三點三冰室

Open Now

Now Closed

[✨青衣三點三冰室•高質港式風味]#青衣 #三點三冰室🔸鮑魚蛋白素翅炒飯 $82蛋白炒飯炒得夠乾身好香，配埋鮑魚+素翅，好豐富😋🔸二世祖撈丁 $102撈丁應該係瑞士汁嚟，夠入味！配料鮑魚+帶子夠哂豪華，粒帶子仲要大大粒輕輕香煎過，好惹味🤣🔸XO醬豬扒炒烏冬 $78烏冬炒得好有鍋氣😋豬扒夠腍，唔會話太肥太油，份量都幾多，唔錯！🔸鹽酥花枝丸🐙 $42花枝丸外脆內彈，鹽酥風味好好食，有成6粒作成小食好出色🤓🔸妙齡乳鴿 $62外皮烤得金黃香脆，肉質嫩滑多汁，簡單嘅調味已經好好味。🔸雪糕紅豆冰 跟餐 +$19甜度適中，雪糕都幾好食！🔸黑牛 跟餐 +$19茶餐廳懷舊特色飲品，可樂加上香濃嘅朱古力雪糕球，飲落真係透心涼👍————————♡♡♡♡♡♡————————✨總結裝修以卡位為主，坐得舒服；食物份量比較大，味道出色款式亦好多！位於青衣區內最大嘅地鐵商場，交通方便，係一間唔錯嘅港式茶餐廳😊💕📍三點三冰室🏠青衣青敬路31-33號青衣城1地下G24-G25號舖#jmhkfoodie #hkfoodie #hkeat #hkeats #hkfood #hkig #hkgirl #food #hongko

平日食到差既餐廳，都唔想浪費時間留言，反正好快倒閉，但今次真係太差，忍唔住要提醒其他人避雷。雜扒餐啲扒炸到老晒，都仲食到雪味，差評。難得有得送熱飲，其他餐大部份原價叫飲品，點知奶茶煲到好似涼茶咁苦澀，又冇奶味，侮辱咗冰室呢個名稱。啲雞翼本身細隻冇肉，煮到老晒，個汁只有甜味唔香。三眼仔系列既蛋居然聞唔到有味道，炸蛋都唔香，真係唔知點先煮得到。問侍應有冇茶就只答冇，要我再問有冇水，佢先會指個方向叫我自己倒。自助攞水都正常，但佢會企喺我同水中間條窄路側身等我過，果度兩個人行要同時側身先過到。我返位時又有另一位顧客攞水，佢仍然會企喺嗰度，等我避開完果位顧客，再要從佢身邊側身過，一直冇考慮過離開盛水位。

唔會再幫襯， 焗飯同個雜扒餐裡面既嘢大部分多只係暖嘅狀態。完全不能接受！我真係第一次食到茶餐廳既焗飯係暖嘅同埋如果你雜扒餐如果你唔熱既你不如直接用碟上唔好整塊唔熱既鐵板係下面jmX，好彩個汁係另上如果唔係諗落去肯定凍晒，食物偏鹹同所有野一個味，同埋個粟米湯勁難飲。不如唔好跟湯比人飲凍熱野飲一定無咁出事。又公平d 咁講，我見到隔離枱嘅牛同埋羊嘅鐵板係熱嘅，起碼有煙出，但另一邊同樣都係嗌雜扒餐嘅就同我哋一樣冇煙出我好唔想咁評論，但大X樂絕對100%整得好食過佢地好多同d野肯定係熱既。

跟餐有粟米湯同餐飲。個什扒配焗薯擺滿左喺鐵板上面，同傳統鐵板什扒一樣有司華力腸、煙肉、豬扒、雞扒，極豐富嘅畫面。旁邊配個焗薯都算係咁，配酸忌廉有香滑感。小食當中見到乳鴿，皮香，拍得住酒樓，點一點淮鹽更咸香；秘制辣雞翼個瑞士汁夠甜夠色，加左七味粉增添少少辣香。見二世祖撈丁個名幾得意，玩味得黎每樣餸都幾好味。帶子香，鮑魚有鮑魚味，冬菇入味，唔係得個玩字，都ok。飲品就飲d懷舊得意野，好似「狂牛」同紅豆奶茶。狂牛由雜果+七喜+利賓納+士多啤梨雪糕調成，奶茶中加左紅豆。有紅豆甜嘅狂牛都幾正。

就咁當食餐便飯都好劣質當日叫左個海南雞飯同埋頭抽乾炒牛河：海南雞飯一上枱外表已經話俾我知係垃圾，啲雞冇雞味而且似係冰鮮，跟住煮唔熟嘅雞。個飯以為佢係油飯啦，頂你點知有椰漿飯既味，食咗兩舊計停手乾炒牛河仲犀利，一放上枱一陣燒衣紙既味，好奇地試咗一啖佢老味又可以完全冇味燶，但有浸水喉水味叫樓面聞吓係咪正常，佢都合作換過碟。不過第二點上嚟係純粹有鹹味，如果瞌埋眼俾你食叫你估，你係唔會知道係乾炒牛河兩樣食物十分之差，偷聽到隔籬枱都好唔滿意

少在外一個人午餐，今天來到青衣城找食，見有此店試一試。點了一個名為套餐~X0醬豬扒炒烏冬$78，再點普通飲品原來要$8元，就算了，一杯鴛鴦，飲品先來，咖啡及茶味嘗到。跟著食品到，份量比想像中少，食完半飽。但味道真不行，圖片有辣椒一隻但完全不辣，油多了點，豬扒份量算足，有四小塊但鬆肉粉味仍存，而豬扒就無味，整體而言五十分合格就最多值四十五分。

🥩西冷牛扒餐 $128見個個都叫鐵板餐心諗應該都唔錯，同埋套餐包埋湯嘅，咁我覺得呢個價錢唔算太貴😀咁當然唔可以同大家樂、大快活比架喇😂叫咗七成熟，好彩都真係七成熟送到過嚟，份量比想像中多，肉質都幾嫩滑同埋重口味😚另外配菜揀咗焗薯，沙律醬配煙肉真係冇得頂🤩.🐤妙齡乳鴿 $62當日叫咗好多肉😂第二樣餐廳必點嘅就係呢一個燒乳鴿😍一嚟就唔多地方有得食，二來真係好好食🥳乳鴿嘅外層燒到脆口，肉質鮮嫩多汁，浸味仲有啲似食緊燒鴨🤪.💰人均消費：~$100.🍽味道: 5/5🏙環境: 5/5‍👨🏼‍🍳服務: 5/5💧衛生: 5/5💰價錢: 5/5

混合牛排套餐包括黑椒汁、焗薯、奶油粟米湯，附送檸檬熱水。牛排煮得剛剛好，黑椒汁讓整個口味提升了一個層次，而焗薯則酥軟綿密。奶油粟米湯香濃滑口，是一道令人滿意的前菜。另外一道必試的菜色是三蛋叉燒飯，附檸檬蜂蜜熱飲(少甜)。叉燒切片厚實，三個熟蛋與米飯混合得恰到好處。這道菜既飽肚又充滿家常味，是一道不可錯過的美味。再來是香脆多汁的炸乳鴿，雖然簡單，但每一口都讓人欲罷不能。特別是那酥脆的皮和嫩滑的肉質，讓人一試難忘。最後還有黑白多士，這道甜點在酥脆的吐司上撒上白糖和黑芝麻，既有口感又有味道，完美地為這一餐畫上句號。

最近青衣城有很多新餐廳進駐，見三點三冰室餐牌有沙嗲牛肉西多士，和朋友心思思去增肥一下。點餐時才發現售罄 心很灰。唯有食個豐富嘅 early dinner平衡返。▶️ 西冷牛扒餐（五成熟）牛扒厚身 沒有雪味 也沒有坊間茶餐廳慣性採用的鬆肉粉，鐵板熱辣辣 配菜新鮮。跟餐粟米湯 超多粟米，有誠意。▶️ 頭抽乾炒牛河爽身 沒有過多油膩感。▶️ 芝心蝦多士6件新鮮即製 上檯時還熱辣辣 芝士和蝦很夾 而且芝士仍然是流心 很香口 大推。▶️ 秘製辣雞翼雞翼汁特濃 似辣版瑞士雞翼 醬汁味道豐富 似餐廳特調過。跟餐飲品有半價優惠 完全滿足增肥嘅需要。▶️ 美祿暴龍美祿香濃， 加了忌廉 有奶香。▶️ 雪糕紅豆冰紅豆粉糯 不過甜，配上雪糕恰到好處 大滿足。

我嚟過青衣城分店三次與一般港式餐廳同樣用電子落單正是如此職員與客人少了交流當客人有特別要求職員反應冷淡第一次 肉醬意粉第二次 漢堡扒飯第三次 海南雞飯豬、牛、雞、都係一 "絕"任何肉類都係同一味道呢種味道~~~就係~~~"沒有味道"不同食物嘅同一味道貫徹始終非常難得的冰室實屬少見我好有誠意咁連續去咗三次當然有人會話唔使$100食一餐, 你想有啲咩服務, 你想有幾好味, 食飽你就行啦, 限時一個鐘, 快餐嚟㗎咋, 香港地就係咁唔難明白點解會有咁多香港人選擇北上消費。

假期去左三點三食晚餐，6點到，唔洗等位可以直入（入面已經坐滿八成人），4個人安排左梳化位。 同其他餐廳一樣，用QR code 叫野餐，自助斟水（淨係得熱水）同拎餐具。整體環境舒服，因為成間餐廳都好open, 所以感覺唔太嘈，空間感都好夠！其中叫左鐵板雜扒，上桌時望到香腸好大條，仲有肉類包括豬肉、雞肉同埋煙肉，還有最底放左薯條（薯條好脆，即炸），配上燒汁（如果汁多啲更好🤭）。另外試咗喇沙，喇沙d湯底香濃，味道十足。湯底有一種特別的香料味，帶點微辣，令到我一飲就想多飲幾口。裡面還有新鮮的海鮮，如蝦、蛋，同埋豆卜，豆卜吸晒海鮮的鮮味融合得非常好，成碗米線都食晒！整體來講，呢間餐廳的鐵板雜扒和喇沙都非常出色。無論是肉類的鮮嫩還是湯底的香濃，都是值得一試的美食。同埋餐廳menu有好多唔同選擇，最啱同朋友食飯，又個個想試唔同野食！

「三點三」令人聯想到下午茶⌚️，今次我哋係青衣城嘅「三點三冰室」同朋友食晚飯。餐廳設計開放，裝修簡約，淺木系加上柔和燈光，感覺幾舒服🥰。避風塘炒麵🍝正中我心！避風塘軟殼蟹🦀同虎蝦同炒麵配得好好，大火快炒，完全冇油膩感，炒麵乾爽，仲有大量避風塘炸蒜提香。老虎蝦鮮嫩多汁，搭配軟殼蟹的酥脆口感，每口都充滿濃郁海鮮香氣🌊。麵條彈牙有嚼勁，味道融合得好好。鰻魚滑蛋炸熱狗🌭份量勁大，上枱時有啲驚嚇！鰻魚🐟肉厚又鮮，滑蛋嫩滑，最特別係炸熱狗，炸到金黃鬆脆，唔會油膩，真係好食。創意熱狗新鮮又好味。哈哈哈炒飯🦐全部都係蝦，哈哈哈代表蝦膏、蝦乾同蝦仁，炒飯夠乾身，仲有鑊氣，蝦膏味好濃，蝦仁大隻結實，勁推薦！炒飯乾身，飯粒分明，櫻花蝦口感特別🤤，蝦乾同蝦球都好好味。迷你炸饅頭（6件）迷你炸饅頭配紅糖同煉奶，外脆內軟，做甜品一流👍🏻。一口雪花西多裡面有咖央醬，口感軟綿🥰。狂牛七喜加利賓納，顏色淡淡粉紅，配上雜果再加一球士多啤梨雪糕🍓，真係好正！賣相夢幻，味道清爽甜甜的。黑牛可樂加雪糕🍦，口感豐富

喺青衣諗唔到食咩嘅話可以試吓去呢間冰室。有意粉、飯類、小食、～ 全部嘢都好出色✨·🍝 避風塘炒麵 $ 98·🥪 一口雪花西多 $48·🥤黑牛 $38 （跟餐半價）·入邊嘅環境仲要好乾淨✨，啲枱嘅位置都唔會話太迫，舖頭都好夠大，有好多位坐。亦都有好多唔同嘅出邊舖頭冇嘅特色飲品（薄荷青檸梳打、龍鳳檸樂、紅豆杏霜😋不過有啲特色嘢食就要早啲去試吓食如果唔係就好快賣晒，例如芝士蝦多士🍤、鹽酥花枝丸嗰啲～～下次再嚟青衣行街嘅話會再食佢😙

嚟咗呢間茶餐廳食晚飯🤣$128「香燒羊架餐 Lamb Chop」：有「薯條 或 焗薯」可以揀咁揀咗「焗薯」，又包「粟米湯」，羊架自動嚟咗全熟肉質幾軟熟🤣，焗薯仔🥔大大個仲加咗啲忌廉喺上邊🤣$98「避風塘炒麵 Stir-fried Noodle in Chili & Garlic Style」：餐牌寫住有「軟殼蟹，虎蝦 Soft-Shell Crab & Prawn」，呢個類似「豉油王炒麵」再加啲炸蝦炸魚炸魷魚咁🤣$108「三點三雜扒餐（豬、雞、司華力腸、煙肉）」：有「薯條 或 焗薯」可以揀咁揀咗「薯條」，「雜扒餐」都有「粟米湯」，豬扒🐷、雞扒🐓、煙肉🥓煎得算香口🤣，司華力腸好大條🤣跟餐加 $19「Jumbo檸檬茶 Jumbo Lemon Tea」：大大杯，凍冰冰🤣快快脆脆食得飽飽🤣

呢間餐廳嘅食物質素真係唔錯 無論係主菜定係飲品 都好滿意🤍下次一定會再嚟試其他嘅菜式🙌🏻=====================Food list📌🕒✨乾炒魚片頭炒河 呢碗炒河粉真係好正 魚片炒得剛好 鮮嫩滑口😻配上香濃嘅醬汁 河粉吸收咗所有味道 食落去每一口都好有滿足感✨🕒✨迷你炸饅頭 外脆內軟 咬落去有一種香脆嘅口感💫配上甜醬或者煉奶 真係好好味 特別係作為小食 食得停唔到口🥹🕒✨鮮油多士 多士抹上香濃嘅牛油 味道真係好香🕒✨黑白多士 更加特別 外面係黑芝麻 口感層次分明 食落去有一種香濃嘅味道🥰🕒✨黑松露滑蛋蝦仁飯 滑蛋煮得剛好 蝦仁鮮嫩 加上黑松露嘅香氣🤓整體味道好豐富😍🕒✨雪糕紅豆冰 呢個甜品真係好清新😚紅豆煮得剛好 配上雪糕 食落去又香又滑 特別係夏天食 真係好解暑🤓