龍拉麵 (Closed)

燒烤一直想吃韓式燒烤，一大桌子的泡菜，牛肉豬肉海鮮，讓你目不暇給，欲罷不能。今天有時間我們就來好好吃一頓享受一番，點了喜歡的各式牛肉，還有大蝦，我的最愛，一邊烤一邊聽到油滋滋的聲音，絕對能促進大家的食慾，真的很有感覺，再叫上一杯啤酒，那接下來就是大快朵頤了！讚！

朋友帶我黎佢既長期飯堂食拉麵原來呢間拉麵店既店長每日早上都好早番黎煮新鮮既湯底！難怪個湯底咁正啦🤤🤤🤤雖然唔會話有好多湯底可以簡，但係勝在夠新鮮！好味既野就算得一款湯底都會吸引到我再食既！！！

真心建議大家唔好黎食 店員態度差 無禮貌玩下手機都出聲叫你食面先，心諗無野呀？強烈建議大家如果想食呢間，不如返屋企煮個營多仲好食。如果你都堅持要黎食既，除左恭喜都唔知講咩（嬲到邊食邊打呢篇野）

彼女對香港嘅拉麵一向無乜大興趣，因為無賣點嘅拉麵就同普通煮個公仔麵無乜分別 —— 直至彼女遇上龍拉麵！位於V City附近嘅小店，由美心西餅旁邊嘅天橋過對面馬路，經過財務公司，就會見到無論幾點都要排隊嘅小型拉麵店。店內只有6、7個位，排隊嘅時候，店員已經會比張咭仔你落定單，為嘅係：當你一坐低就有得食！三款選擇包括：白龍 —— 豚骨濃湯黑龍 —— 櫻花蝦黑松露醬赤龍 —— 擔擔麵湯每碗拉麵已經配有：叉燒、溏心蛋、紫菜、小木耳、葱、粟米亦可以自由加配更多配菜、叉燒、甚至麵底今次彼氏揀咗食黑龍，而彼女就揀咗白龍。先講黑龍，其實之前每次去，彼女都係食黑龍。因為本身就係黑松露嘅忠實FANS！白龍嘅湯底，加上黑松露醬同滿滿嘅櫻花蝦，食落好濃郁。喜歡黑松露嘅，一定唔可以錯過而當日彼女就食咗比較清淡嘅白龍，專心咁品嘗龍拉麵嘅特色叉燒！平時嘅拉麵店，應該已經將呢片叉厚分咗4片。但其實無返咁上下厚度，根本食唔到叉燒 燒完嘅香味！啖啖肉嘅口感，配合適量嘅脂肪，對彼女嚟講，送晒成碗麵就啱啱好喇 而平時唔鍾意食蛋嘅彼女，都要讚一讚呢一 粒溏心蛋！可能係選用日本蛋嘅原因啦，無嗰鍾蛋黃嘅腥味。不過彼氏就反而唔太欣賞

過去一年都返單都食左好多次,  最近開始同老闆熟落傾下計,  原來openrice 係好易做低比人做低個rating,  只要"得罪" 一台"專上客戶", 就可以一齊夾攻, 一人一個負皮寫你。食物質素, 對食物質素既熱情同執著,  可以用80字通通都沒殺。香港地, 個個都係vip,  所以特意為幫老闆好評打打氣。首先黑龍拉麵, 係好突出的松露味。白龍係食豬骨味。而我食完又食左十次既紅龍, 就係辣味拉麵。主食: 件汁燒叉燒, 我本身都鐘意香口野, 坊間好多都係白恰, 呢度既叉燒會惹味好多。湯底:  食左十幾次, 食完都唔駛狂飲水, 無味精是真的。只係平時d大連鎖食得味精多, 相對龍拉麵一定無佢咁烈, 不過味道來得真和舒服,  唔肥膩, ,唔係化學野。配菜:  新鮮木耳爽口, 簡單甜粟米, 糖心蛋, 愈簡單的事愈難做好。拉麵:  無鹼水味, 去得好乾淨, 而無次廚師都會問要爽定要念D, 做番岩你口味。早排去過關西食左十款拉麵,  覺我龍拉麵都仲係TOP 3。所以唔好睇食評,  自己去試試。好多朋友食完都知我講乜。服務, 其實我都被"趕"一次, 有次食完玩左陣手機, 回頭一看, 喔,, 原來

第一次去龍拉麵食，地方好細，只有幾個座位，同埋菜單只有三款拉麵。我最近選擇了豬骨湯底加多一塊叉燒，而朋友就選擇咗櫻花蝦湯底，我自己最喜歡佢嘅叉燒。剪得好入味，好多汁！！另外，流心蛋都好好食，入味即溶。但我個人比較鍾意朋友嗰隻櫻花蝦湯底，比較鮮甜！下次去再試埋其他湯底不過佢嘅地理位置就有少少偏僻喺vcity 地下巴士站對面一個行，雖然佢嘅位置不方便但如果來到屯門也可以試一試佢上菜都好快，唔使點等就即刻有得食喇～

同朋友食這間垃圾，店員態度好無禮貌， 尤其是係個老細黑口黑面， 本人睇廣告一心諗住過來一試，唔好畀啲網上廣告宣傳呃咗各位完全兩回事，啲麵勁難食， 最差是個湯底完全食得出湯係味精湯， 極重味精味， 嗰嚿叉燒係我食過咁多間入邊最難食，切到鬼死咁大 舊重要冇乜味， 不知所謂，差唔多食完 個店員就即刻過嚟想收走個麵 ，想飲杯水都拿拿林好似想趕你走咁， 價錢一啲都唔係平，成90蚊咁嘅質素，食完100%會後悔，下次唔使錢都唔會去食！

今日夜晚同朋友去左食，因為有d夜所以問店員地幾點截人 佢話十點半截叫我地點左先。之後我地一直外面等，之後等左一陣我地入左去。之後我地d麵到左，但糸好亂，又有錯而店員就發我地脾氣。 大約食左十分鐘，我同朋友剛剛食完店員就好快收左我地碗麵，之後叫我地出去等因為佢地有其他客人等，但我地其他朋友完全未食完而店員堅持要我地比錢出去等。其實佢d野食價錢有d貴 但麵一啲都唔好食！根本唔應該去！！店員的服務與態度好差，好趕客。

同4位友人一齊食哩間垃圾，店員態度差，無禮貌。全程黑我地臉，同行友人未用完餐，就叫我地另外兩位友人埋單叫佢地出去等。坐左唔夠15分鐘就趕人走。麵十分難食，湯無味，未叫加麵就連同碗麵一開始上，令到加麵凍曬。一句講曬 去左會後悔，唔好比錢佢地，貼錢買難受！

店面地方比較淺窄，環境真係有小小日本的感覺。滿心期待叫左兩個拉麵，點知竟然係甘失望。白龍拉麵 （2/10分）豬骨湯底，湯頭只有咸味，一d豬骨味都無，我覺得出前一丁既豬骨湯比起佢更好飲☹️個麵又好一般，唯一好小小係塊叉燒叫正常囉。黑龍拉麵 （2/10分）有櫻花蝦，但成碗麵又係好淡味，完全無黑松露的香氣。係個流心蛋算合格，總體質素真係麻麻。價錢係平既，但我覺得唔值☹️雖然睇過關於老闆的專訪，係好有熱誠，但聽取客人意見改善質素先能夠長遠立足呀🙂

當日去到唔算好多人 入去的確好快就有 味道係唔錯 但食左5分鐘都無個陣 出面有人等就叫我地要move一個位 我地話我地食埋兩啖就走 佢就話咁人地出面等緊 你地要move個位出黎講真 你自己又要學人做細細間 但又要咁急要做咁多個客 就唔好學人做細細間啦 趕客！有咩可能要個客食食下延一個位比你去做多枱客咁你不如寫明人人都只可食5分鐘 唔係就要企係到食好過啦由入去到出返黎10分鐘都可以比人要求轉位 完全唔掂 食都食得火 好唔好味都已經令人唔會再去！

一個食麵超過10分鐘就趕人走的地方，D麵好食都無人la麵是好食，光顧過兩次，但第二次師傅態度非常惡劣。唔該你地考慮吓每個人食野的速度至趕人走，隔離D客早過我入又未食完唔見你趕人走？食野快的人有罪？？？如果選擇性趕人走，最好寫明每人只可食10分鐘！！！出面D茶餐廳都比你好la!門囗外既係客，裡面既唔係客？各位入得黎食就預咗一食完換麵比人即刻比人趕走！食野咁受氣真係第一次！祝師傅您新一年貨如輪轉，因為您對D食客同貨物一樣！！！

龍拉麵依間野經過過好幾次，每次經過都有種神秘感想入去試，終於揾到機會入去試，滿心期待的。坐低點完單，個麵 1 分鐘就出左黎，一睇個麵唔知點解，個心已經就莫名奇妙的失望起來。一碗車仔麵放一塊日系叉燒就搖身一變成為日式拉麵？一試之下，個湯唔熱之餘，唯一既一塊日式叉燒仲要散修修， 2 分鐘已經食完走人，甘就收你 88 蚊。老實講，冇味精冇雞粉，但食得出有增味劑有鮮味劑。用甘樣既食材，仲明目張膽話自己一日只賣 200 碗，生意不是這樣做吧。

作為拉麵控，純粹睇完fb短片介紹而來。店鋪環境可以，上麵速度好快！一向喜歡幼爽拉麵，湯底唔蘇但味道唔夠出（好怕啲湯底整到好蘇就當係入味），溏心蛋一整隻係幾抵食，但可以再入味啲。叉燒肥瘦適中，但唔夠"林”，無入口即溶的感覺。最欣賞是環保落單紙，以及加左青瓜檸檬的水，一般拉麵要配冰水，室溫青瓜檸檬水可以平衡油膩同熱辣辣的拉麵，亦就得到唔飲冰水的人👍整體來講，味道中規中矩，老闆係有熱誠的，希望會進步！

見到門口 寫住冇味精限賣200碗、 不妨入去一次。 感覺普普通通的一碗麵…… 未能如期到咁突出。 只有三款面可供選擇。 有清水供應、 水樽精美、 內裏味道係青瓜同橙味。 還叫做比較特別…… 中午時分暫時未需要排隊、 內裏共有約七個位、 高櫈。 另有其他汽水供應、 總括湯底比較淡、 麵可選擇軟淋度、 覺得叉燒沒有味道。 唔明點解用火燒。 沒有筍、 只有粟米及紫菜……