101台式休閒餐廳 (尚德商場) (Closed)

經常見到101，足跡似乎遍佈各區。終於吃第一次。全場滿座的台式快餐，要拿籌等叫號碼。店面大，座位多，上菜快又吃得快，人流不停轉，不用等太耐。簡單四頁餐牌，有飯、麵、鐵板和火鍋。選好後去排隊落單付錢。拿著號碼牌回到座位，數分鐘店員便推著車仔把食物送上。蜜桃紅茶／香芋珍珠奶茶紅茶正常，蜜桃糖漿都幾甜，但加了冰，入口冰涼平衡甜度。奶茶卻有點可怕。零香芋味，奶味濃得誇張，不是一般奶味，而是奶粉味，不是人人受得了。珍珠都幾多，煙煙韌韌，正常。醬汁雞扒拼玉子豆腐肉燥飯超快上菜。小時候媽很喜歡用玉子豆腐煮餸，近年很少，難得在這裡遇見。玉子豆腐炸至金黃，炸粉幾鬆，包著嫩滑的玉子豆腐。雞扒是連鎖快餐的早餐質素，正常，不嚡。飯很普通，不是圓碌碌、黏糯的台灣米。軟硬度可以，本身乾身，吸了肉燥的汁也不會太濕太腍。肉燥偏濕，味道不重，不能突顯台式肉燥的味，當是個普通肉碎拌飯則可以。台式豬軟骨五杯香辣肉燥湯麵餐牌寫著「首創五杯香辣肉燥湯底」，即叫即做，都幾吸引。幾大碗，有齊圖片裡的肉燥、Q彈正方形魚腐和紫洋蔥。雖然湯底表面滿是一圈一圈的油，但入口不算很膩，小辣刺激，又混著肉燥，著實不錯。硬身的台灣拉麵很彈牙，掛著

心血來潮，去將軍澳探探朋友，點知摸門釘，要一個鐘後至返，算啦，同小朋友去左附近商場搵野食好耐冇食台灣野，就食呢間啦要係出面點餐，再返埋位，呢到有bb櫈提供👶👶凍珍珠奶茶: 杯奶茶好似我台灣飲果杯，好香奶香味，珍珠有黑糖味，唔太甜（餐飲凍飲另加兩蚊）芝士香草玉子豆腐: 呢個要襯熱食，香草味芝士粉沈面，小朋友係咁手指指要食牛肩胛熱石鐵板燒: 牛夠淋而且有肉味，個扒好大塊，牛排下面仲有粟米粒粒。以為係白飯，錯啦！有肉燥飯同粟米飯可以揀，而我就揀左肉燥飯。肉半肥瘦，入口一d都唔油膩，味道唔會太咸咁大份既鐵板餐都只係$69, 真係好抵食。而且待應服務態度好好，見湊住小朋友既我唔方便都走黎問我有冇野要幫手，真係好好。同朋友下次再黎食過