十一串

Open Now

Now Closed

在佐敦廟街附近的吳松街，有一家隱世日式小店，是以串燒為主的店舖。環境雖然不太大，但挻舒適的感覺☺。串燒價錢不貴，款式選擇挻多的，我們也選擇了好幾款吃🤤。💥海鮮類：燒生蠔(2隻)/魷魚串💥肉類：牛肋條/肥牛粒/雞腎/煙肉荔枝卷/紐西蘭羊肩肉串💥蔬菜類：牛油甜栗米/燒菠蘿💥小食：炸水牛芝士串燒是即叫即燒以保持最佳品質😋，所以食物也可以自選辣度，另可在餐桌上自行加配調味料🙈。串燒味道很香挻吸引的，肉質鮮味口感煙韌，我們也很喜歡吃的💕。靜靜最喜歡吃的是紐西蘭羊肩肉串和魷魚串，兩款食物平常也很喜歡吃的，而其他串燒口感煙韌挻惹味😋。食物質素不錯，價錢不貴。小店還有飯類供應，可一次再去吃才行🤭。

今日放工去了油麻地街邊檔買相架，然後去搵野食，都知油麻地多特色小店，唔打唔撞去左間串燒店，日式裝修，幾有懷舊feel，感覺不錯👍🏻。叫了枝豆，椒鹽墨魚咀，椒鹽魷魚鬚，慢慢食，吹吹水先，不過我同朋友吹吹下水，我地既焦點轉左去食物上，因為燒得幾好食，墨魚咀香口之餘又不油膩，而且賣相幾吸引👍🏻。再來點了燒生蠔，食落新鮮又多汁，燒豪既時間岩岩。食過好多其他地方燒蠔燒到收縮左就唔好食。再來汁燒牛仔骨，免治雞肉棒，蜜糖雞中翼，燒雞皮，燒粟米，燒菠蘿，菠蘿好正，燒到干身，但咬落去超好汁，至愛👍🏻。下次一定叫多幾個朋友再來食過，而且價錢經濟👍🏻又食到串燒師父燒食野既心機，大滿足👍🏻

一條不太顯嘅街，行過見到一間幾新、木系裝修嘅餐廳，入到去竟然有種煥然一亮嘅感覺，好多小燈籠🏮小燈泡💡令人置身係日本啲居酒屋咁😍午餐吾想食太飽，所以主要點小食為主。其中椒鹽墨魚咀、雞軟骨極力推介。墨魚咀都算中等size，雞軟骨食得出有少少酒味，吾止用椒鹽粉調味～煙肉荔枝卷都好juicy!!海鮮方面，燒生蠔🦪有海水🌊味，偏鹹🤪蒲燒鰻魚有驚喜，都幾大條，而且肉質肥美，少骨～💛今期新野💛試左芝麻雞翼😝外層金黃色，咬落好夠熱，啲肉仲好嫩滑🥳似炸雞翼咁。如果吾算又係椒鹽/蜜糖味，可考慮試下🤩我幾喜歡個環境幾舒服，聽住啲音樂，同人傾下計，價錢又幾抵，係一個不錯嘅地方比大家消磨一個下午。

天氣開始轉冷，所以今晚好想食熱辣辣既串燒！搵到佐敦呢一間小店！小店坐得幾舒適，貼心的有提供埋搓手液👍🏻，食物選擇都幾多，有串燒、海鮮、蔬菜類等等，而辣度都有得選擇，個人覺得小辣應該絕大部份人都可以接受，想更刺激味蕾可嘗試中辣！炸燒賣炸到外皮好脆，再點埋佢呢個甜酸醬非常惹味椒鹽墨魚咀咬落煙煙韌韌，再加上椒鹽既調味夾得幾好。串燒豬頸肉、豬腩肉、肥牛粒推薦豬頸肉！好爽口，喜歡更濃味可以再加d 7味粉，而肥牛粒都完全唔韌，燒既時間拿捏得不錯鮮冬菇用左好特別甜甜地既醬汁，好有驚喜，好食！大大隻既蒜蓉生蠔，蒜蓉好入味，再加上蠔既鮮味，yummy椒鹽魷魚鬚平時食魷魚鬚會幻想係大大條粗既，但呢間小店用既係魷魚仔，但細細舊加上椒鹽，再點埋沙律醬食既效果絕對一流，必食之選

佐敦廟街附近一向出名多嘢食，咁啱今日喺附近返工，就同同事嚟食個極速輕便dinner🏃🏻‍♀️🏃🏻‍♂️我哋兩個都唔算好肚餓，所以就揾咗間串燒店食少少野填飽個肚👻可能我哋嚟得早，所以餐廳未算好多人，無咁驚互相傳染💆🏻‍♀️💆🏻‍♂️周圍都放置咗唔同嘅fusion裝飾例如日本燒酒、海報、燈籠等等，仲播住廣東話歌😂我哋叫咗少少嘢食醫下肚🤓全部都係新鮮熱辣辣出爐，超惹味超滋味😍 🥕原條蒜蓉燒茄子 ($38)趁熱食茄子真係好似喺口入面溶化咁😋 蒜味十足， 食完真係要食返粒薄荷糖👻🥕椒鹽雞軟骨 ($38)香脆可口，加啲檸檬汁同埋蛋黃醬味道更刺激😋🥕鹽燒雞中翼 ($28)一份有2隻，兩個人食啱啱好😂燒過後一咬落去雞汁就湧出嚟😋🥕鹽燒牛柳粒 ($34)不過不失，一串大概有6粒🍢整體而言食物質素唔錯，可惜價錢略貴，性價比未必算特別高🙈

星期五放工同同事去食串燒，疫情至今乃至限聚令之後都好耐未食過串燒了，好懷念果種氣氛好有日店居酒屋風格，暗黃色既燈令人有送鬆既感覺，但位置就省略嫌少少迫，不過迫迫地咁先有日式居酒屋風味3個人點左都幾多款，其中幾樣幾深刻:雞軟骨即炸好脆，香口燒菠蘿連住皮一條過, 汁爆會出黎, 夠甜 串燒牛舌，面頭帶有少少調味粉，幾惹味鹽燒雞翼外皮燒得脆，肉到汁幾JUICE，香口程度比蜜糖雞中翼好吃金菇肥牛串令我好驚豔，燒到牛肉油滲出黎，入晒金菇到，推薦原條蒜蓉燒茄子好多蒜，混和燒到軟淋既茄子食好香汁燒牛仔骨，有3塊，牛仔肉比較薄，但燒汁好入味燒雞泡魚好好食，配個蛋黃醬一流多春魚雖炸得金黃，但就省略嫌涼淡左D，可以再重手落多D調味伴燒，除此以外，其他串燒都好有水準價錢就同其他串燒店相若，但味道真係唔錯同好有氣氛

吳松街一向都係美食集中地 今日行吓行吓就搵到呢間日式串燒小店裏面空間唔算大 但係裝修得好靚 老闆推介是日海鮮 我哋就叫咗一隻聖子王 同埋象拔蚌仔 聖子真係好鮮甜 而且燒得啱啱好唔會乾 象拔蚌仔就比較爽口 識落反而冇咁重海鮮味每次串燒必叫當然有牛舌 同埋牛肋肉啦 調味充足 而且肉質都唔會過老羊架吾會太腥 肉質軟身 明明只係叫一件但老闆送多咗件俾我哋 唔想食太多肉 就叫咗燒鰻魚同埋燒帶子 鰻魚$68有半條咁多 而且好厚肉 鰻魚汁十足 如果有白飯就好啦 元貝都有兩大粒 雖然係急凍元貝 但係都唔會癡牙 仲有少少甜味睇睇下Menu就見到呢個煙肉荔枝卷 估唔到原來燒過嘅荔枝同煙肉咁夾 好Juicy 又可以平衡返煙肉嘅鹹味 必食呢個好特別最後叫咗呢個芝士釀大啡菇 燒得啱啱好 大啡菇好多汁 仲有炒過嘅煙肉碎 鹹鹹香香好惹味

有冇鍾意食串燒既朋友仔????🤩🤩鍾意既~咁就記得要bookmark定哩間充滿日本風既串燒店啦~因為~真係好有驚喜~👍👍👍👍👍雖然舖頭細細~不過完全冇串燒店經常會有既煙霧彌漫同埋一大陣油煙味既感覺~可以好舒服咁坐係度一邊食一邊同朋友吹下水~🥰🥰🥰▶️燒生蠔($58/2隻)本身隻蠔已經夠哂肥美~加埋少少蒜蓉落去燒~更加惹味之餘又唔會太蓋過左蠔本身既鮮甜味~▶️脆脆串燒雞皮($22/串)同平時食開既燒雞皮好唔同~比平時食開既薄好多同脆好多~好似食梗薯片咁~口感真係一流加埋d調味粉~最岩用黎送啤酒!!🍻▶️煙肉荔枝卷($30/串)哩個真係好特別~第一次見~必食推介🈵️🈵️🈵️荔枝大大粒~包係煙肉入面~咬左去甜甜地咁~十分juicy估唔到味道會咁夾~🤩🤩▶️紐西蘭燒羊架($48)羊架調味唔錯~唔會有羊騷味~燒到表皮微微脆口~咬落勁多肉汁勁juicy~連一向唔太好羊既我都忍唔住係咁食~🤤🤤▶️椒鹽黃金墨魚咀($38)冇唸過墨魚咀會咁大粒~大粒~不過炸粉一d都唔厚架~食落仲要外脆內軟添~▶️原條蒜蓉燒茄子($38)茄子真係超級大隻~蒜蓉既份量落得岩岩好~又唔會蓋過茄子既味道~▶️燒韭菜($16)好耐冇食過燒韭菜啦~唔

位於佐敦既串燒店 隔一條街就係廟街 旺中帶靜店雖然小 但裝修擺設幾有日本小店既感覺 放工同朋友係度小酎好舒服♡鹽燒牛柳粒$34 肉質夠腍 充滿肉汁鹽燒牛肋條$34有少少筋 更帶出香濃既肉味金菇肥牛$24 個燒汁好好味 唔會燒到D金菇好乾 咬落JUICY腩肉蘆筍卷$30 本身想試煙肉荔枝卷 叫錯左呢個 不過都好好食薄切既腩肉燒得香脆 入面既蘆筍夠爽 配啤酒一流鹽燒雞中翼$28 用鹽燒燒得雞皮特別香脆 肉質嫩滑又JUICY 好好食肉類入面羊肉串相對較失色 可能攤凍左食 覺得羊味唔夠香翠玉瓜串$16 切得厚身 燒得剛剛好 入面好多汁 我自己都可以食2串牛油甜粟米$16 睇落普通 但食落真係好好味 佢地揀既粟米的確超甜 每粒都滲住牛油既香味 正♡芝士大啡菇$38 面頭既芝士濃厚焦香 啡菇夠厚夠JUICY 無燒到皺皮 好邪惡好滿足小店既好處係 每樣串燒價格都非常合理 每樣都係2-30蚊 可以放肆每樣都叫下飲埋生啤 2個人加埋都係$400鬆D 好抵食♡

今次又比我同朋友搵到一間地道串燒位於佐敦吳松街非常之方便間野叫做十一串👍先試下燒生蠔先啦鮮甜多汁又唔會燒到乾晒有水準👍跟住再叫個椒鹽墨魚咀呢個我值得推介因為佢好乾身唔油又爽口加杯啤酒一流😋😋焗芝士煙肉大蘑菇呢個嚟到賣相好靚好大個蘑菇食落去好多汁芝士濃味蘑菇食落又軟熟我係值得一試😋😋煙肉荔枝卷食落好特別燒完嘅煙肉再咬落去荔枝一熱一凍好特別，荔枝又多汁👍之後我哋都仲叫咗好多地道串燒雞腎，雞皮，雞肉串,鹽燒肥牛粒，台灣腸等等.....樣樣都燒得好有水準非常之滿足嘅一晚😊😊😊

之前喺台灣食過一間串燒，食物水準同環境都超高質，呢排睇openrice見到佐敦有間串燒小店同佢個風格好似，既然唔知幾時先有得再去台灣，就黎呢度止下癮啦！門面係小木屋style，入到去係日式居酒屋既格局，牆邊擺滿唔同既酒樽我地兩個都唔飲酒，所以叫咗兩枝樽裝飲品，龍井茶幾解膩。先講肉類既串燒，蜜糖雞翼、煙肉荔枝串同埋腩肉蘆筍卷最出色，雞翼好juicy，啲肉唔鞋，蜜糖份量適中唔會過甜；荔枝肉好鮮甜，蘆筍感覺好fresh。蔬菜類既串燒真係樣樣都好juicy，原條茄子比起其他舖頭調味輕手啲，更加食到茄子既原味，最好食係翠玉瓜，好難想像燒完之後仲可以咁爆汁，就連韭菜都唔會乾爭爭，酸甜既菠蘿好開胃，推介～好欣賞呢間小店每一條串燒都用心製作，唔會因為旺場而求其燒熟啲野就算，而且食完唔會覺得好口渴，推介俾鍾意食串燒得黎又想健康少少既foodies🤣🤣🤣

來到佐敦，找找附近有冇串燒店鋪，好耐冇食啦🥺🥺。找到呢間網上口碑都唔錯既小店，即管一試，果然冇令我地失望🤤。串燒店黎講，肉類一定要燒得夠香夠juicy，呢間就做到。羊架配上香草，一上台就一陣香味傳出黎，食慾大增！之後厚切牛舌燒得好好，一d都唔un，香口之餘又夠肉汁，唔錯🤤🤤。牛粒亦ok，配上粗粒黑椒，夠晒野味🤪。講到多汁，不得不提呢隻蜜汁燒雞翼，黎得串燒店，雞翼就係考牌既指標，今日雞翼夠晒多汁👍🏻👍🏻外皮又夠香脆，誠意推介。特別想提既係呢間小店亦有不少肉類配上蔬菜既高質串燒。煙肉包荔枝和腩肉包露荀，呢兩樣串燒應該係有精心配答過，蔬菜既汁中和晒肉類既油脂感，食得十分過癮。芝士大啡菇，上層拉絲芝士面、中層蒜蓉煙肉碎、底層係爆汁大啡菇🤤，又係特色配答之選。蔬菜類方面，叫左燒菠蘿同燒翠肉瓜。燒菠蘿好食相信都唔需要多講，特別一讚既係燒翠肉瓜，呢個一定要叫！！一咬落去，瓜汁就係口中爆發，清新晒成個口腔。如果唔係食到尾聲好飽，都想叫多串。最後，除左串燒之外，仲有不少炸物用黎送酒同朋友吹水一流，炸雞軟骨夠晒大碟，外脆內爽，唔錯。整體來說，呢間係難得一見既串燒小店，口味亦無平常串燒重，食落十分舒適，蔬菜

今次好想推薦呢間串燒店俾大家 (not a sponsor post loll)好少可想串串都介紹 首先點左份炸雞軟骨，又幾大份喎~ KO完仲忍唔住要叫多份墨魚咀，因為佢嘅炸粉唔會太厚好香脆!另外仲點左限定嘅鹽燒油甘魚鮫，油脂同膠質好重，燒完好香噴噴孜然粉燒雞全翼，好重炭香味，要encore!燒波羅必點! 好juicy唔係平時薄薄一片仲咬唔入…特別一提係個木魚湯烏冬，係靚讚岐烏冬嚟，仲有幾粒獅子狗，完全唔expect咁有心煮，$22好抵食! 牛舌同牛腎都好味，爽口無雪味。好想下次帶埋班fd嚟再飲野食串燒!!

油麻地一帶好多舊店，串燒店都多，佢算係最整潔的一間啦，附近果啲又逼，空氣又唔流通，但十一串絕對無呢個問題，加上招呼好，夠親切而且啲串燒好食，你未食過真係要一去。佢地大部份串燒都38蚊左右，但物有所值既，有用心煮，客人一定感受到。 Draughts beer 夠凍而且佢地會雪左個杯先，呢下係貼心既。燒海鮮都叫做有鮮味，好多時其他店都燒到over cooked, 但十一串燒得剛好，調味亦不會過咸，整體感覺非常好。

Suddenly, I wanna eat some Yakimono for my dinner, therefore I go to 11 Kebab nearby. I ordered lots of food to eat as the menu is very attractive. I ordered Roasted Oysters with Garlic, Roasted Eggplant with Garlic, Brown Mushroom with cheese, Kabayaki Eel, Roasted mushroom, and Roasted Mackerel parts. All food is made per order, therefore the food is hot and the waiting time is a bit long. However, good food needs to wait! All the food is yum and the portion is big. I have an enjoyable night w