麵麵店 (Moved) New Location

琴日去左呢度食, d車仔面都好快有. 我叫左蘿蔔, 墨丸同腸仔. d墨丸無乜味但d 蘿蔔好甜. 同埋都算平. 我會再去食ge

上次專誠去食，要了三樣餸，比少咗要問佢攞，好似唔好意思都冇句，no good；一般車仔麵質素，不過有辣菜甫及甜甜地辣醬可以自己加，加咗好味多，幾好，唔似永年，佢自己加辣醬有時辣到食唔到，由得你自己加，要幾辣有幾辣，

我比較鐘意食菜，所自選配菜挑了時菜、炸菜肉絲同紫菜。一拎黎賣相唔錯，有好多送......好豐盛的樣子！但食落同其他麵店冇咩分別姐......而且本人食量細，最後剩番成大半碗......無計啦......d阿姐幾friendly......不過我都只會俾個"OK"佢

相約男朋友到佐敦食lunch,好耐都冇食過我們最愛的車仔面,所以第一時間諗起面面店.我們分別叫了兩碗,真係好大大碗,足料.最好食的就是羅白,好甜.另外咖哩fishball細細粒,是我最喜愛的那種.兩人飽餐後很滿足,下次我會+ 唦嗲汁,看看有多好味.

17/5(三) 8pm返學前用左食飯既時間去剪頭髮,唯有趁break既時間閃出去買野食,今晚胃口不大,諗住隨意食d野,本想到此店食車仔麵,但入到去又改變了主意,要左個鮮果沙律,$16吾系平,但用料新鮮:車厘茄,芒果,火龍果,菠蘿,蘋果,椰果,雞蛋,加上其淡黃色既秘製沙律醬,感覺頗lite!$16食得過!

經開呢頭,所以黎試試.下就3點幾,都幾多人幫襯.叫左炸燒賣魚肉牛腩粗麵.炸燒賣係龍蝦丸整既,幾好味魚肉同牛腩都冇咩特別,不過就好多,好足料.但係個粗麵就好失望,好似煮唔熟咁

偶爾也會同女友到這裡光顧, 味道一流, 抵食.他們的草菇和chicken wings是我和女友的最愛.沙爹汁也是值得一讚.

昨日難得放假，夜晚約了一眾食友到樂師聚餐，見下午悶悶哋，就走出街食lunch，思前想後，就決定往這店懷舊懷舊。幾年前試過呢度嘅車仔麵後就成為常客，不過最近就嚟少咗。一坐低就叫咗三拼油麵--- 豬腸、魚肉春卷及炸燒賣。依然係大大碗，呢度嘅麵最好食並唔係D麵及料，而係佢個沙嗲汁及配菜(辣菜甫)，一加咗上落D麵後，當堂成碗嘢唔同哂，沙嗲香且辣，D菜甫加咗紅椒粒，更加惹味。連埋杯豆漿都只係紋$20....抵到爛

行到去佐敦搵食，記得呢間有好多笑面食評。原來除了車仔麵外，仲有酸辣米線、台式飯、上海菜飯等任君選擇。我本來揀三，阿姐好好人，提議我不如要個套餐，揀四再有杯餐飲送。我要了酸齋、鹵水豬、紅腸及牛腩米線，加埋沙嗲醬。份量好足、好大碗。酸齋、紅腸應該係來貨；鹵水豬係厚切，幾有咬口，不過完全唔入味；牛腩真係唔掂，我仲以為係煲湯渣，非常韌又無味。最正係沙嗲醬，唔算太辣，但好香。老公要豬紅、豬皮、豆腐卜同午餐肉油麵，我只試了豬皮，好諗亦唔入味。而叫了杯奶茶，佢話唔得，味道好淡冇乜茶味。另外再叫了客酥炸燒賣及油菜。第一次食炸燒賣，口感幾得意，外脆內軟，好好食。而油菜就好抵，8蚊大大碟。其實食車仔麵一定有好多味精，返到屋企飲了好多水呢!

我自己一去佐敦if唔想諗去邊食, 就會去呢度食...不過我次次都無加麵..齊食餸...我叫左好多呢..剩牛展..魚蛋..菜...牛根..炸燒賣..生腸..魚肉...我覺得魚肉係必食...千萬唔好叫魚蛋..無味既-.-...其他都唔錯..杯豆漿我都覺幾好...最鐘意佢d辣茶莆同..沙嗲汁可以買俾home..次次食完都好飽..之後就行1陣嘆haagen-dazs...^^

車仔麵OK，不算味濃個款，湯底用過心機去煲～麵以外，試過炸南乳雞鎚，$6三件抵食，作為伴車仔麵既香口小食都唔錯～整體味道OK，反而豆漿有驚喜，夠滑少甜有豆味，食完麵都解渴晒！

粉仔($16)：是淋了的烏冬，加上一點點的蝦米及肥豬肉，雖把飲哂杯檸水，但味精湯的後遺症仍揮之不去4餸 車仔麵($23連餐飲)：餸的份量不多，麵條煮得較過耐，味道不算好吃魚肉碗仔翅($12)：幾細碗，但料的份量幾多，但街邊的小販賣得好味得多價錢是平，但食物的質數不值得再光顧唯阿姐的態度好好

一般嗱喳麵, D料係唔錯, 我食蟹子丸, 魚肉同魚春卷, 但我唔覺個湯需要咁多味精囉, 其實只要係少少炸菜或葱花已經可以帶到個咸味, 依家咁樣真係好唔健康~~個炸燒賣都OK, 不過D豉油又黑又假... 食晒成餐後, 飲豆漿都唔止渴, 口乾到要買左2支750ML既水, 飲晒都仲渴, 你話有幾多味精!

我之前都係睇d度先知佐敦有間食車仔麵..所以專登走去試下..我琴晚9點幾去.但都有8-9成人..我叫左豬腸.雞翼.尤魚同豬脷..我女友就叫左翼尖.蘿蔔.金菇.(唔記得)..佢個湯好清好甜..都算好丫..d餸其實好平均.冇話邊個特別好食..因為係樣樣都ok...不錯..又唔貴..4餸1麵1杯熱野23..好good..仲有佢地d服務好好..好nice.尤其係老細..

佐敦喱帶有咁多好野食,食車仔麵似乎有點晒料, 但睇佢有咁多雜誌介紹,所以都去試下.$23有四"食送"一麵一杯飲品,已經覺得相當抵食.四"食送"叫左魚蛋,鯪魚球,牛腩同雞翼,雞翼尼錯左變左豬腸(?),算數.鯪魚球係必叫o既"食送"之一,雖然每舊都細細舊,但材料十足,有髮菜,蝦米,而且食落仲有陳皮香,好正.牛腩亦整得相當腍,而且數量甚多,幾乎成個碗面都係.至於麵底方面,時為星期六晚七時許,我最鐘意o既粗麵已經賣晒,仲有河粉都冇喇,結果叫左油麵,可見佢係入貨唔多,賣晒算數o個隻.質數高o既車仔麵檔較小見,喱間算係至正o既一間.