁而不膩，讓人一試難忘。南瓜排骨湯更是讓人感受到家的溫暖，湯頭濃郁，有家的味道。份量望落雖少，但係食落都好飽肚，因為滷水鵝其實食完都會夠滿足！

元朗發現寶藏燒味飯店❤️無味精用心製作，素質絕不參差。食客當中不少是街坊老顧客，與老闆娘「邊食邊打牙骹」🤭，可見餐廳深受街坊歡迎。🥓🍳🍚食神叉燒飯冇得彈！貓太太頒發「頂級黯然銷魂飯」頭銜😍半肥瘦叉燒外塗上蜜汁，脂肪筋位一點都不韌，瘦肉部分鬆軟而不柴。脆邊煎蛋完美地保留溏心，真係想食多兩三隻🍳。🍗特製鹽香雞飯油亮奶黃的滑雞皮，實淨滑漏的雞脾肉，鹽水麻油浸豆芽。沒有過多的修飾，食雞有雞味，最正不過此味😆🍲蟲草花南瓜排骨湯招牌無味精餐湯，就是湯頭鹹了點，味鮮又香濃。

這間燒味店舖營業了很多年，大廚是前酒店主廚🧑‍🍳食物質素高，有保證～想吃很久了，這次終於有機會來試試！梅子脆燒鴨（+$15轉燒鵝） $78+15燒鵝的肉感純正，肉質嫩滑，鮮美爆汁，配上酸酸甜甜的梅子醬可以去除油膩的感覺，好吃得一塊也不留！蜜汁叉燒王$79每塊叉燒的肥瘦適中，邊角位置有點脆口，塊塊入味，調味不錯，很下飯，色澤也是吸引的，很開胃。套餐跟配白飯或米線🍜可自選酒仙醉雞卷$62作為店鋪的招牌菜真是不得不試！一上桌就有很香的酒味，經過精心調製，雞肉嫩滑，雞皮彈口，枸杞的點綴亦讓人眼前一亮，賣相吸引🤩整道菜很高質。套餐跟配住家老火湯湯有住家的味道，重點是有好多料！看得出老闆很用心，豬骨熬製得很軟熟，骨內的精華都滲透出來，湯味濃郁～鮮甜，冬天來一碗，真是溫暖極了。凍檸檬茶與一般店舖的檸檬茶味道不一樣，很清新解膩，配上鹵水的菜式正正合適！店鋪的生意興隆，價錢相宜，性價比高，難怪這麼多人光顧，相信回頭客肯定也不少呢！喜歡吃燒味的朋友一定不能錯過喔！鹵家 地址: 元朗教育路68號兆豐樓地下10及14號舖

高手原來在民間，呢間街邊舖估唔到可以咁驚喜💓 由五星級酒店嘅師傅主理嘅廚房，質素果然係零舍不同，唔怪之得keep住都咁多客仔✨睇嚟下次仲可以斬料翻屋企加餸添😚1️⃣ 老火靚湯🥄係超濃郁嘅南瓜蟲草花湯😍 南瓜煲到勁綿🎃～ 仲好足料添，一碗入面有好多蟲草花👏🏻 飲完補氣益血，差滿電就要繼續努力💪🏻2️⃣ 秘汁鹵家鴨飯🦆鴨鴨嘅肉質好結實，食落啖啖肉，仲要係大大隻髀😛而且好入味，連埋醬汁好配搭😆底下仲有芽菜，食落勁爽口果然係功足十足呀💯3️⃣ 黯然雙蛋叉燒飯🐷食神銷魂飯✨ 唔少得嘅一定係流心雙蛋🥚 將蛋汁撈落飯到係超邪惡😈叉燒就超吸引，肥瘦適中啱啱好，出面燒到焦邊，入面就軟嫩好juicy🥰～

元朗教育路呢間燒味又有鹵水食，有驚喜!住家老火湯超大碗的，同埋仲有湯渣。檸濛茶都係大大杯話梅涼瓜片 HK$42估唔到呢個配搭又幾正，苦瓜一點都不苦，吸曬話梅嘅味，酸酸地超開胃。梅子脆燒鵝 HK$93呢個份量都算OK，皮就唔算太脆啦，不過唔太肥，肉又于厚實，同埋都幾入味。蒜汁豬頸肉 HK$76重口味之選，豬頸肉口感比較爽口，加埋蒜汁，簡直就係蒜泥白肉咁，超香的，超好送飯。鹵家元朗教育路68號兆豐樓地下10及14號舖