#24 Foodstation

Open Now

Now Closed

呢日女朋友嚟我屋企Hea之前，就同佢求其去附近食個晏啦。佢問我有冇試過呢間係石塘咀嘅餐廳，我又真係冇喎，所以就去try try。餐廳好近香港大學站嘅某個出口，佢位於巷仔，對出仲有公園仔，地點唔難搵的。不過餐廳好細，有機會要等位。餐廳weekend都有做lunch set，價錢都OK嘅，有pasta食，又有扒食。午餐好似仲有跟餐湯同飲品。我哋落單嘅時候，店員建議塊西冷牛扒要三成熟，老實講平日就真係食開至少五成嘅，但佢有咁嘅提議，就即管試吓啦…。可惜最後係失望而回，因為塊扒質素超唔掂，所以點煮都唔好食，而且質素差嘅扒我寧願食熟啲。而側邊嘅沙律菜亦都唔係好新鮮。至於碟海鮮意粉呢，就好食好多，味道都算係高質。主要係因為意粉煮得夠彈牙，而且個汁有蒜香唔錯。我哋都有機會會再encore呢間餐廳嘅，Pasta幾好，但就一定唔會食扒囉。不過其實都係我哋自己蠢，因為食扒真係應該要去返啲正式少少嘅西餐廳，小店出品通常好少會用上什麼靚扒。