三點三冰室

Open Now

Now Closed

一講到「三點三」，普遍香港人都會想起下午茶，不過，今次唔喺講下午茶，而喺講晌青衣城嘅一間茶記「三點三冰室」。因為老友最近由葵芳搬咗去青衣，約佢聚一聚食餐飯，茶記就最啱我哋呢啲麻甩佬，所以，是夜就到訪咗呢度。餐廳緊接商場通道，所以，設計比較開放型，晌鋪外已經可以一眼睇晒成間餐廳環境。裝修簡約，一室淺木系，加上柔和燈光，感覺蠻舒服。話時話，雖然只喺閒日一個晚上，但都幾旺場，坐滿之餘仲不斷一枱走就一枱入。咁茶記嘅設定間間都差唔多，餐牌、餐具、調味料就放晒喺枱邊之下嘅櫃桶。講返啲食物，茶記正就正在多元化，選擇方面分左多款系列，包括有點都要食系列、秘方咖哩系列、時時但但系列、焗一焗系列、炒粉飯麵系列、少吃多滋味系列及飲品。另外仲有一個底面兩頁嘅今晚食乜餸系列，但睇落全部都喺啲扒餐，定價唔貴，都只喺百零蚊鬆啲。同時下點餐模式一樣，搵侍應落單又得，自行掃二維碼慢慢搞亦得，介面清楚顯示各個系列，都好易睇。妙齢乳鴿 $62賀一賀老友搬新屋，食番隻乳鴿先。果然喺妙齡喎，因為咬落啲肉質非常之嫩滑細緻，而且，炸得外皮甘香脆口唔油膩，就算唔點淮鹽都醃得夠晒入味，當然點少少就更加鹹香啲。二維碼落單時可以揀免斬或者

餐廳位於青衣城地下, 佔地寬敞明亮,設計簡約舒適。有典型的茶餐廳午餐、常餐和下午茶選項，餐牌上仲有不少特色小吃和食品,滿足不同客人的需求🥰餐廳裝潢以簡約清新為主,空間感十足,桌椅擺放井然有序, 營造出舒適的用餐環境～🍜南洋喇沙 ($75)椰奶的香氣與香料的調味,營造出濃郁而香甜的味道。摻摻份量十足，好飽肚👍🏻🍤黑松露滑蛋蝦仁飯 ($83)黑松露炒蛋嫩滑可口，配上爽口的蝦仁十分吸引😋推薦🦐哈哈哈炒飯 ($82)用上蝦仁及櫻花蝦去炒，十分惹味。飯粒乾身十分有口感，好味🤤🐮老干媽怒炒牛河 ($83)以老干媽辣醬作為調味,帶點微辣，味道剛好不太鹹。配上嫩滑的牛肉十分吸引🤩🦑鹽酥花枝丸 ($42)外酥內嫩，帶點鹹味，十分惹味的小吃🦖美祿恐龍(跟餐 +$18）🍋熱檸檬水（跟餐 +$8）

三點三係下午茶嘅時間 不過呢日嚟到三點三冰室係食晚飯😂 餐廳都有唔少街坊嚟幫襯㗎焗豬扒飯見到隔離枱嗌焗飯好吸引 就跟人哋嗌份嚟食😆 焗飯類嘅產品可以揀焗飯定係意粉 食完之後幾推介大家嗌焗飯 因為佢嘅飯底係炒飯底 簡單嘅蛋炒飯已經顯出師傅嘅功架👍🏻 不過呢度嘅焗豬扒飯唔係用茄汁 係用燒汁 而且豬扒係較薄身 不過size好大塊 食完都會覺得好滿足㗎吱吱喳喳鐵板香燒羊架餐喺呢度可以食到熱辣辣嘅鐵板餐 有黑椒汁 燒汁 蒜蓉汁三款選擇😗 另外配菜都有得揀焗薯或者薯條 我地揀咗黑椒汁同焗薯 三件羊架嘅肉質幾軟腍 如果再大件啲就好喇🤣 焗薯有煙肉同芝士喺面 其實做得幾唔錯 係個唔太熱氣嘅選擇 另外跟餐有個日式粟米湯 冇諗過西餐會配日式嘅湯 配搭新穎芝心蝦多士一份有6件 係薄薄嘅多士面有一層彈牙嘅蝦膠🍤 試真啲個味道 原來係蝦膠同多士中間仲有少少芝士🧀 所以味道更加豐富 個人覺得點埋沙律醬就更加美味妙齡乳鴿冇諗過係呢啲冰室都有得食乳鴿 仲可以整得咁出色🐦 可以原隻上或者切半上 我哋梗係揀切半啦 可以方便啲食呀嘛 要搣開隻乳鴿 啲肉汁滴晒出嚟 唔使我講都知佢好Juicy啦☺️Jumbo檸檬茶呢個係特飲嚟㗎

三點三冰室，於青衣城地下，平日晚飯時間挺多人，黎到茶餐廳，想食西冷牛扒餐，$142 已茶餐廳價錢唔算太便宜。5成熟牛扒烤得正好，肉質軟嫩, 配菜新鮮可口，都滿意。芝心蝦多士，一共有6件，都幾多的，外表金黃酥脆，咬下去可以感受到蝦肉的鮮甜，食得多會略顯油膩🫠朋友點了XO醬豬扒炒烏条，share 一齊食，豬扒嫩滑多汁,XO醬不是不明顯，烏冬Q彈爽口,醬汁的味道很充足。 可惜收得比較早，9pm 令就last order, 下次會再黎食個牛扒😉

本身襯放假有迪士尼年咭入一入園 點知book滿晒呢兩個星期 就喺青衣站落咗去食吓下午茶啦 入左青衣城行左個圈好肚餓 見到上次去過airside店有既三點三冰室即刻入去先 店員都親切地帶位 都非常有人氣下午茶時間都坐满座。先掃Qrcode落單先叫咗滑蛋鰻魚蛋包飯 鰻魚大大條厚肉 配上浦燒汁加埋蛋香。不禁不停咁食 呢間冰室最好 下午茶時段都有紅燒乳鴿叫炸得非常香脆，又Juicy 切開四件 一次過食晒再叫多一個 超邪惡西多士 雙層花生醬加煉奶超級厚 加埋牛油同煉奶食 真係各種滋味集於一身而且還好鬆軟tim 飲返杯熱檸茶消滯解膩再叫多杯狂牛士多啤梨雪糕加利賓納加梳打加雜果作為餐後甜品三點三冰室 (青衣)青衣青敬路31-33號青衣城1地下G24-G25號舖#三點三冰室青衣#三點三冰室#青衣美食 #香港美食 #香港必食 #香港探店 #香港打卡 #香港旅遊 #香港必喝 #青衣探店 #香港日餐 #香港好去處 #青衣推薦食品#hkfoodie#Hkblogger#hkfoodblogger

見個名幾地度，今晚經過，又唔使排隊，就走入去試吓。晚餐叫佐個羊架，賣相無乜，3 條骨細到又以為比人偷食佐咁，都算，第一啖咬落去，中伏！一大浸梳打水味！連丁點羊臊味都無！痴線，幾條骨仔都要搵梳打粉拿到咁，想留人消費，但收人$140，比咁既質素，都係算數喇，要執唔係無理由🤷‍♂️

星期五放工，係青衣，於是喺青衣城搵茶餐廳食個一人餐，點左個椒鹽炒魷魚麵魷魚新鮮彈牙，炸粉夠薄夠脆，配以剛剛好的椒鹽調味，重口味又惹味。甜品就點了雪糕西多士，西多士外層金黃酥脆，咬下去入面有牛油香氣，最上還有雲呢拿冰淇淋雪糕作為甜品，完美地作為晚餐的結尾！Jumbo 大檸檬茶，大大杯，份量十足，檸檬茶清新爽口唔會太甜，很好地中和了主菜的油膩感，一杯足夠解渴。非常飽足，食飽可以返屋企瞓個靚覺！！！！😀

芝心蝦多士🍞係呢度嘅必點小食，真係超好味🤤有六大件，上枱仲辣辣噴，多士脆口，入邊有半溶芝士🧀，配上彈滑蝦膠，無得彈二世祖撈丁見到個名想知係正野，出前一丁加上瑞士汁夠開胃，仲有鮑魚同帶子，冰室🥢都食得豪華XO醬豬扒炒烏冬🍲厚身豬扒切件，份量充足，口感軟啖啖肉，好滋味，烏冬爽滑彈牙入味星州炒米夠鑊氣，下午茶份量充足，賣相吸引，米粉乾身，微辣🌶️惹味炸脾配薯條🍟雞脾🍗外皮香脆，內質鮮嫩，加上鹽有啖啖喊香

👧🏻😋👅🍽✨夜晚都食三點三-🫖 之前食過Airside分店, 青衣店係地下果層係酒樓隔離都係人頭湧湧🫖 QR code落單自助斟水, 免加一係青衣城算幾經濟, 姐姐都幾有禮貌-🌭 鰻魚滑蛋炸熱狗 $75💯 Signature特色小食, 大大條鰻魚下有炒滑蛋, 個熱狗包脆口炸得透又唔油膩, 蒲燒汁同炒滑蛋好夾-🥩 西冷牛扒餐 $128✨全店都係單點, 得鐵板有得跟餐, 配日式粟米湯+焗薯/薯條, 牛扒大大塊厚肉軟腍, 汁另上有3款揀; 原隻焗薯配蔬菜份量多好夠食-🍹 Jumbo 檸檬茶 跟餐半價 $19💯圓柱體大大杯檸茶, 茶多檸檬都多, 一杯飲到尾好爽-👅 焗牛舌芝士飯 $78✨本身意粉可轉飯有炒底, 牛脷厚切份量又多, 唔會太鹹食落突出返番茄汁香甜味, 仲有海量拉絲芝士-🍞 雪糕西多士 $45💯好厚身, 中間𠝹開放左一層蛋令佢食落更鬆軟, 香甜雲呢拿雪糕溶左沾滿成件西多同蛋香好襯

[✨青衣三點三冰室•有水準港式老味道🍛]#青衣 #三點三冰室🔸鰻魚滑蛋炸熱狗🌭 $75勁大份，上枱嗰陣嚇一嚇！鰻魚大大條好厚肉，滑蛋又嫩滑，最有驚喜係個炸熱狗，炸到金黃鬆脆，但又唔會令你覺得好油膩，好好食😋🔸芝心蝦多士 $72 蝦膠厚身彈牙，多士炸到好酥脆，加埋中間一層半溶芝士勁正☺️🔸瑞士雞翼 $62雞翼煮到好腍，瑞士汁好入味，啖啖肉唔錯🤩🔸椒鹽炒魷魚麵 $78炒麵夠鑊氣，味道唔錯；椒鹽魷魚分量都幾多下，新鮮炸起大大條，好Q彈香口👍💯🔸哈哈哈炒飯🍤 $82蝦全部都係蝦，哈哈哈代表左蝦膏，蝦乾同蝦仁，炒飯夠乾身有鑊氣，食落去滿滿嘅蝦膏味，蝦仁大隻肉質結實，勁推薦！🔸雪糕紅豆冰 跟餐 +$19甜度適中，唔會太膩，雪糕都幾好食！🔸薄荷青檸梳打 跟餐 +$14 青檸搭配冰凍梳打，再加入清新薄荷，夏天解暑之選👍————————♡♡♡♡♡♡————————✨總結裝修優雅舒服，卡位都好多，上餐速度好快，食物份量同味道都對得住個價錢，係一間唔錯嘅港式冰室😊💕📍三點三冰室🏠青衣青敬路31-33號青衣城1地下G24-G25號舖#jmhkfoodie #hkfoodie #hkeat #hkeats #hk

去冰室緊要食香口嘢！炸嘢控制油溫最反映到冰室質素，其他客飯意粉就最緊要平靚正，再有特色餐點例如呢度嘅乳鴿就更加分芝芝心蝦多士、鰻魚滑蛋炸熱狗同妙齡乳鴿都係特色炸物蝦多士有六件，除咗塞滿蝦膠，入面竟然仲有流心芝士，點個酸酸哋嘅沙律醬唔會太膩幾開胃。炸熱狗又係幾特別，出面好少見，比普通冰室常見嘅西多士更有質感，鰻魚又大大條好得體。冰室有乳鴿又係少見，厚肉亦唔會炸得太乾身海南雞飯跟三色醬、白飯同雞湯，雞肉充滿黃油，肉質唔算十分嫩滑，但都軟身，個湯清清地好香雞味去冰室當然要叫特飲，薄荷青檸梳打酸酸甜甜夠晒冰涼，味道好清爽

我去過這分店兩次，兩次都令人非常失望，去茶餐廳，第一次叫懷舊鴛鴦飯，竟然白汁及茄汁都冇味，我估厨師冇落鹽⋯本身諗住只是個別事件⋯怎料昨晚再去叫哈哈哈炒飯，只有三隻蝦都算，但蝦冇蝦味都算，但淡而冇味，好似只用水煮熟就上台⋯喇沙又只有三隻蝦都算，但又係冇味嘅蝦⋯我唔係要求好高，但都不能過分，況且就餐廳每個餐都$80以上，飲品要加$10以上，比普通茶餐廳已經收貴了。竟然可以一而再，再而三煮出這些質素⋯令人非常失望⋯

這是青衣城一間有多國菜選擇的冰室。有海南雞飯、南洋喇沙、又有蝦多士、印尼撈麵、種類非常多。總有一款啱你心水。餐單種類名稱很調皮，有「今晚食乜餸」、「是是旦旦」、「少吃多滋味」等等有趣的餐單題目。 推薦只芝士蝦多士、鐵板餐、以及椒鹽炒魷魚麵。傳統小食芝士蝦多士炸得很脆，芝士🧀味不會太重，而蓋過蝦多士本身的味。 附碟有沙律醬，這個配搭很懷舊。 多士剛剛炸，小心爆漿！唯獨是椒鹽炒魷魚麵，有少少鹹🤏🏼 大家來的時候，看一看下單時可否備注少鹽🧂🧂

港式茶餐廳買少見少，近年好多餐廳以冰室名目，以另一角度呈現茶記風味，位於青衣城嘅呢一間三點三冰室一樣唔例外！三點三雜扒餐勁大份雜扒餐，上到枱第一反應真係嘩咗一聲🙀呢個雜扒餐有齊晒雞扒、豬扒、司華力腸、煙肉，仲有好多薯條墊底，加上少少配菜，性價比冇得輸👏食得呢啲邪惡類型扒餐👻乜都唔駛講，一定要配埋黑椒汁先過癮😸鰻魚滑蛋炸熱狗大大條鰻魚橫舖喺炸熱狗之上，中間嗰層仲有滑蛋，賣相吸引至極🤩餐廳竟然諗到以鰻魚代替熱狗腸，創意度直情要俾滿分🤭妙齡乳鴿新鮮熱辣炸乳鴿，做得到皮脆肉嫩😬落單嘅時候可以勞煩廚房幫手開邊，進食嘅時候就方便得多🤪鮑魚蛋白素翅炒飯好足料嘅炒飯，飯粒乾身、粒粒分明，要大讚師傅嘅手勢！😄餐湯都係濃郁粟米湯！百香果檸檬茶+龍鳳檸樂龍鳳檸樂🥤飲到可口可樂配搭檸檬嘅酸香，咸檸檬嘅咸酸感，感覺清新爽口😝

🐑香燒羊架餐with黑椒汁 焗薯🥔日式粟米湯🌽喺冰室食到羊架真係好幸福🥰🐣海南雞飯 完全媲美出現星馬茶嘅餐廳 雞肉嫩滑 仲要個飯係好足料嘅油飯😜🍞芝心蝦多士 竟然冰室都有蝦多士食真係不得了 仲要係好食完全冇揸流攤😋🍛三眼仔叉燒飯 叉燒係燶邊㗎仲要半肥瘦🥰簡直係叉燒好好嘅Model😍叉燒應該係咁㗎嘛 再加埋流心蛋個蛋汁配埋叉燒食落口大滿足🥹🍋檸檬蜜 叫杯檸蜜消消滯都不失為一個好選擇🌈🍧雪糕紅豆冰 椰汁味濃厚 配埋雪糕真係非常之圓滿😍