Video
Read full review
2023-07-22
286 views
幾年前試過一次就愛上，最近睇到有Youtuber介紹，見啲野食同自己幾年前食嘅有啲相似，就上Openrice搵一搵，原來真係自己幾年前食個間，只係佢搬左鋪，於是就決定黎新鋪參觀下，新鋪比以前大左好幾倍可能位置太偏嘅關係，即使係星期五晚，係餐廳食野嘅人都唔算多，但都不時會見到有人入黎攞外賣🍴二撇雞飯(黑椒雞扒+南乳雞球)($42)唔太鍾意食黑椒嘅人都可以試下，佢嘅黑椒味唔會好出；至於南乳雞球，可能係本人唔太鍾意南乳嘅關係，所以覺得唔好味，但如果鍾意南乳嘅人可以試下，因為南乳味係重嘅🍴鴛鴦雞翼飯(脆炸/豉油)($42)如果佢有個脆炸雞翼飯就好啦，因為個豉油雞翼好咸，咸到我會擔心自己食完會有腎病，反而個脆炸雞翼就岩岩好，唔會太咸兩個飯嘅汁都太多了，又豉油又蔥油，豉油分量又多，啲餸本身又有味，例如黑椒、南乳，再加豉油蔥油，就真係太多味道了。再加上啲飯咁淋，加咁多汁，係淋上加淋。我食嘅係鴛鴦雞翼飯，由於雞翼飯得個咸字，所以我就試下加佢地嘅辣油，唔加油，只落渣，即刻變得好好味，多左香辣味。值得一讚嘅係溫度，飯黎到嘅時候，連隻碟都係熱，因為我覺得野食夠熱先好味，所以我好介意野食黎到嘅溫度，而意料之外
可能位置太偏嘅關係，即使係星期五晚，係餐廳食野嘅人都唔算多，但都不時會見到有人入黎攞外賣
🍴二撇雞飯(黑椒雞扒+南乳雞球)($42)
唔太鍾意食黑椒嘅人都可以試下，佢嘅黑椒味唔會好出；至於南乳雞球，可能係本人唔太鍾意南乳嘅關係，所以覺得唔好味，但如果鍾意南乳嘅人可以試下，因為南乳味係重嘅
🍴鴛鴦雞翼飯(脆炸/豉油)($42)
如果佢有個脆炸雞翼飯就好啦，因為個豉油雞翼好咸，咸到我會擔心自己食完會有腎病，反而個脆炸雞翼就岩岩好，唔會太咸
兩個飯嘅汁都太多了，又豉油又蔥油，豉油分量又多，啲餸本身又有味，例如黑椒、南乳，再加豉油蔥油，就真係太多味道了。再加上啲飯咁淋，加咁多汁，係淋上加淋。
我食嘅係鴛鴦雞翼飯，由於雞翼飯得個咸字，所以我就試下加佢地嘅辣油，唔加油，只落渣，即刻變得好好味，多左香辣味。
值得一讚嘅係溫度，飯黎到嘅時候，連隻碟都係熱，因為我覺得野食夠熱先好味，所以我好介意野食黎到嘅溫度，而意料之外係滿足到我呢方面嘅要求。
但今次真係有啲失望，以前好好味架，最欣賞係飯夠硬，同埋以前有好多選擇架，唔知係咪一向晚餐都咁少野揀呢。但都唔會再有下次了。
Post
