10分麵包

Open Now

Now Closed

繼續葵廣掃街之旅🤣，呢間係由韓國🇰🇷Oppa 開嘅10分麵包，主打賣芝士拉絲麵包🤓，外型做到好似香港一毫子咁，玩味感十足🤩❣️原味Mozzarella拉絲麵包 $40外皮係甜甜嘅麵包，質感更似蛋糕🤪，內裏就係拉絲嘅Mozzarella，拉絲力好強😂，但芝士味就唔重🥸，最好趁熱食，凍咗就變成普通麵包咁😆，價錢唔平🤣，但打卡📷一流，試吓無妨😁👅好味度：7.5（10分滿分）一試無妨，現場所見仲有好多打卡位俾你影相📸，而且最近仲新出咗兩隻新口味，下次有機會再試🤓

自發現葵廣係個美食之地後，小妹就愛上了這個地方，決定繼續搜羅更多美食，同大家一同分享😚聽聞有間夾餅店由Oppa主理，佢地人氣大熱嘅韓式拉絲芝士夾餅「10 Cents Bread」（10分麵包），港幣一毫子嘅造型，即叫即製，熱辣辣，外脆內軟，夾餅蛋香味濃，內裡充滿芝士，鹹中帶甜，夾心芝士拉絲效果超級浮誇，打卡呃like一流😆

成日見人去拉絲，今日終於可以親身掃街去試下😝以前只有一款standard 口味，而家越出越多，有3種口味咁多😍😍， 仲响中環街市開分店👍🏻無諗過一個餅仔咁受歡迎， 不過試過一次之後我就明咗， 價錢雖然唔算平。但食落好過癮，特別岩晒芝士控既朋友🤤🤤新推出既口味仲有 pizza 味 及 Beacon green Onion 味，我今次當然試返佢最classic 既Mozzarella 口味😍😍Mozzarella 味拉絲芝士大餅 💰$40 真係拉到好長，又得玩又得食，好過癮。先講返口味， 外脆內軟，好好味，即叫即做，所以夠晒熱辣辣，芝士味雖然唔太濃，但絕對有口感，味道咸咸甜甜，好岩我口味， 建議去葵廣掃街的話2個人share 1個，咁就可以掃多d 唔同小食😜

起14/9，因為同frd介紹左去葵廣商場食小食，所以入左呢間聽講起韓國幾出名嘅小食點食佢10分車輪餅。當時見到環境似係新店，都有堆人務名而來。當時可以見到店裏淨得3種味道嘅餅會賣。1. 原味車打芝士＄40 2. 蕃茄pizza味＄50 3. 煙肉蔥花味＄50。餅嘅賣點就係芝工拉絲。當時我同我frd就叫左pizza味同煙肉味。個餅食落去外面脆，裏面鬆軟。個餅皮係偏甜，似小蛋糕。內面芝士的確可以拉絲，不過芝士味未係特別重。當時pizza味會加蕃茄醬同洋蔥，所以食落甜甜咸咸咁。食左一個餅會感覺膩。個餅造型的確得意，所以推薦鐘意啲食物造型可愛嘅人來葵廣商場嘅時候可以試下。

葵廣出咗名好多掃街既小食， 喺雲雲嘅小食店當中， 呢間十分麵包好吸引到我嘅眼球。 店舖面積非常大， 雖然係小食店，但都 可以畀 客人喺店內享用。這間小食店只有一款小食， 就係呢款拉絲芝士大餅。 一個餅價錢都不便宜， 要成40蚊一個。 一場嚟到就要試下。 呢間舖頭好多人幫襯， 不過唔使等好耐， 食物就送上手中。芝士大餅嘅外形就係香港一毫子嘅造型， 同之前喺日本同韓國食嘅造型差唔多。 餅好大個， 食一個都飽。食落去即刻拉絲， 而且芝士味道濃鬱， 熱辣辣好好食。總括來說， 要打卡 可以揀呢間咁有gimmick 嘅小食店， 間唔中肥一次都ok！

這間10分麵包至開業以來一直引來不少foodie 來爭相打卡📸在不同的社交平台上都能見到不少10麵包的拉絲片段🎞️本身我對這些打卡食品並無興趣，但由於朋友有興趣，我們便買了一個來順應潮流，誰不知竟然有驚喜😎———————————————————————10分麵包$40 🌟🌟🌟麵包即叫即做，上手時熱辣辣🔥氣味亦非常之香。麵包質感鬆軟，蛋味香濃☺️比起麵包我認為它更加像雞蛋糕🐔至於內餡方面當然有招牌打卡用的拉絲芝士🧀現場一試的確能拉得很長，但味道亦一如所料的淡🥲除此之外內餡還有甜味的芝士醬，味道與蛋糕外殼配合，而且不會過甜，適合香港人口味👍🏻可惜芝士味仍然欠奉，完全記不起這是個以芝士為主的甜品😓———————————————————————雖然食物質素正常，但本人認為$40一塊仍然是偏貴，CP值偏低😕相信大部分人都只會光顧一次來打卡便算。若果店家能降低售價，相信會吸引更多回頭客。

行經韓式拉絲芝士夾餅店「10 Cents Bread」（10分麵包），見到多人食就去試個($ 40)！芝士拉絲餅即叫即製，港幣一毫子的造型正，又好味！佢地最近在中環街市！下次去試新店先！🥳

🍴芝士包 $40 (5/10)即叫即整，不過難食過係日本韓國食😅個包係微脆，咬落濕潤係麵糊口感，咬左一半先有芝士，比想像中少芝士，拉絲效果唔明顯，冇芝士味？咁就$40…..貴咗啲，唔值，好普通。推薦指數: 5/10熱潮過咗，冇乜人食，葵廣大把好嘢食🙃

之前大驚喜發現一個芝士餅，已經想食好耐，終於有個肚有空位去買咗個食，超好食嘅芝士味，大概俾錢等攞都係15分鐘內，唔算等得遲，即叫即做嘅芝士係特別唔同，佢呢個芝士嘅拉絲同我喺韓國食嘅一樣咁正！個芝士嘅味道亦都係韓國嘅味道，柔軟有口感，亦都一啲都唔流，個size太細個手掌少少！都唔算細！而麵粉亦都去韓國嘅街邊味，等耐少少就會脆卜卜，可能係韓國人整嘅，係唔同！原汁原味嘅韓國老細長期駐守，落手去做每一個餅，而家有三四部機可以做到每部機四個！如果假日嚟排滿隊！閑日夜晚會比較好一啲！葵涌廣場掃街之一，芝士大餅！叫10分麵包！我自己覺得佢翻譯錯咗應該係10分芝士🤣一個$40

我記得去台灣夜市食過呢個麵包，當時喺夜市係熱辣辣即整好好味。但竟然嚟到葵涌廣場都有， 未行入到嚟舖頭已經聞到好香好香嘅麵包味。$40即刻買來試都係即叫即整，原來香港先至係最好味外脆內軟。

韓國大叔（當然你都可以叫佢oppa🤗）主理嘅韓式拉絲芝士餅大叔即叫即整，落完單等兩三鐘就有，睇住大叔整芝士餅真係好治癒，一拎上手超熱♨️食落味道唔算好濃，係淡淡地嘅芝士味，兩個人share就啱啱好！如果鍾意鹹甜鹹甜嘅你，就一定要試吓！😋

佢啱啱開業時買過一次。見係韓國大叔整嘅嗰陣啲芝士鹹香味好重 都唔錯但仲未有得玩拉絲。今次幫襯 完全改良哂 係有得玩拉絲。但完全冇芝士味，兼且中間好少芝士。成件事好伏。咁就$40 好過去搶。雖然而家話啲小食其實都唔平。但如果呢個普通麵包要$40 我寧願去麵包舖買啲新鮮出爐嘅麵包食好過。可能啲小朋友見到拉絲好得意，玩吓可能會買一次。但真係唔好食。啲好評唔知邊度黎 仲要見佢做勁多宣傳話玩拉絲。真係不要玩食物啦無下次

本身諗住去青衣戲棚，點知去到又熱又曬就一秒轉場掃葵廣🥵一毫拉絲芝士餅（$40）芝士餅即叫即整，見到韓國老闆加大大舊芝士喺嗰餅入面好治癒🤩一拎上手好熱個餅有啲軟身，如果攤凍少少個餅硬身番啲先比客會好好多🤓外型係一毫子好得意🪙，造型比10分🤪芝士拉絲的確係可以拉到勁～～～長～～～，拉極都唔斷LOL鹹香嘅芝士加上甜甜地有陣蛋香嘅夾餅，比想像中好食喎，唔係得個樣😆但一個人食有啲heavy，兩個人share岩岩好👩🏻‍❤️‍👨🏻

剛剛一家三口黎幫襯，等左幾分鐘，新鮮熱辣出品，蛋味，芝士都好香，女女食到跳晒舞，好開心，老闆見到佢食得開心，佢都開心，仲送左禮物比女女添🫶🏻多謝🫰🏻老闆仲見到老公食完，揸住左個包裝紙，仲主動話比佢處理，親切又細心，當然，其他店員都有笑容，友善，真係要表揚下，下次如果再去葵涌廣場都會返去支持💪🏻其實我哋係港島東既朋友🤭喺現場等既時候，睇到佢哋既宣傳電視播既片，都幾開心，大人小朋友都會食住玩拉絲👍🏻

📍10分麵包呢間麵包店每次行過都好想試下今次終於的起心肝試一次😚😚😚店舖只係賣一樣食物‼️就係呢個拉絲芝士麵包🧀 （$40）每件麵包都係即嗌即整比左錢之後大約等五分鐘內就拎到勁快‼️‼️‼️麵包拎上手熱辣辣🔥一咬落口麵包外脆內軟甜甜地好好味😋咬到中間位食到芝士既時候真係會不自覺地將舊麵包向下拉做出芝士拉絲既動作🤣🤣🤣🧀麵包入面既芝士味好香😚成個芝士麵包既味道都好有驚喜👍🏻👍🏻👍🏻整體黎講呢個芝士麵包真係玩得又好食😆😆😆不過以$40呢個價錢就有少少貴🙈間中食下都幾開心🥳🥳🥳