Video
Above information is for reference only. Please check details with the restaurant.
朋友介紹話呢間幾抵食, 決定去試一試幫襯當日唔係假期, 而且時間都好早, 所以唔駛等位我哋上咗一樓, 地方都頗大, 枱與枱之間都幾寬, 又有電視睇(朋友係電視精, 佢超開心)叫咗個一邊麻辣, 一邊清湯嘅鍋底食物方面都有好多選擇, 我哋叫咗啲必食食物雲吞皮薄多餡, 海蝦好鮮甜脆腩骨都幾新鮮, 鵝腸都頗大條唔係咁喜歡用食粉醃過啲肉類有少少羊羶味, OK幾好啲粉腸麻麻, 有啲苦, 雞子好新鮮魚皮頗硬, 除咗火煱, 重有熟食供應每人再送半隻燒乳鴿, 新鮮燒製, 好嫩滑,超好味~其實重叫咗手打丸, 肥牛, 粟米, 金菇,菜....等等重有汽水任飲, 甜品(馬豆糕, 啫喱, 布甸......等)最後重要送埋果盤, 價錢每人只係$110超抵食, 一定會再去幫襯
continue reading
九龍城除左南亞食肆多及出名外還有老字號的酒樓這間轉名不下兩次的酒家, 已推左波士頓龍蝦一段日子雖則5月底食的時候已經比第一次4月食的時候加左$10, 不過仍然的是非常抵食再加上有幾他的特別平菜式, 所以一餐海鮮餐能在$150內, 不是沒有可能6人食了以下的菜蒸魚, 不過本人無食, 唔LIKE有骨的魚, 一望就覺得是有骨, 不過望似是很嫩滑, 很新鮮的再來是第二食 - 炒斑塊, 非常滑, 厚身, 沒有太多的腥味, 沒有太多味精味椰香鳳尾蝦 - 蝦本身很爽, 炸粉厚度適中, 面層的椰絲是蠻多的, 這也是差少少的原因, 因為椰香味完全蓋過蝦味, 如果蝦味可以再濃些會更好蒸唔知咩貝(應該係貴妃蚌), 肉不連殼的, 非常好, 肉非常鮮甜, 面層的粉絲完全吸了貝的味道, 加上汁, 真是一流最後的就是波士頓龍蝦 - 上湯+芝士 (芝士要加錢)一碟共4件, 兩個夾, 身就開邊, 食每一件都是啖啖肉, 肉是非常爽口, 只不過食夾的會麻煩很多, 不過可以齒甲留香我個人會LIKE食上湯的, 可以食出龍蝦的本味, 而食麵的就會選擇芝士, 以龍蝦的新鮮程度, 根本不用加芝士加上分量不少, 不用再叫多些東西也已經飽了他們還會送上甜品 - 紅豆沙, 似是自家煲的, 起晒沙只要在地下, 其實都已經可以見到食材有多新鮮, 廚師在魚缸不停的捉龍蝦, 即場分開4份, 再一大桶的拿到廚房煮以新鮮來說, 絕對無問題以價錢來說, 更加無問題以味道來說, 也沒有問題
continue reading
係附近搵中菜食 見改名為"龍寶"後還未試過晚飯 於是上樓一試八點鬆 二樓小菜廳好靜局 待應話D客鐘意坐一樓~打邊爐今晚五個人點了六個菜一蚊雞 太爺雞 估唔到大碟之外 雞肉滑 豉油汁惹味 (九點前供應)甜豆炒鮮尤 尤無味 蒜汁豆腐斑頭腩煲 好夠蒜香 斑肉鮮味生炒糯米飯 幾多腊味牛仔骨煲 醬汁惹味 但得好少件魚香茄子煲 唔夠魚香 調味過咸白飯4碗 一般細小碗***小菜價格大至由$48起 收茶錢, 芥及加一收費
continue reading
好耐沒寫食評,最近去過龍寶食過,覺得都唔錯,可以試吓.草莓骨(士多啤梨骨) - 味道唔錯,上菜嗰陣仲有啲脆,炸得唔錯啊,嗰汁唔同咕嚕肉,冇咁甜亦冇咁酸,仲真係有士多啤梨(食過好多地方都冇)豉椒聖子-一個ORDER有4隻,叫咗兩個兩個ORDER.有大有細,唔可以太高要求(好似係$68一個ORDER??). 但係要趁熱食,好食好多.海鮮卷-呢個係比較普通,我個人唔係太鍾意食一啲用沙律醬做既嘢.金銀蛋浸波菜-波菜OK喎,但係啲皮蛋,咸蛋就麻麻地.大路嘢.薑汁芥蘭-都係大路嘢瑞士太爺雞-係1蚊隻,當然係雪藏雞啦,但係嗰汁做得唔錯,全晚最好嗰個.叫咗啲飯,弼咁,送甜品. 埋單500左右.唔可以話好出色,但我覺得一家人去酒樓食飯都係一個唔錯選擇.服務唔會比個公式笑容比你,但係就好殷勤,我地食雞都換咗好多次碟.
continue reading
星期曰下午己Book位當晚食飯並講明要睇波，到達酒樓攞位時，我哋亦再講話要睇波要求安排近電視機嘅位置比我。及至8點半開波都未轉有線，我咪同過黑衫男人講叫佢轉有線睇波，誰知佢直情冇望我一眼，對住空氣講"今晚都冇波睇"，並且邊行邊走咗去！於是我同其他待應講，個待應好驚揾番個黑衫，個黑衫話今晚無波睇，咁我問佢點解我訂座時應承咗我有得睇波呢?點知個黑衫男竟然手指指仲大聲叫我"咁你揾番接電話嗰個人嚟同我講囉！"跟住又係回報一個冷笑且又邊講邊走咗去！ 1 )門口標示有波睇，但侍應竟然毫無禮貌咁同客人講"冇"就算，連一個解釋或道歉都冇，今時今日咁既服務態度點得咖！2)既然呢間酒樓唔係晚晚有波睇，就唔好掛晒招牌話有波睇誤導客人。3)呢間酒樓除出菜慢之外，我哋叫咗煲薑蔥粉絲鮮鮑煲，點知啲鮑魚UN 到咬都咬唔入，試問一間酒樓食物唔得、服務唔得、連睇波都要誤導顧客，怪不得其他同區的四間酒樓都訂爆，只有呢間飯市都仲有空位吧！
continue reading