Video
5-min walk from Exit A, Quarry Bay MTR Station
continue reading
Introduction
Special tea restaurant, the signature dishes include shredded chicken rice, sea red shrimp & five-color vegetables rice in soup etc.
continue reading
Opening Hours
Mon - Fri
11:30 - 16:45
Sat - Sun
Closed
Public Holiday
Closed
Public Holiday Eve
11:30 - 16:45
Above information is for reference only. Please check details with the restaurant.
Signature Dishes
我係太古坊返工都已經5至6年，所以呢區餐廳真係乜都食過晒。 呢間餐廳食物水準一直相當平均。近呢一年更加每星期都會去一次，因為食物水準更加提高左。特別係喇沙(大大隻虎蝦，個湯真係好正，又香又好飲)，豬軟骨配咖哩飯(豬軟骨好淋)，蝦湯更加不用說，好好味(好飲過同區另一間既蝦湯)，飲得出係用蝦黎煮(唔似罐頭野)，每碗都即叫即做，所以都要一點時間。(不知是否轉了廚師，每樣食物都進步左) 外賣同堂食賣相很好，顏色豐富，以60幾蚊黎講,真係好抵食,樣樣都大大件。食物方面質素與賣相不像其他餐廳就咁放晒係飯面就算。講真，雖然有時會等得耐，但我寧願等也不想好像近期新開的餐廳，要俾7至80蚊去食一早預備好,放晒係門口，到午飯加熱就算的那種。利申：我要經常出去見客，所以真係見到。 值得一提,呢間餐廳的蔬菜紅酒汁真心係真材實料，因為有次我食到個汁有少少渣係入面,問返店員係咩黎，佢話呢個汁係老闆專登有大量紅菜頭同其他蔬菜打蓉製成，所以呢隻紅色係天然。 點解我會咁講，係因為我經openrice 預訂時見到有評論話紅酒汁加了色素。 講真，唔通餐廳加紅菜頭又轉登寫出黎咩。。以我所知,呢間餐廳都開業20多年，如果真係加色素，一早被人話啦，仲使等你講咩。又點會仲生存到！未搞清楚就話人地真係好慘。總結返呢間餐廳，60幾蚊有野飲，大大盒，重要係食得出真材實料真係超值。所以我同同事通常一星期大慨約埋7至8人去一次。推介食物係濃蝦湯烏冬, 喇沙,雞湯飯及手撕大千雞。
continue reading
昨天中午，由於掛起風球又下大雨，於是叫了25的外賣－紅酒汁牛仔粒飯。按預訂時間到達，門口沒有人，唯有按着預訂號碼自取食物。回到公司一打開飯盒，紅酒汁非常紅，就好像平常用畫畫顏料一樣，色素很重。😵😵之後用匙羹撿起一小啖飯，發現一條非常長的女人頭髮在飯裡，利申：本人是短頭髮的，即是感到非常核突，吃不下了！🤢🤢🤢🤮🤮很勉強地吃下牛仔粒，味道還可以，但應該沒有下次了！希望他們可以留意食物衛生質素！！
continue reading
呢日喺鰂魚涌做完嘢，諗住求求期期食個飯，不過周圍都好多人，咁岩見到呢間餐廳有位，於是入去試吓。呢間餐廳主打嘅係蝦湯料理，見到有唔少客人都係叫蝦湯，而我就選擇咗紅蝦配五色蔬菜，可以選擇泡飯或者烏冬底。而我就選擇左食泡飯，一來可以享受到完整嘅蝦湯，二來亦都容易消化。 呢一款蝦湯嘅顏色幾深，但入口就不算濃郁，蔬菜係甜既，但就唔係好飲得出蝦味，味道亦唔算好豐富。蝦嘅份量亦都比較少，只有兩隻，不過就好多蔬菜，對於鍾意食蔬菜嘅朋友來講，呢款飯可以嘅。
continue reading
冬天最好來一碗暖粒粒的湯飯！25是我最愛的鰂魚涌餐廳之一，價錢合理之餘，材料十足！其中我最愛點的一定是濃蝦湯野菜烏冬配雞扒！香濃嘅湯底簡直想追加！套餐可以選擇烏冬或泡飯，雞扒或梅林豬，更配有餐飲！他們的即磨咖啡也不錯！話明係蝦湯當然有蝦頭熬製而成，再加入蔬菜例如蕃茄翠玉瓜矮瓜青豆等，做到有菜有肉的午餐！另一推薦是咖喱湯烏冬，當咖喱汁變成另一湯底口味是另一番風味！如果想吃多點肉的朋友可以叫25招牌花膠雞，雞的份量十足，湯底也很濃配飯一流
continue reading
記得之前試過25餐廳，好掛住個蝦湯底，今日又經過，一於外賣個烏冬做午餐先。正值午飯時間，目測好多學生幫襯。良心小店，原來某一書院有學生限定優惠(減$20)，抵讚門外大個招牌寫住牛市套餐，外賣自取減$10。每日有不同推介。午市套餐選擇亦多，部分可以配日式咖喱飯或讚岐烏冬。1. “雙海紅蝦” 五色蔬菜濃蝦湯讚岐烏冬配香烤雞扒($54)。雞扒烤得外皮香口，蝦肉彈牙夠新鮮，當然最喺個濃蝦湯底，保持水準，啖啖蝦鮮味。套餐仲包飲品整體來講，蝦湯底保持一貫水準，夠濃郁鮮味，外賣自取仲減$10，好抵食
continue reading