#24 Foodstation

Open Now

Now Closed

#24 Foodstation (西環) @24foodstation 2️⃣4️⃣薄扶林大學學生飯堂😍💋平價西餐！鄰邊還有一間姊妹店《24食坊》，性價比超高，多國菜式！😍😍港日泰韓西⋯⋯［韓式雞扒包配薯條 $45］（8/10）😍😍😍物超所值！！雞扒滑🐔薯條熱辣辣，即叫即炸🔥［生蠔黑松露忌廉燴飯 $68］（6/10）不少生蠔🦪😍黑松露味較淡😳，但忌廉很濃！#西環foodhealsme#中西區foodhealsme#港島foodhealsme#平價foodhealsme#西式foodhealsme📍#24 Foodstation (西環)西環石塘咀屈地街24號地舖

延續昨天24食坊今天分享在附近屈地街的姊妹店#24 Foodstation，這店售賣多國菜即什麼菜式也有一點。店內環境比24食坊光猛骨子一點座位亦比較舒適，不過食物質素就不夠姊妹店出色了。我看中這個酸辣豬扒漢堡＄45送汽水價位同樣親民，內有份量不少的鮮炸薯條，對於我來說這個餐是非常飽足。鮮炸薯條熱烘烘的來到吃下未算十分香脆但炸得不油膩，沾上茄汁來品嚐總是不錯吃的。至於酸辣豬扒我想我真的諗多咗了，所謂酸辣也只不過是加了泰式的甜辣醬而矣，漢堡包香口鬆軟內裡夾雜了洋蔥、生菜等配料，當然還有煎得挺香味道正常的主角豬扒，但很奇怪地竟用上帶骨的豬扒真教吃者情何以堪啊~車爸爸選吃食肉獸必愛的香煎雙扒飯＄48同樣送汽水，雙扒分別是豬扒和雞扒另配襯黑椒汁，雙扒是一般餐廳的味道沒驚喜，白飯用上珍珠米則誠意可嘉，可惜黑椒汁不是我們喜歡的味道，對我來說只是一客填肚的香煎雙扒飯。這間#24 Foodstation的食物近似快餐店出品，價位正常味道平實沒驚喜，我比較喜歡姊妹店24食坊多點。

幾年前覺得幾好食，依家整到咩都冇味🤢...成個pasta好似開罐basic白汁倒落去，話「燒蘑菇」其實係煎好細嗰啲菇🤦🏻‍♀️🤦🏻‍♀️話「生蠔」點知係熟嘅，仲要得3粒😟🤦🏻‍♀️所謂「燒蘑菇生蠔pasta」仲basic過我喺hall自己煮。不了我男朋友食咗all day breakfast, 個炒蛋比奶溝到冇味，同埋煙三文魚竟然都可以冇味同唔新鮮🤢summary: 蛋得奶味，三文魚得雪櫃味，pasta得罐頭白汁味

食物一般般 ……都幾難食 ….又頹又普通 …….係hku住左咁耐 ,睇住佢開張 .一開始都OK ,宜家越做越差 !幫襯嘅客人越黎越少 估唔到d服务員嘅态度可以仲差過d食物 !! 唔想再幫襯呢間野 ……………………………………………………………………………….

今天中午同朋友一齊去吃飯，開始我們三個人，坐在靠門口的一個小台，剛剛點好餐，發現有張新台空出，我地就禮貌問服務員可不可以換台，佢話OK，咁我地就坐過去，誰知那個服務員（黃色短髮）就跟我們發脾氣，很兇地將餐具扔在新台面上！真的沒誇張，竟然會因為這點事就要跟我們發脾氣！我們的食物又還沒上台，無論我地要不要換台，佢都需要抹那張台，根本不會增加佢的工作量！！！太生氣了！我地同佢話，如果妳不想我地換台！咁就話不可以換就OK了！為什麼說可以換以後還要跟我們發脾氣！！真系痴線！！當時我地想同佢老闆complain，但是有個好心朋友說算了，疫情之下不好找工作，下次不幫稱佢就好了！！好彩佢遇到我的善良朋友！大家再也別去了！環境不好，餐食一般，主要是沒有必要去受氣！真系激氣！！！

今次lunch黎咗呢間係屈地街轉入去嘅小巷嘅西式餐廳「24」呢間餐廳價錢非常適合學生哥做飯堂食物質素亦都唔會將貨就價今次嗌咗韓式豬扒包個餐會跟埋薯條 同湯or汽水個包好香軟 而入面個醬甜甜地非常引起食慾薯條亦都炸得好好 外脆內軟完全超越$45蚊嘅水準路過附近嘅可以搵下呢間高質食店

HKU附近都好多野食但係感覺上西餐冇咁多 或者話平民價錢嘅唔多今日搵到依間 #24 foodstation位置比較偏僻 起一條小行入面鋪面都比較細餐牌選擇好多 沙律 漢堡包 意粉 燉飯 扒飯 都有仲要超級多款式 意粉都十機款睇完menu 要自己出去落單俾錢 但係之後侍應會攞俾你叫咗個海鮮意粉 ($45)原先好似係忌廉汁 但係我揀咗轉茄汁配飲品或餐湯 飲品都係啲罐裝汽水超快就有野食 仲要熱辣辣 啱啱炒起賣相好唔錯 佢個pan好得意份量超大 :0味道方面 蕃茄味出 幾鍾意佢個汁比較水啲 唔會好似食茄汁咁 同埋佢似用新鮮蕃茄煮🍅 汁唔會好鹹仲落咗少少芝士 令佢香啲海鮮主要係八爪魚🐙蝦仁🦐魷魚🦑蜆肉雖然全部size好迷你 但係都唔少 好多都起個底到唯一覺得個麵唔太好食 好似好軟 好冇質感咁 麵質完全唔彈牙 而且比較顯 易爛🤥同埋覺得可以加啲菜 令個意粉豐富啲有層次感啲所以個意粉唔算好食但係依到啲服務員態度非常好落單完全唔介意我睇耐啲 同埋好想滿足食客要求👍🏻雖然舖唔大 但係都坐得舒服價錢就真係平嘅 係學生負擔得起嘅價錢 亦平外面西餐一半 份量又大所以唔少學生黎食！

餐廳位於HKU 站B2出口 行2分鐘就到，隱世喺一條橫巷入面～平時諗唔到食咩就會去嘅西餐cafe 好抵食 長期CP值高：D菠菜雜菌忌廉意粉 ($48) 份量好足好大份，菠菜同雜菌都好多～白汁好香好creamy ，意粉軟硬度都剛好，有咬口～另外，裝住意粉嘅係煎pan 型嘅碟，擺出嚟好靚：D跟餐：粟米忌廉湯 （可以選汽水）本身對餐湯唔係好大期望，好怕會好淡或者好稀，但覺得呢個好唔錯！忌廉湯好有奶香，而口感比較厚身 ，飲落幾 rich，湯入面粟米都好多，好有咬口～

有朋友介紹過呢間西餐廳，之前食過兩次意粉，都不過不失，唔算太平太貴，都ok，所以會回頭。佢落餐要出去櫃枱比錢先嘅，而今次我order左 all day breakfast，等左陣就有野食喇，賣相都幾靚仔。個包初頭好唔吸引，不過食食吓又幾香、有少少蒜蓉味；三文魚都幾新鮮、唔鯹；沙律菜估佢唔到加左少少芝麻醬，唔會話好寡；煙肉就...我覺得油；有d蘑菇...係煎香過，不過就乾得滯；而芝士腸又係估佢唔到，本身以為普通腸，點知一咬，射左d汁喺枱添！其他果d蛋呀、蕃茄...正正常常。整體嚟講，都覺得好味呀！

平日返工最期待就係放lunch，點知當日胃口好差😩，兜咗幾個圈都諗唔到食咩。最後就同男朋友行返去hku站附近平時食開嘅一間叫24嘅小店，佢哋嘅名同街號一樣，唔知係咪關事呢🤣。平時都係食開佢哋晚市嘅西餐，今次就試吓佢哋嘅沙律同飯。🥗 香煎雞柳沙律配黑醋汁 $45因為我實在唔係好想食嘢😢，唯有食啲菜再加埋雞肉補充返啲蛋白質。睇相已經可以見到有幾多雞柳鋪滿喺沙律表面，份量超夠，多到我要夾走幾舊俾男朋友食。🐓雞柳軟嫩入味，滑到好似雞髀🍗咁，而且煎到表面少許焦香更加好食。🥗沙律菜正正常常，黑醋汁可以起到開胃作用，但去到最後會越食越酸。其實整體都幾好食，但建議店家可以分裝黑醋汁，俾客人自己調節份量應該會更好。👅評分：7.5/10🍛 香煎雙扒飯 配 日式甜咖喱汁 $48雙扒即係雞扒同豬扒，兩塊都幾大塊，份量都幾足夠㗎！同上面嘅雞柳一樣，兩塊扒都煎得唔錯，唔會話好乾或者好柴，值得一讚。至於個甜咖喱汁食唔出甜味，初初食落都ok，但係慢慢就有啲鹹，真係要撈飯食先勉強食到，最後鹹到只能夠不停撥走啲汁先得☹️。另外，整體成個飯略嫌有少少油，雖然伴碟有車厘茄同少少菜，但係感覺都有啲heavy。👅評分：6.5/10

心血來潮走過西環搵人食番個靚lunch，黎到屈地街既哩間#24。裝修睇落幾文青，點菜就採用去counter自己落單既方法。店內桌椅算唔少，整體環境乾淨。我嗌左一個蘑菇牛肉漢堡配薯條。整體口感豐富，除左蘑菇牛肉之外仲有煙肉。對一般女仔黎講好夠食！同行友人就嗌左個蟹肉沙律之類既物體，蟹肉相當多，而且唔乾夠水潤。菜亦都唔會太乾太濕，整體不錯。另外就嗌左一個小食台式鹽酥雞，感覺似雞柳。夠脆，但調味比我想像中清淡，仲以為佢會鹹啲或者椒鹽味重啲整體黎講哩間不錯既，西環柚可試試！

呢日女朋友嚟我屋企Hea之前，就同佢求其去附近食個晏啦。佢問我有冇試過呢間係石塘咀嘅餐廳，我又真係冇喎，所以就去try try。餐廳好近香港大學站嘅某個出口，佢位於巷仔，對出仲有公園仔，地點唔難搵的。不過餐廳好細，有機會要等位。餐廳weekend都有做lunch set，價錢都OK嘅，有pasta食，又有扒食。午餐好似仲有跟餐湯同飲品。我哋落單嘅時候，店員建議塊西冷牛扒要三成熟，老實講平日就真係食開至少五成嘅，但佢有咁嘅提議，就即管試吓啦…。可惜最後係失望而回，因為塊扒質素超唔掂，所以點煮都唔好食，而且質素差嘅扒我寧願食熟啲。而側邊嘅沙律菜亦都唔係好新鮮。至於碟海鮮意粉呢，就好食好多，味道都算係高質。主要係因為意粉煮得夠彈牙，而且個汁有蒜香唔錯。我哋都有機會會再encore呢間餐廳嘅，Pasta幾好，但就一定唔會食扒囉。不過其實都係我哋自己蠢，因為食扒真係應該要去返啲正式少少嘅西餐廳，小店出品通常好少會用上什麼靚扒。

小弟今次要介紹一間位係石塘咀的一間性價比高的西餐。我都係有一個住係附近的地膽朋友介紹先知呢間小店。😆呢間#24 foodstation主打西式食品。之前聖誕節就帶左女朋友來食簡簡單單地慶祝聖誕節。🙂法式燒雞配忌廉意粉同沙律 $100唔係誇張🌝呢個燒雞做得好出色。廚師火候處理得恰到好處，做到皮外脆肉內嫩。切開黎個陣仲流哂d肉汁出來，好鬼美味~~~😋美國安格斯肉眼扒配沙律薯條$160我地叫左7成熟，唔會煮得太硬搞到好難咬。加埋佢呢塊肉眼大大塊，牛肉味香濃，調味適中👍配上熱辣辣的粗薯條😋😋😋餐湯及飲品（左邊個兩杯係聖誕時餐廳特別送給客人的酒精飲品）

呢次嚟度位於石塘咀內嘅橫街，有間隱世小店，呢度啲食物CP值極高，好似呢個新西蘭牛肉漢堡車打芝士甜咖喱飯咁，除左喺飯面上面有厚厚嘅手打牛肉漢堡，仲有一塊經過煎香嘅煙肉，而咖喱汁係日式咖喱般香甜，令人非常滿足。

呢塊西冷牛排$100都算係佢餐牌上面數一數二貴嘅食物,但係質素勁差(有圖睇)。佢建議3成熟,出到黎又薄切又鞋又冇汁。塊牛咁薄,根本3成熟同well done都唔會有分別。仲要放喺個扮鐵板係黑盤上面,食咗冇兩分鐘已經凍晒,一啲牛味都冇,好似佳寶十幾蚊買返黎嘅急凍劣質牛一樣,完全無值呢個價錢。寧願去隔離食triple steak仲平過佢好食過佢。佢其他食物都好細碟,唔會食得飽,亦都唔係特別好食。以後唔會再食。