123泰菜館

Open Now

Now Closed

123泰菜館的菜單上有各式各樣的泰國菜，包括咖哩、炒飯、炒麵、燒烤等。我點了他們的招牌菜——綠咖哩雞和泰式涼拌生菜。綠咖哩雞。這道菜的咖哩湯底非常濃郁，帶著濃烈的香料味道。雞肉切得剛好，入口鮮嫩多汁。搭配蔬菜和椰奶，使得這道綠咖哩雞更加豐富和美味。咖哩的辣度也很適中，不會太辣，適合喜歡吃辣的人。接下來，讓我評價一下泰式涼拌生菜。這道菜的生菜新鮮爽脆，搭配著酸辣的調味料，非常開胃。調味料中的魚露、檸檬汁和辣椒融合在一起，為這道菜提供了獨特的泰國風味。這道泰式涼拌生菜是一個非常清爽的開胃菜，讓人食欲大開。

一入去就即刻落單啦落完單之後黎左三台客等咗半個幾鐘lunch都變下午茶結果三台客嘅餸都上咗幾碟就咁炒個粉炒咗半個幾鐘老細態度服務極差問下佢幾耐淨係覆排緊隊如果真係排隊為何後到嘅人都有嘢食先？

同朋友去完郊區，就帶左佢地黎呢度食泰國菜。雖然呢度附近有間好華麗嘅蛋王花，不過呢間123泰菜仲經濟！叫左個冬蔭功朋友們幾個都讚不絕口話好好飲，夠酸，好重青檸味而唔係醋酸味，辣得黎又唔會搞到條脷好痛，我唔食辣都居然可以飲哂，好多海鮮同渣，一鍋分到6碗，份量好夠啊！之後叫左個串燒$60咁上下有6串，都算抵食，又大串，但有少少乾，爭d另外仲叫左海南雞飯，係晚餐黎，跟埋野飲好似係$64左右，呢頭無乜野食無乜餐廳，呢個價都算係咁。生菜肉碎包都好好食，朋友們都食到一粒無剩，誇張！佢嘅晚餐平均係$60左右，叫餐就唔好揀特飲，因為跟餐叫特飲要加$16，但散叫一杯只係$18，跟餐叫檸茶果d +$3，但散叫檸茶要十幾蚊，咁點解我跟餐特飲仲要加咁多錢？都唔合理嘅～～所以晚餐叫返檸茶奶茶果d算啦😁

餐廳位於錦上路石湖塘村路口，門面簡簡單單，店內面積不大，主要以服務街坊為主，逢星期三休息。週末晚上光顧晚餐，我點了一份泰式海南雞飯 ($63)，有點了一份泰式。香茅豬扒河粉 ($63)，飲熱奶茶及熱檸水。泰式海南雞飯 - 上餐速度都幾快，雞入邊有雞腿，食落有雞味，而且雞肉都幾嫩滑，唔嚡口，亦唔韌，油飯味道亦唔錯。跟有一碗蘿蔔芫茜湯，湯入面冇加味精，味道清清甜甜有好香芫西味，飲落好舒服。朋友話佢點嘅香茅豬扒河粉 - 味道亦唔錯，豬扒夠香茅味，雖然薄身左少少，食落唔會韌，而且幾香口。河粉夠滑身，湯頭味道都唔錯。熱奶茶 - 味道同一般港式茶餐廳奶茶有少少出入，不過飲落都夠滑而且幾香口。

喺八鄉要食泰菜，都有好幾個地方可供選擇。但若論性價比，首選就一定係123。餐廳內地方唔大，係家庭式嘅運作。一般午餐、晚市都有套餐可選擇，只不過係幾十蚊嘅消費。人多嘅話，就可以揀多好多菜色。今晚個泰式炒蜆，濃香九層塔味，正！可惜我哋一行7人，每人只食到2、3粒😂無骨鳳爪差少少酸味泰式生蝦刺身，雖然話係海鮮價，但唔會劏客，必食！咖哩軟殻蟹，個咖哩汁偏甜，唔啱我口味，但席中朋友話好食肉碎煎蛋有驚喜，記得要攞辣椒醬配撘！留意餐廳只得廿幾個位，如果人多去，就記得訂定位！

今天又來到位於元朗錦上路，即石湖塘餐廳斜對面的123泰菜館。簡單的舖面裝修加上附近的環境完全感受到鄉效的風味，這裡的空氣特别清新。🍀🍀今天叫左泰式猪手飯($45)，再加杯凍咖啡(加$3)，合共盛惠$48。猪手煮得好夠味，有點像人家生完小孩時自家製的豬脚薑味道。肉質淋淋地口感唔錯，猪皮好淋好滑溜，皮下的脂肪完全保留住，一點都唔漏，充滿骨膠元，食咗皮膚靚靚。重點是配上自家製的醬汁，完全可以提升肉質的味道至極點。雞蛋點上少少的滷水汁味道都唔錯嫩綠的蔬菜好新鮮，煮的時間剛剛好，食落無咁悶。😃😃白飯份量十足，唔太硬又唔太軟，泰國米又真係幾好味。凍咖啡大大杯只是加$3就有得飲，真係好抵。咖啡味十足奶夠滑，又唔太甜。呢間鋪頭的老闆好有禮貌，而厨師都好快手，今次等了5分鐘就有得食。👏👏👏

呢日嚟呢間喺錦上路嘅123泰菜館諗住簡簡單單快食一個lunch。叫左個黃咖喱豬排飯($43)配凍檸茶(跟餐加$3)。餸同飯分開碟上，黃咖喱豬排望落顏色都幾靚，黃色嘅咖喱汁入面有新鮮嘅紅椒、青椒同洋蔥，顏色夠晒吸睛。個咖喱食落甜甜地，有明顯嘅椰汁味， 紅椒、青椒同洋蔥全部新鮮爽口，豬排係煎熟嘅，但係煎得唔算太香口，肉質實左少少。不過個咖喱汁好好送飯，要成碟食晒都無難度。凍檸茶茶味同檸檬味都足，亦唔會澀口。總括嚟講呢餐簡簡單單又唔覺有味精都算唔錯！

今天下午又來到元朗錦上路，又再次幫襯石湖塘餐廳斜對面的泰國餐廳，叫123泰菜館。今天餐廳的坐位差不多坐满，只淨2個坐位，剛剛好夠我同老婆坐。見到個午餐牌有十多種午餐可選擇，有點花多眼亂，於是我叫左個香葉猪肉碎煎蛋飯，再加杯凍咖啡，盛惠$46。肉碎飯的猪肉碎濕濕地又辣辣地好好味，又有幾片香葉香香地，味道好夾。煎蛋半生熟，流出來的蛋黄連肉碎再連飯一齊食好好味，但是如果白飯可以再硬一點就更加好。而杯凍咖啡味道不錯，好夠咖啡味，但是略為有少少甜。總結，今餐都算不過不失，唔錯。

前排同老婆喺呢間錦上路的泰國餐廳食晚飯。首先點左個細嘅海鮮冬蔭公湯，入面D蝦都幾大隻新鮮，湯嘅酸味同辣道調得啱啱好，都算好味。小食點左泰式鷄肉同豬肉串燒，串燒肉粒又大粒又入味, 唔錯！鹽燒烏頭夠晒大條，入面塞滿香茅同金不換，食落有香草味得唔係太乾身，亦都唔錯！青咖喱牛腩，牛腩有筋又有腩，煮得夠晒淋用嚟送飯一流。馬拉盞通菜份量好足，夠味又夠鑊氣。總括嚟講呢位餐廳食物份量足又幾好味，如果喺附近可以一試。

呢日同老公呢呢間位於錦上路石湖塘的泰國餐廳食晚飯。海鮮冬蔭公湯(細)，酸味同辣道適中，都算好味。青咖喱牛腩，食落甜甜地，牛腩有筋又有腩，煮得亦夠淋都幾好味。馬拉盞通菜都幾大碟，亦煮得幾夠味。點左鷄肉及豬肉串燒各3串，肉粒的size算幾大，食落夠味肉粒入面仲juicy, 唔錯！鹽燒烏頭，落單後要等30分鐘，size都幾大條，魚肚入面塞左香茅同金不換，食落香草味唔算濃，魚肉較濕身，如果可以乾身D，香草味濃D就更加正！連2個白飯埋單$416, 總括嚟講呢位餐廳食物份量足，味道唔錯，如果喺附近可以一試。

在較為荒效的元朗錦上路，即石湖塘餐廳的斜對面，開左間泰國餐廳，叫123泰菜館，装修一般的小店，大約可坐15人，而餐廳厨師似泰國人。剛剛叫左個午餐外賣，有泰式猪手飯，再加杯熱咖啡，盛惠$47。真係好驚喜！因為猪手煮得好夠味，口感幼嫩，又好juice。除了猪手，還有小許嫩綠蔬菜，白飯份量又剛剛好。而杯咖啡味道不錯，夠熱又夠味，又唔太甜。呢間鋪頭的老闆好有禮貌，而厨師都好快手，等了10分鐘就可以外賣攞走。下次可以夜晚去帮親，見到晚市餐牌的每樣餸都只是一佰幾拾元。臨走時見到餐廳側邊有3至4個免費泊位。

廚師是正宗泰國人。在偏僻小地方，食物能做到旺區優秀食肆的水平，填飽肚子外，帶來更多美味，算是造福街坊。好味推介：檬粉酸辣汁、青咖喱雞/魚、香茅豬扒、豬頸肉。缺點是等候時間較長，午餐平均等候10-15分鐘，偶然等20分鐘都有。店內有很多活潑快樂的泰裔店員走來走去，本地裔的收銀(老闆?)卻是一臉愁容。部分泰裔店員不諳中文，用中文餐牌點餐時，最好講清楚食物號碼。戶外有1-2張枱，適合帶狗的食客。無車位，逢周三休息。

身為街坊也希望多幫親，因為食物味道是good的不過時間控制上他們真的要改善。話說我6:25pm打去落order，叫了小食拼盤和青咖哩牛腩，並要求6:45pm去攞。準時去到，小食拼盤ready，但要等青咖哩等咗多10分鐘，即合共30分鐘才煮好，有點過份吧！上一次約一個月前去食，也是同樣情況，甚麼也來了，只欠一個春卷，等了近20分鐘，催極都未到，才說剛剛賣哂，現在包，又等...講番食物，比起其他泰菜館，味道不錯，料也捉，價錢合理。

已經係第3次黎食 可能真係做街坊生意 無咩人會特別打食評 但由於我住左呢到廿幾年 根據我既觀察呢間餐廳我覺得絕對稱得上石湖塘呢一帶既綠洲 我決定打第一個食評 以為係鄉村開實做下樣hea下我地但呢到既食物係可以同元朗巿中心既食肆媲美 我次次黎都食雞翼豬扒湯粉 雖然唔係正宗或者係難以忘懷既味道 但真係above average 份量一個女仔食係食得哂但會好飽而呢到既咖喱 我食左兩次都好高水準 無欺場 汁傑傑地 料都好足 青定黃都好食呢到唔太好既或者係服務 但絕對唔係差 我食左咁耐一餐飯都無聽到d staff講多過5句野 唔算係殷勤但都係食野姐 呢到total $88 包野飲 所以拯救到個胃已經好夠lol