629雞蛋仔 (Closed)

呢間店平時都食開，啱啱買咗底原味雞蛋仔，收到之後發覺底下有好多黑色一點點，好似鑊燶咁，咁就叫個女店員換過底，佢話嗰d係上一底嘅朱古力，冇問題嘅，咁我唔會知你上一底係整咩味，咁就安全起見要求換過底新架啦，擾攘咗半分鐘肯換過底新嘅，佢就好不滿，話係朱古力啫，可以食得，唔係燶咗嘅，佢張舊嗰底好大力咁掉落垃圾桶。到新嗰底整好就用好唔有善嘅語氣叫我望清楚有冇問題，費時一陣又話要換，我立即叫佢唔洗啦，你退返錢俾我算。係你冇清潔好個盤在先，仲要用d咁嘅態度，我唔會再幫襯。

放左工入來呢區買D野。未夠鐘食晚飯，買個雞蛋仔醫肚仔先。話說新蒲崗都有間629，那間上過報比較出名。呢間個名一模一樣，唔知有無關係? 是旦啦! 都試下啦! 好肚餓呀! 小店得一個後生姨姨舖，當日唔算太多人。前面都係1-2個人等緊。我ORDER 完之後又有1-2個人光顧。我叫左個朱古力味蛋蛋，見佢加左好多朱古力碎! 等了1-2個字就有得拎了，姨姨認得我，好有禮貌咁同我講: 「你個雞蛋仔拎得了」。條街好熱，咁有禮貌都覺得抵返。雞蛋仔望落幾靚仔，粒粒都係完整無缺。拎到手即刻試試先～外脆內軟，朱古力碎夠多，食落好有朱古力味。 不過食到尾段(利申，前後大慨15分鐘內)，D 蛋蛋變軟身左...OVERALL:優: - 店員有禮貌又親切- 等候時間合理- 朱古力足料- 開頭都係外脆內軟- 價錢幾平劣: - 好快就軟身左, 建議快D食用完畢- 食完成手朱古力記得自備紙巾

來到土瓜灣剛好經過629雞蛋仔，聽說是新蒲崗出名的小食，於是就叫一個來試試！為即叫即做需要等待門口非常不明顯，因為外面在施工的緣故，不過都陸陸續續有人排隊，可見人氣很高雞蛋仔烤完後用風扇吹使外皮更酥脆朱古力蛋蛋 20雞蛋仔上面空隙很多，熱騰騰的咬下去，外層非常酥脆，尤其是邊邊的位置   內層則是有嚼勁與韌性，有點像麻糬的質地，很有驚喜不是空心的雞蛋仔，外酥內軟很高值，可惜的是朱古力味不突出，像是在吃原味的雞蛋仔。

其實都開左一段時間，今時今日先試😂咁岩今日行過男友話想食雞蛋仔，所以先試一試，其實平時都好少食雞蛋仔既～舖頭望落好整潔，雖然只有一人睇舖👀雞蛋仔有多款不同口味選擇，價錢方面以現時黎講算正常（mk/tst 一底原味都要$24），飲品選擇亦足夠。製作需時，需要等大約8-10分鐘左右，即製係好食既，個雞蛋仔都幾脆口，內裡軟熟，唔算太甜🤗而且價錢又算實惠，不錯不錯。另外叫左杯熱黑糖珍珠奶，突然今日好想飲熱奶😌最近又被人熏陶左飲呢種台式飲品，我平時唔飲係因為小妹唔飲奶茶🙈但而家鮮奶我就愛wo😂😂飲品評價就一般，奶香滑甜度正常，飲後好溫暖，但珍珠就麻麻，煙un 但無味我唔太like。

見到新開張，於是幫襯下。珠珍奶茶，17元。叫了少甜小冰。有茶味，但不重，沒有太大奶味，整體味道遍淡，十分麻麻！珍珠好*un*，not good.. 不會再試。芝士雞蛋仔，比想像中好食！雞蛋仔外層幾脆！食落有芝士味，咸味芝士！裡面都好鬆軟，不錯！

某星期六係土瓜灣晚飯後，好似若有所失。咪就係未食甜品囉，晚飯果度冇甜品食呢！經過呢間舖頭，聞到陣陣蛋香，啱啦....甜品就係你─雞蛋仔，佢呢度叫蛋蛋。我地等左一陣先落到order，因為係我前面有2位客人，而蛋蛋係即叫即做既關係，佢會做到差唔多先再幫客人落order。我本來想要金莎蛋蛋，但佢話賣哂，所以只好叫朱古力粒粒。一整出嚟果下即食，都好香蛋味同朱古力味，但好快就覺得唔夠脆，只食到煙煙韌韌，都算合格啦。

工作結束後有點餓，邊走邊嗅到有濃濃的香氣，走上前一看，原來是雞蛋仔和夾餅，於是決定買一底試試。雞蛋仔和夾餅的味道有很多，每款也很吸引，實在難以挑選，最後選了朱古力雞蛋仔。雞蛋仔是即叫即製，所以需耐心等待，由於等候人數不算多，所以只等了一會便可。接過雞蛋仔，已經感受到熱騰騰，而且香氣撲鼻，能嗅到朱古力香，令我急不及待一試究竟。雞蛋仔外脆內軟，朱古力味不算非常濃郁，而且帶點苦味，不會只有甜味，沒有可可的香，相信用的不是偏甜的朱古力。粒粒雞蛋仔的縫隙部分則十分香脆，咬起來「嚼嚼」聲，十分適合喜歡有口感，又愛爽脆的朋友。小店還有飲品可點，今次未有嘗試，下次可以一試，再試試夾餅，看看會否更為吸引。

土瓜灣新開了一間雞蛋仔店，當然要試試我最愛嘅紫薯雞蛋仔，每粒雞蛋仔都有大大粒紫薯，中和了雞蛋仔的甜味，配合得相當好，第二次就試佢嘅原味雞蛋仔，同其他店一樣都係偏甜，蛋味略嫌唔夠濃。

年初三突然想食雞蛋仔又記得網上有人推介新蒲崗629，即刻去碰吓運氣。可惜仲未開市，但門口張貼土瓜灣店初三營業，當然要去試試😬店子好易揾，可能仲係新年假期嘅關係所以唔係太多人排隊。原味雞蛋仔$16 - 出爐後店員會放在風扇吹一會，看似好專業，但由食第一粒到最後一粒都係𣺉嘅😓原味格仔餅$19 - 比雞蛋仔好味，厚身有質感，可惜都係𣺉身🙄看得出此店是用心製作的，耐何可能太新，未能控制好品質。希望日後會有所改善。稍後會到新蒲崗店再試試。

雖然紅磡「黃埔花園」附近一帶，已經接駁了了港鐵「觀塘延綫」的港鐵站，交通已經方便了不少，可是黃埔北面，以舊樓區和工廠區大廈為主的「馬頭圍」跟「土瓜灣」，現在還在苦等「市區重建局」，以及港鐵的「沙中綫」來打救。我從紅磡一路向北走，最後走到土瓜灣近着九龍城「宋皇臺」的位置，終於都正式走到盡頭，被迫停下休息一陣。「土瓜灣」附近當然有食肆，但是不是所有的食肆都適合我幫襯。因為有些食肆有「電視機」坐鎮。有些食肆，從我主觀角度的眼睛觀察一會兒以後，直覺就忽然告訴我，那些食肆食店，老闆伙計的樣子，恐怕未必會歡迎食客在場舉機拍照的。所以我走到最後，還是停了在「土瓜灣道」附近的地方，細心觀察了一陣以後，就看中了一間賣「格仔餅」和「雞蛋仔」的小食店，名稱叫做「629雞蛋仔」。「629雞蛋仔」的生意以外賣自取為主，就連「629雞蛋仔」的餐牌，也是以「易拉架」，跟張貼在「629雞蛋仔」收銀櫃檯出面的幾張「A4紙」為主，門面規模始終還是簡樸的為主。「629雞蛋仔」把它們賣的「雞蛋仔」小食，改了名稱叫做「蛋蛋」。「蛋蛋」的名稱好不好聽只其次，最重要的還是「蛋蛋」價錢還不算很昂貴。已經幫襯試食過「629雞蛋仔」的人

雞蛋仔通街都係，不過有誠意嘅愈嚟愈少。629 雞蛋仔算係少有足料又創新嘅雞蛋仔。呢間店幾年前喺新蒲崗開店，最近嚟土瓜灣開分店，一樣即叫即整，雞蛋仔內脆外軟，粒粒都軟綿綿㗎！

星期六的下午路經土瓜灣道時突然傳來一陣雞蛋仔香味，就見到一條小小嘅人龍，當然要去八卦一下啦 原來有一間新開嘅629雞蛋仔，除了原味之外，還有不少特色味道！作為芝士控，我必然選擇芝士蛋蛋～芝士味香濃，份份新鮮即製加埋吹風機所以雞蛋仔又熱又脆，真係食到停唔到口！一試難忘如果多幾個朋友同行就必定試多兩款口味&格仔餅