八一0四生活盒子 (Closed)

喱間餐廳sell健康飲食，每日午餐都係蔬菜為主嘅感覺。佢仲宣傳「咪做大嘥鬼」理念，細食嘅最好講聲，大食嘅可以幫你加大個飯量。每日嘅午餐都唔同內容，日日新鮮。午餐 $65/set（每日三款） 配野飲（非常多選擇）.雜菜千層麵+西蘭花🥦薯茸湯綠綠嘅湯，聞落已經好有西蘭花味，食落去先出薯仔味，再出西蘭花味，薯仔冇完全到溶咁，仲有啲顆粒，有啲口感。整體嘅味，唔錯，西蘭花味幾突出，佢冇加太多額外調味，味都偏淡。雜菜千層麵，望落就好鮮豔開胃，入面每層麵有多款蔬菜代替平時食開嘅豬肉，蔬果包括茄子番茄節瓜...，仲有菇菌，表面大量芝士混合蔬果冇咁膩，但表面芝士焗到有少少硬。意麵片得底有幾塊，中間都冇，好似有啲唔似千層麵。.咖喱牛腩飯+唔知咩菜加白菜羅蔔湯+生菜咖喱牛腩飯，感覺有啲似日本小學生返學食個啲咁，個汁完全比左咁嘅感覺我。薯仔入口壓一壓就化，完全唔沙，唔知點解，究竟秘訣係邊。重點牛腩，我個到牛肉量唔多，但好多牛筋，咁岩我好鐘意食，我見人地都冇，我係咪太lucky，定冇咩人鐘意食。個湯就係好普通菜湯，但係飲得出冇加好多鹽調味，同冇加味精，唔錯。.玫瑰戚風蛋糕（跟餐+$15）食完餐，再加個蛋糕二人食

小編喺公司附近搵食，嚟咗一間門口好特別，放咗好多書嘅餐廳，門口放有個木箱，上面寫住“二牛書籍交換平台，行動一：放寸想跟別人分享的書籍，行動二：把喜歡書籍帶回家“，俾小編第一個印象，覺得呢間食店做緊件好環保事情，食物應該都唔會太差的。呢到餐牌上食物選擇不太多，午餐有3款，但飲品就有好多不同茶選擇，有伯爵茶英式早餐茶、茉莉綠茶、雜莓果茶、薄荷綠茶及玫瑰雲呢拿茶……小編叫咗白汁龍脷柳扁意粉，配羅宋湯及有機沙律，魚柳唔太乾，扁意粉煮得唔太硬幾好。沙律係黑醋加上羅馬生菜及青瓜，健康清清地都不錯。

Lunch 想試試新野食揀左呢間八一零四生活盒子試試睇相好似幾有特色，有一種舊舊的感覺都係工廈入面的餐廳地方唔大（好彩book 左位）Lunch time 都full full 地 店內除左餐廳之餘都有出售一些小雜物有佢地自家制既梅酒（一小瓶都係六十零蚊）仲有不周國家進口既朱古力，咖啡豆，茶包等全部都係公平貿易的！ 手撕雞茶飯（$65 set）套餐跟芥茶湯，烚菜芥茶湯真係好有呀媽既味道！烚菜完全無加醬油，又一啲都唔油，同屋企食既一模一樣😂女仔好岩食！菜飯就煮得太爛，菜切得唔夠細粒好似太早放落去，煮到好腍好爛無左口感不過味道係ok gei手撕雞味道都係偏清淡，唔錯既👌👌 店內環境一般，未算好有特色午餐餐牌選擇不多服務算幾好但由佢餐單到店裏售賣物品睇得出餐廳既經營理念👍🏻價錢中等食物都好健康所以都會繼續支持小店既👌😆

同事生日，又想試新野，鎖定地區後續一細看，八一0四，特別的店名。再看看店舖簡介，晚餐有私房菜，很喜歡他們公平交易的理念，用的都是本地材料，還看那精緻的玉白葡萄🍇門外以四大積木併合成店名，配上黃黃燈光，感覺暖暖的。還貼心的擺放了一個書架，供人漂書。最有趣的是放了一個信箱，收到的信件會張貼於牆上，看到信件內容後，如感到是給自己的信，就可以取走那封信了。你有話要說嗎？《我們的菜單》圖片附食評蟲草花螺乾百合煲豬展茶燻雞香爆蒜片蝦醉鮑魚玉白葡萄香煎蓮藕餅稻草骨汾酒牛蹍大肚婆炒飯桂花馬蹄露

地點易搵，唔洗等lift，文具舖側邊樓梯上一層就係。門口粉筆字menu, 文青格局，寧願多d擺設靚d都唔加多張枱支持公平貿易，有文化今次應該第三次黎。龍脷柳同豆腐，我揀豆腐。試五色豆腐飯。前菜有開胃木耳，菜心零油！ok wor! 豆腐唔燶，香，足料。識得食西蘭花，識貨碗粉葛赤豆湯亦健康又好味$65有5樣嘢，包括杯特濃朱古力，唔苦，高質，好飲好強呀！吹水吹到口乾嘅話，枱面仲有水可以自己酙，咁強嘅餐廳仲可以係邊度搵？　

其實我不停諗更個名點黎，0四就應該係04室啦，八一唔通係81年?風格又的確有d懷舊感覺，由其係d簡單傢俬Set有3個，有個係中餐都幾得意，不過心急同趕時間既人就唔岩黎，因為每次整都係得1，2份，起碼要等15分鐘到今次簡個"波羅沙嗲肉片飯"+中湯+菜心，都幾正聞住咖啡味，但飲更中湯同係到扒飯，但個沙嗲汁冇得頂，沙嗲當然夠味啦，最重要融入埋甜既波羅汁，兩隻味都有既肉片，真係好送飯食完加多$15要多個蛋糕食下，順便上埋杯熱朱古力，慢慢嘆下

從工廈客戶公司走出來，客戶約了人，不過推介小人到這間八一0四生活盒子吃午飯。是日的午餐是焗豬扒飯，乍看之下，確有爆豬的感覺，但實際上是盤子極細，即是代表豬扒不特別大塊。先說豬扒，號稱採用本地豬場的豬肉質鬆軟入味，焗過零舍香，肉質鬆軟有汁，不完全乾涸。之不過盤子那麼小，豬扒自然不會大塊到那裏去。菠蘿應該不是罐頭貨，吃下感覺鮮爽，一盤約莫有三塊左右，不大夠喉。碟上的沙律菜比起飯的面積還要大。如要選擇的話，小人寧願去吃連鎖大X樂的一哥豬扒飯，起碼更加和味更加飽肚。比起坊間的豬扒飯，高不了幾多。

今天同朋友試吓觀塘工廈內的私房菜，這裏環境好舒服外，食物也十分有心思和美味，看到廚師的用心，我們也食得好開心！而且服務也十分細心，我的朋友話有家的感覺😆😊我們今晚試咗：天麻川芎白芷煲魚頭湯茶薰雞銀魚欖菜四季豆香爆蒜片蝦（配法包）稻草骨白玉葡萄大肚婆炒飯黑糖燉薑奶😋😋😋

是日星期六在沒有訂座的情況下幸好仍未滿座。點了三個主菜，第一個三文魚，有點失望，燒得太熟，亦不是很新鮮，味道一般，份量偏少。第二個是牛肉漢堡，漢堡散碎，配菜烤薯仔過油，有很大進步空間。第三個是卡邦尼意粉，正正常常，但整體而言，份量偏少，價錢中等。每個餐均配$25以下飲品，玫瑰咖啡是令人最驚喜。最後一樣綠茶窩夫上的䕀餅是最令人失望，口感極怪，偏硬，可以大大改善。

繼續係觀塘覓食，之前行過一直都好想食。呢刻覺得自己去咗台灣，門口有交換二手書嘅一個角落，入到去，裝修好特別，同香港食店有分別，忍唔住會停底望下，步伐太快，入到嚟，自然就會慢落黎。見到有位就可以坐，點餐就去收銀處直接點，佢有得選擇多飯或者減飯，呢點幾好。有三個lunch set可以揀，我揀咗蔬菜雞肉卷配香草薯仔沙律，羅宋湯。羅宋湯好足料，係濃濃嘅蕃茄，無味精味。飲品揀咗雜莓果菜，淡咗小小，下次我會試咖啡或朱古力，應該會好正。主菜到，沙律好味，薯仔整得夠溶，每啖都好好味，我已經忍唔住先食大半薯仔。雞卷部分睇得出好用心整，有菜夾左落去，雞皮煎過，成個卷睇得出用心製作，食完係飽肚同滿足。跟餐額外加15元可以有一客玫瑰威風蛋糕，好香嘅玫瑰味，有啲似海綿蛋糕嘅質地，但實啲。全店用嘅係回收嘅樽做水樽，食材係用本地農作物，亦有賣本地嘅食材，不妨去逛下支持下。見到唔少自己一個嚟嘅客人，聽下歌，睇下書，可以係鬧市中休息一下，呢度確實做得到。

一路以為呢度剩係食西餐，朋友介紹下先知原來夜晚係有私房菜食 😋。不過要留意番平時係開星期一至六～收六點，晚市私房菜要提前預約。今日一行16人就約咗星期日去食。✨ 環境唔算大，裝修以木為主，有種文藝小清新既感覺😝，我地去到兩張枱拍埋已經包左成個場☺️。✨前菜先黎個琥珀核桃，微甜加上芝麻好香脆✨湯㨂左蟲草花響螺乾百合煲豬𦟌，味道清得黎好鮮甜😍連d 湯渣都好正，豬𦟌夠晒淋，同埋有我最愛既淋身雪耳，感覺好滋潤👍🏻。✨我最鍾意呢個白玉葡萄，賣相已經好吸睛。東瓜粒好正索晒汁，最有心思係每粒入邊都壤左㰖菜🤤味道更加豐富，連d 杞子都好好味👍🏻✨茶燻雞都係誠意之作，用左本地泰安雞🐔以龍井茶烹調同蘋果木煙燻。未食索一索都已經聞到好香茶味同煙燻味，個雞皮最正入晒味🤤個脾位滑到不得了。✨香煎蓮藕餅，質地厚身，煎到微微脆熱辣辣。加埋個菠蘿醬幾正幾清新👍🏻✨黑椒炆豬手，豬係本地豬🐽炆得勁淋，豬皮入口即溶勁入味，黑椒汁好正好惹味！✨秘制蜜汁叉燒，呢個比較失望，個豬好瘦同埋唔夠蜜汁既感覺。✨陳皮蝦，本身唔係好鍾意陳皮味，不過呢個蝦陳皮味唔算勁，微微陳皮香又幾好食。✨莎莎醬三文魚，味道就酸酸地微微辣幾得意，但未算有驚喜

我好少去一間食肆會去咁多次！點解因為多方面嘅食物都有質素所以我隔一輪都會去吓。就是這間八一0四！講吓正餐先，佢啲食材非常講究健康！每次set餐湯都保持水準，而且材料足，多數是蔬菜類。有時會覺得Lunch Set拿出來的時候賣相一般，不太吸引，例如：白汁魚柳焗薯蓉丶咖喱集採飯丶肉醬意粉等但入口有唔同世界確係好味嗰喎。Drinks List好多選擇，推介各種有機茶包及熱朱古力。再講吓我最鍾意嘅甜品睇你好唔好彩，唔係好唔好食嗰問題，係每日都有不同款式，睇你想食乜嘢！超級強烈推介＂Taramisu＂如有必食，軟身丶浸咖啡酒嘅做法非常正宗朱古力慕絲蛋糕及伯爵茶戚風蛋糕也美味可口。其實依度仲有其他零食買，我買個幾次朱古力食。

一早已經聽人講呢到唔錯，所以今日趁朋友放假可以同到我黎試，朋友平時放6點，一定陪唔到我黎食呢到LUNCH。終於試到了，11:30入到去，未算太多人，只有一台，員工招待我地坐低，只有幾個餐寫係變銀處的黑板上，未知係味就咁叫定點，因為第一次黎呀。再留心一睇，原來都有指示的，指示客人要先去買飛再等野食。我地叫左兩個餐呢個係餐湯，SET LUNCH已包括左呢個湯同埋個細沙律。餐湯內有青豆？唔記得了，因為知名有D FUSION，好似中西合壁咁。但入口比較淡，不過夠熱，不過不失啦。 個沙律係淮山來的，甜甜地，爽爽地口，還好啦食完等左右15分鐘到先上主菜，見員工總數有3個，我估應該都係家庭式生意。到我地上主菜時己經12:15分，果陣已經開始多人了。不過我的素豆腐南瓜漢堡包上左黎，但友人的番茄醬雜菌意粉仲未見終影呀。好啦，我地再等左3個字，終於上到，好彩仲係熱的先育漢堡包，佢個名好特別，中間的餡係用豆腐整成為扒形狀的物件，但係係冇咩味的，我食左兩口就直接放棄，友人話冇咁差所以又試左半個，佢話唔太岩大眾食，專得濟WOR，可能係我地問題，或者點錯菜食。不過佢既創意值得欣賞的。之後好耐先上的意粉，就真的，不

起初也不知道餐廳那四個數字的意思，但當用中文寫出來，再垂直看時就知道原來是一個盒字，真有意思。每一個人的生活也可以是一個獨特的盒子呢。食物有中有西，而因為餐廳的環境驅使，很想吃天然清神的食物。先來的是沙律及忌廉菜湯。沙律涼涼的，很清新。菜湯的味道是淡淡的，也不錯。再來一個雜菌意粉，全齋的一餐。雜菌的味道很香，而意粉的軟硬度也適中。很好。

星期六窩夫要去觀塘取抽獎獎品，想起一直沒有機會光顧過的八一0四生活盒子，便跟蝦子餅去試試看。由觀塘港鐵站步行約5分鐘便到達八一0四生活盒子所在的成業工業大廈，交通十分方便。其實窩夫對平日的午餐較有興趣，不過平日要上班，只能在星期六來試，要留意八一0四生活盒子只在星期一至六營業的。桌上有用回收回來的玻璃樽盛的清水。有本地產品寄賣。店員先送來我們點的熱雜莓果茶(一壺$30)，很好喝呢。食物方面，點了一客All Day Breakfast ($80)，材料很豐富，有茄汁豆、腸、煙火腿、焗蕃茄、香草焗薯、牛油炒菇、沙律、炒蛋和牛角包，不喜歡炒蛋的話可選太陽蛋，不喜歡牛角包的話則可選多士。窩夫覺得牛角包很有水準，只是略嫌烘得過火了。還點了一客菠蘿焗豬扒飯($85)，用的是本地華記豬場新鮮豬肉，比平日吃的雪藏豬扒好吃得多，菠蘿同樣用上新鮮菠蘿，味道和口感都比罐頭菠蘿更佳，最特別是廚師加入了菠蘿蓉，令整個焗飯的菠蘿味更豐富，可是份量偏少，男生吃一客應該不夠。