意料之外

Open Now

Now Closed

今日行完山，經過藍地就入咗呢間餐廳，估唔到餐牌上的價格大眾化$50左右，叫咗2個餐分別係蒜香炒意粉$50同早晨全餐$47，意粉好香蒜蓉味，個全餐都好豐富好味😋，食飽我哋都好滿足😊。小餐廳大意外，有機會要再去食😆

本人想更正之前嘅post，之前提及同街坊講開呢位態度惡劣嘅職員，想補充番佢嘅經歷：之前提及佢哋四個人一齊入去食嘢，呢位職員叫佢哋分開兩位兩位坐，係因為本來佢哋兩位已經入座一張卡位，仲有兩位朋友行緊過嚟，當呢位職員可能見到相熟客人，竟然同呢位街坊講，你哋兩個朋友未到，所以你哋要起身，分開兩個兩個坐另外一度，要求將呢張卡位讓俾佢相熟嘅客人，所以呢位街坊先至話咁我哋唔食啦，個職員就話人哋混吉本人覺得好離譜，有一張卡位街坊另外兩個位朋友都嚟緊，你冇可能要求街坊起身分開坐，俾張枱呢位位客人。

服務態度惡劣，食物亦非常普通，一啲都唔出色。同街坊講開，佢哋亦有其他態度惡劣嘅經歷，而我係：已調位一次，食物食到一半再被要求第二次調位唔知咩旁邊角落位，在拒絕後，之後有一位客人到，職員竟說，因為有人唔肯掉位，所以你冇位，我問呢位職員點樣唔肯掉位啊佢就話：話您咩，我話緊其他人唔肯調位。而當時呢位客人得一位，仲有其他位佢可以坐，佢絕對係冇需要咁樣講嘅，而我正正坐喺門口，佢係有心講！在第一次掉位後，我在等朋友嚟嘅時候，有三個客人入嚟話佢哋四位，呢位職員話，咁你仲有一個未到，你出去等，要等齊人先入嚟，打電話俾佢啦，我得返一張枱先到先得，而當時我完全感覺到佢係特登比說話我聽。佢舖頭亦都冇寫乜嘢過半數入座， 人哋三個已係度，嗰個行緊嚟，佢都唔俾人入！之後將呢個經歷同街坊講返，佢哋都有其他不愉快嘅經歷。佢地四個人黎食，呢位好串嘅職員，叫佢分開兩個兩個坐，我朋友就話咁我唔食啦，人哋四個人你點會叫人哋分開坐，人哋都係有權唔食走人㗎嘛，跟住佢就鬧人哋運吉， 而呢位職員講說話嘅語氣絕對唔係好的！有其他街坊都覺得嗰位職員態度惡劣，係好串嘅，可能佢不是一般職員！

剛經過附近，入去食左一個下午茶時間的早餐。我哋4人試了5樣食物。手撕雞歐陸早餐 - 手撕雞、多士、炒蛋、沙律 全部都好啱我口味，正！南乳雞球烏冬 - 估唔到佢南乳雞球都炸得幾好食，香香的南乳味但又唔會喊，雞粒炸完又唔乾，烏冬正常發揮，喜歡公司三文治- 多士烘得香香薄薄，熱辣辣好好食鴛鴦雞翼 - 2隻炸加2隻瑞士汁雞中翼，炸的香脆，瑞士汁的好juicy , 小朋友話2款都好好味唯一海鮮扁意粉就失色了，海鮮只有蝦和峴，峴似雪藏的而且帶苦味，成碟意粉都帶苦，汁都好一般，而且唔夠熱，只係微暖… 相比起其他菜式，哩碟就唔得了…. 總括來說，食咁多野又叫埋特飲，都唔洗300蚊，簡直就係超值！我估哩間會成為我食堂哈哈😆

位於藍地大街最入既位置，主要客源相信都係靠附近既屋苑，裝修算頗舒適光猛座位亦多，而食物款式同menu 設計，相片等都比人一種家庭式經營既感覺，價錢亦都相當平民化，除了食物款式多特飲款式亦多，似係餐廳+台式飲品店混合體既感覺手撕雞烏冬，因為都係因大路麻醬關係味道好正路，麻醬份量充足夠晒味，配雞肉亦係正路配搭，基本上都好難會整得唔好食，穩陣之選咖哩牛腩飯，帶有椰香，但咖哩汁係薄身較為"水"既感動，撈飯食時略嫌不夠惹味，牛腩亦偏韌，擺盤賣相不錯但味道一般飲品之前有一款芒果紅茶非常不錯，但最近都好似無再提供了，其他試過幾款都中規中舉，所以都係叫返凍檸茶穩陣

意料之外@屯門 原來屯門真係收埋好多隱世街坊小食肆🤣一到中午就唔知食咩好，朋友網上揾左呢間好似幾好食既小店就去試下，店舖都幾大，座位都算坐得舒寬敞，而餐廳食物種類有好多，真係睇到樣樣都想落單試下🤣 💥 重慶麻辣手撕雞拌公仔麵 HK$50食得辣既你地可以試下呢個，好麻香好惹味麻辣醬唔會太濃太咸，拌公仔麵連雞絲青瓜絲真係好夾👍重點雞肉無雪藏味👍 👍🏻 評分 : 8/ 10 💥沙嗲牛柳絲烏冬及蒜蓉牛油多士 HK$56沙嗲湯好食，沙嗲味道剛剛好，好滑好香配上烏冬，掛湯無得頂👍牛柳絲份量都幾多而且好滑，另有小小芽菜及豆卜配料，唔會咁寡👍 👍🏻 評分 : 8/ 10 💥 阿華田西多 HK$32（下午茶）朋友仔係阿華田愛好者🤣所以呢個係必點之一西多整個都炸得好均勻，面舖上柯華田粉，而入面亦夾了阿華田朱古力醬，好食👍👍🏻 評分 : 7/ 10 🥤柚香檸檬紅茶 （小特飲+$8）🥤椰香紅豆冰     （小特飲+$8）🥤蜂窩百香果綠茶（小特飲+$8）意料之外@屯門📍屯門藍地福亨村路8號豫豐花園地下Q號舖

幾年前試過一次就愛上，最近睇到有Youtuber介紹，見啲野食同自己幾年前食嘅有啲相似，就上Openrice搵一搵，原來真係自己幾年前食個間，只係佢搬左鋪，於是就決定黎新鋪參觀下，新鋪比以前大左好幾倍可能位置太偏嘅關係，即使係星期五晚，係餐廳食野嘅人都唔算多，但都不時會見到有人入黎攞外賣🍴二撇雞飯(黑椒雞扒+南乳雞球)($42)唔太鍾意食黑椒嘅人都可以試下，佢嘅黑椒味唔會好出；至於南乳雞球，可能係本人唔太鍾意南乳嘅關係，所以覺得唔好味，但如果鍾意南乳嘅人可以試下，因為南乳味係重嘅🍴鴛鴦雞翼飯(脆炸/豉油)($42)如果佢有個脆炸雞翼飯就好啦，因為個豉油雞翼好咸，咸到我會擔心自己食完會有腎病，反而個脆炸雞翼就岩岩好，唔會太咸兩個飯嘅汁都太多了，又豉油又蔥油，豉油分量又多，啲餸本身又有味，例如黑椒、南乳，再加豉油蔥油，就真係太多味道了。再加上啲飯咁淋，加咁多汁，係淋上加淋。我食嘅係鴛鴦雞翼飯，由於雞翼飯得個咸字，所以我就試下加佢地嘅辣油，唔加油，只落渣，即刻變得好好味，多左香辣味。值得一讚嘅係溫度，飯黎到嘅時候，連隻碟都係熱，因為我覺得野食夠熱先好味，所以我好介意野食黎到嘅溫度，而意料之外

#搞串個pantry今日就嚟到大西北#屯門 🧭搵食，呢間街坊小店好唔就腳🧗，唔近西鐵站。係輕鐵藍地站行過去都要大約10分鐘⏱️。每次嚟到呢間小店都只會叫同一個飯，就係二撇雞飯($50)，入面會有一塊黑椒雞扒🐓，同埋一堆南乳雞球！雞扒、雞球都非常嫩滑，一啲都唔老，黑椒🌶️同埋南乳嘅味道醃得剛剛好，唔會太咸，用嚟送飯一流。而飯都煮得啱啱好😝，最正係飯上面淋咗一啲葱油，令個飯香咗好多🍛！！！如果大家有機會嚟到咁遠嘅地方，又唔知食乜好，不妨嚟呢度食嘢！！細食嘅朋友，可以嗌少飯😉☺️

過去三週都來這店用餐，一直都想給它寫食評。在藍地這個帶點寧靜小村氣氛的地方，總有一兩間令人感到驚喜的食肆。意料之外就是其中一家。它的特色不只是禮拜日休息，還有它製作的食品。如果定意這店是茶餐廳、冰室，它的出品又似乎在這個範疇裡多一分你意料之外的想像，收費也屬乎合理。就一次過重記過去三次點選了的食品。另外，它只收現金，

聽朋友說 這家小店食物高質。襯下雨天沒地方去。就安排在這裡午餐🥣。湯烏冬🍜一向是我的最愛❤️，當然要試一下。烏冬質地可以，中上水準。但值得一讚的，竟然是 🐔雞排：入味，juicy ，重點是 皮脆不油膩。推薦😀奶茶☕️有茶餐廳水準，茶味夠又很滑。怪不得逆市中都可以小舖搬大鋪。加油⛽️

今日和朋友跑步後打算一齊搵地方聚聚，好好用餐休息一下，住藍地大街的朋友強烈推介，今日試食朋友推介的歐陸早餐，內容有半熟蛋、沙律菜、雞肉、蒜蓉多士，低碳好味，性價比非常高、環境舒適地方寬敞的一間街坊餐廳，值得推介。

由佢細細間~ 食到而家大大間證明佢既食物質素真係唔差我好鐘意佢地杯奶茶好滑，茶底唔錯~ 黑松露通粉 (8號餐)，蘑菇唔少架，個汁夠企身，直頭掛晒係d通粉度粒粒食落口都有個個黑松露汁係每粒通粉度~ 真係好正同埋最緊要係夠晒熱~!!!仲要呢個餐50蚊有找~ 真係好抵食~其實佢地仲有好多野好食架雞翼同埋炸雞扒都好正~ 事關佢地以前小店個時，我已經食過N次XDDD由於成日食,所以先至無影低XDD下次影返先XD

出色早餐，卡位不設搭枱。坐得好舒服。Good good good morning.一路都有食開意料之外，今日放假終於可以堂食早餐，店主用心研發新食品。沙嗲牛肉公仔麵係新菜式，食落面可充分掛湯，十分滿足。