#24 Foodstation

Open Now

Now Closed

西環#24 Foodstation，一間以提供快速而美味嘅西式快餐為主嘅餐廳，近日我喺午市時間去咗試佢哋嘅香煎雙扒飯配日式咖哩汁，以及蘑菇牛肉漢堡配薯條，每一樣都令人回味無窮。首先講下香煎雙扒飯，呢個選擇實在太正。豬扒同雞扒煎得外脆內嫩，肉質多汁，每一啖都食到扒嘅原味。而佢哋配上嘅日式咖哩汁，味道香濃而且微辣，同雙扒結合得天衣無縫，令整個菜式層次分明，香氣撲鼻。再講講蘑菇牛肉漢堡，呢個係我個人嘅大愛。牛肉漢堡 juicy外皮煎得剛好，內裡肉汁豐富，每一啖都肉味濃郁。加上煎蘑菇嘅鮮味，同牛肉完美融合，令整個漢堡食落去更加有層次。配搭嘅薯條外脆內軟，係享受漢堡嘅同時，又增加咗幾分樂趣。#24 Foodstation嘅環境簡潔舒適，非常適合快節奏嘅午市時間。即使人多，服務員都能夠保持親切同效率，確保每位客人都能夠享受到美味嘅食物。香煎雙扒飯都係49蚊，仲要連埋湯或者飲品！留意翻佢係HKU附近，Lunch Time就要因住學生放Lunch!

服务态度极差，店里几乎没人，点了外带餐非要把你赶到门口站着去等??? 反复确认还是要赶你出去，一直黑个脸，what's wrong with you? 我理解很多小店里面空间比较小，点了外卖应该在外面等不影响别人，拜托，你店里服务员比吃饭的人都多，座位都空着，还是硬要赶我出去，你好好跟我讲也就罢了，你态度还非常恶劣，心情不好你关门啊，干嘛还开店传播你的负面情绪。你如果店里人很多都坐满了我也不会要在里面等，把我赶出去之后在没有任何询问的情况下没有提供餐具，真是不知道说什么好了

話說這次去嘗鮮，實在係超正。起頭，我哋就點咗西班牙辣肉腸意粉，青椒添咗份潮味，辣肉腸咬落去鮮香彈牙，夠哂kick，根本停唔到口！意粉啱啱好嘅酸甜醬汁，攪拌得均勻之餘，又保持啲意粉唔會太爛，算係幾正！再嚟就係美國安格斯肉眼扒，佢哋個火候揸得啱啱好，牛扒香濃得嚟又唔會太生，咬落去肉汁四溢，真心滿足！配上旁邊嗰兜薯條，熱辣辣嘅，加點沙律醬，簡直唔想停手。最後，講下芝士薯條同炸魚手指兩樣小食嘅事。 芝士薯條可能有啲欠佳，芝士不夠香濃穩陣，薯條都未夠曬脆，但炸魚手指就真係得嚟又正，外皮炸得金黃鬆脆，魚肉內裡添，份份鮮美，啖啖肉感，咁賞心悅目。整體嚟講，#24 foodstation呢間店給我嘅感覺正到爆，食物份量足夠又滋味滿分，真係心思思想再去幾次！下次約埋班friend仔一齊嚟嘆，肯定係咁開心！😄🍝🥩

服務態度勁差既鋪頭，唔好去受氣！直頭要入黑名單！落單講慢少少就勁西咁話：「你未落單wo 」而家審犯呀？食物又唔掂，叫左個牛尾飯，牛尾韌到咬唔開，最後淨係食左1、2粒牛尾。仲有，有杯野飲未到，咪同店員講，點知個阿嬸答話：「呢啲野我唔知，你同返老闆講」我心諗，有幾大件事要特登行去搵老闆呀？不過我都去左同老闆講，點知老闆堅持話俾左，態度仲西到上天花板，好似我要呃佢杯野飲咁」其實，都係食餐飯姐，點解要受你氣？

今日lunch time 路過這間小店感覺好休閑，而睇清楚價錢牌發現原來個價錢超親民，於是忍唔住入去試吓。幸運地不用等太長時間，我們很快就有枱。他們沒有中午set lunch 的。但隨意點任何意大利粉、飯或漢堡包餐都已包一杯飲品或餐湯。我們全部選了餐湯，今次南瓜湯好好味。可能因為價格關係，沒有跟任何餐包。而每份餐的份量亦很足夠，不會因為價格問題而份量變小，可以講CP 值極高。其次味道方面，每份飯餐汁料都能帶出唔同肉類嘅美味。值得推介！

呢間餐廳主打平民西餐，平時都唔少人排隊，個個試過都覺得質素唔錯，係區內評價較高嘅餐廳午市跟餐送湯或汽水，今日個湯係蘑菇湯，佢啲湯係自家製用蘑菇打果隻，真材實料。紅酒燉牛尾飯（$51）整體來講係唔錯嘅，牛尾燉得夠淋，仲有好多汁。就可惜嘅係配菜有啲少得果一兩舊。如果可以再加啲配料就增加菜式嘅豐富度。泰式蝦膏海鮮炒飯（$55）個炒飯雖然叫泰式但係唔太咸又唔辣，炒得幾香口。分量都好夠，而且海鮮都好足料，有魷魚、蝦仁同蜆肉。總括黎講，呢間啲野食質素唔錯，分量就一定食得飽！

開頭坐底見到一只曱甴，同店員說，佢話是隔離店走入黎，店員還稱不用怕，仲話我咁好眼，本身叫左野食已想走，店員話整緊野食，等多陣食得，然後佢用手捉了一隻曱甴，無洗手又再捧餐比客人。然後發現原來天花數隻，埋單時，店員繼續捉牆試另一群曱甴，到飛到埋黎我度，店員只稱唔洗驚，還稱唔是曱甴黎的，我即刻埋單走人。 店中衛生環境不佳，店員只是做下樣清潔，有位店員幾次整理地下地毯後無洗手，直接捧餐比食客，包括我。 呢間野以後唔會再黎！

食物:蟹肉忌廉意粉($62 包汽水)份量幾大 一個女仔食都飽蟹肉份量尚算合格 不過可以多少少嘅😂有啲瓜絲撈埋啲意粉 口感豐富左 我幾鐘意不過我覺得個汁太稀 意粉太淋😖整體而言都幾好食😋環境:坐窗邊位 聞到好似有浸漂白水味價錢:$62ok嘅 不過牛扒飯都係$53 可以食返牛扒飯😂

【 🍝海鮮意粉 】---👉🏻 跟餐是日餐湯🍲---💰價錢：$45～～～📍評分：9.5/10～～～⏩ 話咁快就encore呢間😈，你話正唔正👀！原來佢有兩間分店，我今次就試下另一間分店👻！呢間分店裝修同氛圍更加文青✨，細間d但新好多舒服好多！不過價格都相對另一間貴dd🤔，菜式選擇其實都好相似，有少少唔同la！～～～好多好多忌廉汁啊真係🤍，掛滿灑意粉好jeng🍝，忌廉好濃郁好香滑，仲有微微拉絲🤩，口感夠灑creamy一d都唔乾！海鮮亦都好足料😍，有好多好多蜆肉同魷魚🦑，絕對夠份量！連配料都係足到爆😛，有車厘茄、洋蔥 、櫛瓜絲、沙律菜、百里香調味等等🥗，成個意粉食落口感層次都非常之豐富，一d都唔會單調👅！以為咁多忌廉會好膩，但竟然食灑都冇話好滯既感覺😳！跟餐仲有是日餐湯真係抵到漏‼️係粟米忌廉湯，口感較稀唔算好重忌廉，但都飲到粟米忌廉既creamy香🌽！～～～✅ 整體黎講，想坐得舒服d或者影下相既，建議黎呢間分店😹！不過無論邊間分店，食物質素一樣超高質超抵食😝！真係encore爆佢啦💖！～～～性價比：5+/5回頭度：5+/5賣相：5/5環境衛生：4/5服務態度：4/5

之前係依邊返工，成日都有機會發掘石塘咀有咩性價比高嘅嘢食😍有朋友推介依間價錢親民，食物質素不錯嘅餐廳💬 好好味紅酒燉牛尾配飯紅酒味唔重，似牛尾湯做汁，牛尾份量正常，肉質都算淋，整體不錯🤭回頭食: ⓨⓔⓢ💬 蘑菇牛肉漢堡配薯條牛肉漢堡大大個❤️漢堡好juicy，襯埋蘑菇好香😍薯條都新鮮熱辣好味道回頭食: ⓨⓔⓢ整體嚟講性價比都高，學生食都唔會覺得貴，平至$45 up ，有部份西冷扒貼近$110左右，真係豐儉由人！❤️#24 Foodstation❤️西環石塘咀屈地街24號地舖❤️2549 7070

位置少少隱蔽，啲野真係好抵食，如果想平平地食餐西餐可以考慮😂1. Koreans Style Chicken Steak Bun with Fries呢款韓式雞扒包，雞扒相對出色，好淋好juicy，整體上就無咩醬少少dry，而且配料得一片生菜，但咁嘅價錢離講絕對ok2. Spinach and Mixed Mushrooms Pasta而菠菜什菌忌廉意粉就普通，忌廉味少少淡，菠菜唔算好多得幾條，唔係打到爛曬個隻，另外有啲瓜條做配搭，不得不說份量真係好多😂

520來個西餐吧！今次又試新嘢，小店走cafe路線，價錢親民，食物送到全部熱辣辣，不過食物水準只屬一般。🍴吉列炸生蠔⭐️⭐️⭐️蠔幾大粒有蠔味，只係炸到燶咗些少。🍴新西蘭西冷扒配沙律&薯條 x 2客⭐️⭐️叫咗兩客西冷牛扒，分別五成同七成熟，兩客熟成度都做得好好，但味道方面就唔ok，入口係非常非常之咸，阿廚師做乜咁重手呀？！此外，叫扒會有一件蛋糕送，呢件紐約芝士入口即化，芝味仲好濃厚，超讚！🍴招牌#24牛肉漢堡配薯條⭐️⭐️⭐️⭐️雖然外型被壓扁不討好，但估唔到味道都唔錯，塊漢堡幾juicy又有牛味，蕃茄生菜千島醬，係差塊芝士，另外個餐有薯條、粟米湯同汽水跟，都算幾抵。🍴蟹肉意粉配忌廉汁⭐️⭐️意粉煮得過腍無晒口感，忌廉汁太淡太稀，蟹肉係整碟意粉最好味，好味仲有跟餐嘅湯同汽水四人共消費：$418

呢個星期每晚都要8點收工 石塘咀呢邊食市好多已關門 呢邊#24 foodstation 之前禁6點後堂食時候都試過. 可以話好食 低食👍👍👍完全無投訴！ 所以今次今次再禁6點後堂食 都連續棒場幾晚。還有一定要提老闆娘真係明星一樣咁靓😍😍好禮貌 嘢好食 又低 $30燒汁雞扒飯送飲嘢,現在香港真係難求啦⋯⋯大家有空一定要來試下👍👍雞扒飯外面真係好多都有賣 但係呢間餐廳 係我小弟食過的雞扒頭一二名好食。而且價錢真係無得輸

依家疫情嚴峻，依家基本上晚晚都食飯盒，作為西環街坊我推薦 #24 food 呢間小店～ 佢地有個皇牌外賣set 一個照燒飯扒飯連罐裝汽水先$30 (仲係有得揀教主最新嗰款汽水!) 當然仲有其他大路野揀coke ,cclemon同sprite ，但我就想佢地有返紙包飲品hahah 如果佢地有多幾款揀 價錢貴啲 $4x-$5x 左右我都覺得好ok~ 講返個飯，喂其實一啲都唔頹，飯份量好多，有兩塊雞扒，雞扒皮煎到好香 加埋個照燒汁我完全收貨呀～～～ 佢地其他野都好好食，等有返堂食就會去支持下靚女老闆娘喇～ 希望佢地可以捱得過呢個疫情！！

嚟過呢間餐廳食過幾次lu..不過老公唔太鐘意，因為呢間餐廳嘅意粉有d似湯意，即係好多汁嚟煲個意粉，然後上枱，食嘅感覺似金寶湯意粉。所以食左1-2次，就冇食佢喇。冇食一排，呢幾日口痕想食西餐，就嚟左食，味道都係咁上下。 不過今次驚喜嘅，因為有花過心思轉下樣/佈置過。有姜濤（咕咰）同我同枱，其他枱都有mirror成員嘅咕咰喺度，好過癮！雖然我唔係鏡粉，但係呢份心思，我要比個like你地服務就唔講喇，因為西餐嚟講，價錢算平，基本服務都有，所以ok啦。餐廳有burger、意大利飯、意粉、小食去order，先比錢，後上菜。今次叫左個燒磨菇蠔意粉，因為想食下蠔，就叫左喇。上到枱，都係湯意，冇令我失望 個蠔幾好味，煎香過咁、冇沙、重蠔味，燒磨菇粒就...菇囉...比汁浸住左個燒磨菇，意粉就彈牙索汁，不錯不錯！整體嚟講，連野飲$63唔錯啦，會再支持小店！