二一八火鍋餐館

Open Now

Now Closed

Happy friday每每都係我同老公兩口子四圍揾食嘅時候，閒日他在外地工作，所以佢會經常揾定 d餐廳 list等回港帶我去食，今次佢就帶左我去佐敦恒豐中心後面街，話食我鐘意嘅魚鍋再火鍋，一次過可以食齊兩種，超期待。餐具都顯著自家餐館名稱 九款調品格 基本火鍋配料！無端端送上燉湯，原來係這餐館送比每位客戶的，又幾好喎，今日還是去頭風嘅川芎魚頭湯，唔會因為送就求其，每碗都好足料夠晒濃味。店員推介他們嘅大賣武松辣烤魚鍋，當然我要少辣啦，唔想蓋過晒其他配料，而且好特別用上煎香左倉魚，啖啖肉還有高湯令豆腐番茄雲耳香菜多款材料入晒，味道一流。食完後就可以直接火鍋了，何其方便！兩人海鮮套餐 $268老公最愛爽口彈牙脆鯇，我反而喜愛班片，鮮帶子，鮮尤同虾等數款，新鮮是火鍋首要，他們做得到，希望保持到啦！ 胖牛孖寶二人餐 $108 性價比高，還可以一次食唔同牛嘅部位，還有豬肉片添，相片朦朦係火鍋滾起流心墨魚丸內有乾坤竟然係用喊蛋黃做陷，幾特別甘香但墨魚肉唔夠彈偏淋！ 原來還有生果送 超甜黃色西瓜

朋友介紹這家食中菜，但我和寶寶來到看到有打邊爐，條邊爐癮又起，於是決定先試一下這裡的火鍋。湯底同配料的選擇都好多，每個湯底都好想試。本身打算散叫的，不過店員有推介海鮮同牛的套餐，見到份量同價錢都不錯，便直接點了兩個餐來試。胡椒豬肚雞鍋(半隻)($168)這個湯底又是一個令我很回味的湯底。用上超足料的豬肚﹑雞件﹑胡椒粒煲成，但一點都不油膩。胡椒味好重，但因為用上大量肉去煲，同時亦好鮮甜。雞件因煮得太耐，所以已經肉都變老，沒有食得多。但豬肚真係不得了，因為煲得耐，反而令豬肚變得好軟嫩，食到尾聲時，雖然已經好飽，但還是忍不住把湯底內的豬肚都食清光。海鮮二人套餐($268)(送新鮮蔬菜瓜盤一份)海斑片﹑魷魚片﹑海蝦﹑脆肉骨腩和帶子，除帶子是2粒外，其他每款4件，份量好夠。仲要係每款都好新鮮好新鮮，真係食得出海鮮的鮮味。海斑片味道較淡，肉質都好軟。這個魷魚片真的無得輸，當然首先不要淥得過火，我們整到剛好，咬落好柔軟，口感極佳，真的只有新鮮魷魚才做到這個效果。海蝦已拆去一半的殼，完全唔洗用手拆就已經食得，好貼心的餐廳。肉質好爽口，而且大隻多肉。脆肉骨腩，另一無得輸之選。肉質真係好爽脆，魚皮又夠厚身

上網見到佐敦有間新開既打邊爐餐廳, 同朋友咁岩經開呢頭, 就一於試下~呢間新開, 真係好靚, 坐得又舒服~~一開始, 侍應先比我地混醬, 然後再比茶我地.我地叫左個$688 既火鍋海陸空套餐，入面有好多野～美國肥牛牛栢葉鮮豬潤鮮雞件箕圍蝦帶子魚雲脆骨腩貢丸蔬菜再送埋個湯底～我地揀左鴛鴦鍋，莞茜＋沙嗲！OVERALL 食物真係好新鮮，箕圍蝦超生猛呢，黎到仲識郁～而我最中意既係牛栢葉，超爽；鮮豬潤，好鮮；鮮雞件，嫩滑；箕圍蝦彈牙；帶子大粒又鮮甜～下次可以再黎食過！

約左朋友係佐敦食飯，知道新開左間火鍋店，趁天氣又涼返，就食火鍋啦餐廳內多數係卡位，坐得舒服，又有電視我地一心想食火鍋，雖然侍應推介有烤魚食，但我地都係揀左醉雞鍋，連半隻雞，都幾抵半隻雞係另上，被濃濃酒香浸住，湯底本身已有黨參，杞子，紅棗等，氣味濃郁，非常補身餐廳送左原盅老火湯俾我地，係蟲草花雞腳湯，湯頭清甜，落足料既滋補靚湯二人海鮮餐，有斑片，魷魚片，脆肉骨腩，海蝦，帶子每款都好新鮮，切得非常厚身，好似新鮮即切咁，感覺好抵食海鮮餐送埋蔬菜粟米蘿白之後用優惠價加碟肉，有齊豬牛羊，包括 安格斯牛小排， 頂級肥牛，特級安格斯牛頸脊，黑草羊肉片，黑豚肉每款肉款大約4-5塊，油花各有不同但都靚仔，有些肉味特濃，有些有咬口，有些入口軟腍，真係五重享受仲叫左個小食椒鹽豆腐，炸得外脆內軟炸響鈴，份量幾多又脆身，火鍋必叫侍應推介佢地新出既楊枝甘露，用杯裝上，我地就要埋啦，用料好足，勁多西米，柚子又甜之後仲請我地食生果，西瓜起沙，蜜瓜超甜，服務真係好侍應仲成日主動加湯，換碟，服務抵讚

這間新開不久的218火鍋餐館位於佐敦的德興街，火鍋餐廳裝潢舒適四人座位長身闊落，火鍋料全部放在桌面也不會逼夾，抵讚！天麻魚頭湯（送）點完餐馬上送上天麻魚頭湯，店員說每日新鮮燉湯，打開湯蓋香氣四溢，燉湯湯濃味鮮而不腥，還有淡淡的藥材味，相當足料👍🏻火焰菠蘿咕嚕肉$108原隻菠蘿淋上烈酒再點火，視覺先享受，新鮮菠蘿做的咕嚕肉菠蘿味濃郁甜美，肉質鮮嫩彈牙，味道美味可口👍🏻武松酸辣烤魚$128用酸辣烤魚方式來火鍋還是第一次嘗試，烤魚是用金䱽魚，䱽魚兩面煎過再放入濃湯魚肉滑溜香口又不鬆散，酸味味的湯底開胃又醒神海陸空套餐（肥牛，牛柏葉，帶子，魚雲，鮮雞件，鮮豬潤，基圍蝦，脆骨腩，貢丸）$688海陸空套餐質量新鮮，分量足樣樣大大件，尤其新鮮豬潤已經很久沒有食過那麼新鮮爽口的豬膶了，店員說不要滾太耐，果然冇介紹錯👍🏻蟶子皇四隻$180蟶子皇每隻$45非常抵食，大隻厚肉，肉質鮮甜彈牙，正到冇朋友😋蔬菜藍蔬菜新鮮爽脆，洗得乾淨👏🏻飯後甜品還有生果拼盤送

這間位於佐敦德興街新開張的「二一八火鍋餐館」，位置非常方便我這個火鍋控，當然都會第一時間要去試一試。而這間「二一八火鍋餐館」是以散叫形式，所以食物質素比較高質不論火鍋食材與海鮮都非常出色，店內環境坐得非常舒服地方寛堂，每張卡位枱都會放置一部小型電視，一路食一路睇實在過癮，除了火鍋還有小菜喜歡哪一種悉隨尊便。天麻魚頭湯這個春天時節濕氣重，人好容易攰有時仲會有啲頭痛，來這裏打邊爐竟然送了一個天麻魚頭湯，實在送得合時而且非常足料，天麻味道濃郁，入口有膠膠地的感覺，飲完全新發滾微微出了一身汗，正。武松酸菜烤魚 $128武松酸菜烤魚，已一個方形的鐵盤呈上，材料非常豐富豆腐、蕃茄、黑木耳和大量酸菜再加上一條煎封好的倉魚，睇見已經流口水，倉魚肉質鮮嫩湯頭鹹鹹酸酸非常醒胃。火鍋海陸空套餐 $688美國肥牛、牛柏葉、鮮豬膶、鮮雞件、箕圍蝦、帶子、魚雲、脆骨腩和貢丸這個海陸空套餐實在非常抵食樣樣材料非常新鮮，尤其是鮮豬膶入口爽脆，完全冇豬內臟的味道事前功夫做得非常到家，帶子非常之大粒食得非常滿足，脆骨腩火鍋真的要食脆肉鯇，尤其是魚腩位魚油香味豐富，肉質爽脆。鮮蝦雲吞 $88大大粒的鮮蝦雲吞，蝦肉爽口彈牙加

今晚同媽咪兩個去咗佐敦食火鍋我地先叫咗個二人海鮮套餐，$268食材新鮮又有五款海鮮#海班片 #脆肉骨腩 #魷魚片 #帶子 #海蝦海蝦已切頭，方便食，蝦肉彈牙新鮮魷魚就算6耐咗，依然脆彈，一啲都唔會韌，其他海鮮都冇得輸仲有每人一盅蟲草花燉雞，好足料，味道濃郁仲有雞腿等等既材料個鍋好有霸氣有菜籃送既我自己最中意食依個芝士蝦丸$108有6粒，好似有啲貴，不過真係有料嫁~手打既蝦丸，好重蝦味，大粒彈牙，芝士係裏面流出黎，停唔到要係咁食!!

近幾日,天氣變得好凍, 搞到我突然好想食麻辣火鍋, 於是,就約左喺佐敦工作嘅朋友黎滾一滾!呢度近地鐵站, 我過黎都好方便。店內地方比想像中大, 而且大多為獨立卡座, 好適合三五知己傾計~而且店員服務殷勤, 不時為我們介紹食材和烹調時間。最正嘅係有湯同生果盤送,雖然係送,但質素十分有手水準!我們選了四川麻辣鍋作湯底, 湯底不會太辣,但十分香濃,愈食愈暖粒粒!川芎白芷魚頭湯十分足料, 燉盎內塞滿滑lulu嘅魚雲, 又飲得又食得,當前菜一流!海鮮二人套餐(海班片,脆肉骨腩,帶子,新鮮海蝦,鮮魷魚片,菜)呢個餐食得我地好開心, 因為真係樣樣有驚喜! 海班片肉甜新鮮, 脆肉骨腩厚肉爽脆,帶子, 海蝦好鮮甜,仲預先幫我地拆左蝦頭,好細心!鹽爆魚肚從未食過咁厚嘅魚肚,好有口感, 感覺同平時食到嘅好唔同, 服務員話係靚野黎喎~唔好睇佢得幾塊,都幾飽肚!極度推薦呀!!!美國特級安格斯牛頸脊牛頸脊望落唔係好鮮紅, 但食落竟然比起以前食過嘅牛頸脊牛味濃10倍!仲好嫩好淋,食到停唔到口!!生果盤(橙,菠蘿. 藍莓)生果盤是送的,係咪好有誠意呢, 所以我就話呢餐飯食得驚喜又開心!係愛呀………..

今日同朋友係附近做完gym之後 諗住獎勵下自己食餐好就去左打邊爐 行行下見到間新開嘅火鍋店就行左入去試下***一入到去都感覺到幾光猛 每一枱卡位都有電視睇 等大家可以一度食一度睇 未上鍋就可以先調味先 除左豉油仲有9隻調味料俾大家自由配搭 調好之後就上鍋啦 我地揀左清湯 因為唔想食得太heavy 本身以為清湯會淡而無味 點知入面有豆腐 蘿蔔 娃娃菜 幾有料 係等緊滾湯個陣 侍應就送上川弓白芷燉魚頭湯 好濃味好有藥材味 聽聞可以幫女性補下血😂***我地叫左個2人餐 有海斑片 魷魚片 脆玉骨腩 海蝦同帶子 一次過試哂唔同嘅海鮮 最愛就係帶子好大粒 熟左都冇縮水 之後就以優惠價加左碟肉類 有牛肉羊肉豚肉 又係可以俾你一次過試晒唔同嘅肉類 佢地嘅蔬菜都幾新鮮 大家可以叫南瓜嚟食 似係媽媽係一田買嘅南瓜 最好食埋佢哋送嘅水果真係好飽

朋友話有間新打邊爐店不錯，就叫我同先生找天去試試，今天星期五就捉了先生十點左右去打邊爐，原來這裡除了打邊爐仲有叫餸和烤魚選擇，最後地就叫烤魚和餸，價錢每人約$270都不用而且菜仲多到食吾晒拿走添。酸辣烤倉魚$128，今次叫了小辣，份量都不少而滾了沒想到湯底都清但味道都幾濃香，辣不多但喜歡不太油，之後打邊爐都十分岩，越煲味道越濃而且之後是加湯而不是熱水不錯，魚肉質幾滑又大條，配菜勁多，酸菜不太酸但幾爽口，豆腐入味而木耳爽口而且仲有不少蕃茄，配菜最後都吃不完。我地再叫了一個熱餸:火焰菠蘿咕嚕肉$108，整個菠蘿再用火燒令到菠蘿汁迫肉咕嚕肉入面好清甜，咕嚕肉口感不錯豬肉味都濃吾太太舊又冇骨，配菜都幾多。之後再叫了打邊爐料:美國特級安格斯牛頸脊$198，沒想到份量都不少，牛肉口感軟熟而牛肉味都幾濃，以這價錢來講都幾抵食。到吃菜時間了，就叫了2個菜，芋頭$38，份量不少而口感都不錯。皇帝菜$38，份量好多，平時只有一半份量，菜又夠新鮮，最後仲要食吾晒添。

滂沱大雨，氣溫下降的晚上最好就是打邊爐，在佐敦地鐵站一出就發現二一八火鍋餐館，應該是新開的，一於入去一試。內的有不少卡座，裝潢吊燈好靚，而且還有電視睇，不錯。有火鍋及小菜選擇點菜後免費送上茅根竹蔗水，甜度剛好，不錯。還有免費的蟲草花燉雞湯，味道好鮮甜滋潤。武松酸辣烤魚 $128是店員推介必食，份量2人就剛好，食完打完打邊爐，不錯的選擇。湯底好好飲，酸中帶點辣味，當中有點藥材味，有不少黨參，好正。而烤魚是炸過的倉魚再放湯，仍保持外皮香脆，跟平時吃的有所不同，好特別。魚骨好少，非常適合我，除香脆外，魚肉也是嫩滑入味，暫時在香港食過最美味的。在等烤魚的時候，就先食炸魚皮 $38，單食好香脆，而點湯底也美味。極品黑豚豬 $128肉質顏色鮮明，肥瘦適中。黑豚豬肉質鬆化，薄身美味。火鍋配料點竹笙 $38一流，吸湯底一流。至於海鮮是時價，今日基圍蝦是$28一兩基圍蝦 $224/半斤最後才出場，因為要每隻穿竹籤在插在碎冰上，好似在跳韻律泳，哈哈！基圍蝦都好大隻，肉質鮮甜爽口，半斤約有十多隻。這頓晚餐好滿足，第一次吃到這樣美味的烤魚及新鮮配料，最後以鮮果作完美的結束。途中見隔離檯食小菜,有道燒菠蘿咕嚕肉

二一八餐館除咗有火鍋之外，仲有唔少獲氣嘅小食添！就好似呢味椒鹽魚雲，炸得金黃香脆，上枱時非常香噴噴，表面充滿著脆口嘅脆漿，辣味適中，而魚雲入口順滑，魚身不失鮮味之餘，又品嚐到脆口嘅炸魚塊。揀好醬料之後，就緊係打邊爐啦。火鍋湯底係胡椒豬肚湯底，胡椒湯底微辣，豬肚入口又軟滑爽口，加上個湯窩賣相特別，有龍頭係兩邊夠晒霸氣，無論係外表，或者個湯底都一樣抵讚。打邊爐點可以唔食蟶子，大大隻嘅蟶子，彈牙兼且毫無雜質，放落滾湯中煮熟，絕對無人會抗拒。接著仲有海鮮拼盤有生蠔，蠔身非常豐滿，鮮味極濃郁，中意食海鮮嘅人必定會好中意; 而厚身嘅帶子大大粒，煮熟後鮮味原汁原味保留在帶子之中，一人一粒都食得好滿足; 最貼心嘅蝦身已經剝左大半蝦殼，煮熟後方面大家進食。而新鮮即打嘅墨魚滑同蝦滑，外表平凡，但其實非常美味; 因為係手打嘅關係，魚滑之間充滿細細嘅氣泡，放入口後就會食到彈牙空氣感嘅感覺，而且呢兩道價格完全唔貴，所以強烈推薦。

德興街一向都出名食火鍋，今次黎到呢間新開張嘅二一八火鍋，梗係要好好品嚐火鍋湯底，以及各款火鍋食材啦。餐牌上食材同湯底選擇固然多，而除左火鍋之外，仲有唔少有獲氣嘅小食添！選好醬料之後，先贈送一人一盎嘅老火湯，真係夠晒開心。熱辣辣嘅雞湯有多件雞件，加上蟲草花等配料，入味之餘充滿豐富嘅精華，入口濃而不咸，飲完唔會覺得口渴，係名付其實嘅老火湯。接著嘅火鍋湯底更甚出色，賣相已經夠霸氣，龍頭盛上熱辣辣嘅胡椒豬肚湯底，豬肚入口軟滑爽口，再吸引帶有微辣嘅胡椒湯底，辛辣感覺有驅寒作用，啱晒呢個冬天去飲。海鮮拼盤絕對打邊爐必點嘅食材，有生蠔、生蝦、帶子、鮮海班片等等，海鮮味十足，夠晒豐富。帶子大大粒，夠晒厚身，放落湯底之後都無縮水，進食時原汁原味保留在帶子之中，一人一粒都食得好滿足; 生蠔亦係新鮮之選，本身已經極具鮮味，煮熟後，蠔身仍然豐滿，品嚐到極濃郁嘅鮮味; 而鮮海斑片亦係新鮮即劏，魚皮嫩滑，魚身結實，點上適量嘅醬汁，美味非常。呢客美國安格斯牛頸脊，賣相非常吸引，放落湯底只需要煮大約30秒，即可食到大約7成熟嘅口感，入口非常滑嫩，而且保存著濃厚嘅牛香味，絕對值得推介。食晒咁多美食好，最後仲奉送果盤，清

呢幾日落雨濕濕，有幾分寒意，忽然有打邊爐嘅念頭。係開飯網見到呢間位於佐敦新開張嘅「二一八火鍋餐館」，非常近地鐵站，落雨濕濕都唔洗怕啦。坐低之後當然係揀左湯底先啦，由於我地又想食芫荽皮蛋鍋又想食沙嗲鍋，所以一於叫左個鴛鴦鍋，咁就可以試晒兩個湯底啦。係等湯底嘅時候，餐廳先送上兩盅燉湯，是日燉湯係蟲草花燉雞湯，開蓋時傳黎濃郁香氣，燉湯入口鮮甜，飲落無味精，湯入面嘅雞件嫩滑，非常好味。餐廳有大量醬油配料供應：辣椒、炸蒜、蒜蓉、芝麻醬、芫荽、蔥等等真係講得出既都有架。火鍋配料選擇好多，不過由於我地只有兩個人，不能叫太多。鮮冬菇／粟米／凍豆腐：打邊爐當然唔可以只係食肉，點都要叫d蔬菜嘅，我地選擇左粟米，凍豆腐同埋鮮冬菇。鮮冬菇同凍豆腐吸收左未有肉類污染過嘅湯底會較少油，亦都比較健康。至於粟米煲過接近一小時後，吸收左香濃嘅湯真係格外好味。鮮蝦雲吞：鮮蝦雲吞比一般火鍋店食到嘅大隻，裡面包住大大小小嘅鮮蝦，非常飽滿，餃皮夠薄之餘質感仲好紮實，味道唔錯。廣島生蠔：廣島蠔賣相精美，份量算多，非常新鮮，亦都相當爽口，好好味。刀切鮮豬肉片：肉質顏色鮮艷，切得薄薄嘅豬肉片，無乜肥肉，放入湯淥一陣就食得，入口爽口彈