1966 烘焙聯盟 (Closed)

Throwback 食評✍🏻1966烘焙聯盟@中環街市試食指數⭐⭐店舖衛生na侍應態度⭐((每項5⭐️為滿分)) ·午餐時間蛋撻已經淨返最後一個見佢咁好賣以為一定好好食即管買來試吓伏嚟架9虫1個屋邨麵包店嘅出爐蛋撻好味好多加上店員冇乜禮貌嘅態度唔會再幫襯·無論大鋪小店我哋都會盡試盡講Follow我哋bw.foodie

如題，不知所謂，不如唔好開鋪，賣蛋撻一出爐就放飯，放係到吹風真心好想反映下，你地出爐時間簡係放飯前係味驚蛋撻太熱定唔知香港人鍾意食熱蛋撻？？？個店員明明我都話5分鐘再黎都唔講聲就放飯，咁趕著放飯唔好番工系屋企自己煮啦🙂

早餐買過幾次都幾好 番到公司都仲熱 因為店員入袋前會reheat最近買左次見佢無reheat就同佢講聲"想reheat呀" 店員話"個包本身熱㗎喎" 下 放左係度成朝喎 叮十秒姐 好難為你咩 結果番到公司個包就當然唔熱啦 無翻焗過仲淋淋地 以後見到果個店員就知唔洗再買

同事今日請食嘢，大家都想試下喱間嘅三文治🥪，我哋就分別叫左「芥末肉鬆三文治、咖哩牛肉三文治、芝腿滑蛋三文治同肉桂蘋果撻」。$38一件三文治，又幾大份，仲要喺中環食，其實一啲都唔算貴，但可惜……..！我同同事share 自己果份，咁就大家都試到兩款味道。我哋就食左芥末肉鬆同咖哩牛肉，失望同好失望🤦🏼‍♀️先講芥末肉鬆三文治，肉鬆份量好似紙咁薄，完全食唔到肉鬆，整件三文治就只見到蛋加菜，好彩仲食落仲有丁點芥末味，總算貼返少少題再講咖喱牛肉三文治，同之前介紹嘅一樣，咖哩牛肉薄如紙，只食左咖哩醬，一片牛肉都沒有，到底咩一回事我只可以講三文治入面嘅沙律菜總算新鮮。但……名不符實，應該叫蛋治還可以接受我之前介紹過某間連所麵包店嘅腿蛋治一樣咁大份，價錢一樣仲要包埋餐湯同餐飲，好味過佢多多聲，我相信我一定無下次P.S 其實之前朋友都買過佢地嘅「肉鬆榨菜山形吐司🍞」比我食，一樣結論「少榨菜少肉鬆」這個價錢有更多更好嘅選擇！

星期六都要返公司OT，就諗住買個靚早餐安慰下自己原本想試下隔離舖嘅蛋餅，點知經過見到佢終於都開返，於是即刻轉軚買佢嘅三文治！之前已經食過佢嘅三文治好幾次，除咗芝腿滑蛋未試過之外，其他味都食過晒，但我最鍾意都係咖哩牛肉同鹹牛肉口味！今次叫咗鹹牛肉滑蛋三文治，加$6要咗杯細港式咖啡。大概十一點半去到，落完單等咗大概五分鐘就有。行到返公司，份三文治仲係暖暖地，味道亦都一如以往咁好食，份量亦都一樣咁大份！至於杯港式咖啡就正正常常。下次再食，我會加$9要杯大嘅，感覺上抵啲

呢期差不多朝朝都喺返工前，行上半山扶手自動電梯拍卡慳2蚊，晨咁早做晨運，只係為左慳2蚊不過香港人就係咁，慳得一蚊得一蚊拍完卡，沿扶手電梯行到落黎，最後會連接到中環街市中環街市翻新後，相信仍然係唔少上班一族必定經過嘅地方。晨咁早，大家都匆匆忙忙趕住返工，點知中環街市內，就有間店舖已經開門營業，原來係1966烘焙聯盟。(其實佢係超群餅店旗下一條新嘅副線品牌)見佢棟左個牌大大隻字寫住超值早餐，有4款包選擇，仲要跟埋熱奶茶或熱咖啡，$16真係幾抵wo出面某D麵包店都唔止呢個價啦一於買個菠蘿包+熱奶茶返公司試試先紙袋冇乜特別花巧野，大大張貼紙貼上印上店舖名稱，相當簡潔攞出食物，有個大透明膠袋包住嘅菠蘿包，十分衛生同埋一杯同出面咖啡店細杯裝一樣size嘅熱奶茶嘩！真係要攞個包出黎影一影相，個size大到咁，仲大過我塊面 (唔好以為我zoom近左黎影，睇番上面幅相片都見真係好大個)味道點呢？唔係新鮮出爐當然冇咁熱冇咁好食不過都唔差，咬落都算鬆軟嘅杯奶茶，就真係不值一提了，唔知係奶味太重定點，唔太好飲，完全唔係我杯茶不過又咁睇，$16有大大個麵包跟杯熱飲，你仲想有咩要求呢？要求就自然會降低。

又到聖誕！又到聖誕！來到3點3，想食下午茶又要有聖誕氣氛，中環街市呢間烘焙聯盟就幫到你啦！新推出多款聖誕特色甜非常之IG-able! 同事們個個都爭住影返張靚相打卡。聖誕彩虹卷將傳統卷蛋搖身一變成為充滿聖誕特色紅綠相間嘅彩虹蛋糕，好味道之餘依然鬆軟，仲係用天然色素！絕對可以放心享用！薑餅聖誕樹聖誕節又點少得棵聖誕樹呢！用薑餅製作手工聖誕樹，一打開就聞到濃濃薑味，睇得又食得！四款可愛造型冬甩草莓冬甩，朱古力冬甩，北極熊冬甩仲有糜鹿冬甩靚到唔捨得食！每個$25蚊，買滿6個仲有8折添，聖誕節快啲帶曬佢地返去一齊開party 啦

今日食飯時間同同事去中環街市搵野食～大家都唔想食太飽，所以就搵間食輕食嘅外😍😍😍😍經過見到呢間門市一張張滑蛋三文治嘅圖，又厚又多料咁～仲要$40蚊都唔駛♥️♥️♥️♥️ 真係岩晒我地嘅標準！我地分別叫咗👉🏻咸牛肉滑蛋三文治同👉🏻火腿滑蛋三文治～即叫即整嘅關係，拎上手都仲係熱辣辣嘅👍🏻👍🏻👍🏻👍🏻👍🏻個咸牛肉份量岩岩好，唔會太咸～再配上個濕潤口感嘅滑蛋和脆口嘅生菜，整體好夾！另外嘅火腿滑蛋三文治🥪～～唔知點解個麵包皮好薄⋯同咸牛肉嗰個去比係薄一半⋯😅😅😅呢款裡面加咗芥末蜜糖醬～幾野味～

話咁快又到12月 喺呢個普天同慶嘅月份，絕對需要啲靚靚糕點去點綴一下✨正好見到中環街市有間叫「1966烘焙聯盟」嘅糕餅店，細看之下，原來品牌係由大名鼎鼎嘅「西餅皇后」李曾超羣創立，水準應該有保證。佢哋新推出咗各款應節嘅聖誕糕點，全部都好吸引😍於是每款都買咗啲嚟同屋企人開心share！📍聖誕鬆餅冬甩🍩有可愛嘅北極熊🐻‍❄️(P.S.呢隻係我見過最傻最懵嘅熊🤣)同馴鹿🦌 仲有繽紛嘅聖誕禮物🎁以蛋糕鬆餅代替傳統油炸過嘅冬甩，口感鬆軟得嚟又冇咁甜🥳📍聖誕瑞士卷與之前推出嘅彩虹瑞士卷🌈不同，今次換上聖誕裝，煥然一新🎊用天然色素製成，睇得又夠晒健康💯📍撻👉🏻軟心芝士撻🧀👉🏻抹茶流心撻🍵👉🏻朱古力流心撻🍫👉🏻紫薯軟心撻👉🏻肉桂蘋果撻🥧👉🏻經典蛋撻有經典口味之餘，亦有流心軟心口味，3款流心軟心撻食落都好有驚喜😋翻熱之後好Q軟，加上鬆脆嘅撻皮，非常好食。

在中環街市裡面，有一間很色彩繽紛的餅店。就算本身不肚餓，也忍不住走去看看。結果當然又買了來吃綠茶紅豆冬甩鬆餅($25)適憑萬聖節，連冬甩鬆餅也換了裝。雖然看似是冬甩，但其實不是油炸的麵團，而是鬆餅。吃起來似磅蛋糕，口感濕潤有質感。味道是帶甜的綠茶味，裡面還有紅豆粒蓋面的糖霜令賣相更可愛彩虹瑞士卷($58)另外還看到這件色彩繽紛的瑞士卷，外型很吸引，可以原條買，亦有切件可買。不知道味道如何，下次有機會要買來試試。

中環街市一小時遊👻 1966烘焙聯盟 - 見上網咁多介紹，都特登走來買返個包😂 本身想食芝士撻嗰啲嘅，但係個賣相真係好麻麻，所以轉軚叫咗啲即叫即整嘅🥳 叫咗鹹牛肉滑蛋三文治🥪 $38喺中環街市來講真係算平，呢個價早餐都願意買🥳 味道來講，鹹牛肉做得好出色🥰 但係可能因為鹹牛肉未夠足料嘅關係，個滑蛋有少少蓋過佢嗰個味道，但係都好食嘅，同埋佢包裝都真係好有誠意，有個盒裝住🥰 拎走食都唔會好論盡😂 下次會想試吓個彩虹🌈捲蛋

Super thick corned beef egg sando中環街市頂層有幾間小食店 賣三文治、雞蛋仔、粉麵等等見到這間有賣滑蛋三文治和蛋糕蛋撻 而且價錢合理 味道也不錯 三文治厚到一啖咬唔晒麵包金黃鬆軟 滑蛋好厚一層似玉子燒

Halloween就到啦，又係時候扮鬼扮馬啦👻由超羣麵包西餅開設嘅全新品牌「1966烘焙聯盟」亦搞搞新意思，推出咗應節又搞鬼得意嘅萬聖節糕點，真係好鬼吸睛😍🎃萬聖節冬甩鬆餅：綠茶紅豆、香蕉及紅藍魔鬼藍莓（$25/pc，$120/6pcs）鬆餅大大個又墜手，賣相得意又colorful，打卡真係一流📸味道唔算好甜，個人覺得比較特別係綠茶紅豆及香蕉味，綠茶紅豆會見到有一粒粒嘅紅豆蓉，而香蕉味混入咗香蕉肉，造型仲好似minions😆.🥯朱古力冬甩鬆餅（$20/pc，$88/6pcs）除咗萬聖節系列外，另外仲有朱古力味😋呢款味道有黑白兩款造型可揀，味道唔會好甜，朱古力味幾香，幾好食😋🌈彩虹瑞士卷（$22）以檸檬、抹茶、藍莓、朱古力及士多啤梨嘅天然色素營造色彩斑斕效果，中間嘅cream唔算多，但口感都算鬆軟，賣相夠IGable💯用嚟做生日蛋糕都得👍🏻🥧葡國蛋撻（$12）🥧軟心芝士撻（$15）🥧紫薯軟心撻（$15）🥧朱古力流心撻（$15）🥧抹茶流心撻（$15）🎃玉桂蘋果撻（$15，萬聖節版）除咗冬甩鬆餅及瑞士卷外，仲有不少款式及味道特別嘅撻類😌紫薯軟心中間有紫薯蓉，有淡淡紫薯香；朱古力流心真係有流心

［中環］1966烘焙聯盟.萬聖節冬甩鬆餅食剩指數:10/100就到萬聖節梗係試吓啲有趣造型既糕點3種顏色分別係綠茶紅豆、香蕉及藍莓口味賣相好似芝麻街入面既角色cookie monster~鬆餅味道唔會死甜質感都算唔錯好似綠茶紅豆仲食到紅豆蓉唔係得個樣～.除左萬聖節限定仲有好多其他糕點咁我揀幾款同大家分享下.朱古力冬甩鬆餅食剩指數:10/100除左上面特別版仲有傳統朱古力味朱古力味好濃好香經典既味道.彩虹瑞士卷食剩指數:10/100外表好彩色一開始仲驚係全靠色素好奇怪點知每一part顏色都有唔同味幾過癮好似黃色係檸檬綠色係抹茶咁天然色素居多

🥪1966烘焙聯盟🥪中環廉價三文治$50以下就吃得到，適合中上環上班族，已吃過數次店員服務態度非常好，只做外賣，味道不錯由其是芥末肉鬆三文治，去買外賣還可以逛一下中環街市新面貌，一雞兩味😎————————————————————🌟芥末肉鬆三文治 @$38內有肉鬆，生菜，厚炒蛋，芥末醬，炒蛋夠厚生熟度剛好，配上肉鬆芥末醬味道一流，麵包有烘底，每一樣都配得剛剛好。🌟抹茶流心撻 @$15聞起來撻味好香，吃起來抹茶的茶味跟蛋撻的甜味配合得甜度剛剛好，抹茶內涵順口蛋撻皮鬆脆，但抹茶流心沒有流心。————————————————————》翻撻指數（5/5）👍🏻👍🏻👍🏻👍🏻👍🏻》店舖環境（4/5）👍🏻👍🏻👍🏻👍🏻》服務質數（5/5）👍🏻👍🏻👍🏻👍🏻👍🏻————————————————————