二一八火鍋餐館

Open Now

Now Closed

今日同朋友飯局,去左佐敦二一八火鍋今日叫左個火鍋歡樂套餐包括左老虎班一條,箕圍蝦,鮮蝦雲吞,鳳城水餃,美國肥牛.牛柏葉,鮮豬潤,鮮豬肉片,貢丸,龍蝦丸,仲有新鮮蔬菜同響鈴湯底就要左沙嗲加莞西皮蛋另外加左凍豆腐,鴨血,豬粉腸,極品黑毛豬.廣島生蠔,芝士牛油炸蝦丸芝士牛油炸蝦丸-小食都唔錯,幾香口湯底黎喇凍豆腐-入埋湯,食熱辣辣好味道鴨血-夠實淨都唔錯豬粉腸-好咬口極品黑毛豬-豬味夠,好味道又唔肥廣島生蠔-好香蠔味套餐一大盤呀分開去講下海鮮:老虎班鮮甜可口箕圍蝦爽口彈牙鮮蝦雲吞,鳳城水餃料好足,入面蝦都好好食美國肥牛油脂分佈平均牛柏葉,鮮豬潤新鮮好味鮮豬肉片幾香豬肉味貢丸,龍蝦丸都唔錯新鮮蔬菜-食落幾清新響鈴入湯即食好味道

今日同同事經過佐敦，兩個人心郁郁又想打邊爐, 見到有近二一八海鮮火鍋就入去試吓, 一入到去, 都幾光猛裝修都幾新，仲要每一個卡位都有部電視, 可以一路睇一路食, 感覺好似係屋企打邊爐一樣👍🏻一睇個餐牌見到有個二人超值孖寶套餐，價錢加埋大約370，已經有海鮮有安格斯牛頸脊，有豬肉及羊肉，分量仲要唔少👏🏻👏🏻抵讚👍🏻👍🏻👍🏻湯底就有胡椒豬肚雞鍋，味道啱啱好😋😋😋最後加多杯冰凍嘅酸梅湯，清涼又解渴。👏🏻👏🏻 下次你試埋佢哋嘅麻辣湯底先😁😁

難得同屋企人慶祝生日，識飲識食嘅我梗係要搵間好嘅火鍋店。朋友介紹咗間二一八火鍋。平時食開麻辣火鍋，今日黎到就試一試胡椒豬肚雞湯底，湯底非常足料，打邊爐前仲可以飲個湯. 店員推介了海鮮超值套餐和肥牛孖寶套餐, 套餐份量不錯，有海班片 🐟 ，鮮魷魚 🦑 ，海蝦 🦐,仲有我最鍾意食嘅帶子和安格斯牛頸脊, 海鮮非常新鮮,之後還點了手打墨魚滑, 炸魚皮，稻庭烏冬都非常出色。埋單都係大約每人350。佐敦打邊爐不錯的選擇。

今天我去了佐敦買東西，一直走一直走，發現有一個招牌好亮，看了一下名子叫二一八火鍋，好特別，所以我進去了。它們裝潢好特別，樣樣都是金金的，好像皇宮的地方，地方又好大，我坐下好像包埸一樣，人好多，但位置真係多到怕找不到自己。看一下餐牌，有好多東西可以選，套餐已經有五六種，我先選擇了兩人套餐，要清湯底。選好食物，店員就會把調味料放上來，我自己加，有9款可以選擇，我加了指天椒，蒜，蔥花跟豉油。先來了湯底，本身清湯底已經有好多材料，最特別的是龍頭，好威風呀。它們好細心，沒有東西到的時間，已經開了一壺茶。在來就是套餐的併盤，包括有(鮮海班片，鮮魷魚片，新鮮海蝦，脆肉骨腩，帶子)，還有一盤蔬菜瓜盤，全部都是新鮮的，厚厚的材料，沒有白給這個價錢給單的時候，店員推薦我叫一份雜錦肉併盤，就是有不同部位的牛肉跟其他肉，因為現在做特價，所以只要108塊已經有一份了，當中有(美國頂級肥牛，美國特級安格斯牛頸脊，極品黑豚肉，美國極品安格斯牛小排，中國黑草羊肉片）我最喜歡牛小排，又厚，牛肉味夠濃，有咬口，不錯。還叫多3份不同的材料，稻庭烏冬真的是稻庭，一條一條彈牙的烏冬最好食，鮮蝦雲吞餡料超級多，全部都放滿蝦跟肉，

天氣仲未熱得哂，仲涼涼地，就約埋朋友去食火鍋，上次經過佐敦見到呢間新開感覺幾唔錯咁，就黎左呢間！餐廳十分闊落，都係卡座，感覺更有私隱度又坐得更舒適！我地叫左個海鮮2人餐，入面包左有鮮海斑片、脆肉骨腩、帶子同蝦！蝦肉大隻又爽口，而且仲好細心咁脫哂殼，岩哂我呢d中意食又唔中意脫蝦殼既人，帶子大粒亦都十分鮮甜！另外食火鍋點少得肥牛！我地都叫左個拼盤，有五種唔同既牛！我最中意就係美國頂級肥牛，牛味十足，油脂分佈令又嫩滑，唔會乾 ，唔洗一陣就比我地兩個清哂啦！呢度仲有好多正野食，搞到我地都諗住過多幾日再黎食！

食火鍋最緊要呢就係啲肥牛，一家火鍋店雖然他等你好特別嘅選擇但係配料就非常出色。呢度有套餐叫，大盤嘅豬肉、牛肉加 羊肉，只係$208。 而且質素高，並不是平價貨，牛肉油花均勻,有牛味,淥幾下就可以食,可以媲美禾牛。 豬🐷 羊 都 沒有羶味，豬肉仲有少少脆口。海鮮係主打。 非常極之新鮮，帶子極道鮮甜，非常大粒。 試吓都好大隻，而且已經落咗客，非常細心，讚。 魷魚易切晒花，柔軟，食得出係新鮮游水貨。 另外竟然有另一方火鍋店沒有,比較冷門的秋葵和新鮮淮山。

到達火鍋店我地都諗左一陣究竟打邊爐定係叫小菜，因為佢嘅餐牌同埋現場見到嘅小菜都非常之精美，我哋終於決定咗打邊爐。 我地叫左鴛鴦鍋底： 皮蛋芫荽湯底加豬骨湯底。豬骨湯底非常足料，有兩大舊，差啲都擺晒成個煱。配料方面，選擇非常之多，諗到嘅同諗唔到嘅都有。揀咗個四人餐配搭4 人嘅牛豬羊肉拼盤。兩樣加埋都係$600幾，非常抵食。一定要讚下佢的海鮮，非常新鮮，排得好靚，而且非常細心，蝦已經剝殼了。海鮮份量非常之多，足夠六個人食 。牛養豬拼盤都係非常之大，而且質素非常之高。 呢餐好滿足。 手打蝦滑，好多蝦肉 鮮🦐已經剝好殼。非常讚！，足夠六個人食連秋葵、芋頭都有海鮮份量勁多

一直住喺佐敦嘅我哋想搵唔同嘅火鍋餐廳去試，所以今日就嚟咗218火鍋餐館試吓。講返佢個地點，其實喺地鐵E出口上2-3分鐘就到，但可能佢係內街，所以冇乜人行過去。兩個人嚟到打邊爐， 必叫一定係佢個新鮮海鮮超值套餐，有鮮海斑片，鮮魷魚片，脆玉骨腩，新鮮海蝦同帶子魷魚片好彈口，海斑片同脆玉骨腩好香魚味又唔腥又少骨，要讚佢個海蝦係剝好晒俾我哋，唔使剝就有得食真係好爽。帶子好大粒，碌完都唔會縮得好細。另外一定要叫埋佢個超值孖寶組合，加$108就有一份，有晒安格斯牛，安格斯牛頸脊，黑豚肉，肥牛同羊肉片。我哋一直都好鍾意食麻辣，一定要讚佢個湯底，好少嗰啲配菜花椒八角，如果唔小心咬到都幾苦，但呢度個麻辣湯底，有麻有辣，辣椒嘅數量啱啱好，仲有啲芽菜索味。龍頭🐲鍋除左靚，仲令到成個火鍋好易熟，落咗啲料好快就食得。推介安格斯牛肉同牛頸脊真係好香肉味，食落口肥瘦都啱啱好，仲有啲入口即溶感覺。羊肉片唔騷，黑豚肉都唔會好肥。注重健康嘅我哋都會想食菜，佢個餐就有個菜送， 我哋特登要求要左油麥菜，佢都盡量安排左，值得一讚。下次再有機會一定會同成班朋友過嚟食，試埋佢唔同嘅海鮮。

天氣就來變得好熱，想趁酷熱天氣警告之前都打翻個邊爐！佐敦呢一度新開咗呢一間火鍋菜館，朋友立即帶我嚟品嚐一下！來到餐館直入就有個新鮮魚缸，好多海鮮新鮮選擇！坐低冇耐個鍋已經上到枱，個鍋好有氣勢好靚！等緊火鍋滾嘅時候，職員送上天麻魚頭燉湯，原來每日限量送出，早來早享受！飲到一啲味精都冇，而且好清甜！正！要咗一份二人海鮮餐，$268估唔到份量有咁多！有肥美嘅帶子，斑片，鯇魚骨腩，新鮮魷魚同埋大蝦！食咗呢份其實都半飽！海鮮超級新鮮！好甜！海鮮二人餐加$108，就有啲一份牛肉羊肉拼盤！又係估唔到份量有咁多！每樣幾塊啱晒兩個人食！肉質新鮮！牛味濃郁！蔬菜拼盤亦都係跟餐餸嘅！真係超級抵！我哋口痕仲叫咗蒜蓉粉絲蒸蟶子同埋元貝食！起大超級肥美！粉絲好彈牙好有蒜味！蟶子元貝超級新鮮！好厚身！真係食過返尋味！我食果晚每隻只係$48!!好正！呢度值得一來再來！

三五知己久唔久食下飯打邊爐就係最好嘅選擇可以一路傾計一路食， 係最開心不過， 今日朋友仔推介 過咗嚟佐敦道德興街呢一間218火鍋， 初頭喺門口見到佢嘅裝修諗住啲嘢食好貴啦， 估唔到 係咁豪華嘅裝修價竟然係平民化既價錢 我哋點咗個海鮮四人餐仲可以加200蚊 左右，就可以多一碟 牛肉大拼盤湯底就揀咗個醉雞鍋 ，散發出嚟嗰陣酒香味真係令人垂涎三尺呀呢個海鮮拼盤一人食一件都 會覺得飽呀， 成盆大大盤 足哂料， 帶子，魷魚，龍躉，大海蝦 ，蠔 簡直應有盡有呢盤加208蚊嘅 拼盤 超級大盤， 牛肉羊肉黑豚肉每樣都有， 紅卜卜非常吸引， 啱曬我哋呢啲食肉獸天麻魚頭湯都非常不錯喎 個湯夠曬味啲料又多，正 鮮炸魚皮 係打邊爐必食㗎雞牛豬羊 啖啖肉食完 最好就係食返個蔬菜， 食下食下都幾飽下 最后隊多碟 椒鹽魷魚鬚餸下酒咁，真係好滿足呀

同朋友經過見到呢間新開嘅火鍋店就要去試吓啦！環境都幾寬闊，而且私人空間感都幾強，座位仲有部電視喺旁邊，好有包左小房嘅感覺見到超值孖寶套餐都真系幾抵食！兩個人都系$108就可以食到牛肉，羊肉，黑豚肉！圍起每人都系$54醬料嘅選擇都幾多，仲有xo醬，必試，系超惹味嫁火鍋湯底叫咗芫荽皮蛋，配料亦系好足，同行嘅朋友好鍾意食皮蛋，都話皮蛋份量好多！而且火鍋設計十分有霸氣用嚟影相打卡就啱晒蔬菜洗得夠乾淨 ，唔會發現有蟲或者奇異嘅物體出現雞份嫩滑，而且擺喺冰上邊保溫，呢方面系細心嘅套餐包配中國黑草羊肉片，美國頂級肥牛，美國特級安格斯牛頸脊，美國極品安格斯牛小排，極品黑豚肉。確系抵食！而且最好味嘅就系佢地嘅牛頸脊同肥牛，牛味香而且肉質鮮嫩！另外已叫咗海鮮二人餐！包括鮮海斑片，脆肉骨腩，鮮魷魚片，帶子，新鮮海蝦！擺得好靚而且份量亦好夠兩個人食！值得一讚嘅係海蝦預先已經剝咗殻！好細心，食起黎勁方便呀，又夠彈牙！岩哂我呢啲懶人必叫嘅仲有烏冬係用咗讚岐烏冬！煙軔爽口！另外手打豬肉丸亦係水準之作，肉質鬆軟富豬肉香，半肥瘦質感！最後飲反杯竹茅根清下熱，好滿意！

今天同朋友喺佐敦區逛街後，突然朋友想食炸雞脾，去番德興街間茶餐廳回味一下，誰知餐廳已變為火鍋店，望入去新裝修又光猛，於是入內一試店內設有卡位座，簡㓗，光缐充足，並且擺放左幾個漁缸，𥚃面有生猛海鮮-龍蝦、南非鮑魚、海班等等，可供客人選擇一坐底，侍應姐姐即是送上魚頭燉湯，一呷湯，好香藥材味道， 魚頭好滑湯㡳選了簡簡單單既芫茜皮蛋鍋二人海鮮拼盤，賣相又幾好，有大蝦、元貝、石班魚、脆鯇魚腩及吊片等元貝大大粒，又厚身，囗感晤錯石班魚鮮甜，有魚味大蝦爽口彈牙聖子皇只要輕輕一灼，大約十秒，入口便幼嫰鮮甜美國安格斯牛頸脊牛味道濃，唔駭皇帝菜，新鮮爽脆，多汁

醬料上, 最特別係有xo醬, 唔係好多間餐廳有xo醬,數量正常. 算係滿意!湯底我地叫左豬骨湯, 同四川麻辣湯底, 豬骨湯, 味道都好濃, 直接試下飲左一啖,好鮮甜, 如果係清淡人士可以推介呢個沙底!四川麻辣呢, 就其實都唔算過辣, 可能因為調成香港人口味, 帶小咸, 如果烏東落呢個湯底,可以咩都唔加都好好食! 食得辣就試呢個!angus 牛小扒, 份量足夠, 味道濃, angus 不嬲都唔洗用任何醬料都好好味, 一食就會食到牛味重,我覺我angus係打邊爐數一數二好食既牛之一, 其次就係手切牛, 有d人可能中意手切牛多d呢到angus算比較薄身, 口感就易咬,易入口比較軟唔會話好硬.虫草花雞湯, 呢個料落我十足, 可以連料食, 味道有小小油, 虫草味濃, 無偷工減料, 熱度岩岩好, 暖胃得黎又唔會太熱入唔到口.玉子豆腐, 呢d雜料平均黎講餐廳都會比較得比較多, 所以份量唔洗太擔心, 餐後食D水果平衡返! 多汁~整體服務好好, 好客,價格正常.

爸爸媽媽結婚週年紀念，我哋做仔女梗係要大肆慶祝一番啦，我哋今晚嚟到佐敦呢一間新開嘅餐館， 佢嘅地點好適中，喺正港鐵站附近非常方便，佢個裝潢靚靚的，連餐具都好骨子，套餐有好多選擇。我哋點咗一個鴛鴦鍋，有麻辣羅宋湯，有芫茜皮蛋湯，各有特色，套餐裏包有多款海鮮，款款都見到精心挑選，廣島蠔肥大肉厚，充滿鹹香海水味。將鹽爆魚肚，索滿濃郁湯底進食，真係冇得頂。新鮮海斑片，魚皮厚度足足有 三分厚有多，煙韌又彈牙。還有圓碌碌帶子，肉質軟綿多汁，鮮甜至極，佢嘅大海蝦爽甜多汁，還配搭新鮮蔬菜瓜籃。另外一set美國安格斯牛件，牛小排軟綿多汁，安格斯牛頸脊，零舍爽滑，仲有頂級肥牛，雪花點點，只需輕輕一灼便可品嘗。一款極品黑豚肉，有別一番滋味，一般嘅豚肉給它比下去。還有正宗黑草羊肉片，騷騷的有特別的口感滋味，蜜味濃郁。一盤多種肉質給客人享用 別具細心。配搭牛坑腩一份都不遑多讓，一樣出色 牛味香濃，爽脆口感。大師手打墨魚丸爽口夠煙韌，蜜味鮮甜，這晚我們一家人吃得非常愉快，美食係可以加添快樂的呢。

上星期有個同事生日，大家約埋一齊去打邊爐慶祝，同事介紹佐敦新開一間幾有質素嘅餐館，去到見到餐館裝潢華麗，頗有氣勢，間隔座位好舒適。我哋點咗四人餐，食材豐富，佢有自家首創嘅麻辣羅宋湯底，我哋點咗個小辣加上羅宋湯嘅香甜非常有特色。一款海斑片，寬厚魚皮煙韌彈牙，肉質鮮甜。廣島蠔大大隻，滿滿海水鮮香。魚肚粉量不少。帶子超級king size， 只要你灼煮時間剛好，真係滋味無窮，只要你輕輕咬下豐富肉汁滿載口腔，還配有新鮮大蝦，鮮魷魚片，全是優質食材。一大盤牛小排，安格斯牛頸脊，頂級肥牛，極品黑豚肉，黑草羊肉片，各具特色，肉質閃令令，肉汁豐盛，多款肉食食材，一定不會令你失望。自家手打墨魚丸，又係大師出色手作，零舍彈牙，鮮甜無比 魚香四溢？我哋點了一個鴛鴦湯鍋，一面濃郁蜜甜辣辣地，又有西湯嘅口感。另一面清香撲面，湯底清甜，芫茜配皮蛋有別一番風味。一顆人七嘴八舌，哇啦哇啦吃得盡興而歸。