5/F Cafe (Closed)

真係食到成肚火...等野食等左成個鍾 (果陣無咩客人)...跟住同你講, 無意粉...仲要講到 1 D 悔意都無 ...好似無所謂...呢D叫咩服務..又無野玩, 又逼, D 野又貴.. 58蚊杯野..你催佢佢又好串咁話, D 野新鮮整係耐D 嫁!!!雖然野食都OK, 但細碟到唔覺自己食左野..一個成年男性起碼3碟先飽..大家!!!唔好去AR!!比人昆嫁!!!

同男朋友去食dinner,本來想去幾舒服的加勒比海cafe, 點知去到比人包場啦~本想試試高氏有無其他好cafe~點知去左間好唔得既... 早知唔試! T.T真係等左好耐好耐d野食先上~ 一路等,我地已經一路食緊二手煙..隔離o係度唱K既人, 喪食煙... 煲行曬煙,成個煙場甘.......好臭既濃烈煙味加上嘈音(唱K)雙管齊下,超辛苦.. 食完即走~上菜速度超慢, 食物細碟唔飽,甘過分的環境與服務 仲要加一服務費!以後都唔會去..亦請大家三思~

最近生日,好友約了我到這邊dinner上到去環境都ok,可能早冇乜人la老細同我個fd算認識,所以招呼都ok ge..不過後來多人就差d了,叫了一個餐要吹佢先來食物方面,味道都ok,但真係太少..少到食完好似冇食過咁食飯食唔飽對我黎講係好慘ga lor!!我們叫了2個意粉,一個係seafood意粉,一個係拿破倫意粉加一個豬頸肉飯意粉ok好食,拿破倫意粉幾spicy,o岩我!!但食幾啖就食完另一個意粉有cheese果,所以都ok豬頸肉飯就冇食,,我見飯ge份量ok,但豬頸肉就得4塊....真係呢不過比喊臉主要係因為果度個個都食煙,一度食飯一度食2手煙...好辛苦乜唔係食市禁煙ga咩??走果陣頭髮同3都勁臭lor!!!最後有一大班人唱k,真係好嘈,所有食完坐多陣都係走了..諗住cafe係舒服寧靜可以同fd chat下,雖然老細唔會趕人走,但d2手1煙同唱k音量就辛苦到我唔想逗留!!!

夜晚落去飲酒,迫到死我地十幾人,話就話兩張"台"連埋其實中間隔條大柱,望都望唔到朋友同朋友完全冇交流問佢拎"色鐘",佢夠膽死響我地其中一張台拎過另一張..又話咩如果嘔響地下又要陪錢之類服務態度差到咩咁收工趕客,我去個toliet姐,佢熄我燈!出黎見到老細,好有禮貌咁講聲啦佢望都唔望我,話:"喔唔好意思喎~"咁就行左去...!真係俾佢吹漲,百幾二百蚊任飲,得d淡到死既威士忌綠茶其他咩都唔包個toliet又細又污糟..洗手盆有人嘔完,幾個鐘都唔理!唔好去呀,十個差!!!

野食唔差，不過d朱古力真係好好飲！特別係草莓味、椰子味同香蕉味！超好飲牙>3<"仲有煙鴨胸+雜果沙律好好食！不過有度唔好，就係一到九點就轉哂環境！會食得煙同飲得酒！不過服務都還可以！唔似其他cafe，會趕你走！而且都唔會黑哂口面！但係九點之後就好嘈，所以想傾下計既朋友仔就要另選地方喇！

地方幾大，幾舒服！食物方面都唔錯，員工都好得意好玩得！我覺得最好食就黎佢地既鴨胸同雞翼餃子！不過佢地既野飲方面選擇就少D喇！仲有佢地9:00pm之後會轉酒吧型式！所有燈光都會較暗，桌上會放一個蠟燭！其實都幾浪漫既，不過我就覺得暗左D....當人客越黎越多既時候，仲會變到"發財，仔滿天飛！如果想靜D既朋有，我勸你地9:00pm前好埋單走人！但係想飲酒既朋友絕對可以試下，因為地方真係幾舒服，而且有卡拉OK tim...不過佢地收費有分時段，每人大約$100-$200 不定

夜晚9點幾上去食dinner,2個人叫左個香橙鴨胸沙律,所謂的set dinner(即係一個白汁蘑菇意粉)推介o既三文治,同埋野飲因為冇位,所以安排我地坐一D都唔舒服O既角落頭,落ORDER果陣要薯蓉冇薯蓉,要大蝦冇大蝦,好無奈地問一句:咁你地到底有D咩......大家DEAD AIR左算啦,叫左上列O既野食香橙鴨胸沙律沙律係最HEA O既罐頭什果+千島汁,少得可憐,推介o既三文治...好RAW,白麵包+青瓜+番茄+咸牛肉(仲送多條頭髮同埋眼睫毛添!!)催一次俾一次....野飲:朱古力香蕉特飲:勁假的香蕉味,檸檬樹,好淡,得香茅味同埋飲到成口香茅...以後都唔會去

今日有fd 帶我地去呢間野吹水。去到未夠六點，原本諗住叫tea set, 但個price 同dinner set係差唔多，所以就諗住叫dinner set。點知佢話未有咁早有dinner，佢話6:45先有，無計啦，唯有等。服務唔錯，staff 提議我地可先叫餐飲！我地都係等...同fds chat har, read har magazines, 不經不覺就到6:45啦！4 ppl ordered 4 dinner set。包湯, main course, drinks(<$28), member price is $50, plus 10% service charge.soup 係中湯，青紅carrot 湯，唔錯！我叫咗個香蒜大蝦意粉。good presentation of food, nicely presented on a plate with black boundary. 有成6-7隻蝦，份量ok。意粉好香蒜味，軟硬適中。叫咗個toffee choclate, 好香toffee 味，飲落都唔錯，質地滑，又唔會好甜，幾好幾好！我地坐咗3個幾鐘都無人趕我地走，服務幾

莫講話cafe呀！連一般茶餐廳都不如，講真我食大排檔都開心過去呢間cafe食。1)唔好俾個女仔吸引左上去 起初有個幾好人既女仔會o係高氏樓下等，又講到"留左一張長枱俾你地，好抵嫁"。點知上到去坐左唔夠個半鐘就叫我地走。講真，cafe都expect人地上耐d嫁啦！2)超唔好禮貌 叫我地走既時候，轉個身又眼超超又同其他待應講話"叫佢地快d啦"3)d野唔抵食總結︰唔好去食，食左後悔。如果想見識一下咩係一間最差既cafe，可以去試下。一蚊都唔想洗

原先我晏晝係去6B Cafe，但見宣傳話呢間野甜品唔錯，之前黎視察過環境尚算舒適，於是特登留空個肚，抱住不妨一試既心態同朋友落一層樓去5/F Cafe食埋個Dinner。環境：我係去5/F既。格調普通，全鋪白色裝修，OK乾淨冇露台，設了度牆去分隔連接開放式廚房既餐檯部分。唔想受煙既我地梗係坐分隔左既入面（內部）檯。聽到有班友玩緊大富翁，都幾癲下，為寧靜平淡既環境扣左唔少分數。同時由於冇露台冇窗既關係，通風裝置係冇，即係空調搭救。所以煙味係會幾重。座位方面尚算舒適，右面係一大個廿人式Sofa，駁住四張檯到。我地坐雙人位，一人一個單人Sofa，算係岩岩好既size，唔會話太大難坐，座位高度亦OK，冇話腳長會"Long"腳情況。左面係超陰暗既內部位置，明顯係費事裝修之餘又想俾顧客得到各適其適既選擇。但事實上入面陰暗得黎好焗，我去果晚係成間鋪十幾人，果個部分都冇人坐。評分：2分（5分為滿分）服務：餐具提供：比茶餐廳更差. 兩個人黎全程只俾一人餐具。食肉類會冇刀供應，飲湯冇湯匙。更加唔好講係碟呀、碗呀咁啦。（如果話多人，忙得滯冇時間逐檯理我都唔介意，但好明顯唔係！)侍應：內部座位係冇侍應長駐既，

其實不止第一次到5/F Cafe, 因為這間cafe, 在7/F和10/F都有不同類型的分店, 可能沒有太多人知喔!....."一站式服務".....環境(Environment)：" 5/F Cafe"坐位舒適, 用花做主題, 給人有大自然的feeling. "7/F Pub" 有卡拉OK任點任唱, 因為係大眾用, 如果歌喉不是太好的,就千萬不要試喔! 那裡仲有cocktail等...."10/F Bed Supperclub" 又係飲o野地方, 全部都係床, 任你點坐都得, 勁舒服!! 味道(Taste)：okay! 服務(Service)：7/F 員工比較熱情!抵食(Price)：合理!!乾淨(Cleanliness) : okay!

本人是5/f cafe 的superfans, 時常都會同朋友夜晚上去飲coffee 同傾計, 其實沒有其他食評那麼差勁!Dinner set係一定叫, 有湯, 有main, 有柸drink, 都係幾十銀, 可以坐好耐都冇人話, okay啦!食物, 同飲品等得不是太耐, 15-20mins左右就有, 我地好明白, 好諒解, 多人係要等, (唔等得, 去快餐店啦!)份量okay啦! 女仔一定夠食.

無錯!!!講得岩!!當十幾廿人去時無冷氣, 無位坐!哈........世間少有的cafe.....點只等佐兩個幾鐘食物仲叫乜無乜tim架!!我唔明點解搞手會揀個度呢世唔會再去!我唔知食佐d咩都要$100囉!!!如果想焗熱狗、玩鬥肚餓不仿一去~

怨恨啊~!一開始都冇咩期望架喇, 諗住冇期望就冇失望啦, 點知個結果係絕望!!!1. 訂左位去到都係要等: 都唔知訂黎做乜?!2. 唔夠位坐: 一行16人, 得一半位都冇...3. 饑饉三十: 由叫野食到有野食歷時兩個鐘+4. 野食份量少得可憐: 試想像下一份regular野食分做2-3份就係佢俾我地0既份量!5. 水都冇啖: 坐左兩個幾三個鐘連一杯水都冇, 到到第三個鐘, 我地取消d orders 0既時候d野飲就黎喇, 如果唔取消都唔知幾時先會黎!6. 價錢太貴: 最低消費係HKD$60, 我去同等cafe或更好0既都唔駛咁0既價錢~~!總結: 有錢但係冇野食, 冇野飲, 都真係香港少有.

星期六時我同朋友一共16個人到呢個cafe諗住有一個快樂既晚上，點知換來既無窮既沮喪及憤恨1) 我地訂左位，但去到cafe仲要等當多半個鐘比佢地預備d位2) d食物(唔計飲o野)只係得三款揀....3) 叫左d飯o係兩個幾鐘先至黎齊(第一盒飯o係個半鐘後先黎到)，因為d同行人士冇食定o野打底，個個叫苦連天!!!4) d飯份量好少得好可憐(你會懷疑係將一盒正常既份量分做三盒再分比我地食)，d飯本身又硬，雞扒冇味又難食，我食完簡得等於冇食，個肚仲係一片空洞，連d女仔都話唔夠呀，可悲!!!5) d o野飲o係兩個幾鐘後黎左五杯，d冰多到不得了，我身旁既美女飲左三啖已經飲完。唉~!! 我地黎左兩個幾鐘，途中連杯水都唔比我地，有冇搞錯。6) 個侍應簡直係廢，見我地咁又餓又渴都唔催下廚房o個邊，我地問佢d o野食幾時黎只係識講"就黎啦""唔知呀"，擺到明係佢老板擺佢上黎做出d客既出氣袋啦!!!結果我地一行人由於太飢渴(連杯水都唔比我地呀陰公)，結果唔等剩番o個十杯o野，個個嬲爆爆比晒正價(賺死佢啦)走人去食kfc算!!!!(我見隔離木台遭遇同我地差唔多，都頂唔順走人啦)你話，呢d咩cafe黎o架?