八喜 (Closed)

與同學聚舊,她們挑選了這間,論裝修和價錢,都看不出是美心集團的「八喜」。我們三個女子,看到招牌菜,不消兩分鐘,已點了不少菜餚,而且廚房也很快手地續一端上來。冰鎮花膠筒$42(以信用咭,滿$300,free的),花膠煮得入味,但略嫌不夠腍。八喜招牌春卷$30,除了有長蔥外,材料豐富,有蝦和蟹肉,炸得非常香脆卜卜!未吃過這個配搭的春卷,真是很出色!台式胡椒餅$30,餅皮有焗的風味,胡椒肉餡微辣,是义燒包的稠汁,不是湯肉汁,所以屬港式美味。招待大盆雞$88/半隻,以煎焗煮法,調味汁料封著雞,和薯仔,好不惹味!石鍋胡椒蝦$108,椒鹽胡椒外殼偏咸,舔過濃味蝦殼,凸顯蝦肉鮮味。酥皮韮菜盆$26,失望「酥皮」竟是印度薄餅!包著韮菜和甘香蝦米,靠汁液,顯得juicy,但是……印度薄餅囉….青蟳米糕$108,蟹有點酶,糯米飯層,份量薄弱,這個是唯一不好吃的菜。大家吃得肚滿腸肥,整體是很滿意的!如大伙兒吃,相信可再發現更多好東西。

星期五晚九點幾先響附近搵嘢食, 有人話呢間又近又幾好食, 又熱又唔想諗下黎左. 黎到估唔到都仲好多人,等左5分鐘先有位.大堂其實都算嘈, 入面好少少. 可能都係美心集團, 裝修格局有d似ricepaper. 只係光d. 菜式選擇都幾多. 芒芥蝦球: 6舊, 賣相幾靚, 蝦都幾大隻, 冇乜芥辣味, 似芒果沙律醬多d, 夾埋下面塊米通食好正. 牛肉餅: 原來係咖哩牛肉餅. 餅皮係老婆餅嗰隻鬆軟皮. 雖然咖哩唔夠香, 但味OK的~櫻花蝦抄飯: 唔知點櫻花法. 但個飯同蝦仔都好香, 飯夠乾身. 好好味~小籠包: 都幾多汁, 汁亦唔會太油, 皮都夠薄, 好~紅燒肉: 肉卑男人好快食晒, 食左件豆卜, 味不錯, 唔會太咸, 但稍油.另外叫左個芥蘭同上海抄麵. 未試到已清晒.總結: 八位人士一致評語為十分抵食. 後尾上返開飯先知原來係台灣野…真係唔覺…不過好食就得啦~ 推~

一班好友相約到八喜吃飯。我第一次光顧，見到餐牌介紹菜式吸引，價錢不貴。我們九人點了很多菜：金瓜川味牛拔絲咕嚕肉半隻大盆雞豆乳兩味蝦荷包煎蠔仔上湯時菜米湯魚腐翡翠苗櫻花蝦炒飯老上海炒麵鮮肉鍋貼餃六隻八喜牌春卷合共718.30所有菜都用大量味精炒，吃後很渴，不太舒服。菜的賣相不錯但沒有下次。

晚膳於灣仔八喜，試了以下小菜：花膠竹笙雞絲翅：手執coupon一張免費享用。還是一般的豆粉茨，翅量稀少，若以原價$98點一客就唔抵食喇！荷包煎蠔仔：賣相不俗，蠔仔大葱炸得香脆，好食！芒芥汁明蝦球：蝦球用料一般喇，但芒芥汁味道幾特別亦幾好食。下層的米通仍然脆口，值得一試。無錫骨：肉質幾腍。甜度略為多一點，醋酸味多加一點會更平衡。金瓜川味牛：金瓜牛同樣炆得幾腍，川香醬汁亦挺惹味，屬小辣菜式。米湯魚腐翡翠苗：普通。所謂魚腐似魚蛋多一點。有機蔬菜窩：用類似羅宋湯的湯底烹調各式(中式)菜蔬，感覺有點怪。菜蔬用料有白菜、小棠菜、西蘭花、草菇、小蕃茄等，質素OK。銀絲卷：普通。台南胡椒餅：普通，胡椒味不重，不夠正宗。

懶人真的是沒辦法，朋友約食午飯，也不想走得太遠，費時坐車，選來選去還是八喜。中午11：00，不用等位。又是我點菜，就還是那幾味，鹵肉飯、鮮蝦餃、灼菜、叉燒腸，朋友點了燒賣、流沙包，食來食去都食不厭。點解？鍾意，沒辦法。鹵肉飯的質素繼續保持，蝦蛟、燒賣不過不失，蝦蛟都算彈牙。灼菜也算新鮮，流沙包不太流沙，總體算是不錯。只是人手好像好不夠，好耐都不見有侍應加水，但態度又不算差，起身走時，電梯口仲好多人在等位，出入電梯都好費時，空間太小。時下又是最低工資，又是加租、物價上升，多一張台算一張台，店家也是沒辦法啦。

因為上次去八喜食滿 $500.00, 有 5 個印花, 所以會送一窩大約 4-5 位用既 "花膠竹笙雞絲翅". 不過最後限期只係去到 20/07. 所以就約埋幾個朋友今晚去食果窩免費既 "花膠竹笙雞絲翅".雖然我地一早已經訂左位, 但由於太多人, 所以都要等大約十分鐘先可以安排我地入座, 都尚可接受.今晚既飯局, 除左想食果窩 "花膠竹笙雞絲翅" 外, 另外都想試下其他上次未試既精緻小食.我地五個人, 總共點左五個小食, 兩個小菜, 同埋一個拉麵, 份量岩岩好, 仲空間留待去食甜品.八喜招牌春卷 $30.00叫得招牌, 果然唔錯. 食落去既感覺, 有少少似懷舊小菜 "酥炸小棠菜" 既進化版...唔錯!!!冰鎮花膠筒 $42.00個茨汁好好味, 花膠好爽身同埋好入味, 唔錯!!!花雕醉雞 $48.00一上枱, 就聞到好香, 好濃烈既酒香味, 至於雞肉就一般, 唔算好滑, 不過就好入味.個人覺得不過不失.酥皮韮菜盒 $26.00上次食過之後, 愛上呢個小食, 所以今次指定一定要再點!!!!灌湯小籠包 $30.00不過不失, 唔算好, 亦都唔算差, 但都尚可一試.花膠竹笙雞絲翅 (原價 $4

因為細妹就黎生日, 所以我地一家人就去左灣仔八喜同細妹預早食生日飯.由於訂左位, 所以去到唔洗等, 即刻有位.今餐八喜生日飯局, 我地總共叫左四個小食, 三個小菜, 一個拉麵, 再加兩個甜品, 食到大家都好飽....麻辣鴨舌 $45.00唔算好辣, 而且又幾入味, 唔錯!!!酥皮韮菜盒 $26.00個酥皮做得唔錯, 好多韮菜, 個人就好鍾意呢個小食!!台式胡椒餅 $30.00好重胡椒味, 好香!!! 不過我覺得太多肉燥, 同埋比較 "漏".如果佢好似韮菜盒咁扁番少少, 冇咁多肉燥, 可能會冇咁 "漏", 會好少少. 所以個人就覺得麻麻地...肉燥蒸芋粿 $28.00因為我麻麻地鍾意食芋頭, 所以只係食左半份. 食左半份, 個人就覺得一般啦, 冇咩特別. 不過媽媽呢個愛芋者就話好味....縐紗魚頭窩 $88.00類似砂窩魚頭既做法, 只係之後改放魚湯.難得份魚湯唔會因為個魚頭炸過而令到好油, 食落去, 可以話係完全感覺唔到有炸油出現...正!!!!同埋份魚湯好清, 唔會太濃味, 岩哂鍾意食清清地既我地, 所以大家都好鍾意!!!招牌大盆雞 (半隻) $88.00好有食啫啫雞既感覺. 雖然裡

前菜退了步，豆角頭未去、花生太林。翡翠苖很新鮮，但是有d苦京蒽爆牛肉，牛肉份量足，但有點un鹽燒鯖魚，一到附近，腥味已到；不過，有想𣎴到的滑。再加上芥苿，更好味。金瑤茄子炆飯有很多的瑤柱，但冇味。不過，味道不錯

又是美心集團的食肆。下午茶時段，大、中、小點一律$8.8，表面上有點競爭力。不過茶芥犀非利，$8位茶，還要整碟$12的泡菜，再加一，所以兩個人食了3樣點心，都要$60埋單，算不上便宜。點心質素亦麻麻。煎芋頭糕表面不香脆，內裏又嫌過於腍軟。更大問題是其味道，甜得古怪，還要跟碟甜醬！怪上加怪！燒賣外表白得過分，食落也是過腍，沒有豬切肉的嚼勁，口感似是魚肉。相比下最好是「健康南瓜包」，熱辣軟熟，而且南瓜餡的味道清淡不甜，符合健康之名。

上午休息，剪個靚髮剛好將午市最繁忙的用餐時間錯過，2點20分行到八喜，慢慢食個午餐先。作為美心旗下的八喜，食品一直都保持水準，每一次前往，見到的出品基本上都不會走樣，飲食業最難能可貴的就是堅持和保持。如往常一樣，我還是點了小籠包、灼芥蘭、肉燥飯、金瓜牛肉，太大食沒辦法啦。小籠包：皮都算薄、餡香、汁多，只是比起**的小籠包還是稍為遜色一點點，皮略厚。灼芥蘭：芥蘭頭有去皮，也沒有花，並不油，有蠔油另上，很爽脆，嚼時完全沒有渣。肉燥飯：飯又香又韌，鹵肉汁剛好，肉碎肥瘦適中，不油膩，非常香，一粒都沒剩。金瓜牛肉：金瓜即南瓜，除了蓋和身不是原配及器皿有缺口之外，都無可挑剔，蓋的南瓜有股水味，不香不粉，南瓜身就剛剛相反，牛肉粒粒都是牛筋腩，有點辣辣得，又香又淋，好味！不過實在太多，三分之二是帶走的。

1:00p.m 午飯時間特別多人,我和朋友共 4 人到步時剛有一張卡位,落地玻璃顯得室內很光猛.我點了鴨舌、煎包、擔擔麵等台灣菜式.點心即叫即攸, 新鮮熱辣, 而且味道不錯. 店內亦有足够侍應生, 添加茶水亦勤快.只是沒想到叉燒包一籠只有 2 個. 如果有 3 個會更加.大大碗擔擔麵只是三十多元. 雪菜肉絲炆米就咸咗 d. 米粉太諗. 最美味算是鹽燒靖魚, 外皮香脆, 魚肉多汁. 我們點了 10 款點心小吃, 才 $340 左右.不貴呢.

上週日和家人參觀完景賢里後，一家人就從半山回到灣仔，由於家母想飲茶的關係，而自己亦沒有甚麼主意，結果由吾家妹子帶路，到了軒尼斯道一間名為W Square的大廈，再按電梯二字，到了一間名叫「八喜」的中式食肆，有點面善，也記起是美心集團旗下的台式美食概念店。這種在港式飲茶入面，滲入外地風味的中餐廳，已是屢見不鮮。翻看菜譜，除了粵式的點心之外，更有不少來自台灣的小吃、小菜及粉麵飯食，連珍珠奶茶也有供應，不過今次還是以品茗為主。經商議後，也就點了一個四人套餐，分別有冷盤一個、四個自選點心，小菜及炒粉麵飯各一款，以二百餘元的價錢來說，划算與否見仁見智，但款式甚多倒是不容置疑。先來的冷盤是肉鬆豆腐配皮蛋酸薑，所用的皮蛋來貨甚佳，溏心程度直追鏞記的水準，配上酸薑下固然匹配，中間的肉鬆豆腐亦是不可少覷，質地甚滑之餘，淋上蠔油芡汁之後再鋪上肉鬆，確是多了一份鹹中帶甜的味道，整體來說已是不俗。但個人認為如果芡汁能減淡一點，效果可會更佳。打後來的都是常見的點心，以美心集團的水準，想差極也有個譜。炸春卷不算油膩，薄身的外皮頗為香脆，內裡的餡料則香口惹味，水準之作。蝦餃的外皮稍厚，不過呈上的是奶白色澤，看得出是

因9點幾做完yoga先去食，所以2位女子只係小吃3樣野，簡單報告一下： 《灌湯小籠包》皮超超超簿！夾個包頂都差d爛，好彩最後幸保不失~~ 湯汁超超超多！送上檯時仲震騰騰架！湯汁好鮮甜，大愛！下次必定要encore！ 《台灣牛肉麵》不過不失，牛肉炆得軟腍入味 ，有2大舊牛展肉加一舊牛筋，算慷慨。 麵較腍，失色不少；而湯望落去深色，味道卻淡淡的，完全沒有牛肉香...... 《魚腐翡翠苗》魚腐非油炸，但味道比較重手，仍不失鮮味；翡翠苗生吃勁腥，煮熟了反而易入口，纖維極豐富，呢味餸非常健康！讚！下次會帶屋企人去食小籠包~ 一人一籠丫~~唔該！p.s 因有coupon，扣了$20

今晚一行三人到灣仔八喜食飯.今次是第二次再到此食飯.一共叫了九道菜.還有糖蕃薯,是用蜜糖,不太甜.九份珍珠糖水,不太甜.味道適中.我會再去試其他食物,最想一試麵食.

星期日飲茶又迫又窄，平日細枱的位置都改放十幾人枱，地方面積不大，出入要多人借路。選了3個4位套餐及些點心，餐內各有1款小食、4款點心、1款粉麵和1款小菜。食物似中日台式，平凡中亦見特色，如香脆的百花紫菜卷、有皮蛋的肉鬆豆腐、上海口味的肴肉、爽口棉花雞、香口的鹽燒鯖魚、迷你板的滬江餈飯、客家蒸茄子和名字有拔絲但不拔絲的咕嚕肉等。阿嬤炒年糕、瑤柱桂花炒米粉和櫻花蝦炒飯很乾身不油膩。喜歡清淡口味的會抗拒重味的胡椒餅和煎牛肉餅。其餘點心如飽點、蝦餃、菜苗餃、滑雞扎和豆沙窩餅是美心集團的水準，外型美觀，食物可口，最後encored流沙奶黃飽。結帳用了上次送的$50 coupon。