Video
Telephone
26230075
Opening Hours
Today
07:00 - 22:30
Mon - Sun
07:00 - 22:30
Public Holiday
07:00 - 22:30
Public Holiday Eve
07:00 - 22:30
Above information is for reference only. Please check details with the restaurant.
About Reward Scheme
Video
Photos
法蘭克福腸、炒蛋、蒜蓉多士
+2.3K
+72
Recommended Dishes
餐廳之前有朋友說想試試，這次終於找到機會來吃一吃。晚上８點，店內還差不多坐滿的狀態，有挺多人吃火鍋的，但也有人吃小菜的，地方不會很大，但不算擠迫。泰初夏之雞煲澳洲M7牛胸腹火鍋放題（２８８元）入坐就有雞煲了，而且還可以選鴛鴦湯底，這個真的挺不錯的！雞煲不算很大份，不過就有很香濃的泰式風味的，味道酸酸辣辣，炒得挺香的，鴛鴦湯底也不用加錢就可以有，我們選了沙嗲湯和椰汁雞湯，前暫香濃，後者清香，重點的是加湯也是加原湯，這就不會變淡了！一開始會先把主要的肉上一次，分別有牛板鍵，牛胸腹，豚肉和卡樂ＢＥＥＦ，論質素的話就一定是牛板鍵和牛胸腹，前者肉味較濃帶點彈性，後者較嫩滑。其實還有很多泰式小食，有串燒，炸物，燒物和甜品，其中的串燒挺不錯的，豬牛雞都醃得很入味，沙嗲味挺濃的！炸牛肉丸也很有驚喜的，入面有牛筋，吃起來爆汁又有牛筋的軟糯！外面還有挺多食材可以自取的，也有挺多炸物，甜品，雪糕可選，椰汁糕是必食的！還有很多人喜歡的無骨鳳爪，非常入味！飲品基本上要下單點的，有泰式的也有港式的，梳打汽水類也有！我喝了杯椰島雪香，挺特別的，有椰汁香又有椰蓉。
continue reading
平時食自助火鍋多數都係台式 日式居多見到荃灣開咗間泰式任食火鍋即刻約朋友食！🍴泰初夏之雞煲+牛板腱火鍋放題 HKD278一個價錢可以食到雞煲同火鍋 真係一舉兩得🔥🔸雞煲揀咗小辣 醬汁惹味 加埋香料炒更加香口 🔹火鍋湯底揀咗冬蔭功/芫荽皮蛋冬蔭功湯底意外地出色 酸中帶點辣 但辣味又唔會太重遮蓋食材味道自助吧有丸類 蔬菜仼食㗎~🔸熟食自助吧有炸香芋球 雞翼 春卷炸丸等選項另外用Qr code掃單就可以見到有多款泰式小食•串燒牛豬羊 燒完都唔會乾柴 沙嗲醬汁花生味香濃•燒豬頸肉 肉身粉嫩 外層金黃 肉質彈牙 熟食水準拍得住泰國餐廳👍🏻🔹肉類精選牛板腱 澳洲穀飼牛牛胸爽 西班牙豚肉片 酒醉雞件食襯仼食都會好擔心牛嘅質素唔靚但呢度好放心 提供嘅肉全部都好鮮嫩每塊都係鮮紅色 脂肪比例少 絕對食多兩塊都唔會有罪惡感🔸飲品平時食泰國菜一杯嘢飲都三四十蚊喺呢度點飲都得😋有唔同口味嘅梳打 綠茶 飲品仲可以客製化口味泰式奶茶必點 茶底濃郁 甜度適中🔹甜點自助吧嘅椰汁西米糕甜得嚟唔會太膩仲有千層糕 芝士餅 Tiramisu 等雪條有韓國牌子蜜瓜味 同 榴槤味🚩泰·初夏 荃灣青山公路 - 荃灣段398號愉景新城2樓2030號舖
continue reading
👦🏻👧🏻去荃灣愉景新城行街，見到開咗間泰式火鍋放題，泰式設計嘅環境光亮乾淨，坐卡位打邊爐好舒服！有三個級別嘅套餐，我哋揀咗Set B套餐$238，會有一份雞煲同任食五款肉類、泰式小食、火鍋配料等等，同任飲幾款泰式飲品等等。出面自助仲有火鍋配料、炸物、泰式甜品任拎！🐤雞煲嘅辣度自由選擇，雞件份量唔算多，上枱即刻食得，炒得香口入味，肉質夠嫩滑唔錯。🍲湯底有五款選擇，呢度可以免費轉做鴛鴦湯底，沙嗲湯底濃香帶有花生香味，而泰式清湯底清清地感覺冇咁熱氣。🥩肉類有卡樂Beef、豚肉片、酒嫩雞件、牛胸爽同牛板腱。👦🏻👧🏻鐘意肉味香濃嘅牛板腱同滑溜溜有酒香味嘅雞件😍！🍗小食有串燒牛/雞/豬、薄餅、豬頸肉、泰式豬手、炸墨魚丸、炸魚餅、炸貢丸等等。燒豬頸肉質地爽口又腍滑，油香可口。三款串燒肉質都滑嫩唔鞋口，配上香濃嘅沙嗲醬汁唔錯。🥬火鍋除咗有出面嘅自助區蔬菜類，仲可以order烏冬、白菜餃、韭菜餃、墨魚滑、蝦滑等等嘅配料。🧋飲品方面有梳打飲品、綠茶飲品、港式飲品同泰式飲品，食泰式火鍋梗係要飲泰式飲品啦！泰式奶茶同椰島雪香真係好抵飲，平時出面飲都係3x-4x一杯，我地每人飲咗兩杯🤭。泰式奶茶味又香又濃，椰島雪香清新香甜又解渴。📍 泰·初夏 (荃灣)荃灣青山公路 - 荃灣段398號愉景新城2樓2030號舖
continue reading
港式火鍋台式火鍋就食得多，泰式火鍋都真係好少見🤔咁岩行開荃灣見到愉城有間係食泰式火鍋放題，仲有得食埋雞煲，好好奇，於是就同男朋友仔決定walkin去食🙆🏻♀️-🌟Set B 泰·初夏之雞煲+牛板腱火鍋放題 $278/位 (120分鐘)-🎈湯底比較特別一定係冬陰功同椰汁雞湯底🥳椰汁雞混合左椰奶同清雞湯，相對清甜啲；冬陰功個人比較推薦，直程係出邊平時飲既冬陰功味道，酸酸辣辣，好重泰國香料味道😋用黎做打邊爐既湯底真係幾唔錯👍🏻-🎈雞煲+肉類一黎就有雞煲食😆雞煲食落幾有泰式風味，好惹味～每件雞件都索哂個醬汁🙆🏻♀️🙆🏻♀️至於肉類方面，有五款可以order，分別係卡樂beef、豚肉片、酒嫩雞件、牛胸爽同牛板腱。個人比較推薦牛板腱，有口感得黎肉味夠哂濃郁！而牛胸爽都好特別，食落係相對爽脆一點～-🎈泰式小食Encore左兩round既沙嗲串燒😍😍超級好食！果然餐廳係主打泰國菜，啲小食都真係唔同啲🤭仲有薄餅、豬頸肉、豬手、炸魚餅等，試左好多款覺得最好食都係沙嗲串燒同埋啲炸丸類😝-🎈自助區呢度既自助區就好似其他火鍋店咁，基本上所有火鍋配菜如丸類蔬菜類等都一應俱全✌🏻仲有得拎炸物，好似炸雞翼春卷薯角等～一定要提既係佢既粉絲沙律，酸酸辣辣，好開胃🤤-🎈甜品甜品除左有千層糕同椰汁西米糕之外，仲有啲雪條🍧不過真係太飽了，都冇咩食到🥹-🎈飲品估唔到呢度既飲品都有咁多選擇😙有梳打系列，例如泰式青檸梳打、金桔檸檬梳打、芒果梳打等，仲有啲綠茶同港式飲品～當然唔少得就係泰式飲品啦，好開心地飲左兩杯泰式奶茶😳😳-🔸泰·初夏📍荃灣青山公路 - 荃灣段398號愉景新城2樓2030號舖
continue reading
荃灣新開泰式火鍋放題，邊打邊爐邊感受泰國風味放工後同朋友去荃灣愉景新城搵食，發現新開左間泰式火鍋放題，泰國迷既我點可以錯過？地點方便又就腳，最岩我地呢d懶人。睇到餐廳其中一款主打雞煲同火鍋，又有超多泰式小食，二話不說即刻入內開餐！ .泰初夏之雞煲 + 牛板腱火鍋放題 $278/位我地揀左Set B既「泰初夏之雞煲 + 牛板腱火鍋放題」，邊爐雞煲一齊上，感覺好滿足。雞煲香料味道濃郁，d湯汁滲入食材入面，真係雞煲愛好者既天堂！.泰式雞煲係我呢餐最驚喜既部分！用左大量泰式香料，有香茅，洋蔥，辣椒等，帶出濃厚既泰國風味，啖啖都有層次感。雞件煮到岩岩好，肉質嫩滑，每啖都有淡淡既香茅味，入口開胃又吾會膩。.火鍋湯底有5款可以揀，我地就試左冬陰功拼泰式清湯底。冬陰功湯辣中帶酸，香料味十足，辣得黎係岩岩好既程度，至於清湯底就清甜順口。.今次我地試左牛板腱同澳洲250日穀飼卡樂Beef.牛板腱薄切得岩岩好，下鍋一煮就軟腍，帶少少牛脂既香氣。至於澳洲卡樂Beef，肉味更濃，脂肪分布均勻，吾會太油膩，食完真係齒頰留香。其他肉類好似牛胸爽、西班牙栗心豚肉片都係值得一試！ .除左邊爐，仲有不同泰式小食。炸墨魚丸外層炸得金黃香脆，一咬落仲可以感受到墨魚既彈牙口感，內裡鮮味十足。泰式串燒雞燒得好入味，更帶有少少燒烤既焦香味。仲有其他泰式小食好似串燒牛、串燒豬，泰式沙律，蝦片，斑斕糕，椰子糕等，都係非常有泰國特色，全部都想試晒！ .自助櫃既選擇都有不少。丸類、蔬菜、麵類都有。我特別推薦佢地既韭菜餃，手工手餃非常新鮮，餡料飽滿，皮又薄，咬落滿口香。白菜餃口感清甜，蝦滑彈牙，點湯底一流！最方便既係可以用手機直接落order，簡直零障礙！ .飲品選擇非常多，係我食過既放題中算係最多選擇之一。泰式奶茶濃郁香甜，奶味同茶味比例岩岩好，感覺返左泰國咁。泰式青檸梳打清爽解膩，飲完即刻有種refresh既感覺。另外仲有其他飲品好似龍眼冰、提子梳打、乳酸梳打、椰島雪香，全部都可以無限encore，絕對係飲品愛好者既福音！
continue reading
You may be interested in