Video
3-min walk from Exit A, Jordan MTR Station
continue reading
Telephone
34896033
Opening Hours
Today
16:00 - 23:00
Mon - Sun
16:00 - 23:00
*last order: 02:00
Above information is for reference only. Please check details with the restaurant.
今日諗住拍片，剛好黎到11月搵到呢間十一串串燒餐廳，大約1845入場，未有人，唔洗排隊，正，入到去發現好有特色既居酒屋FEEL唯一缺點就是座位小，萬一滿座可能需要等入座，點完餐後，店員即入去燒！腩肉生菜卷 - 呢個麻麻，係普通腩肉包生菜 金菇肥牛卷 - 表面有點濃，但是有燒汁，好吃！ lol牛舌 - 易咬，配合黑椒燒，正！ 墨魚咀+雞軟骨 : 2個都好脆，另外墨魚咀非常大！ 煙肉荔枝卷：荔枝中和煙肉的咸味，這個好吃，果然是排行榜頭８名之１ 原條蒜蓉燒茄子：加了孜然粉，生蒜炸蒜，不錯不錯！ 燒雞皮：有少少貴，但都係脆，似豬油渣，配飯一流 蒜蓉燒生蠔：很濃海水味＋濃既蠔味 最後2人消費$473，平均1人$200，我覺得可以接受，1. 服務態度幾好，2. 食物唔錯
continue reading
有時夜晚唔想食咁多嘢，食串燒就最啱而且仲可以同朋友飲返兩杯啤酒🍻呢間串燒店環境唔錯，服務亦都幾好👍🏻 食物唔錯，每樣嘢都燒得啱啱好😋燒雞皮真係燒得好夠脆，而且亦都有用鹽調味🤤值得推介嘅係墨魚咀，因為咁啱都叫咗炸燒賣墨魚嘴同炸燒賣嘅size係差唔多大粒😮而且都炸到外脆內軟，真係值得一試🤤 味道：🤤🤤🤤🤤/5性價比：🤤🤤🤤🤤/5 菜式：- 脆脆串燒雞皮：$24- 蜜糖串燒雞中翼：$32/2隻- 串燒雞腎：$24- 串燒雞軟骨：$22- 椒鹽黃金墨魚咀：$34- 炸燒賣：$24
continue reading
今日約埋老友食飯，想食串燒就上網搵下油尖旺呢邊有咩串燒小店推介，睇到呢間串燒小店裝修格局同食物都唔錯，就黎一試。入去坐底睇下餐牌，點餐方式係剔點心紙，都幾方便，店內裝修好有日式居酒屋風格，坐位唔多大約5張枱，飲品主打啤酒同清酒，唔飲酒都可以選擇罐裝汽水飲品。蒜蓉粉絲大扇貝先黎左個扇貝食下，扇貝好新鮮，仲好大隻，蒜蓉味道唔會太搶，平時食都係蒸，用燒既形式就更香，非常滿足。燒雞泡魚乾，椒鹽墨魚咀再黎個燒雞泡魚乾做送酒小食，燒得岩岩好調味都唔會過重，後尾仲有加多1份，椒鹽墨魚咀，同一般餐廳既好唔同，呢度既墨魚咀好大粒，炸漿唔會好厚，都唔會炸得太乾有d驚喜。腩肉露荀卷，煙肉荔枝卷腩肉露荀卷個腩肉太薄燒得乾左，扣咁d分，露荀就ok幾爽幾甜，煙肉荔枝卷燒得岩岩好，咸甜混合，好夾既食法。燒羊架羊架雖然燒到全熟，但都唔會好柴，好嫩滑仲好厚肉，唔會羶，調味落左d孜然同好多香草，太滿足啦。鵪鶉蛋串，鹽燒雞心，鹽燒雞肝燒鵪鶉蛋就比較普通無咩特別，鹽燒雞心口感幾爽脆，雞肝我個人就一般d，因唔太鍾意食肝，但燒出黎既火候係好到位的。牛油甜粟米，紫金一口甜薯，燒白鱔燒粟米同燒甜薯都好正，驚豔係個燒白鱔，燒到皮脆肉嫩，仲好厚肉，忍唔住再加多1串。燒生蠔生蠔似係新鮮生蠔，好肥美好鮮甜。鹽焗寶石魚今日既主角黎啦，食之前都有個儀式，老闆先幫我地開左個鹽殼，再起左層皮，同我地介紹呢條魚無經調味純鹽焗，魚肉好嫩滑，好新鮮，不過層皮就太硬食唔到唔怪得要起皮，鍾意食魚皮既我就略為有點點美中不足。原條蒜蓉燒茄子，炸雞皮蝦燒茄子好多蒜蓉，燒得都岩岩好好入味，炸雞皮蝦有驚喜，雞皮包住虎蝦增加左脆度，蝦肉厚實鮮甜，我真係連炸蝦尾都食埋。總結黎講呢間十一串串燒小店我地一行3人都覺得好滿意，串燒師父火候控制得好，食材都高質，老闆都熱情有禮同熟客都打成一片，食物質素高價錢我地都覺得合理，好既小店值得繼續支持。
continue reading
今日來到一間氣氛悠閒嘅日式串燒店體驗咗一頓好正嘅午餐，喂，真係頂級享受呀！首先，啲服務員熱情得滯，令人感覺好舒服。首打頭陣嘅蒜蓉粉絲大扇貝完全搶晒鏡，新鮮爽甜嘅扇貝，同埋香脆啲蒜蓉粉絲，嘩，簡直夾到不得了🤤！再來，原條燒茄子，攞上嚟一試，茄子嘅外皮燒得啱啱好，入口即溶，恰到好處嘅蒜香，呢個真係唔試唔得！至於串燒方面，卜卜脆嘅鹽燒翠玉瓜串，爽口得黎又多汁，食咗一串仲想再點多串咁嘅感覺。至於肉類嘅選擇，每一樣都咁誘人。串燒豬頸肉燒得啱啱好，外皮微焦嘅香味加埋肉汁濃厚，真係令人回味無窮㗎！呢度嘅每一款食物都份量足夠，一家大小或者同三五知己嚟，都啱晒，又唔怕食唔飽。而家嘅食品如此多樣化，但能喺呢度嘆到咁本土又咁美味嘅串燒，真係咪啦錯過！啲食物都係即叫即燒，保證新鮮出爐，你話，唔係正到爆炸咩？🔥😋👍
continue reading
COVID之後好多餐廳都改左營業時間🕰️，想同朋友一班食宵夜聚下👭🏻，都要慢慢搵下心水。今次就揀左哩間食串燒🍖既餐廳，邊飲邊食邊吹水，估唔到都有驚喜。原條蒜蓉燒茄子 $38茄子🍆有啲未熟透未淋得哂，但勝在蒜蓉🧄夠哂大堆頭，整體普普通通。燒汁鮮冬菇 $22哩個係我成晚最鐘意既一串🍄，燒得好香，一咬落去啲汁爆出黎💦，燒汁唔多唔少，夠哂調味，超級推介。汁燒雞脾菇 $18哩個都燒得好好味，一片片都好JUICY💦，比冬菇更濕潤，但我仍然比較鐘意冬菇多啲❤️。燒菠蘿 $22雖然佢好甜但無咩🍍菠蘿味同菠蘿既香味。燒豆卜 $18外脆內軟，加少少辣粉🌶️都唔錯。紐西蘭羊肉串 $30 (左) • 串燒豬頸肉 $30 (中) • 鹽燒厚牛舌 $36 (右)羊肉本身醃料有微微辣🌶️同孜然味，夠香又有羊騷味🐑。豬頸肉🐷夠爽，簡單調味唔太膩。汁燒鵪鶉蛋 $26整體不過不失🥚。腩肉生菜卷 $38好有驚喜既一道，燒到腩肉🐷既油香出哂黎，而生菜🥬中和左腩肉既膩，食落好夾。脆脆串燒雞皮 $26第一次見成片咁薄既雞皮🐥，多數卷住黎串，食落好脆好似薯片咁。鮮嫩雞肉串 $26又真係幾嫩😋，鐘意食辣既朋友記得加辣粉，後勁十足。椒鹽雞軟骨 $38 (左) • 椒鹽黃金墨魚咀 $38 (右)炸雞軟骨都唔錯，脆口熱辣辣♨️，岩哂送酒。孤陋寡聞既我真係少見咁大粒炸墨魚咀🦑，而且唔係炸皮，真係墨魚咀肉，好彈牙爽口，同薄薄炸皮好夾👍🏻。炸水牛芝士 $38@3芝士拉絲拉到長一長，咸香芝士味🧀，外皮炸得脆卜卜。煙肉荔枝卷 $34煙肉🥓本身都比較咸，荔枝甜甜地又中和到，幾新鮮既組合😗。
continue reading