616牛肉火鍋專門店

Open Now

Now Closed

呢幾日天氣凍凍地，又係打邊爐嘅好時間🤓616不嬲都好出名，可以食到唔同牛嘅刁鑽部位，鍾意食牛嘅朋友仔一定嚟。因為唔想食辣，所以叫咗牛骨清湯，入邊有成大條牛骨、蘿蔔，簡簡單單用牛骨牛仔已經好香，個湯夠青先至可以食到牛嘅香味。特選和牛盛有齊羽下、牛胸肉、赤身，仲送澳洲五花趾，初頭睇落以為份量得好少。點知同朋友仔一路食一路講點解好似食極都仲有🤣🤣🤣羽下油脂分布形狀細緻、均勻，形似羽毛😝 油膩降低嫩度升級。牛胸肉真係超好食❤️ 油脂雪花分布均勻，口感好軟嫩，超正。赤身脂肪比較少，咬落去牛味重。幾種牛有肥有唔肥可以平衡一下！616係牛肉專門店，所以一定有刁鑽部位，一直都好鍾意胸口油😳佢哋嗰啲切到細細件同埋薄薄地，輕輕淥一陣就可以食，口感爽牛味豐富。叫咗烏冬同埋菜，清清地湯底配埋已經好好食。嘢飲方面佢哋嘅手工啤酒都好出名，下次可以試埋。今次飲咗洛神玫瑰茶同菊花桂圓露，非常推介桂花桂圓露，唔算好甜，但係桂圓味道好出✨✨✨📍 616麥子 (尖沙咀)尖沙咀赫德道4號The Hart 1樓

616好就好在每碟細細碟牛肉款式多每樣都可以試下，不過其實試完都唔係好記得邊款打邊款牛肉色澤鮮紅，睇落都幾新鮮，不過如果食開牛頸脊或者和牛依啲脂肪比例多啲嘅牛肉會略嫌616嘅牛肉欠缺牛脂嘅油香。牛肉餃雙併嘅麻辣餃都幾辣下，淥得太耐仲會皮肉分離，建議大家淥熟就好快啲拎起，唔係啲麻辣汁就會漏晒出黎。個醉雞卷都幾好食，食到有香甜嘅酒味。炸魚皮同響鈴都係正常野，至少夠鬆脆。4個人一人叫左1杯酒飲，尖沙咀依間616麥子特式係有好多種類嘅啤酒揀，都幾有小麥香。依間都食過幾次，雖然有book位，不過見到都唔算話好多人要等位。如果人少少的話黎依度打邊爐幾好，唔洗份份都大大碟驚食唔到啲乜。

If you're a fan of hotpot and beef, then you absolutely have to try this restaurant's beef hotpot. They offer a wide variety of beef cuts to choose from, including premium options like wagyu beef and tenderloin.We particularly enjoyed the gold flower brisket, which was incredibly tender and flavorful. The marbling on the meat was gorgeous, and it added a rich, buttery taste to the broth.The wagyu beef was another standout dish. It was incredibly tender and juicy, with a melt-in-your-mouth textur

難得一大班人一齊食飯，要找地方不容易，老闆又話想食呢間，又有得訂枱，便一起來試試。說真的，因為剛過疫情，對出街打邊爐有一點恐懼，不過在話裡吃飯，有多了一份氣氛。食物上得好快，食啊食啊食⋯⋯巳經不知道吃了什麼😅，但牛有太多選擇，雖然店員有介紹，但吃得落口的都巳經放了入口😅。食飯質素高，不會放了入口覺得不好吃。坐位也坐得舒服，良好的飲食體驗。（是次沒有提供膳食款待）

為食妹👧🏻係嗜牛愛好者，616提供多款牛肉刁鑽部位，知道最近主打日本直送信州和牛，當然要來試試🤩。牛骨清湯🥣牛骨湯頭清甜唔肥膩。入面有幾件牛筋腩，煲至軟腍，白蘿蔔爽甜。特選和牛盛(送五花趾）由三款和牛組成。分別係牛肩胛、牛腹肉、赤身。牛腹肉油脂比較多，有種入口即化的感覺❣️。🐮五花趾爽口有嚼勁🐮滑尾龍拌勻蛋之後 滾幾秒口感超嫩滑🐮牛上肋油香十足 不錯自家製涼茶菊花桂圓露，淸熱解膩之選❤️。

朋友請食晚飯，去尖沙咀《616麥子》食牛肉火鍋，邊飲邊傾就最好不過啦😀！趁天氣涼涼地，重可以選擇坐喺露台位置打邊爐🥢🥢！落單就用iPad 自行點選夠哂方便！湯底～鴛鴦酸菜牛骨湯 $82主要湯料係牛骨、芹菜和白蘿蔔，牛骨經過長時間熬煮，湯底帶有濃郁的骨香味，而另一邊的酸菜湯底微微辣度，夠哂惹味😋！油趣魚皮係一道麻辣風味的小食！口感清爽、爽脆，非常適合用來作為下酒小吃，越食越惹味👍🏻👍🏻！罕有部位3送1組合 $204安格斯-橫隔肌肉質非常的細膩，口感非常的嫩滑！澳洲五花趾瘦肉和肥肉的比例非常的恰到好處，吃起來既有口感，又不會太膩口！澳洲和牛-牛頸脊肉質非常鮮美，煮熟後入口即化，滿滿肉汁！牛上肋是牛隻身體前腰部的部位，也是牛肉中最嫩、最美味的👍🏻！黑豚梅花肉 $68煮熟之後口感仍然嫩滑，肉質含有豐富的不飽和脂肪酸，所以口感豐富之餘，脂肪亦分布得好均勻👍🏻！水蓮菜 $28唔係太多地方有得食，淥一淥就食得，香香脆脆，口感相當好👍🏻！而其他火鍋配料味道和賣相都不錯，由其是油豆腐串和竹笙，吸收埋湯底嘅精華，好好味😌😌！

尖沙咀一帶酒吧多不勝數，閒時都會喺附近與朋友相聚，今次選擇咗嚟到呢間火鍋餐廳為朋友慶祝生日，大家都有不錯嘅評價👍先講講食物，呢間餐廳主要都係食牛，餐廳亦都展示咗牛不同部位嘅名稱，今次我哋比人多，基本上所有部位都試過曬，而最好食最深刻嘅莫過於滑尾龍，呢種食法口感滑溜，同時亦食到牛嘅鮮味！除咗牛之外，其他肉、蔬菜同菇類都唔錯，唯獨覺得餃子就一般般，餡料不太足夠，下次再嚟就唔會再叫了。生日飯當然唔少得同朋友暢飲一番，呢間鋪都提供咗好多唔同嘅手工啤同日本酒，因我自己個人喜好所以都係揀番大路牌子啤酒飲，只能夠話打邊爐飲啤酒真係絕配嚟🤙🏻呢餐飯我地仲帶咗蛋糕嚟，侍應都好好幫我哋準備好晒碟同叉，整體嚟講呢間餐廳絕對值得再嚟！

鴛鴦湯底：牛骨清湯 + 沙嗲濃湯有蘿蔔、牛筒骨作調味基底。牛筋腩亦有驚喜，有嚼勁而沒有流失味道。反之，焰岩沙嗲味道十足，蓋過新鮮牛肉味。若用來淥煮麵食或丸類，效果更佳。 (1) 匙柄帶有一丁點肉筋、肉質爽彈，入口柔軟。肉質比較像手切牛、配合港式火鍋最為合適。 熟成加拿大牛肩脊、澳洲和牛牛頸脊、以及加拿大艾伯塔嫩池板，都是第一次嚐試。油脂分布均勻、甘香，牛肉味稍遜。然而，手打牛筋丸一般。沒有爽彈多汁、口感也偏軟爛。提供多款刁鑽牛部位，搜羅更多不同產地的牛肉，專心品嚐大盛牛肉火鍋，偶爾一頓很是不錯。

同屋企人慶祝生日想食靚牛揀左616試，好正喎d牛！墨魚滑都有驚喜，好香！牛丸我覺得麻麻，好蘇。我地叫左20款，碟碟牛都好新鮮，冇乜邊款係唔好味屋企人都話下次可以再食！

🐮🫕初秋的邊爐最近616做緊特價7折食4碟指定牛，加上天氣稍涼，最適合同朋友去打邊爐🍲🐮星期五夜晚都幾旺場，好彩當日晏就打去 bk 位，最後坐室外都都幾舒服😌

616已經唔止食過一次第一次食係大埔總店今次仲有埋套餐$164 食到4款唔同牛既部位澳洲五花趾 安格斯橫隔肌 匙柄 牛駝峰本人鐘意食牛駝峰同安格斯👍🏻👍🏻👍🏻👍🏻👍🏻比較淋同肉味濃D鐘意呢間打邊爐店有介紹唔同部位 仲會教你每個部位淥幾多秒不過呢度既牛丸就真係麻麻 唔夠彈牙同冇肉味🙁有點兒失望要靠點醬汁D味道 醬汁可以出面拎 （ 特別推介牛汁+幾滴青檸 ）能夠提升牛肉既味仲叫左小食冷拌魚皮但唔知係咪雪得太耐 魚皮唔夠爽 有點兒韌🤦🏻‍♀️總括：價錢大眾化而且可以嘗試牛既唔同部位可以再食

對於女士來講任食火鍋係有少少唔抵😅😅與其俾呢筆錢不如食好啲其實價錢同放題差唔多🙌🏻但肉既質素就好好多所以都係一間唔錯既選擇👍🏻👍🏻雖然佢都有講限時不過因為嗰日我哋冇人等位所以其實我哋都食咗三個鐘✌🏻✌🏻✌🏻不過環境就大冷氣左少少但都明既打邊爐會熱呀嘛🙈湯底嗰邊其實有少少後悔叫左鴛鴦湯底😭因為清湯已經好足夠所以最後都主要只係食清湯底😂😂😅因為兩個人所以食唔到好多不同部位下次再試😋😋😋

第一次去616，不過唔係平時見開的火鍋專門店，而係麥子😍 主打火鍋 & 手工啤🍻🍻🍻呢度有唔同種類唔同款式唔同部位嘅牛🤩 配料又有芫荽😍 好開心🥳 而且又坐得舒服呢晚試牛骨湯 🐮+ 牛油麻辣鍋🌶️牛骨我覺得清清甜，飲落好舒服麻辣就夠油香，但有人話唔夠辣🤷🏻D牛呢，真係呢，好好食呢😋😋😋差唔多試晒所有部位唔同嘅質感同味道🤤意猶未盡，要諗定下次幾時再嚟😬唔飲酒？唔緊要，都有好多其他嘢飲，實有款啱你😁😁😁

遲來的正評！當日食完已經好想讚佢但係唔記得咗，執枱搵到張單先諗起當日突然間想打邊爐，睇吓附近有啲咩啊，之前食過大圍616感覺不過不失咁所以又黎食。門口見到手工啤都覺得幾吸引，所以試下，唔會好苦，有驚喜食物質素都不錯，雖然份量黎講唔算特別抵食，但係肉質新鮮滑嫩，都enjoyable非常impressed係服務大家都知打邊爐啲waiter都好忙，基本上上咗菜就由得你自己嚟。但係呢度啲waiters會眼觀六路耳聽八方主動加水加湯，跌咗支筷子，正準備舉手佢哋已經幫我攞咗對新過黎香港服務業揚威國際大家都知，真係好少見到中等價位餐廳咁好service有機會一定再去

616牛肉火鍋專門店成日都去，通常都係中午時間特式：呢間616好多分店，相信好多香港人都聽過，但我最鐘意去係佢尖沙咀嗰間分店（616麥子），因為佢環境最好，又唔多人，同埋呢間分店會有比較多嘅手工啤酒選擇，同埋好似淨係呢間分店先有串燒提供。食物：一人火鍋 - 最鍾意叫佢個一人火鍋，只係78蚊，但就有好多野食，有幾片牛肉，幾粒丸，兩隻蛋餃，兩舊豆腐，一隻帆立貝，一個蔬菜籃同一個主食，一個成年人已經夠飽，確實抵玩。熔岩沙嗲湯底 - 最鍾意叫佢呢個湯底用嚟淥公仔麵，入晒味，正到暈，淥烏冬都唔錯，因為佢夠杰身，都掛到汁。火鍋配料 - 佢有多款牛肉唔同既部位可以揀，蛋餃同丸質素都唔錯，如果淨係個一人鍋唔夠食，仲可以散叫佢其他肉類，lunch時段散叫餐牌其他食物有8折，幾抵食。小食 - 真心推介佢個小食，油趣魚皮，每次去親都會叫，好食到震，又爽又有少少辣，好香口惹味，送酒一流。飲品 - 有一般汽水，但最正係佢有多款手工啤酒揀，尖沙咀間分店有特別多手工啤揀，呢個都係我會成日去尖沙咀分店嘅原因。環境：餐廳環境好好，地方闊落光猛，枱又夠大，lunch時間又唔多人，坐得好舒服，又唔嘈唔迫。服務：服務態度非常