360餐廳 (Closed)

今日來到屏欣苑360西餐廳食晚飯，格離就係西鐵站同輕鐵站，超級方便，餐廳裝潢燈光柔和，沒有太花巧的裝飾，簡簡單單，坐得舒服餐廳新開，餐牌都有不少選擇、有Dinner Set ，小食、沙律、湯、意粉、意大利飯、主菜開心分享小食拼盤-有4款小食，泰式香辣雞中翼、脆炸手指魚、脆炸洋蔥圈，薯條，炸物炸得金黃香脆，不會太乾，而泰式香辣雞中翼夠晒辣。香蒜白酒蜆肉扁意粉-好濃香蒜味，淡淡的白酒味，蜆肉處理得好好，沒有沙沒有臭味，扁意粉軟硬適中，整體不錯凍咖啡

朋友新居入伙，我幫佢搬完野之後都已經夜晚，就近近地落樓下食，有中式，西餐，茶餐廳，360西餐廳感覺坐得舒服D，360餐廳環境夠大，好多座位。日式叉燒豚骨拉麵（$56）配精選餐湯或田園沙律，亦可每個套餐可追加一份小食，價錢亦唔貴，好抵食餐湯今日係忌廉粟米湯，日式叉燒豚骨拉麵湯底不會太咸，拉麵煙韌彈牙，唔會煮到淋晒，叉燒厚薄適中追加了一入蟹肉忌廉薯餅（$12）紐西蘭肉眼扒（8安士）配薯菜（$128）肉眼扒5成熟，薯條炸得金黃香脆熱華田&熱檸水

天水圍起左新居屋叫屏欣村，係西鐵站隔離，村中不乏居民設施，交通方便有街市又有食市，抽中到呢到都幾爽皮🍇，今次黎試下佢正在試業嘅360餐廳，睇下合唔合格先？.佢嘅感覺就好似椰林閣或者意樂，又有啲似pizzahut, 而佢嘅地方更寬敞更舒服，係屋村入面有間咁嘅餐廳都幾唔錯，一班太太黎呢到傾下計打發下時間都好適合。冇加一服務費，價錢平民四十至六十蚊一個飯/意粉，味道又唔錯，午餐meun仲抵食👍👍.澳洲肉眼扒配薯菜$128加$15升級做餐（湯+飲品）肉眼扒採用澳洲草飼牛，今次保守叫左7成熟，建議大家叫番5-6成😂塊扒對得住個價錢，另外佢仲有飯+薯條🍟實食飽飽。另外加左15蚊配餐湯同飲品。餐湯係栗米湯，粉開個隻，個人就唔太喜歡喇。.蒜香帶子海鮮忌廉意大利飯$60有香菇青黃椒，海鮮都好足料，有三粒帶子兩隻蝦等等，份量都可為大碟👍.冬蔭功忌廉海鮮意大利粉$60呢個組合夠哂獨特，率先勇敢試食，有驚喜😍最推介係呢個，當冬蔭功嘅酸酸辣辣遇上忌廉🤤係美麗嘅結合，同樣大大份用料足👍抵食.泰式香辣雞翼$28雞翼四隻加埋蔬菜沙律🥗上，雞翼普通用鹽同埋胡椒粉醃左，肉質都算嫩滑，雞翼煎到金黃香脆，表面再淋上泰式酸辣醬

喺天水圍站隔離，好近好方便，呢間餐廳係試業緊，但都幾多人，我地食到差唔到7點半已經full full地~好在我地係6點半坐低左。5個人叫左個煙三文魚pizza, 小食拼盤，紅菜頭risotto, 吉烈蠔唐揚雞飯，泰式雞翼，紫薯薯餅&忌廉蟹肉薯餅一開頭就泥左d薯餅同risotto, 份量都多，個飯超creamy好好味，又健康，係女士恩物，薯餅夠香脆，正！ 個吉烈蠔唐揚雞飯都好味，一d都唔hea~pizza係薄底，超級脆環境都闊落，坐得舒服

這間西餐廳位於天水圍，鄰近輕鐵站，幾分鐘就到，有齊 🥗沙律，🍝意粉，🥩扒，🍕Pizza，🍛咖哩，大班朋友gathering都唔錯我試了澳洲肉眼扒·薯菜 $128 肉眼扒7成熟，內裡有粉紅色，無血水，肉質幼嫩，有肉汁，啖啖肉好滋味，配上惹味黑椒汁，送飯一流，薯條新鮮香脆，啱我口味加$15 升級有餐湯脆炸手指魚$28熱騰騰，香脆可口，內裡嫩滑，配搭沙津減低油膩感泰式香辣雞中翼 $28雞中翼煎得外皮脆，表面有泰式香辣醬，辣得不算高，醒胃惹味紐西蘭西冷牛扒·薯菜 $88西冷牛扒都是7成熟，雖然無肉眼扒淋，但肉味香濃，肉汁多，份量不會太多，適合女士，薯條一樣新鮮香脆，黑椒惹味店內環境乾淨，近輕鐵站，交通算便利，上菜速度算快，侍應態度好，讚

今天到屏山圖書館，附近新屋苑落成，開了間新餐廳，於是入黎試試。360係平民不失格調的西餐廳，一入內，紅磚牆壁，微暗黃燈光頗有格調，環境不錯。5:45早到，人不多2人也可安排坐卡位。晚餐Set Dinner跟沙律/湯，沙律菜新鮮，配芝麻醬，份量適中，剛剛好。紐西蘭西冷牛扒薯菜，七成熟黑椒汁，配薯菜、野菌炊飯。如此豐富，才$128，還包飲品、沙律。牛扒比我的手掌還要大，厚切完整，不是碎濕濕的頭頭尾尾，有濃濃的肉汁，牛味強。一般跟薯菜就沒有飯，這裡可兼得二者，任憑你大食，都會夠飽。飯是珍珠米，圓圓飽滿的一顆，還非常有心意地砌成心型，讚！龍蝦汁鮮蝦海鮮意大利飯，意大利飯吸滿了龍蝦汁變得黏稠富有彈性，米飯粒飽滿，海鮮量多，蝦大大隻彈牙，不是超市的廉價雜錦海鮮。魷魚量多，新鮮有嚼勁而不韌。360焗意粉，有大量吞拿魚、肉醬，焗得香濃，啖啖芝士蕃茄，一口又一口停不下。表面微濃，一上台色香味俱全。泰式酸辣雞翼，新鮮炸得香脆，再加泰式酸辣醬，內裡肉滑香嫩，正。整體味道很好，價錢廉宜，環境好新淨，坐得舒服，性格比超高，會再來喔！

#360餐廳偶而浪漫一下，去左食扒超大塊既西冷牛扒，不過略嫌肥左小小叫左7成熟，肉質好實，好重肉味，食落比較乾身鰻魚炒飯炒得好香口，鰻魚份量好多，啖啖肉比較甜，有日式照燒汁風味龍蝦湯好稠，濃郁鮮甜而且龍蝦的味道很濃好像食緊龍蝦甘，但價錢並不貴，只是$28，勁抵似，下次都會叫薯條加埋佢特製既芝士蕃茄肉醬，好邪惡小編中2食果個泰式辣椒醬雞翼爆多汁，勁入味‼️輕輕煎過之後，甜甜地甘，好Juicy評分： 7 / 10

流心芝士火腿西多士個人覺得幾好食，外脆內軟，甜甜嘅蜜糖牛油，加芝士同火腿都幾夾。焗肉醬芝士意粉同大家樂嘅味道差唔多，但係啱啱焗起，熱過大家樂嘅。味道可以。下午茶嘅份量算OK。新開試業，我覺得唔錯。但有啲似茶餐廳Feel，檸檬茶熱奶茶正常飲品都有。我見佢有晚上主菜係牛扒，下次可以試吓，希望Quality好，但下午茶已經算中上。價錢適中算衛生乾淨位置喺地鐵站隔離，近屏山文物徑附近，星期六日去天水圍行吓可以順便嚟食。

今晚同友人試下天水圍一間新餐廳，一出天水圍站再行幾分鐘就到，位置方便。我地點左兩個晚餐，一個沙律，再加兩個小食我點左黑忟忟墨魚意粉，雖然墨魚份量唔算多，意粉口感未夠彈牙，不過勝在墨汁整得幾好味，救番少少分朋友叫左黑松露野菌意大利飯，佢話味道係唔錯，但放沙律菜係飯上面，個配搭怪怪地🤣🤣我追加左個煙三文魚藜麥沙律，半份洋蔥圈同黑松露薯條，三樣都好味，同埋價錢相宜。 食左咁多野，埋單唔駛200蚊，都係超值實惠之選😊

呢間餐廳，好近西鐵站， A出口一落去轉左，馬路都唔使過就已經到咗啦。之後，我哋睇吓餐牌，啲人成日話天水圍食嘢好貴，我地發現呢一間，再望吓個價錢之後發覺真係幾抵食。我地今次就叫咗黑松露野菌意大利飯、澳洲草飼肉眼扒配薯菜野菌炊飯同埋吉列豬扒、生蠔溫泉蛋蓋飯。仲加咗兩個小食，我哋今次就加咗個洋蔥圈同雞翼。另外，再配左一個餐湯兩個沙律，仲叫咗三杯嘢飲，都係二百幾蚊，三個人食到好飽。首先，講下個黑松露野菌意大利飯，黑松露嘅味道濃郁，啲嘢菌撈落去都夠多，絕對唔係好少嗰一隻，意大利飯唔太硬亦都唔太淋，完全係軟硬度適中。個肉眼扒睇圖就知非常之咁大塊，今次我哋叫咗七成熟，我個人建議七成熟就啱啱好，唔太生唔太熟啱晒我口味。最後就係個吉列豬扒生蠔溫泉蛋飯，個吉列豬扒上枱後仲好夠脆，夠晒熱，完全唔係預先做起嗰隻。另外，講下個炸生蠔同埋溫泉蛋，我嘅食法就會先將個溫泉蛋同其他配料撈埋落啲飯度，淨係食啲飯，口感都非常一流，味道就更加唔使講。生蠔亦都非常飽滿，一啲都唔細隻㗎。另外，值得一讚係依度嘅服務態度真係非常好，佢哋嘅侍應都十分之親切友善。另外，環境就10分寬敞，就算係男仔坐落去都覺得好舒服，夠晒大，完全唔會有逼

隨著天水圍西鐵站附近新居屋屏欣苑開始入伙，附近商場開左數間餐廳。當天收工後，就到了這間餐廳張貼試業—餐廳360用餐，嚐嚐質素如何。一間餐廳有齊意粉、飯、扒餐、Pizza、可以選擇，價錢又親民，適合一個人，甚至乎一大班朋友聚餐都得。龍蝦汁焗鮮蝦海鮮飯$58:有蝦又有帶子，真材實料。焗飯是以炒飯為底，飯中有菇，頗為香口﹗泰式酸辣雞翼$28:雞翼炸完再沾滿泰式酸辣醬，酸酸辣辣，夠晒惹味！凍檸茶(少甜少冰):茶底香，不會過甜，解渴一流﹗值得一讚的是小食出色，餐廳地方夠大，卡位坐位夠寛，可以慢慢享用食物，不用擔心被趕﹗

星期日行完屏山文物徑，見到附近屏欣苑有間幾得意又唔貴既餐廳，就諗住去食個便飯。因為屏欣苑係新落成既屋苑，入面好多設施都好新包括呢間餐廳。我地用餐時係晚餐時段，首先講下蕃茄忌廉大蝦意粉，蕃茄同忌廉都幾夾，蕃茄既酸甜令整碟菜式食落冇咁膩，不過粉好似淋左少少。大蝦好爽口，配埋洋蔥、磨菇等配料，都幾豐富。之後到呢個黑松露野菌意大利飯，黑松露味好香，飯亦夠淋又做到粒粒分明。日式叉燒豚骨湯拉麵，麵質夠爽，叉燒有4塊，當然呢個價錢唔可以同拉麵專門店比，所以以呢個價錢黎講係唔差。其實餐廳既食物性價比高，但質素唔會因此而將就，係值得推薦既。不過可能員工太忙，佢地未必成日聽到食客既呼喚。

晚上只有我和家姐兩個人，於是決定在屋企附近找東西吃，見這間360餐廳門口貼住試業，裏面裝潢亦挺好的，價錢又低，於是決定一試。點了一個肉眼扒套餐，我們選了七成熟，來到真的不會過熟，還可以見到血，所以仍保留了口感，不會韌。另一個套餐是龍蝦汁扁意粉, 龍蝦汁的味道和其他餐廳價值$100以上的味道是一樣的，而且還有很多海鮮。兩個套餐都跟餐湯或沙律，亦包野飲，我們選了可樂，就要加$5，餐廳是給一罐的可樂，但同時比一隻杯加海量冰你，非常貼心。套餐加$12就可以換購小食，選了泰式酸辣雞翼，雞翼超級入味，香脆可口，而且不會過辣，如果點套餐，必須加一個嘗試。本來想多加一個魚手指，但當日沒有，轉了紫薯薯餅，薯餅就食得多，紫薯的還真沒有食過，外皮十分脆，裏面全部全是滿滿的紫薯蓉，紫薯控必點，作為飯後甜點一流。因為我和家姐比較大食，所以我們還點了蒜香帶子海鮮忌廉意大利飯，忌廉味十分香濃，我在想為什麼這間餐廳這麼大方，$60的一個飯，有滿滿的海鮮。埋單食這麼飽，才$281，超級划算，下次一定會再來。

行完屏山文物徑，見有啲肚餓，又到左食飯時間，就近近地向屏欣苑食個lunch。我地7大2細一行9人，入左一間門口貼住試業既360餐廳，叫左成枱野食。小食盤好食，忌廉雞皇飯（汁）好味，蕃茄辣汁海鮮意粉好辣，朋友話日式豚骨拉面食完要洗腎🤣飲品not good,完全未飲過一杯好立克係可以飲一啖就放低，朋友話華田淡而無味。檸檬茶😑接近lunch時間去，尚可接受，唔迫。等左唔洗10分鐘就入得去坐。

新居屋屏欣苑開始入伙，商場開左幾間餐廳，今日同老公去完圖書館就去左屏欣苑個邊食飯。商場地下有三間餐廳，兩間茶餐廳，一間西餐，我地揀左呢間西餐，見佢啲晚餐都幾抵食，最平$52有交易，價錢親民。入面都幾闊落，坐得舒服晚餐前菜可選沙律或餐湯🔸澳洲草飼肉眼扒配薯菜、野菌炊飯（$128）塊扒都幾大塊，叫左7成熟，煎得都幾好，切開粉紅有肉汁，塊牛質地都唔錯，牛味都幾濃！🔸唐揚雞球，生蠔溫泉蛋蓋飯 ($68)呢個飯既組合比較有趣，所以叫黎試下。炸生蠔都幾肥，個唐揚雞都幾好食，配溫泉蛋都ok，呢三樣野都match 既，不過配菜加左中華沙律同紅薑就多左，有點怪，個人認為less is more，唔加會更好。🔸泰式酸辣雞翼，洋蔥圈（跟餐每樣加$12）賣相好靚，兩樣脆物都脆得香脆，雞翼炸完再沾滿泰式酸辣醬，好味！洋蔥圈脆完都唔會好乾身，粉漿都唔會太厚，食到洋蔥既甜味。跟餐加$12又幾抵！餐飲叫左凍啡同凍檸茶Overall 覺得都唔錯，而且價錢親民！