81番 (Closed)

第一次拖得太耐 連餐廳都結業了但係都希望佢有開返嘅一日事關我同🐷仔都覺得啲野食唔差我點左煙三文魚忌廉意粉($70)份量和味道都不錯 如果沒有青椒就更加好而隨餐附送丹麥多士係驚喜 脆脆的 好味而🐷仔則點了美國安格斯肉眼扒 ($128)這樣的價錢來說 是不錯的 但有點薄整體來說 我們會想再吃的🐒________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

第一次真係要評分 之前未食過呢間 諗住試下新野 見餐牌啲相既食物賣相唔錯就入左去 叫左個核桃蘋果沙律 同 煙三文魚意大利飯 首先個沙律68蚊 賣相唔駛講 當然無相咁吸引啦 啲菜唔新鮮 已經有啲變黃開始爛 size唔算大 至於個飯一般般 比較乾 無乜味 食食下覺得啲飯有腥 相比下都唔算平或者抵食 早知為持原本既決定去隔離間passion食好過 沙律好食啲 仲要平啲 多款揀 個意大利飯都係俾多10零廿蚊 啲質素好好多囉 真係唔會食第二次 紀念日唔應該試新野

同朋友喺朗豪坊搵野食～中午時間好難搵位見倒依間有空位，menu 價錢適中，影出黎啲相都好吸引，有比較輕盈嘅食物選擇，就揀佢啦！我同朋友都叫左三文治，一個係雞肉，另一個係豬扒幾時都覺得伴菜薯條係好重要，不過價錢因素就冇咩期望，食落就，冇驚喜，好淋⋯⋯應該炸起左好耐唯一有驚喜嘅，係丹麥酥麵包好食，口感好好，不過可惜唔熱嘅，雞肉同豬扒都好普通⋯⋯性價比好低⋯⋯連鎖快餐店價錢低啲仲好食添～不過朗豪坊就冇辦法啦

多年前在尖沙咀已經吃過博洛尼亞既招牌丹麥麵包🍞熱辣辣，鬆軟可口，一試難忘！然後不久在旺角開了這間81 Deli，聽說係博洛尼亞既旗下集團餐廳，我當然要去試下😂叫左日式照燒雞扒丹麥三文治🥙同埋濃滑卡邦尼汁煙肉意粉🍝雞扒三文治比想像中失望，丹麥麵包不熱，口感有點鬆散，三文治餡料乾身，味道一般。卡邦尼意粉好似一般係屋企都整到既味道應該不會再來吃了

照燒雞沙律，雖然都知道沙律係凍食, 但唔係冰凍食，沙律菜不同種類不同溫度，最正西蘭花比冰櫃溫度高少少，而照燒雞好一些係正常涷但醬汁就凍到一pat pat，黐住響啲雞皮同菜上面, 真心想開胃。收這個價錢仲要自己服侍自己，真係得頂。

如果不是四圍滿座都唔會揀的餐廳相比之下很懷念 以前同一位置的吐司工房雖說不上難食但又有一種說不出的快餐味有一種機場餐廳的感覺所有食物都似ready to eat food煮定哂翻熱面對這類餐廳 通常我只會點不會出錯的菜式例如咖哩豬扒飯 豬扒仍有機會出事但日式咖喱好難煮得難食樣子滿正常的 只是不熱 翻熱都懶嗎點鰻魚飯算頗冒險鰻魚份量小 不過期望不高也不能要求太多但求填飽肚就算飲品點了凍抹茶鮮奶如常地又是偏甜希望下次不需要再食

因為要買聖誕禮物交換，所以今日選擇左黎朗豪坊，平時都好少又或者盡量唔黎旺角，因為實在太多人，好似今晚咁，好似想食下野都好難搵到位，原先見隔離鋪好吸引，但枱枱都係岩岩開始，又唔想企係人地隔離或者後面比壓力人，所以係繼續搵食既時候發現呢間，呢間我都鍾意，但一係其他分店買佢地招牌包多，所以好啦，都入去試下呢間係自助式，啫由搵位，落單到拎餐同放盤都係自己黎，我地揀左個蜆炒意連野飲既餐同一個甜品，其實個意粉幾好味，但相睇到啦，賣相的確唔係好得，到甜品，都係我鍾意嗰塊包，再加上雪糕，朱古力同朱古力醬，ok wor,仲要都係幾十蚊，唔貴呀唔想等位亦唔係話要食咩好野既朋友，其實呢到都係一個好選擇，最重要唔洗等位嘛

Danish French Toast $58大概等15-20mins到都好似西多士 其實係同一樣野 不過多咗球雪糕🙈係面再係面整啲糖霜 加埋糖漿就得😈煎得唔錯 冇好油膩 而且加埋雪糕糖漿食😻但雪糕可以多啲....😂有興趣自己係屋企都整到🙆🏻❤️評分:8/10🌟

一早約了閨蜜做瑜珈，先去附近食早餐，呢個商場美食廣場，剛剛有店舖更改，圍晒板裝修，所以都幾窄！呢間應該係日本西餐廳，門面幾舒服，淺木加啲花草！幾舒服！因為樓底夠高，一啲都唔嘈雜！先去落單，早餐選擇以西式為主！可惜我揀咗嘅蕃茄通粉今天停售！揀了另一款，比錢後攞呼叫器等！出菜自取，餐具調味料放在一個櫃自取，連埋水杯碗仔（平時要搵店員取嘅用品都齊，日本人嘅細心？）輕盈炒蛋配香腸火腿（$35）賣相幾靚，同相片好相似（太多與參考圖片不付嘅餐廳）火腿煎過鹹香，白香腸皮脆不過無乜肉味！炒蛋半熟幾滑，加了香草幾香！多士夠脆好香牛油味！整體好味！英式紅茶：瓦杯存熱，茶包沖，幾香！解膩一流！店員只在落單及取餐時接觸，好爽手！舒服早餐

行到去朗豪坊，發覺有唔少嘢食，有一排冇嚟過，好多餐廳都變咗。見到呢間唔使等位，餐牌上面嘅相又幾吸引，就一於試吓。原本以為望落去啲嘢平平哋，但係望真啲原來一個套餐都要＄70以上。冇計啦，依家出街食飯乜嘢都貴。我自己唔係好肚餓，諗住叫一個＄48嘅蛋糕套餐，有一舊精選蛋糕同埋一杯野飲，特飲加＄10。價錢都好合理呀，點知行到埋收銀，先至話冇晒餐牌上面啲靚蛋糕，剩低show出嚟嗰啲細細個cupcake....連望都唔想望多一眼，絕對唔會食啦！因此，我只係飲咗一杯菊花茶。陪左朋友食晚飯，佢哋分別叫咗：炸雞飯盒套餐（大約70幾蚊）炸雞係幾好食嘅，即炸外脆內軟，有肉汁。啲飯就硬啲，唔係珍珠米。飯盒裏面有一舊炸薯餅同埋一篤凍嘅薯蓉（幾難食下）。除咗炸雞之外，其他野都好一般。炸雞三文治拼薯條餐（大約＄80）套餐有一份三文治拼薯條，一份細細的沙律同埋一杯嘢飲。佢塊包唔係一般嘅方包，係丹麥酥麵包，我見佢出面散賣兩塊都要20幾蚊（其他麵包舖當然唔使咁貴啦）。相比起個飯，呢份三文治比較好食，唯一係啲薯條太燶，應該係炸定嘅，硬掘掘。認真黎講，其實用80幾蚊食嘅嘢同麥當勞一個脆辣雞腿包餐差唔多，我就真係覺得唔係幾值囉

一直有個謎思，到底日式西餐算日本野還是西餐呢？位於朗豪坊L4中庭的81 Ban就有個好日本的名字和好西式的menu吃過一兩次覺得主食不太impressive，反而是麵包和甜品比較出色，而且去過黃大仙分店後更感覺朗豪坊店論環境和服務都被比下去了。西班牙菠菜炒蛋意粉（$68）意粉的份量不多，不過加上麵包是夠飽肚的。意粉煮得偏乾身，太碎太散了，質感反而不錯，做到少少al dente。炒蛋絲和菠菜數目算多，但略嫌蛋炒得有點老。菠菜好普通，沒什麼特別。最欣賞的反而是麵包，鬆軟香口，不搽牛油已經好好食，整體水準不過不失，但同樣價錢可以有更好選擇。

同朋友係朗豪坊行到攰，諗住就近就行左入黎，加上又吾使排隊，我地2個都叫左個明太子意粉點知個意粉勁乾，又冇味道，杯野飲叫左少冰都好多冰，同朋友都認為絕冇下次。。。

朗豪坊81番Japanese Deli的環境確實不錯，在高闊的空間下用膳，感覺幾爽。款式都有不少選擇，價格睇得吓，唔貴。選擇了日式豬軟骨烏東，側邊的壽司一般，凍藏的。烏東係普通果種，豬軟骨方面，其實唔係好多軟骨，帶肥肉較多一點。主要靠湯汁來調味，Sukiyaki 提昇了烏東跟豬軟骨的味道。不過不失。朗豪坊要數一間 signature restaurant，有點難，但大堂這𥚃的空間感很好。特別在和暖的光線下來一個下午茶，可以考慮為下午 Hea 聚的地方。當然，要不介意成為則邊電梯的佈景。🙂

來到朗豪坊搵食，當然是上4樓最多餐廳集中的地方啦！上到來整個飯堂都坐滿了人，其他個別餐廳都要排隊等位，唯獨呢間81番唔使等位，仲好多吉位，於是懶得搵位的我就決定試下呢間。我要了個泡菜牛肉飯，老婆要了個咖哩豚肉烏冬，但走咖哩，店家也沒問題的照走了！上來的泡菜牛肉飯份量不足，女仔食可能還可以吧！牛肉份量也覺不足，也不夠味，令人失望，食吉野家的仲好，又平啲又好食啲。老婆的烏冬，面質都夠粗，份量相對我個飯好像多一點，但是豚肉也是沒什麼肉味，普普通通。 除了不用等位，坐位間有些距離，不會太迫外，食物差，服務一般。真係唔怪得所有餐廳都排隊等，呢間仲有咁多位，果然是有原因的。我都想講冇下次。本來百多元2個人食，絕對算平，但以吉野家都好食過佢，所以今次評佢為偏貴唔抵食。

🍁楓糖蛋糕🍰配草莓雪糕🍓🍨 💲5️⃣8️⃣不過不失啦，蛋糕好輕盈少少甜 食完都唔覺滯，草莓雪糕係有果肉嗰種，唔會一味得個甜字，試下無妨，又唔會覺得好有罪惡感😂😂😂😂