360餐廳 (Closed)

未搬黎之前，冇諗過會搬去曾經是悲情城市的天水圍。區內一向自給自足，而家仲多左好多精品式商舖，食肆質素也越來越好。之前經過見到這餐廳，不過冇入去。今日又行經附近，入黎幫襯下。拼盤有四款小食，雖然全是炸物，但炸到啱啱好，不會太乾/硬。其中的雞中亦最正，但都幾辣吓!食牛扒我鐘意肉眼扒，冇骨全肉。這裡的份量標準，但幾厚吓兼冇咩野根位，肉汁亦多，水準ok。加$25可以加配沙津+湯+飲品，埋單二百多，雖不算平，但仍是合理。沙津幾精緻，食得多肉，要食番d疏菜平衡下。餐湯也稀杰得宜，而且都幾多粟米，好好飲。

朋友話天水圍開左間新餐廳食西餐 價錢唔貴 於是今日放工就約埋一齊去 地點好方便 一出西鐵站行幾分鐘已經到。 入到餐廳 地方幾闊落 店員安排左舒適既卡位比我地 睇完餐牌就叫左兩個set dinner 餐廳上菜速度很快 首先黎個例湯 是栗米湯 正常發揮。小食是甜酸雞翼和黑松露蛋黃醬薯條 雞翼炸得香脆配甜酸醬一流 薯條亦很香口。千島海鮮pizza 非常足料 千島醬很開胃 令人食完一件忍唔住再食第二件 朋友叫左個穀飼西冷牛 牛扒味道不過不失 配菜略嫌失色。 整體食物質素配這個價錢 性價比是高的

今日去天水圍探朋友，佢話呢度有間餐廳非常之高質，咁就抱着半信半疑嘅心態黎試吓啦。一嚟到見到呢間餐廳，原來唔係普通茶餐廳嚟㗎喎，佢嘅環境同Cafe差唔多，感覺好好坐喎。呢個沙律好fresh，食完好開胃呀。如果忌廉湯味道都啱啱好，飲落唔會太滯。呢個飛魚子蟹棒忌廉汁長通粉好好味，本身以為忌廉汁會好流好滯，但係原來唔會，感覺啱啱好。吉列豬扒生蠔溫泉蛋蓋飯都唔錯，溫泉蛋撈飯又係十分開胃。而且個吉列豬扒炸得夠脆，豬扒亦都夠厚，送飯一流。呢個雙重芝士夏威夷pizza真係超級推介，佢嘅質素比出面專食pizza嘅地方更加好，芝士味好重，而且pizza餅底同啲配料都好夾，差啲同朋友搶住黎食啊。不嬲最鍾意食黑松露嘅我，梗係要叫呢個黑松露蛋黃醬薯條啦。估唔到佢嘅黑松露味咁足，襯埋蛋黃醬薯條，搞到我食到停唔到口。呢個小食拼盤亦都係必經嘅推介，唔單止份量夠，而且佢嘅雞翼好好味，雞肉夠嫩滑同入味。叫咗咁多嘢食食到咁飽，本身以為埋單起碼$500以上啦，估唔到竟然竟然可以咁平，唔怪得朋友咁推介呢間餐廳啦。

黃小姐很少去天水圍，可是因為有朋友仔住那邊，為了方便她，所以就跟她相約在天水圍吃晚餐。360餐廳的裝修簡約，以平價西餐廳來說確實滿不錯！環境也舒適，座位夠闊落，服務也不錯。是日餐湯栗米忌廉湯，香滑又不會太黏口，以餐湯來說OKAY!法式龍蝦湯 $28由於我們不知道已有是日餐湯 ,所以多叫了個龍蝦湯。可是龍蝦湯味道濃郁鮮甜，價錢又不貴，也是滿不錯的。蜜糖芥未煙三文魚沙律 $38沙律菜跟三文魚也十分新鮮，配上蜜糖芥未十分開胃。十分大碟也只是$38蚊，岩晒中意食菜既朋友仔。蒜香帶子海鮮忌廉意大利飯 $ 60$ 60的一個意大利飯，可是海鮮卻不少，忌廉味香濃，意大利飯軟硬適中。以此等價錢來說真的很不錯。黑椒雞肉波蘿火腿PIZZA $56是薄底PIZZA，黃小姐的最愛。黑椒雞肉波蘿火腿鋪滿在PIZZA上，芝士不會太多或太少，份量剛好。雞肉不會太乾，而且十分惹味。這個很不錯，下次可以再點。開心分享小食拼盤 $58小食拼盤一共有5款小食，薯條、脆炸洋蔥圈、脆炸手指魚、泰式香辣雞中翼及 炸雞中翼。炸物都分別炸得金黃香脆，沒有厚粉，也不會太乾。十分好吃喔!以此等便宜的價錢來說真的很好，大家不防一試！360

今晚黎過又快又平西餐，見新開又近西鐵站，地點幾方便。呢到平均晚餐價錢～$58-$138，包（餐湯或沙律）及飲品比較平民價地方又夠大✌🏻龍蝦汁焗鮮蝦海鮮🦞飯（$58）飯仲要係用珍珠米👍🏻龍蝦汁味道濃， 又夠多汁岩哂我呢d汁送飯晚人😂😂海鮮中有蝦， 青口，魷魚🦑澳洲草飼肉眼牛扒（$138）配薯菜及野菌炊飯有薯條🍟， 有少許沙律🥗牛扒叫了5成熟， 上菜時都無血水👍🏻餐湯粟米忌廉湯加了$12叫了泰式酸辣雞翼

今日放假難得今日朋友又得閒，就相約於天水圍屏欣苑360餐廳食午餐，呢間餐廳是新開的價錢又大眾化，種類又多一於嘗試下。餐廳怖置幾特別，燈光柔和，座位舒適又有卡位。澳洲肉眼扒配薯菜加$15升級餐湯及飲品，肉眼扒點左7成熟配蒜蓉汁，肉質嫩滑牛味濃郁，薯條又是粗薯條好香噴噴，飯又軟硬適中。餐湯有粟米粒又有肉絲又香濃。法式龍蝦湯，里面有一隻蝦，湯味濃厚啖啖龍蝦味。溫泉蛋卡邦尼意粉，意粉軟硬適中，每條意粉都撈均了醬汁美味可口。黑椒雞肉菠蘿火腿Pizza,Pizza批底好薄外層又鬆脆，內里軟熟用料十足又夠大份量又香辣辣好好味。

好一陣子冇入天水圍，而家熱閙左好多，變化都幾大。兩口子嚮呢間西餐廳用膳，很新淨、樓底好高下，第一個感覺幾舒服。Order了一個set dinner散叫了小食一齊share。前菜是沙津，佷新鮮，同埋有芝麻醬的關係，好開胃。主菜是肉眼扒配蒜蓉汁，選了七成熟，仲見到有少少血紅，好 juicy。餐湯是粟米忌廉，好creamy吓，好正!青口帶有香濃的白汁忌廉味，以售價$36來講，份量都唔少。煙三文魚蕃茄pizza做到芝士有拉絲效果，算是不錯!

繼本人上月中到過新公屋屯門欣田村的漁樂後，今次要去也是座落於另一邊天水圍新公屋商場的360餐廳。它的名稱有點特別，差點令人想起澳門觀光塔頂端的360旋轉餐廳。你們這樣想認真錯誤了，其實它是一間意大利西餐廳，只不過外部設計跟商場圓周興建才把之命名而已。喝上次的一間很不同，外圍每一格玻璃上也有每一餐及特色西式飲品的名稱，大門口更擺設黑板人手寫的大餐牌及宣傳海報。門後更有一座屏風及小鮮花作擺設，下面整齊地排列著一本本餐牌。再進去看到天花板與眾不同的設計，它是一個個面積相同的木製正方格框架無間斷排列而成，恍如香港七八十年代的童年玩意跳飛機及各類棋盤，把元素融入西式建築風格中。更深處的牆上更以一幅長黑板作擺設吸引食客，上面白色的文字及圖案全與著名西餐有關，如薄餅、咖啡、麵包、腸仔等。盡頭的鏡子上更有一副餐廳標誌，走過之後感覺恍如把地球以數分鐘極速環遊一周。加上座在落地玻璃的沙發位望著黑板進餐，更能進一步融入西餐教室當中。侍應接待周到，下午茶價錢亦算便宜。送餐時間及效率準確，只須十分鐘內而已，務求把食材最新鮮的製法送進客人手中。本人誠意推薦花生西多士，把配糖漿的鬆脆的麵包切開粒狀後，充滿花生粒及果

已經好耐冇入過天水圍，因為朋友住附近，咁啱去佢屋企玩，肚餓就落附近食野。依間餐廳價錢幾親民吓，係食得過嘅餐廳。我哋就叫咗黑蚊蚊墨魚意粉，蕃茄煙三文魚pizza，龍蝦汁海鮮意大利飯。依度仲可以加配一啲小食，今次我哋就加配左個黑松露薯條，同埋一個炸紫薯餅。野飲方面我哋就叫咗兩杯熱飲，同埋一支波子汽水。首先，講吓個黑蚊蚊墨魚意粉先，個意粉軟硬度相當適中，佢嘅墨魚仲大大嚿，絕對唔係細細粒果啲，都幾足料吓，另外，蕃茄煙三文魚pizza，就係我最鍾意嘅pizza，佢嘅芝士相當足夠，做到拉絲嘅效果，食落去簡直係料多過個餅底，真係10分回味。龍蝦汁意大利飯，就更加好食，食落口嘅每一粒飯，都係會被佢嘅香濃龍蝦汁包圍着，食落去嘅口感軟硬度適中，仲有好濃郁嘅龍蝦味回香。呢度就要讚一讚佢個黑松露薯條，我喺出邊食嘅呢一種質素黑松露薯條，完全唔係呢一個價錢，所以黑松露薯條係一個重點，食倒呢一個黑松露薯條，簡直好似佢蝕緊俾你咁。另外，就要講下佢嘅野飲，無論冷熱飲同埋波子汽水，都有顧及唔同年齡層嘅需求，而家波子汽水唔係所有餐廳都有，所以呢一間餐廳都迎合到好多唔同年齡層嘅需求。

今日媽媽和弟婦去欣屏苑探訪新居入伙的友人，結果她都沒買菜，煮不成晚飯，她直接打電話問我來欣屏苑吃晚餐好嗎，我當然說好，因為我自己亦不想回家獨自煮麵吃。媽媽叫我下車後直接去360餐廳她們，這裡既有日式晚餐，亦有西式晚餐供應，普遍只是五十多至六十多元，包送咖啡或茶及精選餐湯或田園沙律，對於區內居民來說滿實惠的。我們點了兩份晚餐，一些小食，黑松露野菌忌廉意粉等，晚餐我們都配凍朱古力，精選餐湯，夏天特別想喝東西嘛。沒想到精選餐湯一點也不馬虎，喝到雜菌的鮮味，也嚐到蔬菜的甜味，非常濃稠，令我們更期待小食晚餐。海鮮控怎會錯過白酒忌廉煮青口，36元吃到八至九顆青口，每顆青口極之肥美富彈性，濃重的白酒忌廉彩椒，雜菌增色增香，讓人食慾大開，將青口吃過片甲不留。包羅萬有的開心分享小食拼盤總是深受大家喜愛，可以分享吃著不同的小食。這拼盤包括薯條，脆炸魚手指，脆炸洋蔥圈和炸生蠔，洋蔥圈，生蠔炸得金黃不油，薯條香脆，魚手指外脆內嫩，不錯的炸物拼盤。只吃肉真的不太健康，所以我們點了兩份煙沙文魚沙律配蜜糖芥末醬，沙律是夏日消暑清爽的良伴，解決食慾不振的困擾，也可以滿足味蕾。滑潤細緻的煙三文魚搭配水嫩爽脆的沙律菜，開

今日放工同朋友經過喱間西餐廳，喺正屋苑下面，人流都幾多。我哋喺門囗見到個餐牌，價錢都幾吸引，經濟實惠，就衝入去試了。一入到去，感覺環境及裝潢都好美觀，亦好有情調。我哋一人叫一個晚餐，我叫左澳洲草飼肉眼扒配薯菜，叫5成熟。等左一陣手先來忌廉湯，超濃郁香滑，好 creamy 。仲有個沙津添啊！然後，滿心期待的牛扒來了。嘩，超juicy ,又好重牛味。大家尼到一定要叫喱個呀～我朋友叫咗黑忟忟墨魚意粉，喱個又係冇得輸。好揼本嘅墨魚汁，加上意粉又有嚼勁，食過番尋味。我地又叫左d小食：脆炸洋蔥圈和雞翼，洋蔥圈皮脆內鮮味，不錯不錯。雞翼也不會太油膩。總結喱餐真係物超所值，呢個價錢食到高質西餐，大家一定要來啊！

朋友屏欣苑新入伙，知我住呢頭就約左呢日dinner，無行過過黎呢頭都唔知咁快就開滿哂餐廳。平時鋸扒都要落到元朗，見呢度有西餐食，價錢又幾平就決定食呢間啦可能呢邊平租，餐廳空間幾大，座位夠闊絡，唔會同隔離枱你眼望我眼，私隱度高啲～西冷手掌咁大塊都係$108，平時只可以揀飯或薯菜，呢度兩樣有齊，夠哂飽肚野菌炊飯粒粒分明，唔會好濕痴埋哂咁，味道都係普通白飯。牛扒有得揀生熟程度，我order左三成熟，食落juicy，燒汁分開上，自己點就唔怕太濃味啦Set din包餐茶同沙律/湯。田園沙律落左橄欖油同甜醋，酸酸咪咪，開胃啲又健康啲朋友揀左餐湯，飲落幾重忌廉味，口感濃郁稠密、帶顆粒。雜扒餐超級豐富都係$78，有雞扒、豬扒、牛肉腸同煙肉，同樣跟飯跟薯菜。好耐無食到過雞皮脆卜卜既煎雞扒，夠哂香口，肉質鮮美嫩滑，略嫌肥左少少；豬扒一啲都唔乾，好juicy唔夠喉再加多份雞翼～～～外皮炸得好香脆，加埋甜甜辣辣既泰式辣醬，惹味得黎中和左炸野既油膩以後食西餐唔洗落元朗，喺天水圍都有得食啦

路經天水圍西鐵站附近既呢個新屋苑，見到呢間寫住試業中既360餐廳，比佢門口餐牌中既溫泉蛋胡麻醬冷烏冬吸引左入去。入到去就梗係order呢個啦，餐飲order左水果茶，侍應話唔使加錢，咁我係睇到menu有寫，係學生優惠，學生order水果茶唔使加錢。自問冇做學生都n咁多年，不過，你話唔使加，我又冇必要同你爭論既。飲品送上枱，係飲緊既時候，侍應行來同我講，因為水果茶係凍飲，所以要加3蚊。雖然，佢冇乜禮貌，明明係自己對自家餐廳既收費唔清楚，誤導左顧客，都一句唔好意思都冇講，而且亦冇理我有咩回應，就自行拎左張單去改，不過，我覺得都尚係可接受既範圍，我忍。再過多陣，一位睇穿著應該係高級d既職員係應該廚房既位置出來，邊行邊講，唔好落(單)烏冬，之後就行來我張枱。咁我就問佢"咁之前落單嗰d呢?都係冇?"佢答我"係呀，烏冬未準備好，食第二樣啦"，又係一句唔好意思都冇，仲要我問佢先比個menu我。如果係落單時你同我講冇，我覺得ok，但係我落左單，仲要係一段時間後，你先同我講冇，連最基本既一句唔好意思都冇，我覺得呢個真係餐廳對員工既禮貌要求十分缺乏。而係我打緊呢個食評既時候，我見到隔離枱上左一碟溫泉蛋胡麻

360餐廳原來是指360度的環形狀態！這家新開的餐廳仍然是試業中，朋友住附近所以就順便一試。餐廳環境較西式，樓底都很高很舒適。餐廳的食物種類很多樣化，而且價錢親民！餐牌如下：和朋友點了個限定供應的紅酒慢煮牛面肉飯和澳洲肉眼排，兩個餐都配是日餐湯和飲料～首先是紅酒慢煮牛面肉飯，牛面肉煮得超軟！很出色！而飯不是白飯，覺得被驚喜了，是牛肝菌的飯，香氣十足～澳洲肉眼排點了七成熟配蒜蓉汁，師傅都煮得很好，肉排中間帶點血紅的。肉眼排比想像中還要大塊，而且除了薯菜此餐還配了半碗飯，真的吃到好飽！餐湯是粟米忌廉湯，很creamy而且粟米香很濃郁，不錯～很少在餐廳會可以配伯爵茶飲！雖然是茶包，但有伯爵茶做熱飲選擇覺得很不錯！下次一定會和一班朋友來點更多款的食物，環境又舒服，性價比很高！

New Zealand West cold sirloin,medium well,  black pepper sauce, with potato and wild risotto.  Only $128, also included drinks, salad. The burdock with thick gravy and smell is strong of beef.