2 Good Bakery

Open Now

Now Closed

中午吃完午飯，殊不知附近的工作，突然要改遲一點，還有個半鐘，飯又吃飽，於是打算到附近咖啡店打發一下時間⋯⋯找到一間自己曾Bookmark 過的小店，於是打開OpenRice 一直找⋯⋯由於店舖位置門面唔算當眼，原來行過錯過了，足足找了一些時間⋯⋯美式咖啡$35~豆腐芝士蛋糕40~豆味香濃，還有筆者最喜歡的新鮮無花果，大愛。整體來說店主一人打理，看著她很落力地處理，小店值得支持，下次要過來吃午餐，因為看見隔離枱的青醬意粉好吸引。

如果有食開「2good Bakery 」都知道-開心果芝士蛋糕斷咗一輪！最近佢哋又整返喇！今日去食，超正！好味過之前添！鬆軟啲，但又好飽足！另外就係呢杯無得輸「牛油果奶昔」好清新，如果鍾意牛油果一定要試！跟住要介紹埋「士多啤梨牛奶」上星期，佢哋嘅「牛油果奶昔」太好賣，我去到無得飲🥺店主家姐就介紹呢杯俾我哋！嘩！佢哋用靚士多啤梨，一啲都唔一酸！加埋牛奶，好夾！大家快啲去試！不過，佢哋17-21/1/2024會休息（係終於休息）大家就唔好摸門釘喇！

今日同仔女行完街，經過白加士街一間cafe, 見天氣咁熱，亞女又被佢門外蛋糕賣相吸引咗，所以我地就入去抖一抖涼下冷氣😝裏面環境舒適，蛋糕選擇多，真心好食，巴斯克蛋糕都有好多款😋亞女仲叫咗一個邪惡牛角酥窩夫，今日卡路里超標😝😝另外仲有我近期學緊嘅手沖咖啡，所以即刻叫杯試下，👍🏻👍🏻店員態度親切，佢地仲請我地試咗少少佢地嘅新菜—-開心果意大利麵，幾得意幾好食，連我個仔平時唔食呢D都話好食😁會再幫襯👍🏻

去開佐敦睇醫生，突然口癢想食甜品，即刻搵番係收藏list上收藏左一排既甜品店 咁岩又搵到依間有最愛既巴斯克蛋糕既店。位置係白加士街，後街位置 真係唔易發現🤣因為岩岩開門 店內只有一位職員 ，正在為門口既甜品櫃加上甜品。 原來依間既巴斯克蛋糕都好多款式 真心好難簡 最後簡左OpenRice唔少人推薦既「麻糬芋泥芝左蛋糕」（$48） 。 蛋糕既大小都相當大 比市面上同樣size既都算抵 市面咁既size都要大概$60up ，賣相比外邊既大牌子都相當用心裝飾。 芝士味都相當重 但食落又唔少太膩入面既麻糬mix埋芋泥相當夾 麻糬比較軟身 整體甜而不膩

偶爾搵到呢間小店蛋糕店，之後就成為了常客🥰店主好nice，已經成為咗朋友佢整嘅蛋糕真係好好味，既食到蛋糕香味，最正係唔會得個甜字，你係食到蛋糕本身嗰個味！而且真無添加任個防腐劑！我同男朋友最鍾意食佢嘅麻糬芋泥芝士、宇治抹茶芝士係至愛💕💕💕牛油果奶昔幾乎之次次都飲，最近試咗佢嘅Soda Coffee 又有新驚喜前排男朋友生日，搵咗店主整蛋糕，OMG!個蛋糕好靚，用咗好多心機整！最重要係好好好好好好好好好味呀！

今個Weekend要去做埋杜牙根最後一個Step🫤去醫啲牙仔🦷之前 首先我要幫自己醫下個肚先🤣喺附近行下行下 離遠望到間 Cafe☕️就行入去坐低嗌左杯花茶🫖+一件咸蛋黃Cheese Cake(岩曬唔嗜甜既我) 咸香咸香 好好食😋店主無介紹錯啊👍🏼一件Cake配上一壺清香既花茶 悠閑嘅一個下午 對於依家工作忙碌 時間急速既香港人黎講 真係一樣好奢侈既事～額外一提，原本小編入去嗰陣見到空無一人 心諗 死啦會唔會伏架😹但坐左一陣之後 見到陸陸續續好多人黎幫襯 仲有好多客人專登黎攞蛋糕🎂見到好蛋熟客過黎拎啲預先訂左既麵包同蛋糕，證明佢係有信心既保證架😻🫶🏼 以後去牙醫到覆診之前 都可以黎呢間小店Chill下喇 😌🤍BTW 店主都好nice好好人 見佢同啲客關係都好好👍🏼

今日第一次幫襯，品嚐左佢所製作的榴槤芝士蛋糕，好好味，店主亦都好好人，我亦都推介左比朋友，而且得知店主係1人小店，所以大家應該多多支持，而且我本身都會整蛋糕，店主行好與我一起分享

之前搵咗呢間小店幫手整咗個生日蛋糕 造型真係有求必應 咩都整比你😂 知道佢最出名係鼓勵巴斯克芝士蛋糕 因為壽星鍾意食Tiramisu所以我就揀咗整呢款 但係都唔想講大話 tiramisu 味道就一般般啦 如果想追求造型嘅朋友可以搵店主幫手～店主好nice 可以同佢傾下想整咩類型嘅蛋糕🎂！

經過佐敦想食甜品，經OpenRice搜尋到呢一間小店。一入去比粉紅色主題吸引，蛋糕款式唔算多，但睇得出係全人手製作！老闆娘好後生又會主動同啲客傾偈店舖唔算大但係有幾款同嘅座位😝 日式塔塔米 好正😎 外賣仲有折 - 一定有下次😉 試咗三樣嘢：士多啤梨奶昔 好有新鮮士多啤梨味 😍但係稍為甜咗少少 下次要叫少甜😌香芋泥芝士蛋糕足料到爆炸 芋頭味好重 芝士蛋糕好香濃 最好味係呢樣😋芝麻芝士蛋糕 好有芝麻味 又唔會好甜 質感好滑

本來行完街諗住搵間甜品店休息吓，我地叫咗個巴斯克芝士蛋糕和鮮果拿破崙！店員的服務態度超級好，很有禮貌！鮮果拿破崙的水果非常新鮮又大粒，賣相非常好，打卡一流！而且拿破崙的酥皮很鬆脆！超好食！大家可以去試吓😋而巴斯克芝士蛋糕亦是期待以上，本身以為應該同出面一般連鎖店的味道差唔多，但呢度蛋糕的味道感覺上更上一層，味道不會過甜，口感較結實，食完之後冇好膩的感覺！我和朋友食完都好滿足，呢間小店真係值得推介！食物價錢和質素好抵食！

私心推介既手工蛋糕店🥰所有甜品都係老闆一手一腳去整，好有heart同人情味既小店，雖然得一個人經營，但每日蛋糕口味眾多，今日去就有麻糬芋泥芝士、咸蛋肉鬆、貓山王榴連、日式豆腐等，味道配合香港人需要所以都係少甜👍🏻食完唔會覺好有罪惡感🤣除左蛋糕類，仲有拿破崙、連大熱Croffle都有😍超吸引，不過小店暫時得外賣，所以等疫情好d先係到堂食試下買左個原個芋泥芝士蛋糕，真係好好味😋朋友同主角都讚不絕口，芋泥好綿密，好足料，芝士好香但唔會好膩，如果想訂蛋糕最好提早同店主聯絡，會有更多口味選擇😊

冇諗過一啲都吾甜 反而鹹鹹地既芝士蛋糕可以咁好食😋顛覆左我對芝士蛋糕既觀感店主好好人 俾我哋用同等嘅價錢試咗佢嘅新出品 - 芋泥麻糬士蛋糕🍰蛋糕厚實 但係入邊嘅芋泥同麻糬好Q彈🥺一啲都唔甜 好健康店主仲免費送咗一個豆腐甜品超重豆腐味 好似食緊磚豆腐咁😲高質小店 大推👍🏻👍🏻

突然間好想食拿破崙蛋糕 ，但原來在香港想找家有拿破崙蛋糕的甜品店原來不易，除了酒店自助餐或酒店cake shop 外，努力扒了很多文，看了很多甜品店的餐牌，終於給我找到這家，便決定一試。在繁華的佐敦，一家寧靜的甜品店。1. Taro Cheese Cake 芋泥芝士蛋糕　—　很新鮮，香濃的芝士和芋泥味　2. 鮮果拿破崙 - 酥皮很鬆脆很新鮮，分開三層上碟，不會吃得很倫盡。　從食物質素，新鮮程度，可看出店主的用心經營。

訂咗個蛋糕嚟同老婆慶祝結婚週年紀念，老婆見到好驚喜，而且味道亦都唔會好似出面啲咁甜，食多幾啖都無罪惡感🤣，而且老闆娘人好好👍，好nice，之前都有訂開蛋糕，每次見到個蛋糕都有驚喜！

閒日時段黎到油麻地附近想搵間cafe坐下hea下路過呢間就入去試試Ice Latte味道不錯外貌都好靚，好適合打卡用另外嗌左一杯士多啤梨牛奶淡淡既士多啤梨味飲得出係用士多啤梨果肉攪拌制成不錯外型亦好靚另外嗌左榴槤芋泥蛋糕好重榴槤味，有d似榴槤月餅還算不錯優優閒閒hea左幾個鐘啖下咖啡，食下蛋糕🤣