227甜棧 (Closed)

本身係芋圓控，見到媒體介紹，好似幾特別又足料，所以同朋友去試下🤩兩個人叫左三樣野，朋友叫左自選養生系列（揀左芋圓，紅豆，地瓜，鴛鴦豆花4款 $38），我叫左自選養生系列（揀左仙草黑糖，芋圓x2 $31) ，同埋一個糖不甩三食$35。點知一上枱見到碗野心入面哇左聲，我碗野無野多，最多係黑糖水，仙草少到浮晒上面，得幾啖咁，最失望係d芋圓，好細粒，又有d硬身，應該係煮得唔夠耐又或者唔新鮮。朋友果碗都有類似情況，豆花得幾啖，紅豆一匙仔，地瓜一塊 ...呢個價錢黎講又貴又唔好食 。最精彩原來未出現🤭糖不甩三食係食過最難食嘅一次，普通糖水鋪都好食好多倍 ....我地主要點花生椰絲黎食，唔知係糯米定d花生椰絲出事，有陣'憶'味，嚿嚿都係 ....點豆粉都有呢陣怪味😨 ..咁basic嘅甜品都攪成咁🤷🏻‍♀️3樣野埋單$104 結論係，如果再揀，唔會有第一次🤷🏻‍♀️

呢度有傳統中式/台式甜品，肉圓；亦都有新派fusion甜品。朋友點左芒果西米撈啲朋友，我比較喜歡中式傳統甜品。試咗個頗為貴嘅～原隻木瓜燉花膠蓮的確沒有太多地方是原隻木瓜燉，好冧，時間好足，仲有椰奶。七十幾蚊都絕對抵，成隻手掌咁大。店內有self-service嘅茶，食完覺得太甜可以用茶沖淡甜味。店內裝修也非常舒服，古色古香。我帶外國朋友來，他非常欣賞。店員服務也很殷勤。相信我會再去，因為有很多傳統中式甜品，不是太多地方有做。

個名改到長又尋「黑糖薑汁地瓜芋圓糖水」以為咩野，叫左凍既；原來係三十幾蚊一個蕃薯糖水，又貴又唔抵食。拿拿臨話，唔好意思，麻煩幫我叮熱佢，佢話你叫凍喎，我話我知，唔該幫我叮叮佢。佢大大聲同廚房講「佢叫錯左呀，整返熱佢啦」跟住等左成世都唔拎返來，三摧四請先拎來。男友叫左個車仔糖水，涼粉+黑糖薑汁+綠茶凍+芋圓。出嚟得六粒芋圓，三舊綠茶凍，問姐姐點解咁少，佢話六粒芋圓呀嗎，係啊！30幾蚊好似咁樣，呢世都唔會再幫襯。

是日同朋友一行五人去搵糖水食，有朋友就推介左呢間係太子酒吧街附近既甜品鋪，起初見到等既人好多，但都唔算等左好耐，大約等左二十分鐘就入得。甜品鋪裝修係中式設計，紅黑為主色，木枱木椅，中式燈籠吊燈，碗餐具都係中式既，成個設計好符合甜棧之名。甘甜品方面我點左自選配料豆腐花，4個配料加上豆腐花都係三十八蚊炸，都唔算貴。我揀左鴛鴦豆花，即黑同白豆腐花，配料揀左地瓜，紅豆，黑糖寒天凍同綠茶凍，要左微糖黑豆腐漿。首先讚一讚佢啲甜品唔會好甜同死甜，食落好舒服同冇負擔。黑糖寒天凍好有驚喜，係一食就食到黑糖味，好足料。綠茶凍就略嫌冇黑糖凍甘出味，食唔到綠茶味。紅豆夠綿，而且唔會好甜，出邊有時啲紅豆會整到好似糖漿甘，但呢到完全唔會。地瓜就感覺偏硬身，咬得開，但整耐啲會更加好食。果豆漿唔會好甜，飲落好舒服。豆腐花夠滑，不過有啲散，但唔會話好影響口感既。以呢個價錢黎講，絕對物超所值，會想再黎幫襯。另外呢啲就朋友食既。豆腐花真係好正，不過朋友都點左一個比較令人失望既野，呢個黃金丸子白雪卷，即係芒果河粉卷，其實味道唔錯，但略嫌比想像中細太多。相都睇到係一包半紙巾既長度，仲要頭尾係冇咩芒果既，芒果汁好少，丸子都係得五

食完飯之後想食甜品 咁唔啱又喺附近食完飯 又有聽過人推介 就入咗嚟食個人就好鍾意食芋圓 所以一嚟就點左個彩虹綜合圓黑糖沙冰 而朋友就中意桂花 所以揀咗愛玉桂花釀呢個係啱啱上菜嘅樣 店員之後有叫我地撈勻嚟食入面有珍珠同埋奇異籽食落去唔係好甜 有淡淡桂花香 愛玉好滑 加埋珍珠同奇異籽好有口感 好欣賞佢唔會好似其他糖水舖咁 甜到漏 呢個黑糖沙冰食落個口感似思樂冰 唔算好重黑糖味 不過都勝在唔會太甜 易入口以佢嘅配料都好豐富 有紅豆、綠豆、珍珠同好多種芋圓除咗傳統嘅地瓜圓同芋圓之外 仲有芝麻味紫薯味同綠茶味等等其中以芝麻味比較突出 好香一食落就知係芝麻味但係口感就偏硬 唔夠「q彈」整體來講都好好食 好快就清晒😛佢嘅裝修都唔錯 環境算闊落 同幾有特色 仲有自助嘅茶水服務 可以自己斟水飲會再黎幫襯！

最喜歡古色古香嘅裝潢，入黎嘩完一聲就愛上左呢度。當晚晚飯時間黎食糖水，冇咩人可以同朋友傾計 朋友推介食養生系列，好少糖水店禁齊唔同配料，有選擇困難症嘅人應該會揀得辛苦。最後揀呢個，薑汁黑糖好養生 😂😂稀有嘅綠茶凍好有綠茶味，又有咬口；芋圓紫色果款好入味，成碗嘢我都好鍾意！黑白豆腐都好重豆味，31蚊都好抵。其實要四款配料$38都好抵。 不過我朋友叫一碗愛玉，所以今次兩款配料都好夠。唔記得影愛玉大特寫！ 但呢度都睇得出愛玉好足料，清涼下火🤣🤣🤣但我地之後做左樣失策舉動:倒黑糖！就出左事！！！！！每枱都有成枝黑糖漿，我地試食一啖好好味，不死甜；但原來撈落愛玉係完。全。唔。夾。。。。。。下次要醒目的😂😂😂會黎 下次要帶埋屋企人黎先得，呢度裝潢 嘢食 氣氛都好岩男女老幼黎。 (最正近返工地方，放工可以黎醫下肚😍😍😍)

我成日覺得如果中菜如果識得多d marketing就一定可以發揚光大～當然現在的珍珠奶茶舖係一個成功例子呢😉今次為大家介紹少有裝修得好有古代中國風格的中式甜品🍮舖。好鐘意佢用養生做題材，menu 有每個甜品都介紹食療效用點了花膠燉鮮奶蛋白🥚（$49） 和花膠蓮子鮮奶燉椰皇🥥（$69)。2個甜品都落足料，好多花膠，甜度適中。食完即刻覺得皮膚滑左💁🏻‍♀️比起cafe 普通pancake 都要$70/80，更推薦呢個真材實料的227甜棧小店😋

這一夜，與舊同學晚飯過後，興致未減，大夥兒一致決定找個地方吃點甜食，坐下再高談闊論一番。想起這間口碑不俗，薄有名氣的新派台式甜品店 「227甜棧」就在不遠，便拉大隊前往幫襯。看過花多眼亂的甜品餐牌後，各人各自點選自己喜歡的甜品，而我就選擇了價錢較為便宜，也較有興趣的「香芋椰汁白豆腐花」（$29）一試。相比起同學們點的甜品，我這碗「香芋椰汁白豆腐花」是比較簡單的，味道就還不錯，甜度適中不過份，豆腐花又白又滑，喝得出椰汁的味道但又不會太重，但芋頭就不是太腍，偏硬身，比較失色。這兒的免費任由顧客自斟自飲的清茶，名字沒有記下來，已不太記得了，不過在吃過甜品之後，喝它一兩杯，消甜解膩，都不錯。 坐在這間滿有中國古色古香味道的甜品店中，看著店外掛著的紅紅黃黃的燈籠和福字剪紙，雖然中秋還未到，已給我中秋佳節將至的感覺了。

今天資深同事Kaman姐回來, 食神當然會有推介, 讓大家聚一聚! 今次食神就推介227食棧! 小食位於太子，近旺角警署。至於環境都算雅致, 有中國古典風味! 我們幾位同事叫了不同幾款甜品, 而自己就叫了豆腐花! 豆腐花份量十足, 佢一碗的份量就等於2碗深水埗公和豆腐花的份量! 佢的豆腐花豆味不及公和的濃, 豆味比較清, 而糖水亦不及公和豆腐花的甜, 但感覺給人清新, 唔錯!!不過佢的價錢都唔錯, 23元一碗豆腐花, 但有此質量和份量, 仍是值得的!

同D朋友食完個晚餐之後仲想坐低吹下水，跟住我哋就提議食糖水，然後就諗緊太子附近邊度有糖水食呢，咁啱十步內就見到間227呢個名好好笑，而且門口見到有台灣嘅芋圓食就中入去喇，雖然一入到去就話冇晒啲熱食，而且又差唔多收鋪，不過天氣咁熱我哋本身都諗住食凍糖水，所以就那那林嗌個自選配搭嘅台灣糖水，我就叫左個薏米芋圓豆腐花加薑汁其實個味道係OK嘅，只係覺得個賣相麻麻地反而歡樂組組長叫嗰個芒果沙冰又幾好味喎，偷咗一啖食沙冰又夠綿，芒果又唔酸👍🏻另外叫左甜不甩share, 不過普普通通冇乜特別可以唔使試😅

與朋友開心晚餐後，我提議到這間甜品店，因為經過兩次都是有長長的人龍等候。我們都等了大約15分鐘才入座。等等候期間還興高采烈地想著吃什麼，怎知道.......我點了自選系列：豆腐花+黑糖薑糖水+地瓜圓+芋頭當店員送上甜品，我們呆了，因為賣相完全不吸引，就像被人吃過似的，豆花分量極少，地瓜圓及芋圓也是幾粒，而且味道極一般。而朋友點的愛玉，淡而無味，有幾粒珍珠，朋友食了一半也放棄了！只可以說，中伏了再次證明多人排隊都會中伏

同幾位朋友係附近食完晚餐, 因為無食甜品, 意猶未盡, 就搵左呢間甜品店食, 留意左呢間店都好耐, 但因為位置唔方便, 所以而家先第一次黎食。四個人, 不約而同揀左彩虹綜合圓仙草涼粉, 按圖中所示涼粉同綜合圓都似成座山咁, 浮晒面, 不過上到黎就無張圖咁震撼, 變成浸晒落水度, 細碗啲份量少啲咁, 唔同芋圓有唔同口味, 地瓜、綠茶、紫心地瓜等, 唔會粉粉的, 食到有真料, 仙草涼粉口感非常滑溜, 整體味道清淡, 加左枱上疑似黑糖漿落去, 口味提升唔少, 平時唔愛食太甜的我, 都加左唔少, 因為實在好香! 40元偶爾食下都值得, 幾有特色, 質素都唔錯。

同朋友食完晚餐就喺附新搵甜品店，離遠見到間227甜棧就過去啦，行到門口見到好古代feel，如果單睇佢嘅門面設計真係估唔到佢係甜品鋪。坐底睇餐牌第一件事就係睇吓有無特別嘅嘢食，即係平時好少見到或食到。最後我選擇咗雪糕椰汁燕麥露，因為我覺得用燕麥嚟做甜品比較少見，所以就算飽都要試吓。而我朋友就叫咗芒果小丸子白豆腐花同埋雪糕紅豆綠茶布甸。送到嚟嗰時因為d燕麥比椰汁遮住晒，所以賣相比較普通。燕麥食落嘅口感比較硬，而椰汁溝埋少少溶咗嘅雪糕之後會比較甜。朋友嘅芒果小丸子白豆腐花都幾大碗，芒果加埋豆腐花雖然比較普通但都好好味，豆腐花好滑，不過小丸子就麻麻地。至於雪糕紅豆綠茶布甸，朋友話d綠茶布甸都唔錯。

一行7人在太子食完飯，想再有下場傾計。想起這家227甜棧。星期日晚上等了3分鐘左右便有位置。落地玻璃空間感增強，全木裝潢配上黃橙燈籠，視覺上已令人印象深刻，在五光十色的酒吧街盡頭，彷彿置身古代的寧靜空間。鋪內設自助茶水空間，可用中式小杯品嚐鐵觀音，茶溫度微暖，對於剛吃完晚餐轉吃甜點的客人來說，喝一口鐵觀音的感覺很舒服。建議再細心一點，客人一進場時侍應可主動為客人盛茶，之後才讓客人自行添茶，細心位可以更加分。先來養生花系列兩款配料$31/四款配料$38價錢差別讓人不其然會選四款。其中一位朋友點了杞子龍眼+珍珠配白豆腐花龍眼肉厚杞子相對大顆，不錯。味道偏淡而且比想像中過多水份。地瓜芋圓紫米紅豆湯$40都是偏水的甜品，比想像中更甜更甜，芋圓方型硬身，完全沒有煙un可言。但紫米熟稔程度適中有口感。滿$50可儲一印仔，滿5個印仔可以下次半價享用$40以下的甜品。

同肥髀食完晚餐已經好飽，不過都去呢度買外賣糖水，門口好搶眼，霓虹燈招牌，加中式裝修，堂食應該幾有風味！糖水選擇多，好多都係我喜歡嘅中式糖水！落單後在門口等，好快包好比我！微波爐加熱碗！企理方便養顏紫米粥（$36）好足料好杰身，攪勻除了紫米外，仲有好多豆穀類（蓮子、米、麥米之類）粒粒不同大小嘅豆穀類口感豐富，有咬口，不過食落有好似棗類嘅酸味，自己本身唔喜歡棗嘅酸味！而且偏甜！中式正氣糖水！呢款口味唔啱我黑糖薑汁蕃薯錦圓糖水（$32）肥髀食！非常蕃薯🍠！佢好喜歡我只係接觸門口收銀女店員，唔多出聲比較cool，攞糖水出來嘅姨姨幾好笑容！自己喜歡呢間嘅中式糖水正氣！正！