三點三冰室

Open Now

Now Closed

又黎到Airside食飯😽依間茶記一睇就知非一般~店面好光猛 除左茶記基本既菜式 仲有好多好有創意既特色菜~✿ 印尼姐姐撈麵 $94 ✿✿ 黑牛 +$19 ✿見佢個名咁有趣就嗌黎試下~有印尼撈麵、雞肉串燒、炸蝦片、太陽蛋食落真係同以前印尼姐姐整既一樣🥲🖤加錢叫黑牛特飲 朱古力雪糕+可樂 永遠快樂既泉源🍨✿ 三點三雜扒餐 $129 ✿✿ 雪糕紅豆冰 +$21 ✿餐湯係粟米湯🌽係日式個種creamy香甜既湯雜扒餐包括豬扒、雞扒、司華力腸、煙肉份量超級多! 雞扒好嫩~ 煙肉香口🫦黑椒汁好惹味唔會好辣 薯條好香脆🍟雪糕紅豆冰甜已不膩🫘可以中和咁多肉肉既油脂感👍🏻✿ 鰻魚滑蛋炸熱狗 $75 ✿依個咁有創意既熱狗感覺好新鮮🌭鰻魚大大條厚肉 下面滑蛋岩岩好嫩滑😋炸熱狗外脆內軟 成件事又出奇地夾~✿ 芝心蝦多士 $72 ✿依個係依餐飯既MVP呀🏆蝦又大隻 肉厚彈牙🍤多士炸到金黃酥脆🍞 熱辣辣上碟 入面半溶芝士真係好正😎😎😎

九龍城Airside平民價好食冰室｜三點三冰室新開靚靚商場Airside，連住啟德地鐵站超級方便。今次簡簡單單去咗地下嘅三點三冰室，點知都好多人排隊，好旺！食完就知點解咁多人食，真係又抵食又好味。推薦‼️🍽️人均：$100🕰️時間：週末夜市三點三雜扒餐（豬，雞，司華力腸，煙肉）$108鐵板牛仔骨餐 $118西冷牛扒餐 $128三個鐵板餐都各有千秋，雜扒就勝在量多，啱晒大食嘅朋友😋牛仔骨就好嫩，好juicy。牛扒我揀煎到五成熟，真係啱啱好！推薦大家去試鐵板餐‼️三眼仔香葉肉碎飯 $72成間冰室最popular係依個三眼仔香葉肉碎飯，大大碟有泰式味，好唔錯👍🏻迷你炸饅頭（6件）$36芝心蝦多士（6件） $72兩份炸物都好好味，不過相對上我覺得蝦多士偏油咗少少🤏雪糕紅豆冰紅豆冰有誠意，夠凍雪糕放好耐都冇溶化😆Bible rating: 8/10📍地址：三點三冰室 (九龍城)九龍城啟德協調道2號AIRSIDE B1樓B127號舖

👧🏻😋👅🍽✨Airside新張冰室超水準🙌🏻-三點三冰室🇭🇰 九龍城啟德協調道2號AIRSIDE B1樓B127號舖 🇭🇰-😋晚市去三點三冰室除左食正餐, 都一定要試下佢地既小食, 小食都有十幾款選擇有鹹有甜, 仲有多款特色/經典炒粉麵飯, 冰室來講算好多元化😋開得係Airside格局都有返咁上下靚, 鋪位大又夠開揚, 全部梳化位, 野食款款高質, 最好係完全唔會好似普遍茶記D野食咁又鹹又油; 全日免加一, 都叫做對得住佢既價錢-🐟 🌭 鰻魚滑蛋炸熱狗 $75💯商場directory個icon餐廳就係用呢個招牌菜做signature, 名不虛傳勁好味, 仲係出面冇乜見到💯蛋皮下包住既係原隻炸熱狗, 油溫控制得剛好, 炸到金黃鬆脆唔油膩; 蛋皮上就係燒鰻魚, 厚肉香甜-🐂 頭抽乾炒牛河 $78✨用靚頭抽炒河果然鮮香又唔會太鹹, 有鑊氣條條分明, 牛肉腍得黎有咬口, 大大塊仲好多塊, 韭芽份量適中-🫕 🥪芝心蝦多士 (6件) $72💯超高質, 食落又係唔會覺得油淋淋, 彈牙蝦膠果厚過脆脆多士, 中間再加一層芝士勁正☺️-🍡迷你炸饅頭 (6件) $36✨除左煉奶仲有紅糖幾特別, 又一款出色炸物

Airside新商場開左一段時間，終於有機會帶埋母親大人過嚟行吓，行完city super見有間冰室好旺場但都幾闊落，啱啱好走咗一枱唔使等位叫左兩款炸物小食都好出色，芝心蝦多士 $72有六件，咬開有芝士流心，蝦膠又夠彈牙，點埋沙律醬酸酸地可解解膩。一口雪花西多 $48 我地當甜品食，一口來講都算大舊，但炸得好透完全唔會覺得個邊係西多而中間只係麵包，中間有少少花生醬餡甜甜地好味到暈，正過好多傳統茶記一定要試懷舊鴛鴦飯 $85 出面已買少見少，紅白汁各一半又靚又好味，當然唔少得粒粒分明既炒蛋飯底，雞絲都好滑唔會柴，紅汁當然開胃，但白汁都唔會太杰太滯，越食越開胃香燒羊架餐 $128 揀左燒汁，有個兜仔另上，羊架好淋啖啖肉好香羊肉味，少少肥超正我地一人叫左一杯特飲，Jumbo檸檬茶同薄荷朱古力都係跟餐半價$14，一上枱隔離係度問果杯咩黎，見佢咁大杯又有5塊檸檬大家都好好奇😂要講懷舊當然唔少得大大杯OT仲有細細個就飲既薄荷朱古力，回憶返晒黎