麵麵店 (Moved) New Location

今日午市時間再訪麵麵店﹐有幾樣野推介1) 生腸(車仔麵配料) - 又彈牙又爽又入味﹐不過據我所見﹐每日推出數量不多。2) 炸燒賣(車仔麵配料) - 幾大粒﹐又味道唔錯﹐少少脆皮幾得意。不過同意某位食家所言﹐一定要先食左呢樣先﹐浸淋左就唔好食了。3) 炸雞錘- 雖然細隻少少﹐但$5有三隻﹐味道都OK﹐真係街邊車仔都食唔到。4) 咖喱豬扒飯- 呢度個咖喱真係做得唔錯﹐味道非常平均﹐唔會話太辣或者香料太重﹐口味係港式咖喱﹐但做得幾出色﹐$25連一杯飲品﹐真係抵到爛。下次試埋個魯肉飯同沙律先。

I went this shop not many times,but thier 車仔麵& 雞翼were taste very good

我都曾經想寫呢間店，以前search 過明明搵唔到架。點都好，呢間店舖仔細細，但好掂架，新鮮味美。我經他人推介，試左下列招牌菜。$20個餐，黑豆漿好多芝麻，醉雞翼尖十分滑，且非常入味，炸燒賣要快吃，免浸「林」，有點像南記春卷，麵爽，牛腩較碎。沙爹醬超辣，但非常美味，菜莆也很好吃，小店也有如斯水準。另蛋沙律同豆卜聽講都好好味。

今日食LUNCH路過佐敦﹐原本諗住費事左揀右揀去景霖食週算﹐點知行過隔離鋪位時﹐聞到一陣香味﹐係炸雞翼香﹐於是走入去望下﹐原來係賣車仔麵。都好﹐反正好耐無食過車仔麵喇﹐都值得一試。其實間鋪當時已經滿座(應該每日LUNCH 都會爆棚)﹐但係單人匹馬一般都唔需要等得耐﹐所以我好快就坐低左。先拎起張車仔麵落單紙﹐麵及配料基本上每樣$4~5仲有米線﹐公仔麵同狗仔粉(類似銀針粉)可選﹐真係夠晒多選擇﹐幾奄尖都唔怕。因為肚餓﹐於是極速點左豬紅豬腸蘿蔔配油麵。等麵的時候無聊﹐再睇下個MENU﹐嘩﹗原來呢間唔只係車仔麵﹐仲有好多其它野食﹐真係花多眼亂﹗仲有好多小食﹐頭先聞到的雞翼香完來係南乳炸雞翼﹐係小食的其中一項﹐雖然$7 一隻﹐但諗起雞翼香即刻叫左一隻。其它的﹐咖喱又有﹐碟頭飯又有﹐其它粉麵類又有﹐真係講都講唔到有幾多﹐有D連個MENU 都無﹐貼左係牆上面。最神奇係連沙律都有得賣﹐仲要係話自家製造獨家蛋醬汁云云﹐真係好配服呢度的老闆。你見過一間鋪同時賣車仔麵又賣咖喱又賣沙律未﹖我就好似未見過喇。檢查一下個調味盤﹐仲多野﹐車仔麵醬﹑豆辦醬﹑辣醬﹑辣油﹑胡椒粉﹑糖﹑醋﹑冬菜茸等等﹐相信淨係食呢D都可以