麴町 (Closed)

之前網上有人介紹呢間章魚小丸子, 今日經過特別買黎試試!鋪頭一間眼哂, 好細間, 只有外賣或者企係街食! 由於所有工作都只有一人處理, 所以好忙碌!我等了1,2分鐘店主先有時間落單!原來以為只有章魚燒, 原來仲有其他小食可以點!不過今次特別想食章魚燒, 所以沒有點其他!這次點了明太子章魚燒, 章魚燒size比乒乓球細少少, 但內裡不是章魚碎, 而是真的有章魚呢!!$35我認為算不錯!! 明太子真的好多, 不過有點可惜的是明太子太咸...

元朗的麴町小丸子也挺出名的，不竟專食小丸子的店不多，而且呢度有好多款口味，每一款口碑也不錯。近日得悉店主有意頂讓，即刻要黎食一波。小店經常有貼字，襟章，明信片等，自由定價。放工趕過黎買，差不多十點了，好好彩趕得切。依舊係買左原味六粒，雖然其他口味都好多人讚，但每次走到埋櫃檯就會買左原味，好似有股魔力咁，哈哈。全部都係即叫即整，所以啲小丸子熱辣辣，外脆內軟，每一粒都有魷魚腳，軟綿綿的口感真係好正，仲要多醬又係好好味，點解會有人走醬㗎？！勁鍾意多醬呀。希望店主唔好唔做啦，好食嘅小丸子買少見少呀～

🟡元朗超多口味章魚燒🟡-喱間位於巷仔既章魚燒小店，除左原味章魚燒外，另外仲有七種口味可以揀，真係揀到頭都大埋🧐。最後司令揀左黑松露章魚燒（$28/4粒）同明太子章魚燒（$26/4粒），章魚燒全部即整所以上手熱辣辣，口感偏日式，外面比較脆裡面軟身，明太子醬比得夠多🥰，鹹鹹辣辣幾惹味，至於黑松露係幾有驚喜既😁，松露個味幾突出，估唔到同日式既小丸子又幾襯☺️。-兩種味都幾出色，有機會都想試多幾種味☺️。

.元朗千色附近嘅小巷有間食章魚燒嘅黃店💛幫襯仲會送pepe酒精噴霧🐸店面仲有好多文宣，同埋仲有張告示會鼓勵你幫襯埋附近嘅黃店，好欣賞👍🏻蔥味章魚燒 $30疫症關係，都費事喺街食，返到屋企嘅時候，可能係俾個盒焗腍咗嘅關係，個章魚燒嘅外皮都唔係好脆，入面口感唔會好粉，但就依然熱辣辣😋 章魚燒好足料，有好大粒章魚， 仲有好香嘅蔥味，都食到少少日本嘅味道🤤明太子章魚燒$32表面嘅明太子份量好多🤤鹹鹹地，好重明太子味，抵食呀😋今日又有本地感染個案啦😪，大家記得繼續做好個人衛生，唔好喺街邊除罩食嘢呀，想支持小店都可以買返屋企先食㗎🥰，要人無事先做到世界冠軍呀😇

超多口味章魚燒，即叫即燒！我好鍾意食章魚燒～麵糰外脆內軟，加埋章魚粒、蛋黃醬、燒汁同木魚碎，趁熱食，少少辣咀嘅感覺真係無得頂 今次我就試咗元朗一間我大愛嘅章魚燒「麴町道場」！ 呢間街坊小店，位於昌發樓及安福大樓之間嘅橫巷，幾唔顯眼，真係經過都唔多覺佢存在嗰隻。不過，我因為支持黃色經濟圈嘅關係，前排就特登搵嚟試～結果一發不可收恰！一嚟呢度嘅章魚燒係即叫即燒，真正「新鮮滾熱辣」；二嚟可以揀黑松露、明太子、蜜糖芥末、芝士、蟹籽、蔥味及原味等唔同口味，真係揀起上嚟都選擇幾多；三嚟我鍾意呢度章魚燒嘅口感，外層燒得夠香脆，入面軟滑，加埋大粒章魚及蔬菜，爽彈有嚼頭！ 黑松露章魚燒 HK$28／4粒；HK$34／6粒 明太子章魚燒 HK$26／4粒；HK$32／6粒其中，我至愛就係黑松露同明太子口味，無諗到黑松露陣味咁濃烈，同燒汁、蛋黃醬撞埋一齊，竟然幾合拍，食完口腔仲有陣陣類似大蒜香嘅味道，令我有啲難忘；至於明太子味，鹹鹹香香為主，帶微微辛辣口感，個人覺得幾惹味，唔錯。另外，呢度可以order 4粒或6粒盒裝，我就鍾意揀兩隻口味，各叫4粒，一盒8粒，當一餐正餐就剛剛好！喜歡章魚燒一定不可錯過

本身好鍾意食章魚丸，呢間良心小店Service又好，又可以電話落咗單之後先拎，元朗來講應該最好食係呢間章魚丸，佢係開喺千色對面嘅地舖佢入邊啲八爪魚仲係新鮮，好彈牙嘅，即燒，熱辣辣，外面脆卜卜，入面又夠juice,口味又多選擇，上次食過原味，好正咁似菜式，再加多盒蜜糖芥末味，食落其實嗰粒章魚丸應該係一樣，係佢個醬唔同，個蜜糖芥末味係幾好食，唔會太辣，幾甜，有朋友推介佢個黑松露味係好食嘅，下次要試試佢

今日想介紹一下一間喺元朗既黃店❤️❤️❤️麴町道場😍😍😍專賣燒八爪魚丸即係章魚小丸子同埋日式小食😚😚😚地點好方便鋪頭好易搵20幾蚊就有交易 而且仲有好多款醬汁 我個人覺得好抵食👍🏻👍🏻👍🏻 佢最有心係有晒元朗黃店地圖 🌟🌟🌟互相支持大家一齊做好佢🌹🌹🌹如果你經過元朗不妨都試吓呢一間野呀唔錯㗎幾好味㗎🙆🏻‍♀️🙆🏻‍♀️🙆🏻‍♀️

要喺元朗獨立國插旗，要係黃店之外，一定都要有咁上下質素先至得㗎。如果啲嘢唔好食，元朗咁多餐廳、咁多小食店、真係唔係咁容易捱得到。呢間專賣小丸子嘅鋪頭都係元朗一段日子，好老實講呢個舖位呢就經歷過好多手㗎啦。如果你知道元朗千色店嘅媽咪雞蛋仔響邊，望過對面有條巷仔就見到㗎啦。真香港人可以放心大大咁出力支持！唔好意思，黑警同藍粉，大陸人呢間鋪頭都唔招待㗎！721令元朗成為獨立國唔熟元朗嘅朋友記得要download呢張地圖跟住去幫襯！呢間小店專賣章魚小丸子嘅，當然仲有少少炸物啦。由於都係即叫即做，各位要注意每次落order大約要等15分鐘。如果多客嘅話梗係要耐啲。如果中意食日本口感嘅章魚小丸子，應該會好鍾意食呢間野嘅。日本章魚小丸子同香港嘅分別咪就係Q唔Q。好明顯呢間係唔Q啦，話咗你知㗎喇。必試黑松露醬章魚小丸子。講真每逢黑松露醬嘅嘢都冇得輸㗎啦。至於蜜糖芥辣章魚小丸子就一般般，咸咗少少，芥辣味尚未有突出，普普通未見吸引！

個人認為章魚小丸子係咩時候見到都會想食😍除非你剛食飽🙈當然行過路過見到又係千祈唔好錯過😋😋望望有咩味揀😗都真係唔少款喎🤔有得自選2款强烈建議老闆俾多個選擇🤭就係自選4味/6味🙊收貴啲我都制架😬門面好有小店feel💕仲有我最like既海報同memo😍我叫左黑松露同蜜糖芥末😋😋係咪好識食😂😂其實仲想食埋其他味🤭我都真係幾為食🙈醬汁配搭好正，唔會太濃味唔會有太膩既感覺原隻章魚😋😍😍yummy👍下次一定要再去食其他味😉

💛今日發掘咗一間良心黃店💛小店位置唔算顯眼，但都易搵，就喺元朗千色匯附近除咗章魚燒，仲有賣其他小食：炸薯格、紫薯球⋯今日唔想食咁飽，只點了章魚燒加2蚊可以轉成雙拼，揀咗原味同明太子即叫即製，所以都要耐心等候等了大概10分鐘就有得食喇！一擺落口非常熱，不要學我太貪心一口鯨吞咗佢如圖所見，木魚、醬汁都十分足料，章魚燒外層燒得夠香脆，而入面仍然係軟淋淋的口感最驚喜嘅係，每粒章魚燒入面都有大大塊嘅章魚，唔係平時的章魚’粒‘，係對得住佢價錢！見到小店對食物嘅質素相當有堅持，自己煮醬汁、即叫即燒 燒好唔會擺超過30分鐘、客人到先放小丸子入盒，感到佢地滿滿嘅誠意希望佢地長做長有啦！💛小店鋪面有貼文宣同日程表，睇佢Facebook都有參與過罷工，一定要撐！💛

呢間野既位置都幾唔起眼，我都係係網上見到有人介紹，先留意到呢個小店。佢主打係唔同口味既章魚燒，另外都有其他小食。而我今次就試左明太子章魚燒。章魚燒幾足料，粒粒入面都有🐙🐙。正😍😍同埋雖然係即叫即整，但都好快就有，唔洗等好耐。👍🏻

一向好鍾意食小丸子，但食開嗰間執咗笠之後就少咗食啦，近日發現元朗都開咗一間專食小丸子嘅店，好多谷友都讚佢好食，於是今日就嚟試下啦。位於橫街窄巷嘅麴町，唔熟元朗都唔易搵㗎。小丸子口味不少，仲有其他小食揀。初來報到就梗係食個原味先啦，要咗六粒裝同朋友一齊share食，即叫即整嘅關係都等幾長時間，拎上手仲係熱辣辣㗎。打開個外賣盒一陣木魚香味，睇見都流曬口水，新鮮整仲要多醬，梗係無得輸啦。入口軟綿綿，每一粒都有章魚腳，足料好味，一定返轉頭encore呀！

🔎麴町 (元朗)📍元朗教育路3-7號富好大廈地下9號舖-搵食認住米豬連🐷👍🏻 #黃店系列🔹蜜糖芥末章魚燒（六粒） $30即叫即整 等幾分鐘就有得食啦size比起一般嘅都算細粒 但味道真係唔錯 再加上係黃店 好值得支持醬汁都完全係落足料👍🏻 章魚都好大粒 又做到外脆內軟 仲有好多木魚絲添呀下次再試埋其他味先😋

超好食既章魚燒，味道多選擇，加$2可以混多種口味添。之前係日本食過既都好味，估唔到香港，元朗都有一間章魚燒係我食過翻尋味既。價錢唔算貴，日本都咁上下，三十蚊左右，但感覺呢間仲好食過日本既。今次第二次食啦，上次食芝士味，芝士係會拉絲架，芝士控既我係無法抗拒，真係好正。今次試左蟹子味同黑松露味，用料份量多，章魚🐙大大粒，算好抵食，等左十分鐘就有，即叫即制，外脆內軟，一定會再來。。收銀姐姐仲要好有禮貌添。

第二次嚟幫襯啦！第一次食原味章魚燒，好好味，所以再encore。今次等左10分鐘就有啦，食咗個黑松露章魚燒，遠遠已聞到松露香味，配埋個沙律醬，味道更豐富。咬落去又唔會好淋，仲有好大隻章魚，d粉嘅比例啱啱好！食完好滿足！希望小店可以keep住水準。