Video
10-min walk from Exit C, Kwai Fong MTR Station
continue reading
Telephone
21109377
Opening Hours
Today
11:00 - 21:30
Mon - Sun
11:00 - 21:30
Above information is for reference only. Please check details with the restaurant.
訂餐前請先考慮清楚 事源係本人係6/5到會網上平台訂了一個母親節12人套餐並於11/5送餐，但後來因為家人唔舒服，要改到18/5 (母親節後) 才送。當晚送餐後，我們一直沒有為意原來送錯了餐，因為我們除了到會，還訂了其他食物，直至晚飯後，我們才發現原來送錯了餐，於是已即晚通知到會公司，直至第二天早上到會公司負責人回覆，他們說昨晚8點幾已收到另一客人通知送錯餐，他們解釋說由於送餐時司機遇上抄牌，所以忙亂中掉轉了，但他們只肯賠償$200,但是兩個套餐相差是$792,我們不明白，於是直接和負責人對話，但那個所謂負責人，在對話中三次cut 線和說不斷話我們痴線。雖然我們在這件上係有一部份嘅責任，沒有即時發現送錯餐，但我們唔明白送錯餐嘅係你哋，但係講到你哋無責任咁。最後我們決定不再和該負責人對話，並致電海關陳述相關情況和打算向消委會尋求協助。當我們告知到會公司已咨詢相關政府部門後，他們在10分鐘內退回差額給我們。 以下係我哋覺得唔明白嘅地方 1. 到會公司話在晚上已收到另一客人通知送錯餐，為甚麼他們不主動聯絡另一家人，他們解釋說當晚有很多單，但我們訂的是母親節餐，當晚是母親節後，真的有其他客人和我們一樣改期當晚才訂這個餐？還是有人想睇下有無人通知，如果無的話送錯餐嘅事就過骨了。 2. 賠$200 想解決這件事，真係當人家乞兒嗎？如果你沒有送錯餐的話，跟本就唔會有追討這件事發生。這$200是怎樣計出來？ 3. 這公司負責人處理這件事時，聽到唔啱聽嘅就隨便cut 線和罵人痴線，咁樣真係一間公司應有嘅處事手法嗎？ 最後，點解我要係呢到講呢件事，因為正如上面嘅幾個評論一樣，係佢哋社交平台 留言，會被delete 和block account, 所以只可以係呢到講，希望大家訂餐前諗清楚！！
continue reading
朋友訂咗個蛋糕俾女女慶祝生日點知收到貨之後，真係災難級形容首先蛋糕外層cream乾到裂開上面啲唧cream又花開晒，啲糖珠已經化到甩色出水，都唔知整完擺咗幾耐，好恐怖。啲字粒歪斜，完全冇心機做嘅蛋糕內層蛋糕又乾，個味道完全冇層次可言能夠做到又肉酸又難食，真係非你哋莫屬淨係識得del留言, block唔滿意你哋嘅出品嘅客人，人哋開開心心諗住慶祝生日，你哋真係製造咗好多災難同惡夢，希望唔會再有人中伏，冇心做好就唔好做，唔好害人。
continue reading
本人12/7/2023於網上訂購4寸米奇老鼠。首先米奇和米妮造型都有點馬虎，而且只是兩個塑膠擺設，像極了某國的山寨貨。然後Cream既部分真係好甜，食左幾啖之後就無再食，而且cream和純蛋糕的比例竟然是6:4，將所有既cream堆埋一齊，竟然有3/4個普通飯碗咁多，重點佢只係一個4寸蛋糕。坦白講，如果米奇米妮造型係用蛋糕整，4百幾蚊我都覺得值得，但只係塑膠公仔，而且蛋糕有6成係cream，啲cream仲要咁甜…真係食完過左陣去洗手間嘔…太油膩…
continue reading
叫到會食無咩諗頭情況下緊係Google search 下搵到80scatering 見相片好靚 又多人pm問價 就即管一試但各位真係唔好信落甘勁廣告又無咩留言評價嘅到會 因為真係伏…..叫左個10-12人到會套餐鮮雜果明蝦沙律迷你忌廉芝士煙三文魚酥皮盒 芝士焗波士頓龍蝦 芝士忌廉意粉泰式海鮮炒飯無骨海南雞雜菌炒旺菜 泰式燒墨魚柳三文魚酥皮盒 幾好沙律 無骨海南雞 雜菌炒旺菜 正常其他都below average 食物包裝得幾好 整潔送貨遲左一小時 但重點係 當你去社交平台留comment 係會比delete comment 再block 左你其實對顧客離講係幾失望
continue reading
網上見到間嘢啲相OK, 但啲set唔啱心水，所以散叫8款自己鍾意款式，約共$2200。送到黎好似ok, ，食到一半失望，食完大鑊。個炒雜菜，水多個菜，椰菜佔七成。個齋，又係水多過齋，碎濕濕粉絲又佔六成。個咸豬手，又乾又鹹， 百佳好食過佢。菠蘿炒飯， 白飯同啲鹽都未炒勻，一啖淡，一啖鹹。最大鑊就係香茅豬扒，成班人我最後食， 食完一啖即吐返出嚟掉曬佢，因為變味， 好明顯用勁鹹嘅香料遮蓋變味，有三個食完果晚肚痛（ 當然有幾個食咗冇肚痛），但一定唔會再試。正常既野係海南雞及泰式沙律。好食係串燒。另外好係送餐時間準時。
continue reading