+5ºC 手抓餅專門店 (Closed)

黎到太安樓一定一定要食+5℃手抓餅專門店既手抓餅,真係好味到想番轉頭買多件黎食!(搞到好似賣廣告咁~ 哈)+5℃手抓餅專門店唔係好大間,但係就有好多配料選擇,另外仲有賣鹽酥大雞扒, 酥炸魷魚, 台式飲料,感覺似台灣夜市既攤檔咁~手抓餅師傅在一旁現做柯打,收銀哥哥就遞了張配料紙俾我自選配料,今次我選的是雞蛋,磨菇同燒雞肉,3樣配料當中,有2款都係推介,有叻叻手而醬料方面有沙律醬同辣椒粉,識食既緊係食佢原味啦~ 嘻嘻~ 所以我係咩醬咩粉都無加~拎住號碼籌,等左大概10分鐘就有喇~ 嘩~ 個鼻近近去聞一聞~ 好香啊~我一路行一路食~ 個手抓餅皮熱辣香脆無油益味~雞蛋配磨菇夠清新,醒晨早餐feel~燒雞肉啖啖肉,鮮嫩無骨滑捋捋,真係好正啊~

太安樓入面既熟食小店 一向有種 走火警 危險的感覺， 可能細細個阿媽就話「唔好行近啲小販度，因為走鬼嘅時候滾油會淥到」 😄😄 但係咁樣係阻止唔到飢詩， 買完就拿拿聲行出太安樓食 😆講返手抓餅， 點了芝士煙肉粟米， 食材普通但手抓餅 的確不得了，( 有點似超市買到的印度薄餅😅 ) 煎得香脆， 酥油惹味帶甜，讚 😃轟炸大魷魚， 有點走樣 😅， 魷魚近頭部有少少過乾， 魷魚本身嘅味道就不要 太高要求了， 但外面的 鹽酥脆漿還是很惹味的 😁飢point : 8/10#hungermarch #非飢詩 #飢詩

下午我在西灣河「蘇豪東」 ，光顧過一間韓國餐廳「X冰」，食過「辣炒年糕」跟「雪花冰」後，我步行返回港鐵站，近着「太安樓」的位置。其實我本來很想試食一次，「鴻X極品雞蛋仔」的厚底加朱古力格仔餅的。怎料我一回到「太安樓」，說好的「鴻X極品雞蛋仔」竟然落下大閘，沒有開門營業。整個「太安樓」也好像因為「鴻X」休息，而突然靜了下來，感覺幾乎死寂一片似的。我被迫暫時「放棄」朱古力格仔餅，將目光轉移到「太安樓」另一檔，賣台灣手抓餅的小店，店名叫做「+5°C手抓餅專門店」。我說「+5°C手抓餅專門店」是小店，其實是因為「+5°C」好像一個小販檔攤的格局，只露出一個窗口。我之所以這麽容易，在「+5°C」店前用手機拍照，完全沒有遇到問題，原因主要有三：第一，是因為「+5°C」在「太安樓」，只有一個小檔攤，「+5°C」沒什麼可以給你拍照。第二，「+5°C」檔攤只得一個小窗口，店內廚房環境，很難明目張膽地用手機拍攝過來。第三，「+5°C」位處於人多熱鬧的「太安樓」食街內，雖然「鴻X極品雞蛋仔」沒有開門營業，但是期間「太安樓」仍不乏西灣河的居民進出往來，跟店員因拍照問題而出現衝突的機會很微。而且，在我遇過的試食

今日約左朋友到西灣河打波，開波前先食小食醫醫肚，於是就相約去太安樓掃街覓食。之前試過手抓餅覺得好好味，但礙於手抓餅比較難和朋友share來食，所以今次點了鹽穌雞。炸粉粉漿唔厚，雞肉外脆內嫩，鹽穌味鹹鹹的幾惹味。

Good to have some snacks before my whisky class.  There are many snacks shops in 太安樓, but this one is my all time favourite before my whisky class. Yummy and fast to buy.There are many choices of ingredient to choose with , i like corn + cheese the most,  perfect combination, must try. 

K先生帶咗我太安樓掃街，雖然太安樓環境比較陳舊，但原來入面有好多地道港式小食，令我大開眼界，K先生就介紹咗呢間必食台式手抓餅。我地叫咗原味，配料就選擇了芝士加肉鬆，啱晒超喜歡吃芝士嘅我哋，手抓餅熱辣辣，香脆可口配上肉鬆芝士，簡直一流

今天特地到太安樓買點小吃，等友人玩完獨木舟餓了可以吃。這手抓餅店是去年新開的，吃過一次，感覺煮得不夠火候。所以今次點了些易熟的配料。剛好友人也是比較注重健康，所以我點了普通但會挺好味的蛋和芝士，然後還有磨菇，有點菜會更有口感又健康！等製作我的時候我就順便觀察一下店面，店面其實不大，但有各種台式小吃和飲品。而且我還發現原來它的手抓餅是30元起才製作呢！它的餅團是一早做好，一袋一面餅放著。然後用時把它煎熟煎脆。剛好我下單後沒有其他客人，所以師傅很有耐性慢慢煎。因此芝士和其他配料融合得很好！雖然只是一塊餅要30多元是比較貴，但其實味道是挺不錯的，算是值點價錢！而且見友人吃得很滋味滿足，覺得更加物超所值了。

對於新界西黎講，去筲箕灣耐過番深圳…距離上次去太安樓已經有一段時間，嗰次試左幾間小食，除左來來小食店，冇邊間有深刻印象想番啅。假期剛好去行山，行完山同朋友去到太安樓醫肚，朋友們食左車仔麵，屙到九彩，我神來之筆冇食到 (笑)。呢度有兩間手抓餅，上次我食過另外一間，揀錯配料，味道一般。咸牛肉雞蛋磨菇手抓餅 $37呢間每個餅最低消費30蚊起，餅底16蚊，平時我都好少點三款餸，焗叫。配料選擇豐富，定價 $5-$9，例如生菜5蚊；雞蛋、磨菇6蚊；芝士、肉鬆7蚊；吞拿魚、煙肉8蚊；咸牛肉、燒雞肉9蚊等。同行仲有兩位朋友，一人一份，即叫即做，等左廿幾分鐘，新鮮熱辣。餅皮酥脆，食落又唔覺好油，淨係塊皮已經整得好食過另一間配料都俾得大方，雞蛋普通野啦，但揀配咸牛肉一流！ 磨菇輕輕煎過，冇出水，唔會影響餅底鬆化。而且材料鋪得幾平均，起碼啖啖都食到，免費加沙律醬、辣椒粉，梗係加啦，成件事又好味左！咖啡香草奶茶 朋友點的，非常普通。整體黎講，如果黎到太安樓，都可以一試呢間手抓餅呢！

因為未吃過手抓餅，駐足望了一陣，還是決定試下。雖然名字叫手抓餅，但做的時候是用工具扶助，不是直接用手，可以放心。朋友挑了泡菜和牛肉，他給7分 (10分滿分)。我挑了芝士和蟹棒。餅底是我很喜歡的酥皮，芝士在熱力下溶化了，和蟹棒一起也頗夾。蟹棒的份量也 ok 。整體來說也 ok, 就是價錢以小吃來說貴了點。

無食佢地的手抓餅, 反而試雜誌介紹我炸魷魚。無相像中咁大, 炸粉唔算厚, 無想像中咁油, 上面有D 椒鹽, 幾惹味GE, 魷魚唔會UN, 炸得剛好, OVERALL 來講, 幾好食~

其實我想試第2間，因為另一間有紫薯手抓餅...我白痴...搵唔到 !! 想食照買 !! 呢間落 order 後俾錢拎飛仔就可以行開 !! 等左大概5分鐘左右就有得食喇 !!我 order 左 咸牛肉 / 粟米 / 芝士 / 吞拿魚...多謝 47蚊 !! 好貴囉...味道係好既...但一個手抓餅要咁貴...去食海南雞飯都係 25蚊 咋嘛 哈哈 !! 其實食水係深左d囉...香港人...憑良心收費好嗎 ?至於味道個酥餅係真係好好味既...好夠脆 !! 配咸牛肉好香 !! 其他3樣配料亦都同酥餅好夾 !! 粟米爽口 ~~ 芝士同吞拿魚溶合左 !! 整體上係配合 !! 只係價錢問題 ~~

平時食開格黎既姐妹炸物竟然冇開！！！朋友推薦話隔離既手抓餅拍得上係台灣食過既。。我對手抓餅冇咩興趣，所以去親台灣都冇試過，同台灣味道差別大唔大就比較唔到啦～但係味道就真係幾好食，出面層餅非常香酥煙韌，食落都幾多油。。驚驚見住整d香氣都飄曬出黎算數啦任何野加上芝士對我黎講就係世界級！對流住出黎既芝士抗拒力係零味道方面尚算適中，仲嗌左紫菜同雞蛋，但唔會再食同埋＄30一份。。我寧願過格黎嗌個飯食仲好

是夜，同朋友仔跑完步，來到太安樓吃番點東西。第一次來到傳說中的手抓餅。跑完步也不理了，齊來增加脂肪吧~即叫即煎，所以要等幾分鐘。餡料選了紫菜、芝士、蘑菇，都是鎮店之選啊~新鮮出爐的手抓餅熱辣辣，外皮非常酥脆。半溶芝士加上脆脆紫菜，口感非常匹配。再加埋爽口蘑菇，口感、味道都更上一層樓。我決定了下次跑完步要再來補充體力~ 😁

作為一個新界人，去港島區已經少，仲要去西灣河就更少。難得黎到太安樓！聽講一定要食手抓餅，朋友話紫薯果個其實冇乜味，反而呢間更好味。餅底HKD16, 然後逐樣配料加錢，每份手抓餅最低消費係HKD30喺落單果到有幾樣係店舖推介嘅配料，而我地就揀左芝士同肉鬆，盛為HKD30由於係即叫即整，所以係熱辣辣嫁！手抓餅都幾油下，淨係食塊餅都已經好油，但個餅唔會太厚，煙煙靭靭的。味道方面，咸度適中，由於叫左店員落多啲沙律醬，所以成個手抓餅幾乎都係沙律醬味，雖然都食到微融嘅芝士，但沙律醬幾乎覆蓋所有味了。肉鬆就冇乜特別，配料感覺上落得幾重手。味道係我中意嘅味道，我十分中意呢！加上熱辣辣，確實不錯。但係30蚊食個手抓餅，就真係幾貴喇！

一晚食左2間唔同既抓餅～首先講呢間原味既～今日因為要食2份，所以唔敢order 太多料～只order 左芝士+吞拿魚+紫菜～視覺上唔太澎湃，但其實唔錯架都～味道：喜歡佢既抓餅唔太油，唔太厚、好鬆化，熱啦啦甘遞上～餅底HKD 16- 自己再選取涵料~環境：外賣架～服務：有禮～