龍拉麵 (Closed)

新開時經過很多次這間龍拉麵， 每次都很多人排隊 ， 只可以說這間的市場推廣做得很好， 也許招牌弄得特別大特別華麗. 其實我也沒有什麼特別期望純粹經過沒人肚子餓走進去， 叫咗白龍，坐底黎到既竟然係豉油湯底........cheap面底....... 溏心蛋沒什麼味道，生熟沒控制得很好，只有叉燒尚算可以....從試過甘失望..... 有見及此從來沒有寫過食評的我為了希望大家不要再中伏， 特此留下這200字才能發布的食評。 希望各位不要再中伏

因為係附近做瑜伽，成日行過都見都有人排隊，今日去做完運動經過見到唔駛排隊就入去試下。點咗白龍(豬骨湯底)，一嚟見到湯嘅顏色已經覺得唔係好對路，我心目中嘅豬骨湯係白色嘅(恕小妹見識少)，拿拿聲飲啖湯先，咦~無豬骨味嘅？!無!真係無!!湯底個味有啲似味X拉麵或者茶記日式拉麵湯底，真心失望。不過安慰嘅係义燒同溏心蛋做得唔錯，不過呢個質素又可以話好普遍，唔係得佢先有。咁究竟咩原因令到咁多人排隊呢？我睇唔透

今日好難得入到屯門 朋友仔話要帶我食拉麵禾雖然夜晚7點幾落雨濕濕 門口都有5-6個人排緊隊聽聞老闆係由車仔檔開始造起 而啲麵都係自己研製 係個好有心既廚師拉麵既款式唔多 只係有3款 白龍(豬骨湯) 黑龍(黑松露醬+櫻花蝦) 同 赤龍(擔擔麵湯)仲排緊隊 已經有店員會同你落定單既然係第一次食 當然就要試最普通既豬骨湯口味同時都可以選擇麵要爽啲/淋啲店入面既位置唔多 大概係坐到6-7個人大約等左45分鐘 終於可以坐低喇湯底冇味精 真係好清呀 麵質爽口而塊叉燒更加係精髓 厚厚既 夠淋身 又夠惹味加埋隻溏心蛋 真係好滿足呀

第一次來到這家拉麵店吃午餐，排隊人不多，等了約5分鐘左右便入座了。唯位置蠻迫擠的（我是一個人去吃），麵的質素平平，不是別人講的非常好，湯實在是太淡了，本人本來都不是吃太濃的人。最後，我中間看了一下電話，就被店員警告說這裡不能用電話，要不你就出去。我是很同意要專心用餐的，不要破壞用餐體驗，但是看一下訊息也要到店外的話，不如你早早寫在門口，相信我不會進來。拉麵店原本就是讓打工仔工作完輕輕鬆鬆去吃飯的地方，弄等跟圖書館一樣。

叫左櫻花蝦黑松露醬拉麵。有2 PAT 黑松露醬,但同D 湯底撈埋左之後, 就完全食5到黑松露味, 會5會直接用呢D醬整個湯會好D?櫻花蝦有好多!! 真係啖啖櫻花蝦咁滯,但無乜蝦味。麵都要一貫的幼麵, 聽講係C FU 特登搵麵廠做, 幼麵我中意, 不過佢地GE拉麵份量偏少。糖心蛋係成隻上, 流心的, 都OK, 朋友話如果「老」埋隻蛋更好, 而家無味太PLAIN。叉燒得1塊 燒過幾香, 厚切, 但太肥了, 個人喜歡多瘦少肥, 呢度D 肥糕都好多下....另叫左巨峰提子酒, 甜甜的不錯, 細細支要3X蚊啊BTW, 冷氣不夠, 夏天來頗熱的

少入屯門的我，經過Vcity時剛好見到一家拉麵大排長龍，難道是很出名的麵店嗎？於是便抱著好奇心過去試一試。店員會先給你下單。大概等了20至30分鐘左右（其實都頗耐😅），終於可以一點坐低。點了一碗白龍和一碗黑龍拉麵，味道其實很普通，和我平時在茶餐廳食的差不多味道，比較好吃的是那塊叉燒，算是比較香口。以這個水準，個人覺得不值得花時間排隊食。題外話，這間店內的坐位其實幾迫，而且椅太高，枱則有點低，食得有點辛苦。

屯門隱世食店，座位得好少十個人都坐唔到有時想食都要排隊先食到湯底係好香既豚骨濃湯太多油同好重蒜味但其實都有得揀少油少蒜既麵底唔多，大食既可能要加底先夠豚肉超厚身，浸完醬油再燒過黎，所以好香好淋重點係‼️ 溏心蛋係原隻上，咬開蛋黃仲好流心😋P.S. 店內既抽氣系統都唔錯🤣 食完唔會太大油煙味🤣評分： 7.5 / 10

拉麵湯底稀，在那頭幾間拉麵鋪都食過，還沒它那麼稀如水的湯底，自己煲的罐頭湯都不會這樣；配菜洋蔥不知用什麼方法可以整到完全無味道，如吃紙條碎般；木耳明顯無調味，放入碗內完事了；蛋亦如木耳般無味，正常掩制應帶點甜味，但沒有；拉麵質不好，用的貨不好；豬肉是最有味的，但食完後口會受苦，要飲好多水； 拉麵要有的東西全放下碗後便是拉麵嗎？（認真你便輸了！），如本標題茶餐廳式拉麵，收的價錢還如附近的連鎖拉麵鋪般！鋪空間有限，希望客流轉快，都明白但不要那麼刻意。btw果邊啲茶餐廳食可能仲好平點，還包埋飲品，又坐得舒服啲。

原本就近母親節，難得一家四口齊人，諗住帶爸媽試下新野，點知店門口都未入去，就已經排隊受氣…帶位員工放錯人入去，我已經齊人，佢竟然jump over咗我，放排我後面的客人入去先。佢店已經細，要儲4個位已經等咗好而，仲要4條友係大太陽下面等…之後個員工知自己放錯人，仲岀黎問"不如你地3個人食住先"…我真係無奈…一家人母親節食飯…分開食…之後我話婉拒咗，個員工就即黑面關門，無再理我地…咁即係唔待見我呢幾個客人啦…真係一肚氣，唔洗食都飽，走人算

第一次來吃，那豬骨湯底很清爽，完全沒有味精的感覺，面條幼身爽口，是我喜歡的。🥰這個價錢還包一棵糖心蛋，流心的，很實惠。👍🏻👍🏻👍🏻下次會再光顧，想試下黑松露湯底。😋😋

普普通通麵店一間，不明白為甚麼要排隊。我去的當天不用排隊，但由於朋友未到，被邀請到門外等候。麵真的很普通，我點的白龍除了油也沒有甚麼味道。义燒很厚們亦很乾和很瘦，口感並不好。78元已是1,100日元，在日本再好吃的拉麵也不過¥800，所以更加覺得唔抵。小店當然面積小，但周圍還放上不少雜物，更顯逼狹。座位和桌面的高度有問題，大概是坐在沙發＋咖啡枱的比例，吃時要把頭壓很低，加上本人肚腩大，並不舒服。整體來說，無選擇下可以一吃，但不會有任何一項可以有五星。

個師傅真係極度冇禮貌！！！ 我同朋友一路食拉麵一路傾計，我show 梗我電話啲相俾佢睇，個師傅話「 小姐 呢度唔玩得電話嫁」 「你成三分鐘冇食啲麵 會糊架」 態度勁差！我勁嬲！ 咩叫唔玩得電話 係因為佢見到出面有人排隊所以想我地快啲走！！！ 我俾88 蚊食個晚餐 應該係包埋個空間去傾計！ 同埋如果啲拉麵三分中就會糊會唔會係師傅你嘅問題呢！ 係咪要人三分中就成曬碗麵跟住走你就賺最多？！ 真係好唔識尊重人，憑乜野去限制我用電話！ 重點！！！ 其實由我坐低到我最後離開只係半個中嘅時間，仲要我俾佢話完之後係食得勁慢，個拉麵有勁多櫻花蝦我逐條逐條食，個客食左三個字就講說話俾人聽趕人走！ 真係唔明點解仲會有咁多人去食去受氣！ 得番三款拉麵揀，選擇又少，味道又勁多味精重口味，櫻花蝦、粟米、木耳啲配料係勁多嘅，塊肉味道都不錯，但絕對唔值88 蚊呢個價錢同埋服務！ 連水都要自己斟！

最近經過V-city附近見到一間門面好勁好吸引的龍拉麵.又經常見略有人排隊.好似有D信心.咁就同男友試下la.....當日時間較早唔洗排隊就入得la.店內只有8個位置的bar枱.入去時個女事應就比張野你click想食咩.選擇只有白龍/黑龍/赤龍三種.好快就擇好la.水係自己拎的.我叫左個黑龍（係黑松露櫻花蝦叉燒拉麵)M......一上枱就見到個老闆好拿西?如果係自己小店.唔係應該好有heart咁擺靚碗麵先上枱咩？好。試食下先。一啖已知伏左。個湯底唔夠濃不單止。仲因為D櫻花蝦令到個湯有種好唔夾的甜。簡直係過甜？真係好伏。。。男友叫左個白龍（Basic豚骨濃湯)都係一樣湯底不濃.面質不夠彈牙.認真不好食的一碗拉麵......試一次就夠曬皮......下次唔會再黎的一間拉麵店....

這間拉麵店在屯門都有些名氣，有時會見到外面排長龍，所以很找機會試一試。今次終於約了朋友來品嚐美食，我叫了黑松露拉麵，朋友就叫了豬骨拉麵。首先講拉麵的湯頭是幾好味，但會愈吃愈鹹！麵條比平時的拉麵更幼細，但不覺得是彈牙。而配料其實都挺豐富，有粟米、木耳、蔥、蒜，而櫻花蝦是這款拉麵獨有，店長會落很多，所以啖啖都吃到櫻花蝦，這是值得欣賞的地方！另一個好味是豚肉叉燒，由於是用火槍燒過，特別香口，連吃肥膏都不覺得是油膩，所以最驚喜只是塊叉燒！

黑龍拉麵 (黑松露醬)天氣凍凍地又唔係好想食野，最岩就係去食碗拉麵，依間龍拉麵之前好多人排隊架，今次經過見無人排，當然要試下啦，一入去得幾個位，好有日本店嘅感覺，叫左個黑龍拉麵係黑松露醬，5分鐘就有得食，用料好豐富，勁多櫻花蝦，重有小木耳添，個麵幾爽口彈牙，但係個黑松露湯底就真係唔夠香，完全食唔到黑松露味，係食到最底嘅時候先有少少黑松露嘅香味，不過佢嗰個叉燒係用火槍燒一燒嘅，咬落去嘅口感同肉質都唔錯，流心蛋都好夠流同香，如果有得俾人選擇個湯嘅濃淡度，我覺得會好啲~