八居酒屋 (天文臺道) (Closed)

情人節選擇到這間餐廳慶祝，可惜用餐體驗極差。首先侍應不足，而且各人都好像第一日上班，每次出餐或結賬都要查找一輪才找到相對枱號。其次是食物，總共下單七款串燒，一個西京燒銀鱈魚，一個鵝肝多士，一個燒飯團。可惜的是上菜極慢，由下單到上完都已經差不多一個小時海，完全沒有意欲再下單只想盡快離開。儘管上菜極慢，但菜式上枱卻沒有它應有的熱力，只有保持室溫。最後結賬約六百圓，但完全對不起這個價錢，更對不起這個節日。

慶祝聖誕節再次定位幫襯 -好在有訂位 6：30 入座時已滿座雖然食客多但都不失水準 食物質素不變、正、 今次再試下未點過嘅食物 串燒疏菜， 牛肉他他，都係唔錯。當然唔少得要點牛類食物及串燒，生蠔特別肥大 刺身仍算合格整餐食得開心之餘 朋友完全忘記影相 又再計劃日期 下次再食

今晚約左朋友出去尖沙咀搵野食，諗起朋友話天文臺道有間居酒屋餐牌幾吸引。啲食物即叫即做，橫掂同朋友吹水都唔趕時間，決定一試。去到之後見到餐廳有室外，可以食煙又望街，就坐咗外面啦。正 食物味道唔錯 食物款式多 串燒即叫即燒 落單十分鐘左右陸續送到 反正飲酒吹水 仲可以慢慢食價錢相對其他居酒屋算唔貴食品新鮮特別叫咗期間限定食品 pizza 清酒又多選擇最終店員推介咗、匠 、整餐非常滿足 一定會再嚟食不過下次再嚟一定會喺OpenRice訂座，因為原來用Apps訂座有折扣優惠。

11月 12月 特別多飯聚 諗食都頭爆約到尖沙咀都唔知食咩好行下行下 去到天文台道 見到呢間居酒屋 都幾好氣氛 再睇埋餐牌食物/飲品款式多 試試佢 果然不錯 喜歡食牛嘅朋友 點咗仙台牛舌， 安格斯牛扒入口軟淋多汁 即燒串燒蔬菜肉食 樣樣有齊 味道不錯 價錢又唔貴 慢慢食慢慢傾 成晚食，飲，傾 成餐飯咁就開心歡聚幾小時 值得讚賞講真近日出街食飯多，呢間係令我最舒服嘅經驗起初都怕被催交檯 待應話唔怕 慢慢食慢慢傾 “疫情少聚難得之日” 超窩心值得下次再黎

今次約咗兩個朋友坐咗喺酒櫃前面，都幾多款酒👍叫咗串年糕同牛蒡漬飲住啤酒等次次黎都一定食燒牛舌同炸雞湯烏冬。朋友飲酒就話要食串燒。今次食左燒大啡菇，都好好食😋唔會好乾。

中午去店裡沒什麼人，但還是等了四十多分鐘，並且催了之後才上菜一上菜桌子上就開始爬滿小蟲子，坐在周圍的其他桌的食客都看到了商家還沒有經過我們的允許在食物上噴消毒水，據說是食用酒精但。。。店家問要不要給我們重新做，但我們太趕時間而且太餓了，所以隨便吃了幾口換了一個桌子終於沒有蟲子了吃完發現商家還把我的訂座取消了，也拒絕給任何折扣這家店衛生狀況真的有問題壽喜燒特別甜，完全不好吃，吃了兩口就不想再吃了很差的體驗，再也不會來了

每次路經呢間餐廳⋯⋯都講話下次嚟試吓！尋晚咁啱朋友book咗呢間居酒屋，餐廳環境感覺舒適又有露天座位提供兩者選擇！至於食物方面我哋試咗炸物🍤🥟炸物脆口又夠乾身唔會油淋淋，🥩5成熟㕑師煮得恰到好處！黑🧄蒜油拉麵🍜充滿油香😋真係有驚喜！餐廳又有多款Sake 🍶唔知揀邊支好🤔餐廳樓面同事又會好細心問下我哋口味之後就再推介返試下飲邊隻🍶！價錢方面係尖沙咀食市嚟講算係合理，食埋飯飲埋酒人均消費大約$400- $500值得消費嘅一間餐廳👍🏻

Not  a lot of people on a Tuesday night. We were almost the last ones by 8:30pm. Good service, the lady was very nice. Food is above average, but nothing spectacular. We ordered chicken wings, sausages, chicken soft bone, beef skewer, beef tongue, mushroom and green peppers. The greens vegetables were nice, but chicken wings were a bit small to my liking. My favourite was the sausage, that's worth it.   It was around 400 for 2 people including the 12% discount from Openrice.  There was also an o

位於尖沙咀嘅八居酒屋環境唔錯，人流唔會太多，而且坐得舒服，最適合同朋友聚舊。食左幾款燒物同串燒🍢，覺得仙台牛舌厚燒同埋免治雞肉串最值得推薦。牛舌非常厚切，食落去爽口嫩滑，而且牛味夠濃郁，略帶炭火燒烤嘅味道，配上甜甜地嘅燒汁同埋日式芥末醬，我同朋友都非常鍾意。免治雞肉串嘅雞肉入面加上雞軟骨，食落去有咬口，雞肉串嘅話燒到啱啱好，食落去有肉汁。串燒配上蛋黃醬油，食落去份外惹味，而且價錢合理，值得一試！

話說要出尖沙咀就搵下有無咩野好食，咁岩講起日本食果啲牛舌定食，睇到呢度都有得食就book位食店員話Lunch好抵食，平過正價但份量其實都差唔多，就跟佢講咁叫左2款再加2串串燒Lunch叫左安格斯牛定食同牛舌定食，佢隻碟唔知點解要咁大隻，顯得食物量少安格斯牛好香，燒得岩岩好，反而我期待嘅牛舌無咩味，仲要粒上，不過係爽口嘅串燒叫左免治雞肉串同豬腩肉, 整體都燒得唔夠，有啲後悔叫左免治雞肉串配左隻蛋黃沾落去食，蛋黃係一啲香味都無，係完全無味豬腩肉就好純粹豬肉味，仲唔夠咸...........

中午時間喺人來人往嘅尖沙咀搵食都唔係咁容易。有時間可以去下天文臺道，嗰到人流唔多，通常都唔洗排隊等位。呢間居酒屋可以openrice book位，不過就要留意book位discount同lunch set未必可以同時用到。餐廳樓底高，用木系裝修，有望住門口落地大玻璃嘅位。環境都幾relax，亦可以選擇坐室外。有時仲會播下英文/日文歌，過黎放空食飯吹水都係個好選擇，lunch都可以嗌串燒架。 Lunch set包埋前菜、沙律、麵豉湯、甜品，味道都係不過不失。呢間居酒屋店員唔多，雖然平日lunch hour唔算多人，主菜都等左四五個字先到。食物有家庭式嘅味道，水準一般，唔會伏亦都唔特別好食，壽喜燒唔多料，牛肉比較韌。<牛肉壽喜燒定食> $98<和風牛肉飯> $68

依間居酒屋位於天文臺道，位址方面就唔算好顯眼，不過就好啱同一班朋友放工之後黎吹水聚會，加上價錢中規中矩，真係唔錯嘅選擇叫咗一個壽喜燒，呢個算係一人份量細細得來但係份量十足清酒煮蜆肉。蜆肉好大粒再加上啲清酒煮嘅湯好好味😋叫咗三串串燒，有芝士蕃茄煙肉 雞軟骨 雞翼味道都唔錯安格斯網燒肉 比較偏薄身 不過味道唔錯

已經是第三次同朋友去呢度食晚飯，仍然回味無窮。食品總類有好多。有雞泡魚干、牛舌、串燒...芝士年糕...墨魚丸...總之數之不盡，全部都是大廚用心之作-即燒熱辣辣好好味。侍應介紹好多美食，是次經老板介紹了兩支清酒，好正。朋友飲柚子及巨峰梳打超好味，唯一美中不足就係冇雪糕食，如果有日式甜品就very good了。餐廳位於天文台道超方便，坐得幾舒服，樓底又高，朋友可坐近門口邊吃邊食煙。下次再encore

今日 朋友生日 想搵間好食環境舒服嘅餐廳 諗咗好耐食咩朋友話想食居酒屋之前食過好好食 選擇都好多 所以帶咗一班朋友過嚟帶佢哋試下 我哋嗌咗 每人一個一人串燒套餐 入面 嘅大辣八爪魚非常新鮮嘢味 同埋叫咗 佢比較出名嘅 仙台牛舌質感非常juicy 我哋仲嗌咗其他串燒同幾個主食 同個waiter傾咗幾句 佢仲送咗支梅酒畀我哋 服務態度好好嘢食好值得呀再嚟多一次

第一次食呢間居酒屋 坐室外食都幾chill~叫左2個set lunch同追加左2份小食芥末八爪魚加左青瓜幾fresh 好好食 唔會好攻鼻 食到唔記得影低😂串燒牛就正常味唔會太硬～燒安格斯牛扒幾好食 不過叫左7成有啲似全熟😂壽吉燒牛肉鍋正常發揮～啲菜好腍好正🙊個蛋撈完會變蛋花😆像品叫左白桃汁～真係令我諗起日本🙈整體分數：7.36