龍豐牛什粉麵

Open Now

Now Closed

約左朋友假期去行山，10點am行到3pm，行完落返黎市區，就好想食個麵，飲冰凍的汽水。行過見到呢間龍豐牛雜麵家。依稀記得幾年前未有疫情的時候，呢間野好多國內同胞黎食，要排隊先食到。難得行過，入面無咩人，而且有我地想飲的可樂，二話不說就入左去。點左個牛腩雲吞雙拼，盛惠50元，正常的價錢。d牛腩唔會好肥，有d似清湯腩，不過份量唔算多，好快就食曬。個雲吞d蝦好大粒，而且幾彈牙。至於個湯底唔會好咸，我都飲左d湯，雖然知道唔健康，哈哈個可樂先裸命，行完山真係滿腦子都係佢，飲落肚成個人醒神！正正正玻璃樽的可樂夠氣，可惜價錢係有d貴，跟餐都要8蚊。之後去7仔補多支！正正最後埋單120蚊，兩個人，是日行山好滿足

好耐無食過依間 水準一落千丈。 1. 外賣 湯同麵無分開 2. 牛腩切到一片片 又乾身食到起渣3. 牛肚臭臭地4. d湯過鹹價錢係平 但我情願佢貴d保持好d水準。唔建議大家去食依間野..............................

神州水客龍宮大本營，連職員全部都係來至神州大地。滿街滿商場都係水客一人最少拖一喼！深入敵陣，神州水貨基地！烏煙障氣的上水，妖氣沖天的新界，返魂乏術的香港！再探神州水貨基地，其實伯伯煮理的牛腩牛雜墨丸湯底幼麵粗麵河粉都優質好好食！奈何 9 成為神州客，使得環境惡劣凌亂不堪嘈喧巴閉衛生欠佳坐得唔舒服，就連侍應收銀都清一色大媽籠段，劣質服務。肥姐侍應勁有活力精力充沛，滿場飛招呼食客。滿場神州來客，州語此起彼落，唔知以為身處深圳！瘦姐侍應您何解同我講州語呢？我靚仔又有型，那裡似大陸仔呀？大陸戰車塞滿食店內通道，舖面已經不大就更迫夾更危險！堵滿門外霸佔大半條行人路，市民要走到馬路上跟汽車爭路行，險象橫生！龍豐食物出品真心蠻不錯，味道水平亦達標。由最初只得小貓三四隻港民，做到依家日日迫爆州民水貨客。好食就好食，但坐得辛苦加零招呼加衛生欠佳，我有更好的選擇。不慚為水貨基地，大媽侍應們一開口就同食客講州語，港叔食客臉色一沉用廣東話回應。旅遊警示，非必要不要到上水行街食飯。水貨基地有趣畫面：港民食客們：西住臉邊食邊鬧！州民食客們：不停湧入啞啞咋咋一人一喼再一個籮友要坐兩張櫈。大媽侍應：話知您著火依舊貫徹

早餐時間路過附近辦點事，一於祭祭五藏廟先。～ 早餐A 沙爹牛肉麵麵底改選出前一丁加 $3 合理，麵底火喉掌握得宜，沙爹牛肉一般般。多士加火煺太陽蛋大路貨奶茶合格港式茶餐廳，如果咁啱路過一試無妨。。。

今日嘅lunch就嚟到呢間位於上水符興街嘅粉麵店！雲吞麵係其中一樣我好鐘意食嘅嘢，基本上一星期最少都會食一兩次！呢間嘅雲吞就處於average水平！暫時食過最好味嘅係喺沾仔記，喺中環同佐敦都有鋪頭！嗰啲啲乒乓球雲吞配埋個大地魚湯真係冇得頂，一試難忘~~🤤🤤🤤🤤🤤🤤不過講返呢間，雲吞嘅size都算大隻，蝦肉都夠彈牙，湯底都夠味，但略嫌味精重咗少少！一碗$36 唔包飲品其實係有少少貴~~🥴🥴

走到上水會諗起好多水貨客同藥房hea hea地想食碗粉麵黎呢度岩曬環境闊落乾淨,送菜又快,野食大大碗又好味價錢唔貴,五十蚊就食到好飽肚!食完好滿足!我鍾意呢度嘅牛腩同湯底😋😋每次黎親都會叫牛腩河 +凍檸茶 牛腩大大件肥瘦適中,湯底幾好飲😍

諗住等朋友仔入黎上水同我食辣魚鍋，點知無晒下文！早知返到屋企攞袍衝出門口返跆拳道好過，搞到呆係屋企發霉！又約唔到朋友仔食飯，慳返 ﹗食自己最實際，請人食飯好似求人咁款囉 ﹗左兜右兜，見好耐無黎食就坐低觀察下人生百態啦，都延有趣的。專登走落街想去成記食超勁辣車仔麵清一清怨氣，點知今晚九點未夠已經收左舖，唯有是鬼旦食啦，見龍豐未閂，就您啦。臨收舖無飯、無雞、無河粉，好采唔關我事啫。發覺好多 uncle 黎食牛腩飯喎，似乎近年興起滷水牛腩或牛雜配白飯呢，所以有部份潮州麵檔連飯都有得供應喇。因為龍豐無咩特別野食，所以好少會食到佢，雖然牛腩好味過潮興旺，不過間中一次半次調劑下都好既。好多大陸人、水貨客幫襯，大抽細抽、大車細車，鬼殺咁嘈、喧嘩鬼叫。牛膀牛腸撈麵走蔥，生菜依舊重纖維，質地厚而粗糙，爽甜欠棒。我鍾意將伴碟既菜浸湯食，可能被大埔魚滑寵壞了，每次魚滑都係放係熱湯度比我呢，特別美味 ﹗幼麵夠爽口，不過太濕喇，唔夠乾身。潮興旺蠔油非常甜，而龍豐既就正常合格。蠔油份量有點過火，太多過咸又過黏，味道過濃過嗆，少一點蠔油會更好，唯有加多少少湯溝淡一下，依家就剛剛好喇。辣椒油中辣又夠香，大量辣椒渣黏係

蛇王兄居然會被趕走，被迫搬去隔離街呢 ﹗而且被龍豐麵檔取代左，上網睇睇原來粉嶺有都有一間呢。依間新麵檔既 menu 都幾多樣化喎，有雞食、有飯食，跟潮興旺可掙一日之長短，但未知質數如何呢。內部裝潢以簡潔為主，清清地幾好呀。都唔知依家香港既茶記、麵檔、酒樓侍應係咪比大陸阿姐包晒黎做，清一色操不流利利廣東話。先由基本試起啦，牛腩麵、淨蛋片，出電腦單喎，又會咁先進既 ﹗凍豆漿，自動封蓋機？又會咁先進既 ﹗新開張水吧未搞好，只有汽水或豆漿。豆漿都係咁啦，無特別。牛腩麵走蔥，湯底唔錯喎，濃郁帶美，意想不到，比潮興旺過甜湯底好一點點。瘦牛腩鬆化入味，不乾不鞋，雖軟棉欠棒，整體滿意。幼麵略彈，鹼水味道強左少少，幸好湯底夠濃可以稍為掩飾一下。中辣辣椒油味道夠濃，幼麵捲著大量辣椒渣直送入口，不停地吸啜，越辣越興奮 ﹗已完全食不出鹼水味來 ﹗淨蛋片走蔥，蛋片都幾鞋喎，粗糙感直迫舌尖，無魚味無鮮味，腍而不彈，一試無妨，浸上大量辣椒油都救唔返。切雞例牌，好少可潮州麵檔會有切雞供應，就算潮興旺都係咸雞，因為有做雞粥麻。雞髀肉嫩滑，肥瘦適中唔會成口肥膏，含束的微弱雞味。雞胸軟鞋中帶點軟棉，奇怪地雞鎚有隔夜嗅雞味，