龍平沾麵製作所

Open Now

Now Closed

AEON入邊嘅日式麵店同朋友去太古附近敘舊，行AEON買嘢，肚餓就留低呢度搵餐廳食。佢話想食日本嘢喎，就揀咗呢間舖頭。我哋一人做咗一個麵食。6號）極上3L廣島蠔龍蝦沾麵 $119呢隻龍蝦沾麵，湯同埋麵分開上。抵讚嘅係個龍蝦湯，入邊真係有一粒粒龍蝦肉，龍蝦湯味好濃郁，朋友讚不絕口。天婦羅炸物就有三隻大大隻嘅廣島蠔，比較新鮮，有冇呢個沙律醬同埋柚子甜醋豉油都好好食。9號）赤海老叉燒拉麵 $79相比之下赤海老嘅拉麵，本身面就比較幼長，而且嗰個面係比較重櫻花蝦加豬骨嘅味道，佢啲叉燒大大塊，竹筍都幾多。每一個麵食都送凍玄米茶一杯。呢度嘅環境係一般嘅商場食堂，光線充足，座位寬敞舒適。

放假對自己好啲，諗住搵啲新野試下，一行入AEON正對住就係呢間沾麵，睇下價錢，同朋友傾過都OK，就一於揀佢！👍🏻首先佢係AEON入面有自己專屬座位俾客人堂食，起碼唔洗同其他鋪既客人鬥爭位 🙊特製龍蝦沾麵 ($95) 佢個龍蝦沾汁用石鍋裝住，拎住佢返埋位時個湯仲keep住滾，超級熱辣辣，視覺上已經好享受 🙈 然後我又8卦望下個龍蝦沾汁入面有冇咩特別，點知原來有好多既厚身龍蝦肉同埋豚肉，超級足料！沾麵汁亦有濃濃既龍蝦味，搞到我淨係想飲湯 lol 不過其實個沾麵都唔錯，係我鐘意既質地，比較硬身有口感👍🏻同埋個份量都好多，食極都有！除左沾麵，配料都有好多，包括好食既半熟蛋、3塊大叉燒，而叉燒燒得好香🤩、仲有甜同有咬口既荀等等🫰豚肉魚介沾麵 ($79) 呢款係朋友點既，我試過下，我地都覺得個沾汁都係好足料，好幾舊豚肉。另外，沽汁同時有豚骨既香濃同魚介既鹹香味道，刺激我味蕾 🤩 雖然沾汁偏濃味，但沾上麵條吃又幾match，鐘意食得濃味又好魚既人可以一試👏🏻 麵底同上面特製龍蝦沾麵一樣，都係有咁多配料，唔重覆講~BTW，所有餐都有附送京都宇治玄米茶一杯👍🏻有機會都想試埋佢既廣島蠔，究竟會有幾L呢😆結

特製龍蝦沾麵-$95佢個石碢真係一流，出菜時d龍蝦汁卜卜下，掂一掂都會辣親咁！我覺得好多華人好熱愛火滾食品，有種刺激感！佢個汁勁燶，又有好多粒蝦肉，又有腩肉，真心正！好抵食！🤤🤤🤤會想再食！赤海老叉燒拉麵-$79湯底香濃！奶白色令人好興奮！有3大片叉燒，小妹我食完都有少少飽！抵！好夠食！環境都好靜！我同個Friend傾左3個中都吾捨得走！

坐係旁邊食野路見不平，當時唔係peak hour，四野無人，見到有人借座位餵BB食野 ，負責人即刻跑出黎趕人走，話交左租又話無人都唔俾其他人坐做街坊小康生意咁樣好無意思

作為一個太古人，隨着大勝軒結業，以為可以有返沾麵食，只怪自己按捺不住，作為一間商場附屬店，實在不應抱有太大期望，晚上點了海老沾麵，表面配套器具看來全部OK，但是食味… 沾麵湯基本上是芡汁一碗，石鍋下沸騰3秒鐘之後，變回茶餐廳粟米肉粒飯汁。太麵，看來也OK，但吃起來發脹烏冬麵，灸燒叉燒肉，全凍，想應該大概是四個鐘頭前燒灼過之後放到而家．．以$105港幣價錢食咗粟米肉粒烏冬加凍薄豬肉，我想是香港現在我們要受的煉獄吧

星期日夜晚衝擊死線九點幾先去 Aeon 食個夜飯加 shopping，特價壽司嗰啲當然已經比人搶曬，好彩見到呢間新開嘅沾麵店🍜仲有嘢食~ （新屎坑特別開心~）呢間嘅操作模式係先喺counter 買完飛之後去旁邊 （不準確感覺大約5~10米距離）專用位自己揾位。等咇咇機響就去返 counter 自取~（同大部分 food court 一樣，呢個設定唔係好適合繁忙時間一個人去食）餐廳既然叫得沾麵製作所，顧名思義就係主打自家製手工沾麵。麵質彈又掛湯，最緊要係個湯底用咗石鍋超熱辣辣，特製赤海老沾麵🦐嘅湯底食落無梘水味，蝦湯夠香亦無平時一般嘅湯底咁鹹餸就有兩片自家製叉燒、半隻半熟蛋、筍、蔥同埋青檸一角。叉燒片有微微焦香食落無咁膩。驚喜位係啲筍竟然無嗰浸筍乾臭係可以入口的~😂 食到咁上下加埋青檸汁即刻提升戰鬥力最後，價錢係真係幾平，79蚊新鮮滾熱辣，無投訴。

太古新開日式沾麵店「龍平沾麵製作所」，餐廳主打自家製手工沾麵，麵質Q彈掛湯，味道濃郁。當中必食極上3L廣島蠔，肥大鮮美，想起已令人口水直流！😍豚肉魚介沾面趁熱趕緊把面往裡面沾了沾，味道濃烈但又不會過鹹，魚介的煙熏味更是點睛之筆。湯底的投料紮實，油脂讓沾湯特別厚重，把面條往裡輕微一沾即可裹上湯味。沒有浸泡湯料的緣故，烏冬口感特別彈牙。😍極上3L廣島蠔豚肉沾面個人十分推薦這款沾面，廣島蠔相當肥大，且炸得剛剛好，外皮超級酥脆，裡面卻依然軟嫩，一咬開，汁水不斷流出來，每一口都能感受到它的鮮美，一想起就饞得直咽口水。餐廳還有提供多款拉麵、咖喱丼飯，值得一試！龍平沾麵製作所 📍地址：太古康山道1-2號康怡廣場南座AEON地下G09-10號舖

少來太古，唔知食咩好，見到呢間拉麵店唔算太貴打算試下。雖然佢出名係沾麵，我見到沾麵個樣都好吸引，個湯仲係石鍋裝的，非常存熱。但係我同朋友都鍾意食拉麵多啲，所以各自叫左一碗 赤海老叉燒拉麵（$78）。佢本身已經有2塊叉燒、蛋、木耳絲、荀、紫菜。呢個價錢黎講乜都有齊都幾抵。佢的叉燒好厚好大塊，炭燒味重；不過朋友的叉燒咁啱就比較肥，我個塊就平均。荀都好甜好入味，其他正常。本身諗住海老會有啲蝦味，不過湯底都係豬骨湯，唔太有蝦味，唔可以expect 蝦湯個種感覺。佢仲送左一杯凍玄米茶，都幾細心。雖然個拉麵個味就正正常常，唔係有咩好特別，不過都覺得幾抵食。

要食呢間野 ，要預多啲時間🥑取餐過程非常混亂，吾係同時間出齊全部，要分幾之取 ，仲要不斷催單先有得食！！！打工仔放飯千祈吾好食 ！！！！！因為起等左成一個鐘都未出到餐。味道有偏淡，加大左麵啲唔夠沾

餐廳經理十分無禮貌,我坐錯位,然後行來叫鬧我指住我叫我立即走,呢度唔係你坐我要去佢,然後我同佢理論仲聲大夾惡,我一定要去投訴個經理不知所謂,質問我有幾無禮貌,我堅決投訴佢十分極之無禮貌

阿女又發現有好嘢食，太古康怡廣場新開咗間龍平沾麵製作所，是由日本師傅主理，首先到柜檯落單付款，之後去沾麵店設有的專用座位搵位坐，等取餐器響起，便可以到柜檯取餐。極上3L廣島蠔龍蝦沾麵，廣島蠔超大隻又肥美，新鮮生炸，酥脆香口，濃郁的湯汁用石鍋熱辣辣盛載，內有豚肉和龍蝦肉，份量十足份麵條沾上湯底，嘅彈牙又鮮甜。火炙過的叉燒肥瘦適中，肉質甘香嫩滑。赤海老叉燒拉麵，配料有溏心蛋，紫菜，竹筍，叉燒，湯中配上大量櫻花蝦乾，令湯底更鮮香甜美。

呢間太古隱世沾麵真係食完感覺好滿足！我去咗太古吉之島嘅地下美食區域，發現龍平沾麵仲有專門嘅沾麵座位，真係好貼心啊！坐低之後，我就開心嘅叫咗一碗龍蝦湯沾麵！龍蝦湯沾麵真係太好味啦！湯汁好濃郁，仲有龍蝦嘅香味！配埋冷沾麵，口感好彈牙，好清爽！真係無論湯同麵都好出色！食落去，真係驚喜連連！沾麵上面仲有叉燒同埋筍，真係加咗好多層次嘅味道！叉燒肉質好滑嫩，同湯汁配合得好好！筍就更加爽口，令整碗沾麵更加豐富味道！每一口都好正！呢間隱世沾麵真係一個絕對值得推薦嘅地方！坐低之後，真係可以放鬆心情，好好享受美食！

相約同事LUNCH到康怡AEON食lunch, 順道辨年貨, 無意中發現AEON入面新開咗間沾麵小店。設有堂食角落, 無加一服務費。提供多款沾面、拉麵跟丼飯, 每款沾麵底跟食材都一樣, 都包括有兩片龍平自家製叉燒片、半隻半熟蛋、筍、蔥。不同之處在於每款湯底。沾麵以石鍋滾熱辣上檯, 製作需時, 所以點單後店員都給我取餐提示器, 可以到堂食角落靜待。石鍋中嘅沾汁散發陣陣香氣。極上3L廣島蠔龍蝦沾麵 HK$1183L廣島蠔size果然好大隻, 好肥美, 吉列皮超香脆, 一咬蠔味juicy濃郁, 正!!龍蝦沾麵湯底濃郁, 甘香味濃, 易掛汁, 湯底中仲有好幾粒爽口嘅龍蝦肉。沾麵為常溫, 麵質彈牙; 自家製叉燒片有驚喜, 唔會過於油膩之餘又幾嫩。特製赤海老沾麵 HK$79呢款湯汁鮮香回甘, 蝦膏味突出, 還有些少櫻花蝦, 更顯香氣。沾麵都附上凍煎茶, 正好食完沾麵為口中降溫。

喺太古城嘅美食廣場區域入邊，麵店有專用座位區域！客人落單之後就可以直接過去座位入邊坐低，好方便同埋舒適！等到點餐機響起，就可以去拎美味嘅拉麵啦！呢間麵店真係有好似喺日本食麵嘅感覺㗎！而且佢地嘅極度3L廣島蠔配厚豚骨叉燒拉麵真係超足料超正！我食左廣島蠔配厚豚骨叉燒拉麵，真係好驚喜呀！面嘅份量同埋叉燒嘅份量都好多！拉麵底係用豚骨熬煮嘅高湯，濃郁香滑，令人回味無窮！叉燒肉燒得啱啱好，鮮嫩多汁，入口即化！最令我驚喜嘅係吉列廣島蠔！蠔肉彈牙又鮮甜，配埋拉麵一齊食真係好開胃！店員嘅服務亦都好好！服務員態度親切友善！

「龍平沾麵製作所」雖然位於太古康怡廣場AEON地下嘅美食廣場，但有自己的獨立座位區，而且位置舒適🤭⋯⋯而「龍平沾麵製作所」除了沾麵外也有拉麵和丼飯等啊每碗面類和飯類都會跟一京都宇治玄米茶一杯啊🥃豚肉魚介沾麵⋯⋯有2塊又大又有厚度的豚肉片，而石鍋裏的沾麵汁是熱辣辣的和有不少的豚肉角，而且味道濃郁🤭沾麵條非常彈牙掛汁🤤極上廣島蠔燒汁豚肉丼……除了兩大塊叉燒，廣島蠔好大隻肥美🤤🤤份量十足🤭