616牛肉火鍋專門店 (明德商場)

Open Now

Now Closed

呢間主打唔同部位既牛都係幾廿蚊一碟，而且份量都正常唔係話得幾片咁少，所以我每次都中意一次過叫唔同部位食價錢都唔貴👍🏻而且佢既豉油都幾香又唔會好鹹，有多種特別醬汁可以揀😍特別推薦秘製牛肉汁，有種好香酒香味甜甜地，用黎蘸各種牛肉都好夾🥰裝修設計好特別，好有傳統中國風味今次特登揀左二人火鍋套餐，平時都係叫開散叫難得見佢今次有套餐所以就叫左，轉鴛鴦鍋都只係加$20，今次我就轉左鴛鴦鍋同埋額外叫左碟胸口膀同鴨血😋♦️鴛鴦青花椒牛骨鍋：牛骨湯底好香而且唔臊，蘿白索晒啲湯好清甜好食，湯底有4-5件牛腩，牛腩好淋而且好香油脂味👍🏻青花椒湯底都唔會好辣或者嗆口，用黎淥牛肉配搭一流🤗但建議菜都係放番係牛骨湯淥好啲♦️匙柄（淥6秒）：初頭食幾舊有少少硬，後尾大舊少少果啲反而淋身啲♦️橫膈肌（淥6秒）：比匙柄淋少少，牛味會重身少少，油脂分布都算平均♦️五花趾（淥6秒）：都算彈牙但係有少少偏韌，係呢幾款肉類中肉質較硬♦️和牛赤身：油脂分布都平均，有少少入口即溶感覺，推薦👍🏻♦️芝士腸：有啲驚喜皮夠薄，芝士餡份量岩岩好♦️娃娃菜：好清甜，用牛骨湯淥好正😋♦️手打牛筋丸：唔會好痴牙，好爽口一咬落去有好多牛肉汁流出黎😋♦️胸口膀：極度

我鍾意打邊爐食下牛嘅特別部位😬「616牛肉火鍋專門店」就啱晒我😝.鴛鴦酸菜牛骨湯🍲酸菜湯底酸爽微辣🥬🌶️牛骨湯清得嚟又有牛肉香🥕🌿.特選和牛盛🐄有信州和牛肩胛、信州和牛腹肉🐮信州和牛赤身、澳洲五花趾🐂牛肩胛較精瘦，肉質嫩滑🤤牛腹肉同赤身嘅脂肪比較多😍肉味濃厚👍🏻五花趾彈牙😗.肩貝(4隻)🐚大隻鮮甜😋.肩胛翼板🥩油花頗多，帶少少細筋😉肉味較濃，有口感😆.鮮製手打烏冬(2個)🍜幼身掛汁，吸收晒湯汁😛.菊花桂圓露(2支)🌼清甜降火☺️

疫情後將軍澳區冇嘢食， 一直都來這裡食牛打爐， 有辣有唔辣， 湯底推介兩款： 唔辣有牛腩湯底， 辣就食青椒湯底， 這兩款湯底 出面比較少有。 牛質素keep著水準，有不同各部位任君選擇， 我個人比較喜歡食牛匙柄。 這裏已成為我坑口區的 canteen ，無限時，招呼好。

週末中午去到明德商場，順便睇吓有冇餐廳醫肚。見到616有午市優惠套餐，$38就有扒飯，抱住試伏嘅心態嚟試吓。$38嘅午市飯有雙重豬扒飯、牛扒飯或者雞扒飯。我哋兩位都選擇咗牛扒飯，一份配黑椒汁，另一份配蒜蓉汁。等咗一陣就上菜，咁個牛扒都係新鮮煎起嘅，見到個份量同埋牛扒嘅賣相相當驚喜，喜出望外。牛扒仲大過手掌，色澤都煎得唔錯。依個價錢可以比到呢個份量同味道，非常良心價，男士相信都會食得飽。醬汁嘅調味都正常，平民飯堂首選。依度空間寬敞，因為係火鍋店，所以餐枱嘅空間十分足夠亦都坐得舒服。

一個人午餐🥣打算吃火鍋，但沒想有啱我吃的湯底😅⋯⋯但見午市套餐有很多選擇，決定轉吃套餐：豉椒排骨飯，飯餸熱騰騰👍🏻兼有跟餐飲品🥤，都只係$48。其實午餐有很多選擇，價錢由$38-$48，真的抵食。

{616打邊爐 - $570}肉食大王過聖誕，有啲乜嘢玩？梗係麻甩打邊爐啦！616夜繽紛做緊8:30後所有正價食品八折！$48仲有一碟和牛！感覺好似好抵！餐牌多咗啲蒸牛肉球點心嗰啲，不過唔知係嗰日冇貨定係咩，我見唔到我最鍾意食嘅麻辣牛肉餃，同埋手打牛肉滑！有啲失望！整體嚟講對於肉色大王嚟講，616對於食肉獸同埋麻甩打邊爐嚟講，食物質素仍然係理想嘅，不過性價比真係唔夠其他高，同樣嘅價錢其實可以食到更加正樣嘅嘢！美味程度：😋😋😋😋環境指數：🎇🎇🎇番食機會：🦍🦍📍 #616牛肉火鍋專門店 (明德商場) (將軍澳)將軍澳坑口培成里10號明德商場1樓105-106號舖

第一次嚟呢間店食火鍋，坐低店員問我哋需唔需要預留一碟日本精選和牛，話做特價$48/碟，我問係咪好嘢嚟，佢話梗係，就信佢要咗一碟啦！碟和牛嚟到睇個樣都感覺唔靚，算啦！就試吓佢，點知淥完真係好鞋好韌，超差，其他匙柄都係一般，滑尾龍算好啲！佢連張單都打明我哋係walkin生客，畀啲咁嘅質素牛肉我哋食，係咪真係預咗我哋只係嚟一次冇第二次嘅呢？或者佢已夠晒多熟客捧場，唔使再招呼生客呢？🤔

將軍澳區唔使等位又好食，平時多數星期六，日中午後來食下午茶😅今次晚上收工唔想煮，去坑口站附近616。牛魔王就最啱來哩到，不同牛部位。湯底有辣有唔辣，仲有牛腩湯底可以揀。而家加左少許飲茶點心，但我個人比較專心，一心來食牛🤣🤣🤣🤣

經開將軍澳突然間想食火鍋就見到呢間616牛肉火鍋店，去到唔使等位，就可以入座👍🏻環境還可以，地方整潔，同埋見到餐牌好多款牛嘅部位都有得俾你選擇，餐牌所有嘢都係單點，用二維碼落單，我就會選擇左鴛鴦鍋，同埋有個窩蛋牛肉非常正，試完之後都忍唔住嗌多左幾碟😂呢間既牛賣相都唔錯，試左幾款牛肉都好食夠新鮮🤤而且仲有好多牛肉拼盤都好正，牛肉都有好多配搭而且又唔係貴，都幾抵食，配菜都有好多選擇，有機會都會想再黎試下😄

今晚過左黎將軍澳呢邊探朋友，晚飯問佢食咩好，佢話梗係落樓下食616打番個邊爐先，真係好羨慕佢屋企樓下就有好野食，行都唔洗行，如果係我應該個個禮拜都會食😂叫左我最中意既牛雜湯底，呢個湯底既料真係誇張地多，食到尾都未食得哂，仲要好食又入味，一定首選揀呢個湯底。食616最開心既地方就係可以叫到成枱都係野食，可以試好多款唔同既牛，價錢仲要勁抵。最中意一定係信州和牛赤身，因為入口即溶又有牛味既感覺實在太好，真係必叫。花雕醉牛又係另一個必叫選擇，加左花雕味既牛肉真係出色，就算淥熟左都仲keep到個酒味。滑尾龍加左蛋撈埋一齊食口感就更加滑更有蛋味。牛朴肉都係一個唔錯既選擇，牛味重份量都多。麻辣牛肉餃既辣味又幾正幾惹味。手打牛筋丸彈牙肉又夠厚實。最後梗係要加埋個烏冬吸哂d精華就完美喇。

-🍴🍽🍴🍽🍴🍽 🍲🍲🍲🍲🍲🍴🍽🍴🍽🍴🍽-616嘅回頭率真係好高！616近年愈開愈多分店，總有一間係左近🤣。佢嘅定價比好多其他港式火鍋低，但用料都好靚，食材又新鮮😆。🥢鴛鴦青花椒牛骨湯 $82 🆙湯底揀咗鴛鴦青花椒牛骨湯，一邊係有少少麻辣嘅青花椒湯底，一邊係清甜嘅牛骨湯湯底。兩邊嘅湯底各有特色，個人比較鍾意用牛骨清湯淥牛肉片，牛味更加出🤣。🥢信州和牛赤身 $78 🆙上次食咗信州和牛肩胛，今次就揀咗赤身試下。赤身偏紅，牛味突出，油脂較少，適合鍾意食瘦肉嘅朋友😋。信州和牛係由616係長野直接攞番到港，試左兩次單點信州和牛，下次決定直接嗌拼盤，咁就可以試埋個牛腹肉🙈。🥢雙拼牛肉餃 $50 🆙雙拼牛肉餃都係極力推薦！兩款餃分別係麻辣同原味嘅牛肉餃。麻辣好惹味，一咬落去辣油就滲出黎。個人比較鍾意原味，佢嘅牛肉味更加出。🥢手打墨魚滑 $50 🆙手打墨魚滑都係必試，份量多又彈牙👍🏻。🥢封門柳 $68 🆗🥢皇帝菜 $28 🆙🥢萵筍 $28 🆗🥢響鈴 $28 🆗🥢稻庭烏冬 $30 🆙🥢公仔麵 $12 🆗🥢菊花桂圓露 $16 🆙🥢朝日啤酒 $32 🆗🥸評價 𝗥𝗮𝘁𝗶𝗻𝗴𝘀🥸食物 𝗙𝗼𝗼𝗱 7.5/10環境

餐廳的環境非常舒適，裝潢現代且寬敞，提供了一個愉快的環境。員工非常友善和專業，提供了快速而有效的服務。最重要的是食物。他們的牛肉非常新鮮，切片均勻且品質優良。加上種類眾多，在這裏能吃到一般在市場找不到的種類。湯底的味道也很好，有豬骨、麻辣、番茄等多種口味可供選擇，每一種都有自己獨特的風味。此外還提供了各種鮮美的蔬菜和配菜，包括豆腐、魚丸、粉絲等等，讓客人可以根據自己的口味和偏好自由搭配。現在更有66折優惠，在餐廳六周年的時候好好把握吧。

打邊爐每個香港人都鍾意，但真正食到牛特別部位嘅餐廳就比較少，其中616就十分出名啦🥰 最近佢推出堂食限定嘅信州和牛🐮 啲牛牛係用蘋果飼養㗎！由616團隊喺日本長野縣直採到港，實行用中式火鍋食到高級和牛🫶🏻牛骨清湯 $62 有驚喜，清清哋但係帶有好濃郁嘅牛肉香😋信州特選和牛盛 $274 成個拼盤有齊信州和牛羽下肉、牛胸肉同埋赤身，跟set仲送澳洲五花趾～ 和牛果然唔同啲，羽下肉嘅肉質緊緻，好品嚐到佢嘅texture。牛胸肉脂肪就多啲，入口化化哋，推薦👍🏻 赤身味道濃郁，肉味好突出，油脂相對比較少～ 送嘅五花趾食落好彈牙！澳洲和牛牛頸脊 $68 每次去616我都必叫，牛頸脊食到少少牛嘅臊味，我本身勁鍾意呢陣味，所以好啱我胃口🤣安格斯橫膈肌 $48 肉質好嫩滑，唔會出錯之選✨如果你鍾意睇我嘅食評，不妨關注我，支持吓我，謝謝你☺️💕

今日到一田入貨，順便在附近晚餐。對616唔陌生，此店多靚牛。可是朋友今期玩生酮飲食，粥粉麵飯澱粉質都食唔得。所以今晚可以盡情地食肉了!!就座後，細看電子餐牌。除了大路的，常見的鍋底，竟然有福岡名物<牛腸鍋>。快快選定其他食材，再到醬料區調配料。 牛腸鍋     Fukuoka名物之一，雖比不上明太子那麼有名，但當地有很多牛腸鍋餐廳。無奈上次福岡之旅沒有機會嚐到， 今次當做補償吧！跟福岡當地餐牌圖片一樣，牛腸韮菜都整齊排好，再灑上辣椒，紅的綠的白的，讓客人對食材一目了然。   淺啡色湯底，是否信州味噌?  牛腸已剪開 ，保證乾淨。  鍋底還有大量椰菜呢！   先將耐煮的萵苣放在鍋裡，就來到美味的牛肉。信州和牛     看到日本地名， 就覺得<可能好貴>。如今三百有找可享4款靚肉，計落價格合理。 四款靚肉，由油脂較少的開始，向油脂較多的肉推進吧！先把火力下調，變做蝦眼水，再把牛肉放在勺子裡慢慢浸熟。在粉紅色剛褪去，剛轉成啡色的時候，就是肉質最美味的黃金一刻。靚肉呀 ~~涮几秒就ok，不能滾，不能overcook呢！ 五花趾   有筋有肉，分佈似牛展。因為夠薄

火鍋黎講係咩最緊要？對於牛魔王黎講，除左湯底之外，就係牛肉啦，所以我最鐘意去616，貪佢有好多款唔同部位既牛肉可以揀。最近見佢仲有款信州和牛可以揀，仲要唔係好貴，緊係黎試試佢。鴛鴦青花椒牛骨湯 $82青花椒湯底十分香，會有少少麻但係又唔算好辣，用黎刺激一下個味蕾就岩哂。牛骨湯就十分清甜，入面仲有幾舊羅白同牛，碌多一陣就好入味。特選信州和牛盛(送五花趾) $274呢個盛合入面就有哂羽下肉，牛胸肉同赤身三款唔同種類既信州和牛。三款和牛既外表都好吸引，色澤好好，而且油花分佈平均。牛胸肉既油睹係最高，所以食落會有種充滿油香既感覺。羽下肉相對上肥瘦既分佈比較平均，肉味比牛胸肉濃。赤身既油睹係最少，但係肉味係最濃，口感亦都係最結實。另外佢送既五花趾都唔錯，食落有咬口唔會太韌。滑尾龍 $48加左蛋既滑尾龍食落十分滑，而且口感十足，牛味亦都香濃花雕醉牛 $48花雕好入味，牛肉口感嫩滑。